هذي بيـروقـراطيـة ... او احتقـار ... او ايش بالضبط ؟؟ - نادي الهلال السعودي - شبكة الزعيم

Fahad Al Sudais · #1 07/02/2009, 10:24 AM

حيـــــــــــاكم

الزمان

الاربعاء 9 / 2 / 1430 هـ
.
.

المكان

وزارة الـ(.............) / قسم الاتصالات الادارية ( صادر و وارد )
.
.

المقرود

<<<<< ابوالشباب

.
.

فهد : السلام عليكم ورحمة الله وبركاته

موظف 1 :

موظف 2 :

موظف 3 :

موظف 4 :

فهد :

.................... السسسسسلام عليــكم

موظف 1 :

موظف 2 :

موظف 3 :

موظف 4 :

فهد :

موظف 1 : خير ان شاءالله... صاحي انت والا منت صاحي

موظف 2 : عسى ما شر يالحبيب... صاحي انت

موظف 3 : انت كيف دخلت هنا يالحبيب... من سمح لك

موظف 4 : انت فيك شي.... انت صاحي والا خبل

فهد : ياجماعة وش فيكم

انا سلّمت وماحد رد علي... قلت يمكن ماتسمعون زين ورفعت صوتي بالمرة الثانية

موظف 1 : ياخوي سامعينك سامعينك... بس ماتشوفنا مشغولين

موظف 2 : الحين انت تبي تعطينا قصة حياتك... اخلص وش بغيت

فهد : ابد ابد الله يطول عمرك... انا جيت الشباك ابي رقم معاملة... لكن مالقيت احد... جيت ودخلت هنا... بس ابي اسأل عن رقم معاملتي

موظف 1 : ياساتر عليك وياحبك للبربرة

فهد :

موظف 1 : خلاص اقعد شوي خلني اخلّص اللي بيدي وبعدين اشوف وش سالفتك

فهد :

( بعد ربع ساعة )

فهد : طال عمرك الله مير يحفظك ويرحم والديك... ما كننا تأخرنا شوي الله يبارك فيك

موظف 1 : لاحول الله... ياخي انتظر شوي خلّني اخلص هاللي في يدي

فهد: ابشر ابشر... الله يقويك ويعطيك الصحة

موظف 1 : ياسليمان... شفت وش مكتوب في الرياضية اليوم ؟؟

موظف 2 : لا والله... اخذها ابراهيم الصبح ولاعاد رجعها

موظف 1 : فاتك نص عمرك

موظف 2 : لا ياشيخ... تكفى قل لي وش مكتوب ؟؟

موظف 1 : اليوم شابّين لك على فيصل عبدالهادي

موظف 2 : حقّه وما جاه.... وش قايلين بالله ؟؟

فهد :

موظف 3 : ايه صادق والله قريتها قبل شوي على مكتب محمد

فهد : ياجماعة الله يخليكم ممكن بس تشوفون لي رقم هالمعاملة علشان انا وراي اشغال ولازم ارجع دوامي

موظف 1 : ياخي تراك هقّيتنا انت... قسم بالله انك علّه.... وش تبي انت ؟؟

فهد : ياخي صار لي ثلث ساعة منطق جنبك... كل ماكلمتك تقول اصبر خلني اخلص اللي بيدي.. وتاليتها سواليف انت وربعك

موظف 1 : انت اصلا من اللي دخلك هنا... ليش ماقعدت في الصالة عند الشباك مع الناس اللي جالسة ؟؟

فهد : جلست معهم نص ساعة والشباك فاضي... وش ذنبي اذا خويكم اللي مفروض جالس على الشباك رايح يفطر

موظف 3 : يا اخ تراك زودتها وبديت ترفع صوتك... تفضل لوسمحت اطلع برا واقعد في الصالة وانتظر لين يجي الموظف يخدمك

فهد : اول شي ماهوب انت اللي تقول لي اطلع برا

وثاني شي ماراح اطلع من هنا الا ومعي رقم المعاملة

موظف 3 : يابوسالم.... شف لنا واحد من حقّين الامن بسرعة

فهد : قسم بالله لو تجيب الامير نايف بكبره ماراح اطلع

موظف 1 : اقول لك ورى ماتعض على شحم وتقضب الباب قبل يجيك شي مايرضيك

فهد : مايعقب الا انت

تم تشفير باقي الحفلة حفاظا على الذوق العام

~SaKaB · #2 07/02/2009, 10:46 AM

أمّا !!

شسمه ..
مادري وش أقول !!

