][ الــشــبــاب .. اسمعوهم ، وجهوهم ... ][ - نادي الهلال السعودي - شبكة الزعيم

جرح يشكي · #1 09/12/2008, 10:22 AM

السلام عليكم ورحمة الله وبركاته

اسعد الله صباحكم بكل خير .. وكل عام وانتم بالف خير ومن العايدين الفائزين ان شاء الله ..

دعاتنا والشباب ..

|| ==========><==========||

قبل ان ابداء في الموضوع بـ اقول لكم قصة وقفت عليها بـ نفسي ..

في محاضرهـ في مسجدنا قبل مدهـ لـ داعيه مجتهد .. كان يتحدث عن التفحيط " كان محذراً " لكن للاسف اصبح جاذباً

.. اغلب من في المسجد وقتها شباب واطفال .. ولكم بعض من حديثه انقله بـ المعنى ..( واركب الكامري واحطها بـ 2 وادز .. ويوم وصلت لـ اخر الشارع احذفها يسار ةاسحب الجلنط واثبت الطارهـ .. وافك الجلنط واعكس الطارهـ .. واجيب عقدهـ ونص ... الخ ) ..بعد كم يوم ولد عندنا في الحارهـ سرق سيارة ابوهـ واول ما شغلها ومشى .. صدم في سيارة جارهم

انا ما اقول ان الداعيه السبب .. بس اتوقع

.

في تجمع لـ بعض الشباب الملتزمين جزاهم الله خير في العزيزيه بـ الشرقيه .. وقفنا عندهم ونسمعهم واحنا في السيارهـ .. واحد من القائمين على التجمع يتكلم بـ المايك ويقول ( الليله بـ نفلها .. الليله بـ نشرب " يقولها بـ صوت عالي " ويكمل الجمله "بـ صوت منخفض" بيبسي ) .. وجمله ثانيه ..( من يخاويني لـ البحرين هاه يا شباب بنروح نأكل ونفلها " بصوت عالي قالها " وكلمها .. نأكل حلاوهـ بحرينيه ونفلها بـ طاعة الله " بصوت منخفض " )

||==========><==========||

نقاط :

# الله يوفق دعاتنا ومشائخنا الى ما فيه خير .. والله يجزاهم خير على حملهم هم صلاح شبابنا .. لكن يفتقد البعض منهم الى الاسلوب ..

# اقسم بالله العلي العظيم اني ما عرفت اسماء الحبوب المخدرهـ " الكبتاجون " الا من داعيه .. قالها في محاضرهـ وقال لنا اشكالها واللوانها .

# لـ نضع سنة نبينا عليه الصلاة والسلام هي القدوهـ .. ومن بعدهـ مشائخنا جزاهم الله خير .. امثال ابن باز وابن عثيمين وابن جبرين وال الشيخ .

# الفرق بين التحذير والترغيب شعرهـ واحدهـ .. اي خطأ بـ يغير المقصد والمبتغى .

مثال رائع ..

||==========><==========||

كثير من المواقف تهزني .. واتوقف واحاسب نفسي على تقصيري تجاهـ ديني ووطني ..

اخوي وصديقي الغالي ثامر " أول العنقود

" .. لم يتجاوز الـ 19 عام ومع انه يصر على تجاوزها وبكثير ايضا

انظم الى الكشافه في خدمة الحجيج .. ربما يكون امر طبيعي لدى البعض .. لكن ان يذهب من الجبيل الصناعيه الى مكه المكرمه براً ويترك الراحه طمعاً في الاجر .. تجاوزهـ كل المعوقات طمعاً بما عند الله ..!!

||==========><==========||

عدة نقاط :

# خدمة حجاج بيت الله الحرم شرف لنا .. نرى تجاهل الاعلام لـ من يذهب الى خدمة الحجيج " تطوعياً " .. منذ بداية موسم الحج ونحن نقراء ونسمع ونشاهد سيل كلامات الشكر لـ رجال الامن المتواجدين في المشاعر المقدسه وهم يستحقونه بكل تأكيد .. لكن الا يستحق ان تسلط الاضواء على شبابناً المتطوعين هناك .

# عندما نرى هذه الاعمال من شبابنا .. فهي تدفعنا الى عمل اي شي لـ هذه البلاد .. وتدعونا الى الفخر بهم .

# الشباب طاقه .. لا ينقصها سوى التوجيه الصحيح .

# لـ نقوم بـ واجبنا تجاهـ وطننا .

احس انكم تقولون هذا شايب

لا تراي ما تعديت 21

.

