هذي المواقف صااااارت حقيقه وياليت تعطوني راايكم فيها



##

واحد في ليلة الدخله لما راح لعش الزوجيه .. يقول كانت الليله رومانسيه لأبعد الحدود وفجأه وانا اسولف معها غلطت باسمها بدل ماقول جواهر قلت هند !! وانقلبت الليله كحلي .. ومن يومها ولي الحين ثلاث سنين وهي تسال من هي هند اللي غلطت باسمها ليلة الدخله .. ؟


##

الوسامه ماره من جنبه وكانت متعديته وماامداه ياخذ منها شي .. المهم وفقه الله ببنت مزيونه .. يقول :

في ليلة الدخله وكنا في قصر الأفراح .. وفي الزفه كنت ماسك المدام ونمشي قدام هالخلق .. ومادريت الا اسمع وحده تقول : وع وش هالشين وش طيحه بهالمزيونه يقول ا لي يومك والله خاطري لو اشوفها الحين كسرت راسها


##

وبعد حبيب قلبي الله يحفظه ومطفوق شوي لكن على نياته والحمدلله انها بعد متفهمه .يقول الليله الاولى على بالي مسكت مصارحه .. وقلت لها عن علاقاتي القديمه ومادريت الا الدموع اربع اربع .. يابنت الحلال و شفيك و ش صار .. خلاص ماضي وانتهى .. ومافكت الا يوم قلت ابحلي الجلسه وشغلت شريط مباراة وشافتني وانا مكسور والاسعاف تشيلني وقلت على بالي بحنن قلبها علي .. : تدرين كم وحده اتصلوا يتطمنون علي


##

وفيه أخوين معرسين على أختين يوم جاء ليلة الدخله ويغلطون يدخلون الكبير على الصغيرة والصغير على الكبيره

ولا درو الا الصبح أنهم غلطانيين؟؟؟؟؟؟


##

واحد بيسوون فيه خوياه مقلب وهو راعي مقالب ويوم جاء ليلة العرس وأمسكوه بلقوة وأحلقو شنبه من زينه شين وزاد شينه


##

وهذا واحد الله يذكره بالخير يقول : يوم اصبحنا ورحنا المطار بنسافر .. وركبنا الطياره وقعدنا نسولف وخذت الجوال تقلب في الارقام .. يوم شافت اسامي مره نوف ومره مشاعل ومره خلود وانا منهمك اسولف معها .. وتسألني وش هالاسامي وقلت لها جعل الطياره تطيح بي انهم اسامي محلات اتعامل معها


##

واللي منتهي الله يذكره بالخير يقول كانت البنت خجوله وساكته يوم دخلنا البيت واسولف معها وساكته واقولها اقربي نتعشى .. ومعطتني الخامس .. طيب أوكلك .. ولا عطتني وجه .. يقول واقولها نكته ابيها تفك .. ومافيه خبر .. يوم قلت اوديك لبيت اهلك وقربت وكلت حتى الصحون وماسكتت الا الصبح من السواليف





والمصيبه لين صرت تمشي في الزفه وقامت وحده من هالملاقيف وسحبت الغتره ولا البشت ;) ;)


فيه بعض الحريم في الزواجات مثل ماأسمع .. بس همهم يطلعون العيوب والأخطاء السبعه في العروس والعريس .. شوفي شوفي شلون تناظره ياقوي عينها .. طيب زوجته يانااااااااااااااااااااااااااااااااااااااااااااااااس

مع تحياتى لكم ......

المــغــرم;)