وتخنقني العبرة وأنا أقول يا حيييييف

فهد .. ترى ضروري تكون حمل وديع مع مثل هالاشكال

حتى لو وصل الأمر إنك تقوله طال عمرك

مصيبتنا .. إن الموظف عندنا يظن إنه صاحب فضل عليك !!
ولازم تحطه فوق راسك , و بدون أي اعتراض

الله يعينا ويخلصنا من سفاسف المشاكل

فهد :

اهجد ياخوي

صمت الكبرياء · #3 07/02/2009, 12:03 PM

الصخره نبي التكملة

..

أنت غلبتهم ولا هم غلبوك وجابوا حق الأمن بشرنا

..

ما أقول إلا الله يخلف بس على أشكالهم ..

ويقولون ليه الشركات تجيب عماله أجنبية عشان النفس الزينة والتعامل مع الناس بأخلاق ..

dr.shosho · #4 07/02/2009, 12:17 PM

اتحمست تراني شمرت الاكمام ابغى الحق على المضاربة

بس بصراحة يا فهد انا من مكانك
العب حديد و ازبط عضلاتي تمااام
قبل لا اروح عند دي الاشكال
صدقني لو سويتها حيمشوا معاك زي الألف
اسأل مجربة

Msh3al_37 · #5 07/02/2009, 12:18 PM

طولي بعمرك فيه مثل يقول اذا حاجتك عند الـ*** قله ياسيدي

يعني انت كان المفروض تعطيهم جوهم وتاخذهم بالسياسه وعقب ماتاخذ الي تبيه سو الي تبي فيه

نبي التكمله : d

Fahad Al Sudais · #6 07/02/2009, 12:21 PM

إقتباس

الرسالة الأصلية كتبت بواسطة سكب الهلال


	أمّا !! شسمه .. مادري وش أقول !! وتخنقني العبرة وأنا أقول يا حيييييف فهد .. ترى ضروري تكون حمل وديع مع مثل هالاشكال حتى لو وصل الأمر إنك تقوله طال عمرك مصيبتنا .. إن الموظف عندنا يظن إنه صاحب فضل عليك !! ولازم تحطه فوق راسك , و بدون أي اعتراض الله يعينا ويخلصنا من سفاسف المشاكل فهد : اهجد ياخوي

لا لا لا ما اتحمل.... اروح ملح مع القوي اللي يعرف ( سفاسف )

الحين تبيني اصير حمل وديع اكثر من كذا

هذاي ( ماكل تبن ) اكثر من ثلث ساعة وهم انواع رفع الضغط

ماقصرت معهم... ماخليت شي ماقلته ( طال عمرك - الله يجزاك الجنة - الله يكون بعونكم ) بس كله في النخل

المشكلة انه مثل ماقلت... يحسب انه راعي فضل او انه يكد عليك

دوك -->

" أَبُو لارا " · #7 07/02/2009, 12:30 PM

الله يعني بكرة راح أروح للرياض عن دائرة حكومية فالله يعني

والله يأتون بالطفش والملل هؤلاء
إذا جئت تكلمهم واحد مايكلمك

والثاني معصب تقل متضارب معه الله يعني بس بكرة والثالث يقول رح لم هــذا وأنا في النهاية
ما أدري وين أروح بس مأقول الله يعيني بكرة أو غداً

ألف شكر يــ أبو صالح

Fahad Al Sudais · #8 07/02/2009, 12:32 PM

إقتباس

الرسالة الأصلية كتبت بواسطة صمت الكبرياء


	الصخره نبي التكملة .. أنت غلبتهم ولا هم غلبوك وجابوا حق الأمن بشرنا .. ما أقول إلا الله يخلف بس على أشكالهم .. ويقولون ليه الشركات تجيب عماله أجنبية عشان النفس الزينة والتعامل مع الناس بأخلاق ..

تراها هي اللي قالت تبي التكملة... يعني اذا فيه ايقاف يكون لها انا مالي شغل

موظف 1 : اخس واقطع يابن ال.........

فهد : رح الله يلعـ...............

وقامت هوشة كبيرة وتجمعوا علينا كل الاقسام

وخذوني حقين الامن لمكتب الامن... ثم قعدت فيه ساعتين

ثم بغوا يحولوني للقسم... لكن هدأت الانفس وتعوذنا من ابليس

ثم رجعت للدوام وانا اجر اذيال الخيبة

وهو رجع لمكتبه يسولف ويقرا الرياضية

نائبة الملك · #9 07/02/2009, 12:51 PM

إقتباس

الرسالة الأصلية كتبت بواسطة الـصـخـرة


	موظف 1 : اخس واقطع يابن ال......... فهد : رح الله يلعـ............... وقامت هوشة كبيرة وتجمعوا علينا كل الاقسام وخذوني حقين الامن لمكتب الامن... ثم قعدت فيه ساعتين ثم بغوا يحولوني للقسم... لكن هدأت الانفس وتعوذنا من ابليس ثم رجعت للدوام وانا اجر اذيال الخيبة وهو رجع لمكتبه يسولف ويقرا الرياضية