----------------

الى كل الاحبه اللي ارسلوا تهانيهم بـ العيد .. اقول لهم وانتم بخير .. ومن العايدين جميعاً

اخوكم

جــرح يــ ش ــكي

بريماكس · #2 09/12/2008, 10:24 AM

واخيراً نزلته !!

وعليكم السلام ورحمة الله وبركاته ،،

وانت بخير وصباحك عسل ياعسل

تقبل الله من الجميع ،،

هذا موضوعك اللي مقلقنا فيه وابنزل وابنزل

كل شوي مرسلي نزلته نزلته

انا قلت شكله يبي يذن الظهر وانا ماخلصت منه بس ما امدان ابدأ الا مخلص !!

امزح امزح امزح .. تراي مادريت عن الموضوع تقولون حاجز اللحين

صدفه وجاني شعور يقولي ادخل للمجلس دخلت ولقيت صديقي منزل موضوع

===> والله جد

[ نجي لموضوعك ،،! } ]

ابلخص كلامي وردي بنقاط وتراي ما اقصد شخص بعينه

:

1 - الداعيه ماهو مثقف وماهو من اصحاب الشهادات من شان يكون اسلوبه محترم . اغلبهم اصحاب سوابق من تفحيط وغيره وفتح الله على قلوبهم وارادوا نصح الجيل . وطبيعي بيكون اسلوبه كذا !! فمن الظلم مقارنته بالعريفي او غيره شخص بذل عمره ووقته بطلب العلم ،!

2 - البعض جيد بالانتقاد وتصيد الزلات من الدعاه .. وبعض هؤلاء تجد اخوه لايصلي .. ولاينصحه .. مثل هذا يزين نفسه قبل ينتقد الدعاة الله يصلحه

3 - يخفى على البعض مايقوم به الدعاة .. مثلاً / الداعيه يوسف المطرود .. التزم شباب واجد على ايديه ماشاء الله .. كان فيه تطعيس عندنا قبل فتره بسيطه وجاي ( ماشي قبل العصر من الرياض يبي يلقي الكلمه المغرب ويرجع مباشره ) حتى البعض لزم عليه بالعشاء قال اعيالي عندهم دراسه

وين صاحب الاسلوب الله لايهينه ؟

4 - الداعيه انا لا اؤيده ببعض كلامه لكن يظل مقصده نبيل ومحب للخير . واغلب الدعاة ماينصحون الا بامآكن الشباب ( والشباب اعلم واخبر بالامور هذي ) وبعض الشباب ماينفع معهم الا مثل هالاسلوب ( واسال مجرب )

5 - اهدي لشاب غير ملتزم شريطين الاول لداعيه ( مثل سلطان الدغيلبي ) والثاني لاحد المشائخ وبعد سماعه لهم شوف رأيه وبما تأثر

6 - ثامر

مثال للشاب المخلص لدينه ووطنه .. وكثر الله من امثاله هذا البطل

وكثيراً من شبابنا فيهم الخير لكن كما ذكرت ينقصهم والله التوجيه فقط .

7 - بالفعل الاعلام لم يسلط الضوء على المتطوعين ( ممكن هم مايبون الاعلام

)

8 - اللي ينتقد اسلوبهم الله لايهينه يعطينا طرق لتطوير الاسلوب وانا راح اوصله للدعاة

على فكره الى اللحين زعلان مني

ورده

لي عـــودة ===> ما قضيت

الله يعطيك العافيه يالغالي عالطرح ،،

سلامي

،،

ابودحه الهلالي · #3 09/12/2008, 01:01 PM

إقتباس

أقول مآ كأن هذي مسروقة من موضوع أبو طلال الي ذبحنا بـ زخرفته فيه

!

يمكن لي عوده ورده !

FINAL10 · #4 09/12/2008, 01:19 PM

آلسلآم عليكم

آخوي قرآت موضوعك او بالآصح فصفصته

آنآ معك بنقطة آن بعض الدآعيه صغآر السن

ليس عندهم خبرهـ في الاسلوب والترغيب فيتجهون
الى الضحك والفرفشه بالموضوع لكي يرغبوهم

ولكن ليس الغلط منه ؟
بل الغلط من الشاب الذي يسستمع للمحآظرهـ
آي لآ تبرر للشآب غلطه

