السلام عليكم ورحمة الله وبركاته

كل عاااام وانتم بالف خير اعاده الله علينا وعلى جميع الاسلامية لخير والصحة والعافية
صرراحة ترددت كثيرا في كتابة هذا الموضوع من ناحية التوقيت وخصوصا في ناس مازالت للحين لابسة الغترة والعقال وماخلص العيد عنهم

وترددت في حيث انه عيد من ناحية وانه ذبح قلت دام فيها ذبح فتوكل على الله


موضوعي ممكن انه غبي شوي الا وهو ظاهرة قتل القطط هذه الايام

نعم القطط بالفصحى والقطو والبس بالعامية

السالفة اننا هالايام من يوم امشي بالشارع اشوف قطو مدعوس قدامي ومنظره يجيب القرف خصوصا لاكنت تاكل بالسيارة

انا مو من الناس اللي يحبون القطاوة او تربيته او المطامر وراها

ولكن انا مسلم اعترف بحقوق الحيوان قبل ان تعترف بها الكفار ونحن اهل الرفق بالحيوان

والله انه شي يقهر الانسان عندما نحن يالمسلمين نفعل هكذا بالحيوان والغرب هم من يرفقون بهم ويعاملونهم كالانسان

فسأذكر لكم قصة واحد من الكثيرين من امثالة بحوارينا السعودية

هذا واحد من يوم ولدته امه وهو يذبح القطاوة ومن يوم يشوفها في الشارع راح يلحقها والله لايوريكم اذا مسكها والله انه يخليها عظة وعبرة لجميع القطاوة

اذكر والله على مااقول شهيد انه مسك قطوة وذبحها وعلقها على جدار البقالة يقاله مسوي اعلان لزوار البقالة

بس مرة واحد من العيال الحارة برد قلبي فيه

هذا واحد من العيال بحارتنا معه قطو من ذا القطاوة اللي ماتمشي بالشارع مدري من وين جايبينها اظنكم فهمتو قصدي

المهم هو مربيها وتعبان عليها وشهور يكد عليها ويروشها جاا ذاك اليوم مدري وش طلع هالقطو الشارع وعلى طلعته قابل هالمجرم وانتقل للمصير المحتوم

عااااااااد مايحتاج اكمل لكم الباقي اكيد عرفتم وش صار انضرب لين حب الارض


السؤال هنا
س/متى يكون الشعب السعودي شعب واعي ويرفق بالحيوان ?
س/مالمشكلة تتوقعون هل هي من القطط لانها تلقي بنفسها في الشارع ام منا نحن؟

على طاري السؤال الاخير

اذكر في قطاوة وكثير مااشوفها وبعض الاحيان احس لو وراي احد كان صدمني بسبهم

انهم يوقفون ولين السيارة وصلت قطع الشارع يخليك تمسك فرامل او تتفاده ان امداك
مدري يااحس انها تستهبل او تبي تنتحر او تبي تسوي حوادث

وبس





ملاحظة:لا يجيني احد ويرد رد ماله داعي تراني مني فاضي لناس تجيب الهم ياترد رد زين يااسكت