الفزعه في مازدا 2009
 

السلام وعليكم ورحمه الله وبركاته

كيف الحال شباب كل عام وانتم بخير بعد الزحمه وتقطيع اللحمه

اخش على طول في الموضوع انا ناوي اشتري سياره الايام ذي :clap: بعد طول

انتظار وشفت المازدا زوم 2009 الفل اوبشن واعجبتني وسعرها معقول 92500

اقساط لكن ابي منكم الفزعه اللي مجرب المازدا بشكل عام اي موديل

ابغى اسال هل مشاكلها كثيره وكيف اسعار قطع الغيار وكيف الراحه

يعني ياليت اللي مجرب او عنده خبره فيها يساعدني ومشكورين .

والله ماعندي علم


طيب اخوي وش رأيك في الاكورد نفس سعرها بس اكبر وافخم (وجهت نضر)

السياره حلوه وفخمه وأحلى من الكامري والاكورد اللي ماليات الشوارع .
مواصفاتها حلوه . توكل على الله سعرها حلو ويكفيك انها يابانيه ووكيله الحاج حسين رضا أفضل من عبدالله هاشم وعبداللطيف جميل .
مبروك مقدما والله يطعمك من خيرها ويكفيك شرها .

هلا اخوي انا جبتلك المواصفات :::


المازدا ( زووم - زووم ) 2009
المواصفات :
1- السيارة تاتي بي ثلاث فئات مختلفه
الفئة الاولى : السيدان .
الفئة الثانية : الواجن .
الفئة الثالثة : وهي الاجمل بينهم الهاتش باك .
2- السيارة حتى الان اتت بمحركين فقط وانشاء الله المحرك الثالث قادم
المحرك الاول : حجمه 2.0 وقدرته الحصانية 147 وهذا المحرك سيتكون على اداء عالي في خفض ااستهلاك الوقود وهو الامثل لمحبي عدم استهلاك الوقود .
المحرك الثاني : حجمه 2.5 وقدرته الحصانية 170 حصان وهو الاختيار الاقوى للمحرك ذو تصميم ثابت يتضمن تحسينات جديده عن المازدا السابقة وهيه زيادة القوة و خفض الاهتزازات وحج الضوضاء وهذا يجعل القيادة مريحه وسلسه داخل المدينة وفي خط السفر وهذه بسبب سلاسة السيارة ومرونتها في المناورة .
المحرك الثالث : حجمه 3.5 وقدرته الحصانية من 270 الى 275 حصان وهو لم يتوفر بعد في الاسواق السعودية

3- انسيابية عالية في السيارة وهي ايضا ذات طابع يوحي بكبر حجمها مع قدرتها على المناورات بيسر وسهولة مع استهلاك للوقود للمحركين .

4- وتم الاهتمام ايضا في الاضائة الداخلية والخارجية حيث ان السيارة تاتي بانوار زينون في العالي والواطي مع كشفات ذي شكل جميل فعلا .
5- طريقة تشغيل السيارة بطريقة ذكية فقط بكبسة زر بالطبع لابد من وجود الجهاز عشان تشتغل السيارة .
6- كما يمكن التحكم في تبديل النمر او السرعات من الطارة او الدركسيون مثل الامبرجيني .
7- يمكن ايضا حفظ وضعية الكرسي حتى لو احد لعب في ميزان الكرسي انت فقط بغطت زر ترجع تقدر ترجع الوضعيه الي انت كنت عليها بي الاضافه الى انه الكراسي تتحرك كهرباء وليس يدوي .
8- طي المرايات الجانبية اوتو ماتيكيا .
9- ويوجد ايضا بها صندوق امتعه ذات حجم كبير .
10- ويتوفر ايضا في هذه المويل 12 لون للسيارة .
11- وايضا هيه تشمل اكثر من انثين اير باق .
12- الدعاسات رياضية تمام .
13- جهاز سمعي عالي الاداء من شركة بوس .
14- وباماكنك وضع سماعات هيد فون مدخلها في الدرج الي بجانب السائق .
15- حاملة نظارة في السقف .
16 - تاتي بلونين للداخلية وهيه اللون الاسود والبيج .
17- وهيه حتى الان متوفرج بي الجير توب ترونك وقلنا من قبل انه تستطيع تغير السرعات من الدركسيون .
18 - وضع مثبت سرعه في السيارة .
19 - المواصفات الامريكية فيها حساسات امامية وخلفية اما عندنا ماعندك احد .
20 - تفتح الشنطة بزر صغير في الخلف بي الاضافة الى انها شفط .
21- تقريبا جميع المقاعد جلد .
22- تتوفر السيارة على عادمين من الكروم .
23- تتوفر السيارة على جنوط اكثر من رائعه .
24 - مقاس الجنط زاد عن القديمة فقط انش واحد اي ان مقاس الجنط 18 .
25 - دركسيون راياضي جميل .
26 - مكيف الكتروني .
27- طبعا السعر الي الكل ينتظرة السعر منافس بالنسبه لفئته وموديلها المتقدم والسعر لم يزيد عن القديمة الكثير سوى 6 الاف ريال اي ان سعر السيارة الفل اوبشن 88000 ريال .
28- طبعا السيارة ياباني ميه في الميه .