آمآ عن كشآفه الحج الذين يذهبون تطوعيآ
ودي اكون معهم

الله يجزآهم خير ويوفقهم لآنهم يسآعدون حجآج بيت الله الحرآم

أحلـى هلاليه · #5 09/12/2008, 02:55 PM

وعليكم السلامه والرحمه

وانت بخير وصحه وسلامه

يعطيك العافيه على الموضوع

لابد لابد<<لاحظ مرتين

ان ناخذ من الحديث المفيد
لاننا نميز ماهو الصواب وماهو الخطاء

( الليله بـ نفلها .. الليله بـ نشرب " يقولها بـ صوت عالي " ويكمل الجمله "بـ صوت منخفض" بيبسي ) ..
ليه ماعكس ليه ماقال الليله بنفلها الليله بنشرب بصووت منخفض ويكمل الجمله بصوت عالي بيبسي
كذا بيكوون مشووق اكثر ويجذب اكثر

انت مو شايب انت شباب الله يخليك ويطول بعمرك

دمت بحفظ الرحمن

Z3EEM . FC · #6 09/12/2008, 03:32 PM

هلا اخوي جرح يشكي ورده
للاسف بعض المشايخ الذين يلقون المحاضرات نيتهم النصح ولكن كلامهم يودي بداهيه ..!

محاضره كنت موجود بها ( شيخ يقول للموجودين بنجيب الشراب الحين وااه من ذا الشراب طعمه حلو وريحته حلوه ويروق مزاجك )

والله اني صدقت قلت شكلهم بيجيبون لنا وسكي ..! وبغيت اطلع .!

لكن بالاخير هالشراب طلع مويه الحمدالله

وفي بعض المحاضرات مدري يمكن البعض يخالفني

لكن هنالك مشايخ يبون يعلمون الشباب ان المطاوعه مب متشددين ولاهم يمنعون اي شيء

يعني هدفه من المحاضره ليس تثقيف الشاب وتعليمه الطريق الصحيح ان كان ضايع

الهدف هو انه يخلي الشباب يعرفون ان المطاوعه مب متشددين ويحببهم بالمطاوعه

بالطرق الي تعجب الشباب مثل مره كان يقول انا كنت كنج الدخل المحدود

وانا كنت طاره الحاره ووووووو

ومره كنت في محاضره في العاذريه وكنا في خيمه

يقول يالله تكفون اصملو نبي ننام الليله هنا وهو يضحك يقول بس الورعان نبي نخليهم بخيمه لحالهم والكبار لحالهم وهو يضحك

ع العموم ماودنا نطول ولا الحديث يطول .!

اشكرك ع موضوعك ولاهنت ورده

Hictar · #7 09/12/2008, 03:40 PM

كل عام وأنت بخير جرح أنت وبريماكس واللي بيرد بعدي

هذا مكاني لحين رجعتي إن الله
بس للمعلوميه ، قريت نص موضوعك وأنا أخالفك

دمت بود يا عمنا
__________________________
عوده :
كثيراً ما صور الإعلام ( الملتزمين ) على أنهم ( مكشرين ) ولا يضحكون ، ويفتعلون المشاكل بإسم الدين ، وكل إجتماعاتهم صلاه وعبادة ( كالرهبان ).
المحزن بأن الكثيرين قد إنساقوا خلف الإعلام ، حتى بوصف الملتزم ب ( الإرهابي ) !!
فما ذكرته من أسلوب يا محمد من أحد الدعاة ، ربما يكون لتغيير الصورة التي تكونت لدى صغار السن عن طريق الإعلام ، بأنهم يضحكون ويلعبون ( بما يرضي الله ).
فما سمعته من كلمات - هي مصطلحات ( بين الشباب ) ، قالها الداعية حتى يبين للمستمعين بأنهم ( شباب أيضاً ).
وبهذا يكون قد كسب المستمع ، لينضم إلى إخوانه من الملتزمين.
وبإمكانك أن تستمع إلى ( الشيخ الجبيلان ) يا محمد وتقارن

بالنهاية :
الله يجزاه خير ( أول العنقود ) ويجزى كل من تطوع لمساعدة الحجاج.

عاشقة الزعيم15 · #8 09/12/2008, 05:46 PM

هلا وغلا جرحرح باشا ورده

وعليكم السلام ورحمة الله وبركااته

مع انو صايبني الكسل

بس ماقدرت اشوف موضوعك وما ارد

نجي للنقاط

إقتباس


	# الله يوفق دعاتنا ومشائخنا الى ما فيه خير .. والله يجزاهم خير على حملهم هم صلاح شبابنا .. لكن يفتقد البعض منهم الى الاسلوب ..

