03/12/2008, 05:12 PM
|
| شاعر هلالي | | تاريخ التسجيل: 22/11/2003 المكان: قــصـ(الـهــلال)يدة
مشاركات: 4,103
| |
|
....................نشـــوة الخـــيزران.............
صاحبي والهزال اللي تسمى سمان
............................كيف تغري بزوغ الفجر ونسايمه
خذ من الليل ميثاق الهدو والامان
................................سامره بالوله / والشرّد الهايمه
القصايد سوالف ..ماعليها ضمان
.............................عايمه مثل (غيمه ) بالسما عايمه
ظلها في مكان /وغيثـها في مكان
.............................رزق ربي/ وحظ الزرع/ والسايمه
وان غدت عشر ابوزيد الهلالي ثمان
..................................لاتسوم الغلا بالرخص ياسايمه
اجمل الحلم طفله تنثرالزعفران
............................بنــت متفائله/ ماهـــيــب متشائمه
وابشع اللي قريته في كتاب الزمان
...........................شايب(ن) ضامته بعد الكبر ضــايـمـه
بعد ماكان فارس يهتويه الحصان
...........................جودوه الرجال/ وزادت هــزايـــــمــه
من يقول الشعر كائن خفي مايبان
.........................مالمح في جروحي ميـســم علايـمــه
اسهرالليل.. وآن حس القلم باالبنان
...........................فاض صدري قصيد /ولـمـلـم غنـايـمـه
يهتويني( شعاع الشمس) باول بيان
..........................وبش( نبت الفيافي) باول وســــايــمه
وصورةً من حنانه ذاب فيها الحنان
...................................صــورة بنيّتي بسريرها نايمـه
تنتظر عيدها الخامس بكل امتنان
........................وامها تختم المصحف.... وهي صايــمـه
ماتدان الليالي /والزمن مايدان
.....................وماتحوًم على (وادي الظما) حـــــــــايــمه
ودام مجنون ليلى زاد فيه الجنان
............................ليه نلقي على المجنون باللايـــمــه؟؟؟
ماتعجبت الا للغشيم الجبان
........................ينذبح/ (وام خمسً) في يده قايــــمـــه!!
ياظروف الزمان ..وياهجوس المكان
.................................انصفي شاعرً ماقلت عــزايـــمـه
له بيانه ...ولايشبه بيانه بيان
.........................علته في حشاه /وحسرته دايــــــــــمـه
وان لمح طيف يغري( نشوة الخيزران)
.............................فاح صدره قصيد/ وهــبت نسايــمـه |
الوضع الشجري