منقول للفايدة

انشاء الله اكون افدتك

(الفيلسوف 15) مشكور على مرورك لكن الاكورد الحين كل ماتدخل شارع او حي الا وتشوف 2

على الاقل يعني قلت من باب التغيير والتميز مشكورعلى مرورك .

(خوليو ازرق ) الله يبارك فيك ومشكور على مرورك

(king car) مشكورعلى المعلومات اللي بعضها جديده علي واول مره اعرفها ويعطيك العافيه

اتمنى اللي مستخدم المازدا بشكل عام يعطيني معلومات عن استخدامها ومشاكلها .

شف وانا اخوك الان الماده اصبحت صعبه ما هي مثل اول .
والدليل انا بعدت عن اللكزس 430 واخذت انفنتي q45 افخم واكبر نوع ليه ؟
علشان اتميز واللكزس ماليه الشوارع ومع الناس كلها .
انا صح تميزت وبشكل جدا خرافي لان موديل 2002 شكل جديد والناس ما تعرف وش نوع السيارة اصلا
بس في النهاية تندمت اني ما اخذت لكزس وتركت عني التميز والكلام الفاضي
والله والله والله لن تجد افضل من الاكورد وعلى فكرة المازدا شكل في الايام الاولى فقط ثم تحسها عادية جدا
اما الاكور د الافالون اللكزس شكل ورزه وكاش على طول .
ومبروك مقدما

أخوي وش اللي حز قلبك عليه

وربي الإنفينتي أفضل من اللكزس بمراحل

(الزعــــــ شموخ ــــــــيم ) مشكور على مرورك وان شاء الله مايصير الا الخير الى الحين

مارسيت على نوع معين لكن ان شاء الله مايصير الا كل خير والله يبارك فيك ومشكور .


(البرق الطائش) مشكور على مرورك بس ياليت رديت وعطيتني رايك في الموضوع .

أخوي أنا ماقد جربتها

بس في واحد واحد من الشباب عمه معاه مازدا زوم

يقول نصيحة لوجه الله لا أحد ياخذها

ولكن كل واحد وله إستخدام بالسيارة

إستخير وربي يكتب لك اللي فيه الخير

اخوي والله معروووفه لكزس متطوره وافضل بمراحل

وهذا رابط يوضح لك كيف تطورت لكزس صارت تنافس السيارات الألمانية في الجودة والتقنية وتتفوق بمراحل من ناحية السعر

http://vb.alhilal.com/t334434.html

ولا جيب اللكزس الجديد فيه مواصفات ماتلقاها في جيوب العالم كلها وايضا قدرت السيارة على التحمل مقارنة بالإنفينيتي( نيسان)

اخوي البرق الطائش حياك الله :
اول كا شريت الانفنتي والله وعزة الله وجلاله ان اكثر من مرة يوقفوني شباب كثير ويسالوني وش سيارتك من فخامتها ورابة شكلها
لكن بعد 3 شهور جاء فيها خراب في القير وجابوا لي جهاز من دبي وركبوه لمده اسبوع يسجل هذا الجهاز كل حركة في السيارة وفي النهاية لم ينجح احد .
بعتها بخسارة 35 الف ريال .
عنده اعترفت بخطئي من عدم سماع نصائح الاخوان واصحاب المعارض هذاك الوقت بان اللكزس افضل ولكن قضاء الله وقدره .
مره نزلوا شباب من سيارتهم في الملز عند الاشارة وهي حمراء وقال واحد فيهم حنا متراهنين اللي يعرف اسم سيارتك !!!!
فسالني عن اسمها ***** لان السيارة كان شكلها من جد رهيب بس للاسف ما عندك احد عمر نيسان ما تصف جنب تويوتا ...
واشكر تعليقك

كل شي في الحاج حسين غــالي .. ,

مجرب مونتنير جيب ميركري بصراحه انواع الغـلآ ..

مادري كان يختلف عن المازدا.. شكرا ..

هلا أخوي
أنا مجرب مازدا
ومشاكلها كثيررر
قطع الغيار راح تتعب حتى تحصل
واسعار قطع الغيار (قسم بالله) ناااار
خذ عندك صدام أمامي سعره 3750 ريال ..!!!
هي في الشكل حلووه
ولاكن اسعار قطع الغيار ناااار
وترا قومتها مو زينه :d
تبي نصيحتي
خذ لك " ألتيما "
لو تبي تسأل أرسلي ع الخاص
وسلامتك يالطيب

والله ما ادري لكن الله يوفقكـ ان شاء الله