كل اللي ينصحوا يبغوا الخير لنا ويحاولوا يدخلولنا من

كل المداخل اللي نحبها وهالشي حلووو

بس
المشكله باللي مايعرف ينصح ولا ما عندو اسلوب

ذاك اليوم كنت بمصلى الكليه وانا اصلي جات وحده

تشد شعري

> تنبهني انو باين يعني

وتقول بصوت عااالي استغفر الله

.

اسلوبها مرة بطال

وكانت تقدر تقرب مني وتقول بصوت واطي غطي شعرك

قبل ينصحوا مفروض يتعلموا اساليب النصح عشان

يرغبونا مايكرهونا باللي نسويه

إقتباس


	#خدمة حجاج بيت الله الحرم شرف لنا .. نرى تجاهل الاعلام لـ من يذهب الى خدمة الحجيج " تطوعياً " .. منذ بداية موسم الحج ونحن نقراء ونسمع ونشاهد سيل كلامات الشكر لـ رجال الامن المتواجدين في المشاعر المقدسه وهم يستحقونه بكل تأكيد .. لكن الا يستحق ان تسلط الاضواء على شبابناً المتطوعين هناك .

الله يجزاه كل خير ويجعله بموازين حسناته ياارب

ما ابغى اتكلم ع الاعلام لانو يبغالو تنجير

المفروض يسلط الضوء عليهم كتشجيع لهم وتحفيز لغيرهم من الشباب ..

يعطيك الف عافيه يااارب .. ورده

ورده
تحياتيـ
عاشقة الزعيم15

Blue Sun · #9 09/12/2008, 05:50 PM

عليكم السلام ورحمة الله وبركاته

هلا والله وغلا اخوي جرح

موضوعك يبي له جلسه خاصة لكن انا هنا حبيت اعلق على نقاط سريعة ذكرتها

إقتباس


	# اقسم بالله العلي العظيم اني ما عرفت اسماء الحبوب المخدرهـ " الكبتاجون " الا من داعيه .. قالها في محاضرهـ وقال لنا اشكالها واللوانها .

جزاه الله خير اللي علمك على اساميها وانواعها عشان ما تنغش فيها بعدين وانت ما تعرفها .. ،

الاخوة المتطوعين الاعلام ما راح ينصفهم لان العمل اللي يقومون فيه كبير جدا وهو خدمة ضيوف الرحمن وان شاء الله بينصفهم الله يوم القيامة .. .

تقبل مروري السريع

ورده

وليد القحطاني · #10 09/12/2008, 06:17 PM

محمد دخلت الموضوع وانا ماشي للأستراحة

ان شاء الله راح ارجع ارد ياشنب
وكل عام وانت بخير

h_s y t_2008 · #11 09/12/2008, 06:30 PM

مرحبا أخوي"جرح يشكي" وكل عام وانت خير وصحة وسلامة

موضوع غاية في الأهمية وحدث لي موقف يعني له وضع خاص في نفسي وتجربة أقدر اقول إنها مريرة

قبل كل شئ احب اقول إن كلام العزيزين ((مواصل....وإبراهيم و Z3EEM.FC))

صحيح من حيث أن قلة خبرة هؤلاء الدعاة وأيضا تأثرهم بالحملة الإعلامية كما قال الأخ مواصل

نرجع للموقف هذا الموقف حصل في مدرستنا

جاء عندنا داعية وألقى علينا محاضرة طويلة عريضة تقريبا قرابة 90 دقيقة والناس

صامتين ونايمين واللي يلعب بالجوال ومافيه احد يسمع المحاضرة إلا هو نفسه حتى المدرسين ناموا

في آخر شئ أنا قفلت معي حر وقلق جاء الداعية وطلب من اللي عنده سؤال يقوم ويلقيه

عاد قمت انا وقلت له معاتبا وسائلا بنفس الوقت "هل تعتقد أنك قدمت شئ يثري عقول الطلاب ويفيدهم قيم نفسك بنفسك"

الرجال انحرج وماعرف يرد وانا بعد مدري شلون جتني الجرأة إني اقول الكلام هذا

الرجال طلبني وقعدنا نتناقش حول الموضوع هذا طبعا النقاش طويل طويل جداً

والرجال كان متفهم وكان غاية في الأدب والذوق رغم أني أسأت له واعتذرت له أيضا

اللي ابغى أوضحه أني غلطان والغلط راكبني من راسي لأخمص قدمي واعترف انها غلطة لن تتكرر إن شاء الله

