|
هل ماجد عبدالله مؤهل ليكون محلل فني للمباريات .. ام فقط يعتمد على تاريخه كلاعب!! لاعب يختلف عليه اثنان :naughty: ماجد احمد عبدالله س1:هل يعرف يحلل ولا جايبينه على تاريخه بس والله ارتي الزعيم توني مابعد اشترك فيها واتابع المباريات على 8 ولا 7 و9 واذا جاء يحلل ماجد دايم يستفز الجمهور الهلالي وغير وغيره والله يجيب القهر لو فيه قناة غيرها تنقل حقوق الدوري السعوديه كان اشتركت فيها ما رأيك انت قارىء الموضوع بتحليل ماجد هاذي وجهة نظر ارجو عدم التجريح |
حرام عليك يحلل بكل حياديه .. صحيح يعصب اذا انهزم النصر بس يبقى افضل محلل في ارتي بعد خالد الشنيف واشترك بأرتي الزعيم واسمع لتحليل الافضل من الاثنين السابقين نجيب الامام ( قلب ) والله هو افضل مافي قناة الزعيم |
ماجد عبدالله ماشفت فيه شي يعني من التعصب او يستفز احد بس ماجد تحليله ماااش من وجهة نظري مايأهل ان يكون محلل يمكن عنده نظرية وعنده فكر لكن المشكلة شلون يقولها انت شفه في التحليل لما يتكلم صراحه انا ماطلع بفايده من كلامه ومقطع وتفهم وش يقصد عموما ماجد له تاريخ بس مب اي لاعب له تاريخ يقدر يحلل زي سامي(قلوب) |
ماجد عبدالله بتحليلة واقعي مافيه شئ 0 بس الأميز خالد الشنيف من الجميع 0 تحياتي 0 |
مثل ما احترمتم وجهت نظري احترم وجهة نظركم |
اتــــــــــــــــــــــــــــــــــوقع صداقته مع عيااال كامل خلته محلل بس فرق بيت تحليله وتحليل الشنيف مع كامل الاحترام لتاريخه لاهنت |
بصراحه التحليل بـ صوب و هو بـ صوب تعب الشنيف و هو يرقع له |
خخخخخخخخخخخخ كل شي ويهون قدام قولته ((المشكلة ان المدرب حط خطة زينه )) هههههههههههه ولا يوم يقول ((أحس ان اللاعبين بيلعبون كرة قدم)) |
عزيزي نحن الزعماء لسنا كالنصراويين يهاجمون سامي بسبب او بدون سبب كلمة حق تقال في ماجد عبدالله في مجال التحليل لديه افكار رائعه .. ولكنه يجد صعوبه في ايصالها للمشاهد ..! والاهم من هذا انه يركز على التحليل المباراة فقط .. ولاينظر لاشياء اخرى مثل مايفعل مدني رحيمي ووليد الفراج من تلميحات في كل استوديو لاشياء خارج نطاق المباراة مثلا في مباراة الاتحاد الاخيره عندما دخل الدعيع للتسخين استقبله جمهور الاتحاد بصافرات الاستهجان وجلسوا يذكرونه بهف اسامه سأل وليد الفراج ماجد وش رايك بهالحركه هل تؤثر على الدعيع رد عليه ماجد : خلنا بالمبارات .. الدعيع اكبر من هذه التفاهات اعذرني على الاطاله .. دمت بود تقبل مروري |
حرام عليك يحلل بكل حياديه .. صحيح يعصب اذا انهزم النصر بس يبقى افضل محلل في ارتي بعد خالد الشنيف ^ ^ كلام عين العقل |
أفضل محللين لدوري السعودي 1-خالد الشنيف 2-فيصل أبوثنين 3-ماجد عبدالله 4-مدني رحيمي 5-نجيب الأمام 6-عبدالرحمن الرومي |
ماجد عبدالله خبرته الكرويه الكبيره تعتبر مسانده وداعمه له في التحليل الفني ولكن الكابتن ماجد يفتقد للأسلوب وطريقه طرح الفكره والتعليق على الأحداث وأيصالها للجمهور الرياضي المتابع بطريقة سلسله وبعيده عن العك والتردد اللفظي .. قد يكثر الأختلاف من جميع ومتابعين الوسط الرياضي على الأحق بمسمى الأفضلية بين الاعب ماجد عبدالله والأعب سامي الجابر بداخل الميدان الكروي . ولكن بالمقارنه بين الأثنين في مجال التحليل الرياضي لا يختلف هلالي ومن قبله النصراوي على تفوق سامي الجابر .s60s |
نحن نتكلم عن ماجد المحلل وليس اللاعب اذن استمعوا له وهو يحلل لمباراة النصر واي فريق ثاني تجدوه يقول حنا او فريقنا اذا كان يتكلم عن النصر اذا اين الحيادية |
لا حرام عليكم ماجد يحلل بكل مهارة وتحليله ممتاز الى حد ما بس مشكلة ماجد يعشق فريقه ولا يتخلى عنه ابدا وتلاقيه اذا فاز النصر مبسوط واذا انهزم قافله معاه لكن كلمة حق فهم محلل ممتاز حتى لو المباراة بين الهلال والنصر ولاتكونوا مثل النصراويين حقودين حقودين |
