زواجي إلاربعاء القادم !!! الهمّة يازعماء - نادي الهلال السعودي - شبكة الزعيم

حلـم وعشنـاه · #1 07/05/2011, 05:07 AM

السلام عليكمم ..

بدون مقدمات ياعاشقين الكيان الأزرق ..
شائت قدرة الله انني حددت موعد الزواج من قبل شهرين في 8 / 6 يوم الأربعاء القادم وهي بطبيعة الحال في يوم
مباراه حاسمه لـ { نبض القلب } الزعيم ..

ماتتصورون اني هالاسبوع ذا أفكر ب الهلال أكثر من الزواج .. من عرفت أن المباراه بنفس اليوم + سخرية الشباب والزملاء والتنكيت بحكم ميولي القويه للنادي يقولون { بنجيب لك عانيه تي شيرت نادي الغرافه } واللي يقول بجيب لك .. تذكرة شهر عسل في قطر بعد { الهزيمه} واللي يقول ماعليك فيهم انا بجيب لك بشارة الفوز

ألمهم ياشباب .. انا في موضوعي هذا ، ادعوكم لـ مباراة الهلال بقوووووه مانبي هلالي جالس بالبيت وبحس وقتها انكم حاضرين زواجي والزفه هلاليه .. ابي ادخل طريق جابر اشوووفه كله زحمه .. امنـيه ياشباب واعتبروها عزيمه

لا أطيل ..
دمتم ب ود

Fahad Al Sudais · #2 07/05/2011, 05:21 AM

وعليكم السلام

ماعليك وخذها مني.. انبسط مع ضيوفك وعش ليلة عمرك وانت مسفهل ومتألق

عندك عرس وفي الاستاد عرس ثاني بحول الله.. وكّل الله ولاتشيل هم المباراة

جمهور الهلال مايقصر وراح يعوضون غيابك وهلالك بيرفع راسك ياعريس

أهم شي لاتنسى تعزمني تراي أقدّر فلّة الحجاج والعلوم الغانمة

miss L · #3 07/05/2011, 05:29 AM

لاتحآتي..
انبسط بزواجك وربي يوفقك..
وان شاء الله الهلال فايز فايز وتكون الفرحة فرحتين يآرب..

king missi hilal · #4 07/05/2011, 05:32 AM

ليله المعآريس أحلى ليله
ألف مبروووك والله يتمم على خير و يرزقك الذريه الصآلحه
والهلآل رآح نزفه بـ طريقتنآ لـ دور 16 بأذن الله
عش ليلتك و أفرح يـ عم و العآنيه لك هي [ فوز الهلآل ]
و أفرح يآعم من قدك أنت و الأزرق زوآجكم في نفس اليوم

الله يوفقك في حيآتك الجديدهـ و في القفص الذهبي

ونت العاشق · #5 07/05/2011, 05:33 AM

اولا الف الف مبرووك من المال ومنها العيال

وان شاء الله الهلال بيفوز

وان شاء الله الجزيره الاماراتي يفوز على سبهان الاراني

ونفرح بالصداره الهلاليه و تفرح بزواجك

والجمهور ما راح يقصر

زلزال اسيا · #6 07/05/2011, 05:37 AM

الله يوفقك أخوي وإن شاء الله تكون فرحتك فرحتين بفوز الزعيم

لكن أخوي عندي ملاحظه بسيطه:

أنت قلت شائت الاقدار وهذا التعبير خاطىء لان الله سبحانه وتعالى هو من يشاء وليست الاقدار فكل شي في الكون يكون بمشيئة الله تعالى.

الــبـارودي · #7 07/05/2011, 05:40 AM

آلـف مبروك مقـدمآ يا آخوي ..

واتمنى لك حياة زوجـيه سـعيدهـ ..

ولآتـشيل هم الآزرق ..

بإذن الله قادرين نجوم الازرق على تحقيق الانتصــآر ..

وفكـر بليلة العمر وخل الهلال شوي ...

حساسّ · #8 07/05/2011, 05:40 AM

مبروك مقدما

ومنك المال ومنها العيآل

والله يوفقك يَ رب

وماعليك ان شاء الله بتفرح فرحتين لبى عمرك

Carizma · #9 07/05/2011, 05:41 AM

الف مبروك مقدماً منك المآل ومنهآ العيآل ،،
وباذن الله تكون فرحتـك فرحتين بفوزِ الزعيـمَ ،،

الملتاع 24 · #10 07/05/2011, 06:03 AM

اولا الف مبرووك اخوي والله يوفقكم ويرزقكم الذريه الصالحه. ثانيا مااااا عليك وانا اخوك لا تشيل هم باذن الله الفوز هلالي و انت خل تركيزك لمباراتك يوم الاربعا ولا آوصيك كثر من الربيان تراه زين

HILAl THE LOVE · #11 07/05/2011, 06:08 AM

مبروك ...مبروك ...........منك المال ومنها العيال

حزين الكون · #12 07/05/2011, 06:22 AM

ان شاء الله تكون الفرحه فرحتين

الف مبروك

ومنك المال ومنها العيال

وش رايك تخلي العشاء بعد مبارة الزعيم

خلنا نتعشى مفاطيح

تصدق عاد لو اني بمكانك معرس

ووقت مبارة الزعيم

صدقني بروح بشال الهلال

Ms. Star · #13 07/05/2011, 06:26 AM

إن شاء الله جماهيرنا تبيضها الربوع ...
ليت بس المقاهي تسكر وتخليهم يروحون طوالي ع الملعب كان زين ~

الله يبارك لك ...

omar alzaeem · #14 07/05/2011, 06:32 AM

مبروووك الف مبرووك أخوي مقدما
والله يكتب لك اللي فيه الخير ويتمم عليك
ولاتخاف ان شاء الله جمهور الزعيم قدها وقدود

ابورنـا · #15 07/05/2011, 06:34 AM

####

رييح آن شآء لله تكون الفرحه فرحتين : )