بس ياخي انت راز خشمك .. ليه تدخل عليهم .. وغيركـ ينتظر !
بعدين هذا موب شغلهم شغل خويهم ,,
يعني تحمد ربك انهم كلموكـ << ودها تتطاق

//
تبون الصدز ..
يازين اللبناني اذا دخلت محل تجميل .. وقال: شو بدك احنا حآآضريــن آنسهـ

عليهم حتسي يسعبل عسل

تعلمو منهم شوي اللباقه وحسن التصرف

بعدين قولوا ليه مانتوظف

شكراً الصخرهـ .. بس مرهـ ثانيهـ .. امسك اعصابك

..

}

Fahad Al Sudais · #10 07/02/2009, 01:05 PM

إقتباس

الرسالة الأصلية كتبت بواسطة dr.shosho


	اتحمست تراني شمرت الاكمام ابغى الحق على المضاربة بس بصراحة يا فهد انا من مكانك العب حديد و ازبط عضلاتي تمااام قبل لا اروح عند دي الاشكال صدقني لو سويتها حيمشوا معاك زي الألف اسأل مجربة

والله لو كنتي رجال كان صرفوا لك تطنيشه معتبره على شوي قلّة حياء

شي معروف هذا ماجبتي جديد

الحين اذا البنت اتصلت عليهم بالتيلفون بس يختبصون وتجيهم حالة عدم توازن

كيف عاد اذا راحت لهم... تطلع الاخلاق ذيك الساعة والكل يصير رومنسي

لكن دينهم ودين ( التمساح ) يدخل عليهم ويعكر صفوهم ويطالب بإنهاء معاملاته

الكــابيتـانـو · #11 07/02/2009, 01:14 PM

لا جديد انت في مملكة الانسانية

انا ودي اسالك يوم انك داخل ذا المكتب وش دخلهم في معاملتك

ما تلاحظ ان جرياتك كثرت

>>>>>>> دافور

Fahad Al Sudais · #12 07/02/2009, 01:19 PM

إقتباس

الرسالة الأصلية كتبت بواسطة Msh3al_37


	طولي بعمرك فيه مثل يقول اذا حاجتك عند الـ*** قله ياسيدي يعني انت كان المفروض تعطيهم جوهم وتاخذهم بالسياسه وعقب ماتاخذ الي تبيه سو الي تبي فيه نبي التكمله : d

عطيتهم جوّهم وبرّهم وصحراؤهم وبحرهم وكل ابو شي

لكن عليهم عباطة واحتقار لذات المواطن السعودي لاتمت بصلة الى الاخلاق السعودية

Fahad Al Sudais · #13 07/02/2009, 01:23 PM

إقتباس

الرسالة الأصلية كتبت بواسطة أبو لارا@


	الله يعني بكرة راح أروح للرياض عن دائرة حكومية فالله يعني والله يأتون بالطفش والملل هؤلاء إذا جئت تكلمهم واحد مايكلمك والثاني معصب تقل متضارب معه الله يعني بس بكرة والثالث يقول رح لم هــذا وأنا في النهاية ما أدري وين أروح بس مأقول الله يعيني بكرة أو غداً ألف شكر يــ أبو صالح

ابو لارا اصفى لك على بر... ياعاميه يافصيح

لاتشيل هم... اذا جيت الرياض اشيلك بعيوني... عطني خبر بس وابشر بعزك

برايفت : ماتحس ان بكرة او غدا نفس المعنى

نديم الفرقا · #14 07/02/2009, 01:27 PM

إقتباس

الرسالة الأصلية كتبت بواسطة نائبة الملك


	بس ياخي انت راز خشمك .. ليه تدخل عليهم .. وغيركـ ينتظر ! بعدين هذا موب شغلهم شغل خويهم ,, يعني تحمد ربك انهم كلموكـ << ودها تتطاق // تبون الصدز .. يازين اللبناني اذا دخلت محل تجميل .. وقال: شو بدك احنا حآآضريــن آنسهـ عليهم حتسي يسعبل عسل تعلمو منهم شوي اللباقه وحسن التصرف بعدين قولوا ليه مانتوظف شكراً الصخرهـ .. بس مرهـ ثانيهـ .. امسك اعصابك ..}

وأنــا أشهــد والله >>> ذاب وجهه

لا ويطالبون بالسعــــودة

المشكلة حتى مطاعم الوجبات السريعة إذا جيت تطلب والمحاسب سعودي يحاكيك من طرف خشمه ويحط طلبات على كيفـــــه لا ويعد مايبي احد يقوله شيء وإلا تخرب الأخلاق