والله بصراحة مافيه احتراف وفنيات المحلل . ولكن مقبول إلى حد ما . وماجد خلوق في التحليل |
مآجد محلل ممتآز . بس مشكلته آذآ خسر آلنصر يعصب في تحليله ...... بس مثل تحليل آلشنيف مآفيه ....... مآشآء آلله كآنه يقرآ آلمبآرآة ... آللي يقوله يصير بآلشوط آلثآني |
أنا الصراحة أستمتع وأنا أستمع إليه وهو حيادي وأنا أشوفه أفضل محلل في ART بعد خالد الشنيف ( قلب ) |
إقتباس:
s60s |
مع كامل إحترامي لماجد عبدالله هو كلاعب فنان ومميز وما احد يختلف عليها لكن كتحليل أرى أنه يردد ما يقوله الشنيف وكلامه كله كلام عادي يعني أي واحد تجيبه من الشارع وتخليه يسولف يمكن يفوق كلام ماجد ، ويبقى الأميز والأفضل هو خالد الشنيف ومن بعده يأتي الكابتن فيصل أبو اثنين :) |
ماجد يحلل بخبرته طول هالمواسم ولكن ينقصه شوي " تعبير " وشخصيا اتمنى انه ما يحلل مباريات النصر لانه يفقد الحيادية في مباريات النصر وينسى انه " محلل " وليس " مشجع نصراوي " |
أنا بصراحة لا أرى ماجد محلل صحيح انه خبره ولاعب قدير لكن التحليل يحتاج الى شخص متحدث واسلوب وكذلك توصيل الفكره وهذه لا تنطبق على الكابتن ماجد فكثيراً ما يخونه التعبير "رأي مشجع نصراوي" |
اللاعب ماجد عبدالله تحليله لا بس فيه لكن نتمى إبعاده عن التحليل على مبارايات الهلال |
هو محلل يجي منه بس اذا انهزم النصر واضح انه يزعل وصراحه ماتلومه فريقه ولاكن يضل افضل محلل عربي لعام 2007 الشنيف فعلا تحليل بعقل وبكل حياديه وصراحه ووضوح |
ماجد عبدالله لاعب نعم من الطراز النادر ماجد عبدالله محلل والله أني اغير القناة التي فيها ماجد يحلل بسبب اسلوبه نعم يوسف خميس محلل ممتاز اما ماجد لا والله مايصلح محلل ماكل من نجح في الملعب صار محلل |
إقتباس:
انا معاك 100% ماجد محلل كبير لكن المفردات تخونه ... ولا يستطيع ان يتحدث بطلاقه كياسر او سامي طبعآ. |
والله بكل صارحه الكابتن ماجد ثاني افضل محلل بعد الشنيف على طول... الشنيف فاهم جداً بكل الامور الفنيه وانا استمتع بكلامه... وايضا ماجد يعجبني فيه صراحته او بالعاميه ((أنه انسان يزبد )).. الله يوفقهم كلهم ... |
لا عاد حرام عليك ماجد حيادي جدا في تحليل هو عنده فكر عالي لكنه مايعرف يوصل المعلومه بالشكل المناسب للمناسب انا صراحه احب اسمع لتحليله لأنه تأتي من شخص خبير جدا ومايتكلم من فراغ انا اعتبره بعد الشنيف والبطي على طول في الآرتي لكن الشنيف غير ( قلب ) |
بصراحة وبكل حياد ماجد مايصلح يحلل أبداً هذا كلامي وكلام الكثير من زملائي النصراويين .. وعلى فكرة حتى صالح النعيمة من جنبها بالتحليل .. وياكثرهم اللى يسمونهم محللين وهم مايعرفون يتكلمون او يعبر عن كلامه .. بس أرزاااق والله يرزق الجميع التحليل والله عند خالد الشنيف ... والمفروض ماجد عبدالله يبعد عن خالد الشنيف علشان ماينكشف سوء تحليلة شكرا لك |
:clapping: :clapping: :clapping: s60s s60sعزيزي نحن الزعماء لسنا كالنصراويين يهاجمون سامي بسبب او بدون سبب كلمة حق تقال في ماجد عبدالله في مجال التحليل لديه افكار رائعه .. ولكنه يجد صعوبه في ايصالها للمشاهد ..! والاهم من هذا انه يركز على التحليل المباراة فقط .. ولاينظر لاشياء اخرى مثل مايفعل مدني رحيمي ووليد الفراج من تلميحات في كل استوديو لاشياء خارج نطاق المباراة مثلا في مباراة الاتحاد الاخيره عندما دخل الدعيع للتسخين استقبله جمهور الاتحاد بصافرات الاستهجان وجلسوا يذكرونه بهف اسامه سأل وليد الفراج ماجد وش رايك بهالحركه هل تؤثر على الدعيع رد عليه ماجد : خلنا بالمبارات .. الدعيع اكبر من هذه التفاهات اعذرني على الاطاله .. دمت بود |
| الوقت المعتمد في المنتدى بتوقيت جرينتش +3.
الوقت الان » 04:56 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd