01/12/2008, 01:34 AM
|
 | زعيــم مميــز | | تاريخ التسجيل: 11/08/2007 المكان: صفّر لي و أنزلك :P
مشاركات: 3,240
| |
|
..][ ~ السمسآر في سخريه الاشرآر ~ ][.. الجزء الاول
مساء الخير 
واللي يقرى الموضوع في النهار يسكّر الجهاز
وينتظر لما الليل ويرد ع الموضوع 
أولاً : مبرووك الفوز ومن أنتصار الى أنتصار 
ثانياً : هذا الموضوع من تأليفي ( كوميدية ساخرة مفيده)
ثالثاُ: ليتني ماغيرت ايميلي الطعوني والله , الفضل لله ثم لـ بلو تآيقر30 الابظاي [ تيسك على يمناي يوم الخميس في جيان ]
رابعاً : من جدكم تقرون المقدمة حقتي
خلونا نبللللللش ..
----------
نبدأ في القصة المأسآوية 
ايام الدراسه وخاصتا في ثالث ثانوي السنة الحساسة والسنه التي تعتبر من اهم السنين في حياتنا 
اقترح ( طارق ) ولد عمي انقل من مدرستي الحاليه الى مدرسه جديده
علشان اقدر اجيب نسبه حلوه وادخل الجامعه واشق طريقي واطلع من الماء وحثال الطين  
( مع العلم ان طارق الدااشر خلص الثنوي بنسبة 68% )
فانا قعدت اقلب الفكره براسي وادرسها وارسم خطط   لمستقبلي ووش ابطلع وان حياتي بتتغير بعد وصولي لثالث ثنوي بصير كبير ومحد قدي ولازم اترك ايام الطفوله و اللعب وقعدت هذاك الليوم سهران افكر ولا نمت احتري الصباح يطلع علشان ادق عليه واخذ رائيه ببعض المدارس بحكم انه اكبر مني
بعد ما طلع الصباح وتحديدا الساعه 6 الصبح دقيت على الدااشر وقلتله طرووّق لازم اشوفك اللحين ضروري غسل وجهك وانزلي تحت تلقاني بجمس ابوي الحمر قبال بيتكم لا تتاخر علي ..
نزلي وقالي هاه وش عندك وين ماخذني من الصبح .. قلتله ابيك تخاويني ندور لي مدرسه
وبعد كم اتصال من طارق قالي ولد لقيتلك مدرسه لو تطير لسماء وتوقع ما تلقى مثلها وقريبه لم بيتكم خطوتين وانت بحوش المدرسه .. قلتله حلو حلو خل ندز لها
ورحنا للمدرسه وقابلنا المدير وقعدنا نتكلم معه شوي وننفخ براسه بهالكلام الرخيص لين اقتنع يقبلني عندهم بعد ما عرف ان نسبتي في ثاني ثنوي 96% >نصاب
وقالي خلاص ياولدي انت رح اللحين وبكرا جب لي ملفك واوراقك كامله علشان نكمل عملية التسجيل
وجبتله الاوراق وتمت عملية التسجيل بنجاح بتقدير امتياز ولله الحمد >لاتنسونانتخبوني
فآآآآآآآآصـل ونوآآآآصــل
وبعد اسبوع من بداية الدراسه للسنه الجديده بديت اداوم بالمدرسه ورحت دخلت على الوكيل وسلمت عليه وقلتله انا طالب فرش بقراطيسه وين فصلي .. قالي هذا اول يوم لك عندنا .. قلتله ايه وش رايك يعني.. قالي وش اسمك .. قلتله السمسار .. قالي خلاص رح فصل 3\ب ( هذا الفصل كانوا جامعين فيه كل سرابيت المدرسه )
واروح ادور الفصل الا والقاه بس الباب كان مقفل واقوم وارجف الباب برجلي
احسب محد داخل ؟؟ الا والا الباب مسنتر في صلعة مدرس الرياضيات ويصفط على الارض واجي يقالي بكحلها واحاول اساعده علشان يقوم الا واتعركف بالطاوله واصفط على الارض ومن زين الحظ تجي ركبتي بجبهة هالمدرس المسيكين اللي ما سلم مني وهو ما بعد شافني عاد هو سلكها لي بحكم اني طالب جديد وقالي رح اجلس هناك حطني في اخر الفصل عاد طلاب الفصل اشكالهم كانت شبهه بقوه تقول حشاشين سلمت عليهم ولا احد رد علي قلتلهم ردوا السلام مسلم على يهود انا عاد هم استحوا وردوا السلام
بوقت الفسحه جاني مناحي ( اكبر سربوت بالمدرسه )
شكلة شبهه اعوذ بالله بين سنونه فيه فتحه يثبت فيها الزقارة
يتعرف علي انا توقعت انه بيسالني وش اسمك من أي مدرسه جاي مثل اساله الطلاب اذا شافوا طالب جديد
عاد تعرفون وش قالي ؟؟؟
مناحي: هيييه انت ياابو شعر ( كان وقتها شعري طويل ياصل الا تحت كتوفي ) .. قلتله: وش تبي يا شفاط النمل ( خشمه كبيييير وهو المميزه اللي بخشته ) .. قالي: تدخن انت ولا توك ورع .. قلتله: الورع جابته امك انا اكل الدخان اكل <--- والله من الخراط [ كل هذا ابسوي أني زاحف قداهم على صحتي ومستقبلي ] ..
قالي اشوا وقعد يتعرف علي وسواليف ومنا ومنا وانا ما غير اعطيه من هالرخيص لين انتهاء الدوام
واحنا طالعين انا رايح بركب موتري وادز للبيت والا ويجيني مناحي يالسمسار تعال خل اعرفك على الزكرت ..قلتله : وش زكرته وش معناتها( باين اني من جنبها ) .. قالي افااا هذي اولها
المهم وعرفني على الزكرت هذا (ابوصلعه) وهذا (ابوسلعه) وهذا (ابوسبعه) وهذا (ابو لمعه) وهذا (ابوسوسن)< مولايق خخ الموهم قلتلهم وانا اسمي السمسار الهلالي وينادوني سم سم
( اظافري وقتها ناعمه وما اعرف سبب تلقيبهم نفسهم بهالاسماء )
المهم قعدنا نسولف شوي وانا كني سبيكه جالس مع هالملكعيين نص كلامهم ما افهمه الا ويسالني مناحي وراك ما تدخن (عاد انا ما اعرف الدخان ولا عمري مسكت زقاره ) قلت ما معي تتن توني طالع من المدرسه الا ويمد لي زقاره ويقولي خذها ( قفطني) اخذتها واول ما ولعتها قعدت اكحكح بغيت اموت وقتها قلولي وش فيك يالزلابه اول مره تدخن .. قلتلهم لا انا متعود على الحشيش كبرنا على الدخان .. قالولي انت تحشش .. قلت ايه بس ما احشش الا وانا سكران (اخاف يصير معهم حشيش؟؟ ) قالو والله أنك ذيب يالسمسار ..
الذيب قصدكم اللي مع ماوكلي انا ما احبه ابي اصير ارنب لان شكله احلا من الذيب .. قالو لمناحي انت شكلك جايبلنا صوص توه فاقس من البيضه .. ناظرني مناحي وقالي وش انت من الطيور<< سؤال دايم الدشير يسالونه .. (وقتها انا قلت لازم اسوي قوي وما اطلع صوص) قلتله دجاجه(وجه واحد سبيكة) .. قالي: هههههه طيب وش انت من لحيه .. (عاد انا توهقت وقتها وما عرفت وش اقول) قلتله سكسوكه وش تحسب يعني.. قالي: هههههه يا عيال شكل خوينا سبكبك .. قلتله وش يعني سبكبك ..قالي يعني رهيب وفله وقوي .. قلتله يعني زي قرندايزر وسوبر مان .. قالي ايه يا شاطر
بعد [ 6 ] شهوووووووور
وانا جالس مع هالشله وجمعة الدشير تعلمت اللكاعه على اصولها والدشره من جذورها وصرت ما امشي الا وبكت الاحمر بجيبي اللي فوق والشماغ ع المتن مع اني ما كنت ادخن الا قدامهم علشان ما اطلع زلابه ولا حتى من دون ما اكنه علشان ما اقعد اكحكح ويقولونلي يا الزلابه
وصارت لي مشاكل مع الوالد لانه شاف بجيبي دخان وقطع عني المصروف واخوياي القداما صاروا يتهربون مني علشاني صرت اماشي هالدشير وعيال عمي اذا شفتهم يضحكون بوجهي مجامله ولا والود ماودهم يشوفون خشتي مره ثانيه علشان ما ياخذون الجيران عنهم فكره شينه وانقلبت حياتي من جنه للجحيم
وفجأأأة قطعت علاقتـي معهم .. من سبة عيال عمي وانا ودي أرجع لهم ..
وانتبهت لدرآستي وتحسنت أموري وابوي صرت أروح معه للشركة دايم وابوي يقول الحلال ماله الا ولدي يديرة معي ومن الدجه توني أنتبة لشركتي ابوي الناجحة البطرانه
.. وانا ودي أرجع العلاقة[ نعنبوهم غيرو مخي ]
ودرات الايام ألين خلصت السنة بـنسبة 99,99% كلها من فضل عيال عمي وفي رواية أخرى عماني والجيران والجماعه
وجت العطلة والفله وصرت اشوفهم دايم ..
وصار يدق علي مناحي وانا من قرادتي رجعت علاقتي معه أثناء العطلة
وابوي قرر نروح للديرة ورحا للديرة وطبعا أبوي تنومـس فيني ونسى اللي راح عندنا شاف النتيجة
وعماني سالو عن النتيجة وقلت لهم امتياز
وقال لازم الوالد لازم نوديّة لـ أمريكا دراسة ..
والشلة الكريمة الطفرانه يروحون مع السمسار الى امريكا
كيف ؟
أنتظرو الجـزء الثـآني
مايستفاد من الموضوع
+ اننا نشوف ناس تفكيرهم انك لاصرت سربوت وشبهه انت تصير كفو [ عدم ثقة بالنفس ] ..
+ نشوف كثيير مثل هالظواهر في مدارس كثييره والعقاب ( توقيف اسبوع) <--- هو يبي تسذا
+ هالسرابيت يحاولون يوقعون ناس كثير في مشاكلهم وبلواهم
|
![..][ ~ السمسآر في سخريه الاشرآر ~ ][.. الجزء الاول](iconimages/t675138_rtl.gif)
تعال مدرستنا وتشوف العجب العجاب من أمثال مناحي 
بس المشكله إن الدشير يجون ذا المكان ويتكون قدامنا 
وفي حين لحظه ونحن نذاكر 
يأتي واحد من الدشير اللي قدامنا وينزل راسه كنه يدور له شيء ويشغل له " سيجارة " 
يعني وجهه قوي 
الوضع العادي