أخــوي الصخــرة

كانك مساقط على خلق الله ومسوي بتختصر رايح تدخل عليــهم ولامسكت طابور >> وش الدعوة مقصف

فترى الحق معهــــم

بعدين تعال مشفّر نص سالفتـــك يعني وش السالفة لازم نشترك على باقتـــك

>> ابوك يالدعايـــة

تقبل مروري بصدر رحــــب وأخلاق سعودية

B A R H O OM · #15 07/02/2009, 01:46 PM

إقتباس

الرسالة الأصلية كتبت بواسطة الـصـخـرة


	حيـــــــــــاكم الزمان الاربعاء 9 / 2 / 1430 هـ . . المكان وزارة الـ(.............) / قسم الاتصالات الادارية ( صادر و وارد ) . . المقرود <<<<< ابوالشباب . . فهد : السلام عليكم ورحمة الله وبركاته موظف 1 : موظف 2 : موظف 3 : موظف 4 : فهد : .................... السسسسسلام عليــكم موظف 1 : موظف 2 : موظف 3 : موظف 4 : فهد : موظف 1 : خير ان شاءالله... صاحي انت والا منت صاحي موظف 2 : عسى ما شر يالحبيب... صاحي انت موظف 3 : انت كيف دخلت هنا يالحبيب... من سمح لك موظف 4 : انت فيك شي.... انت صاحي والا خبل فهد : ياجماعة وش فيكم انا سلّمت وماحد رد علي... قلت يمكن ماتسمعون زين ورفعت صوتي بالمرة الثانية موظف 1 : ياخوي سامعينك سامعينك... بس ماتشوفنا مشغولين موظف 2 : الحين انت تبي تعطينا قصة حياتك... اخلص وش بغيت فهد : ابد ابد الله يطول عمرك... انا جيت الشباك ابي رقم معاملة... لكن مالقيت احد... جيت ودخلت هنا... بس ابي اسأل عن رقم معاملتي موظف 1 : ياساتر عليك وياحبك للبربرة فهد : موظف 1 : خلاص اقعد شوي خلني اخلّص اللي بيدي وبعدين اشوف وش سالفتك فهد : ( بعد ربع ساعة ) فهد : طال عمرك الله مير يحفظك ويرحم والديك... ما كننا تأخرنا شوي الله يبارك فيك موظف 1 : لاحول الله... ياخي انتظر شوي خلّني اخلص هاللي في يدي فهد: ابشر ابشر... الله يقويك ويعطيك الصحة موظف 1 : ياسليمان... شفت وش مكتوب في الرياضية اليوم ؟؟ موظف 2 : لا والله... اخذها ابراهيم الصبح ولاعاد رجعها موظف 1 : فاتك نص عمرك موظف 2 : لا ياشيخ... تكفى قل لي وش مكتوب ؟؟ موظف 1 : اليوم شابّين لك على فيصل عبدالهادي موظف 2 : حقّه وما جاه.... وش قايلين بالله ؟؟ فهد : موظف 3 : ايه صادق والله قريتها قبل شوي على مكتب محمد فهد : ياجماعة الله يخليكم ممكن بس تشوفون لي رقم هالمعاملة علشان انا وراي اشغال ولازم ارجع دوامي موظف 1 : ياخي تراك هقّيتنا انت... قسم بالله انك علّه.... وش تبي انت ؟؟ فهد : ياخي صار لي ثلث ساعة منطق جنبك... كل ماكلمتك تقول اصبر خلني اخلص اللي بيدي.. وتاليتها سواليف انت وربعك موظف 1 : انت اصلا من اللي دخلك هنا... ليش ماقعدت في الصالة عند الشباك مع الناس اللي جالسة ؟؟ فهد : جلست معهم نص ساعة والشباك فاضي... وش ذنبي اذا خويكم اللي مفروض جالس على الشباك رايح يفطر موظف 3 : يا اخ تراك زودتها وبديت ترفع صوتك... تفضل لوسمحت اطلع برا واقعد في الصالة وانتظر لين يجي الموظف يخدمك فهد : اول شي ماهوب انت اللي تقول لي اطلع برا وثاني شي ماراح اطلع من هنا الا ومعي رقم المعاملة موظف 3 : يابوسالم.... شف لنا واحد من حقّين الامن بسرعة فهد : قسم بالله لو تجيب الامير نايف بكبره ماراح اطلع موظف 1 : اقول لك ورى ماتعض على شحم وتقضب الباب قبل يجيك شي مايرضيك فهد : مايعقب الا انت تم تشفير باقي الحفلة حفاظا على الذوق العام

انا متابع موااضيعك الشييقه<<<<<تقدر على الشيقه

انت راعي مضاربات شكلك يعني لازم لك الحق صح

أففف لو اني معك كان خلطاانهم خلط<<<<اقول خل عنك الهياط بس