لكن مو هنا المصيبة

المصيبة إن ثلة من الطلاب بدأت تحرف بالقصة لدرجة ان واحد علمني عن وجود

الموضوع بأحد المنتديات محرفة والردود جارحة لدرجة وصفي بالغير متربي وأيضا الليبرالي

اللي ابغى اوضحه من القصة

أن فيه ناس ماتقبل إنك تقوم الشيخ حتى ولو كان غلطان

وتجعل منك "ليبرالي" كما حدث معي

وتشوه صورتك

بشكل عام اعتقد ان ظهور الدعاة يجب ان يتسم بشئ من اللباقة وبعيد كل البعد عن الإثارة المفتعلة

وبشكل خاص اعتقد ان العريفي شخص لن تمل حديثه فليت الدعاة تسلك مسلكه ليعرف كلن مشربه

**************************

الأخ ثامر كثر الله من أمثاله مثال رائع ومشرف لشبابنا ليتنا نتبع أثره

جرح يشكي موضوع رائع جدا والف شكر وكل عام وانت بخير مرة أخرى

دمت بود

كل الفن هلالي · #12 09/12/2008, 07:23 PM

وعليكم السلام ورحمة الله ،،

هلا وغلا اخوي محمد وكل عام انت بخير وصحه وسلام

الحقيقة موضوعك مهم وفيه دعوه للخير واسأل الله ان لا يحرمك الأجر
كل اللي اخشاه من التسرع في الردود من قبل البعض والوقوع في المحظور

كون الموضوع يتطرق لفئة محبوبة قلما تجدها في دول أخرى
انهم دعاة الامر بالمعروف والنهي عن المنكر فمن يلقون هذه الدعوة الصالحة
قد يخطئون في التعبير ويتسرعون في بعض الكلمات
او ايصال المعلومة بطريقة خاطئة لكن هذا لا يبرر عدم لوم من يفهمون خطأ !!

الحقيقة علينا ان نفخر بهؤلاء الدعاة وان اخطأو في طرح أفكارهم علينا
ولا مانع من ايضاح خطأهم فبعضهم شباب صغار ولديهم حماس لنصرة الدين
ويحتاجون للتوجية لمواصلة عملهم النير

ذكرت في اخر كلامك ان ثامر ذهب لخدمة الحجاج وقطع الاف الكيلوات لهذه الغاية
طمعا في الأجر والثواب من الله أقول له هنيئاً لك يا ثامر وجزاك الله الجنة بإذن الله

اسأل الله ان لايحرمك الأجر اخوي محمد ورده
وعوافي على هيك مواضيع

أميرة العشاق · #13 09/12/2008, 08:21 PM

السلام عليكم ورحمة الله وبركاته:.
هلااخوي جرح يشكي

تبي الصراحة من جد بعضهم ماعندهم أسلوب وبالذات ابهاتنا وامهاتنا لا تفرجوا عليهم ودهم خلاص يحبسونا بغرفه من كثر مايحذرونهم

يالله ان شاء الله صوتك يوصلهم أخوي..

تحيــــاتي لكــ

السمسار الهلالــي · #14 09/12/2008, 09:02 PM

.
.

.
.
.
أعتقد قد كتبت لكم عن الاثنين من الهئية [ في مدرستنا ]

’,‘ !
بيني وبينهم معزة خاصة ومتواصل معهم بالهاتف

السالفة وهـي :
مرة دخلت المكتب والرجال لزّم علي أتقهوى

قلت أبد ’ مالي فيها , قالي خذ عصير طيب ,!
خذيت عصير , قال يارجال فلها خذ لك باورهاوس

خخخخخخخخخخخخ

أخوي محمد

هم يعتقدون أنه هذا الاسلوب الجذاب , وهو خررررررررطي

وكل عام وانت بخير ورده + الله يكتب الآجر لـ ثامر ورده ويوفقه في دينة ودنياه

Mr. SM SM

دوس الخطر بعدها العز يحلالك

,!

عـز الهلال · #15 09/12/2008, 09:21 PM

// .. و عليكم السلام ورحمه الله وبركآته .. //

..

و الله شووف يا جرح .. ورده

أتوقع هــ المشآآيخ يبغون يجذبون الإنتبآآهـ ..
وغيرون من سستم بعض المشايخه ,

الي هوو الهدوء وبعض الشبآآب يصفه بــ الممل

.

و مثل مـآآ قآلوآ الأخوآآن .. يغير من نظره الشباب لــ المطاوعه

و بعضهم للـ أسف .. يبي يكحلها يعميها ..!
و بعضهم العكـس ..

.

سلاميشو ...