02/12/2008, 02:21 PM
|
| زعيــم فعــال | | تاريخ التسجيل: 02/07/2005 المكان: الرياض - الرس
مشاركات: 225
| |
|
صور لمحاولة تهريب قمصان هلاليه قادمه من الخارج
بحكم عملي بالجمارك وتحديدا تفتيش البضائع الوارده من الخارج وقبل كم يوم وانا افتش تريله و البضاعه الموجوده فيها عباره عن ملابس منوعه مابين رجاليه ونسائيه لقيت فيه كميه لابأس بها وهي عباره عن فنايل( تي شيرت ) بشعار الهلال الجديد طبعا الكميه تقريبا بحدود 5000 خمسة الالاف فنيله وبصراحه اعجبني جودة الفانيله وانا كنت متأكد انها مقلده 100% وعلى مااعتقد هي اللي يقولون عنها انها شبيهة الاصليه لاني لو قارنتها مع اللي تباع حاليا بالرياض عند محلات الرياضه فيه اختلاف كبير بينهم وانا اجزم ان الفنايل اللي لقيتها بالتريله رايحه لنفس المحلات لاني سئلت سواق التريله وقال انه رايح للرياض
من اول مانزل شعار الهلال الجديد لفت انتباهي تصريح من ادارة الهلال بقيادةالامير عبدالرحمن بن مساعد ايضا تصريح للامير عبدالله بن مساعد بحكم انه مسؤول الاستثمار في النادي ويمتلك خبره كبيره في مجال الاقتصاد حول وجوب حفظ حقوق الهلال من سرقة الشعار واستغلاله في المنتجات الرياضيه مثل الفنايل والكاسات والمناشف والاقلام وغيرها بالاضافه الى واجب وزارة التجاره ومكافحة الغش التجاري تجاه حقوق الهلال وذلك بحماية النادي من السرقه والابلاغ عن المحلات اللي تقوم ببيع الادوات الرياضيه التي تحمل شعار الهلال بدون اذن مسبق من ادارة الهلال
بالاضافه لفت نظري موضوع للاستاذ الوليد عضو مجلس ادارة شبكة الزعيم بخصوص مطالبة الجماهير الهلاليه بالمساعده على القبض على اللي يسرقون شعار الزعيم وهذا الرابط عاجل :. لجماهير الهلال الوفية ساعدوا الإدارة بالقبض على _ سارق _ الزعيم ( تقرير _ صور ) عن هوية السارق.( تم اضافة صور جديدة).
وانا اعجبني الموضوع والاقتباسات من موقع وزارة التجاره وهذا اللي شجعني اكثر اني انزل الموضوع
بالاضافه الى مانشر في اخبار الزعيم لهذا اليوم الثلاثاء في في جريدة الوطن للكاتب عبدالله الفراج بخصوص العقوبات وملاحقة مكافحة الغش التجاري للقراصنه
مكافحة الغش التجاري تتعقب قراصنة الهلال وعقوبة مليون ريال للمعتدين
الرياض: عبد الله الفراج
كشفت "الوطن" وجود تحركات هلالية جادة بالتعاون مع وزارة التجارة لمكافحة الغش التجاري في تعقب المحلات التجارية الرياضية بالسعودية التي تقوم على تقليد ملبوسات الهلال واستغلال شعاره لأغراض تجارية دون موافقة النادي.
وقال مسؤول هلالي إن إدارة ناديه شكلت فريق عمل للحفاظ على حقوق النادي بالتعاون مع الجهات الرسمية، مؤكدا أن الهلال متمسك بقوة بالمرسوم الملكي رقم (م/21) وتاريخ 28/5/1423 من نظام العلامات التجارية والتي تنص المادة الثالثة والأربعون: على عدم الإخلال بأية عقوبة أشد، يعاقب بالحبس مدة لا تزيد على سنة وبغرامة لا تقل على 50 ألف ريال ولا تزيد على مليون ريال أو بإحدى هاتين العقوبتين:
أ - كل من زور علامة مسجلة أو قلدها بطريقة تتسبب في تضليل الجمهور، وكل من استعمل بسوء القصد علامة مزورة أو مقلدة.
ب- كل من وضع بسوء القصد على منتجاته أو استعمل فيما يتعلق بخدماته علامة مملوكة لغيره.
ج - كل من عرض أو طرح للبيع أو باع أو حاز بقصد البيع منتجات عليها علامة مزورة أو مقلدة أو موضوعة أو مستعملة بغير وجه حق مع علمه بذلك، وكذلك كل من عرض خدمات في ظل مثل هذه العلامة مع علمه بذلك.
أو بإحدى هاتين العقوبتين:
أ - كل من استعمل علامة غير مسجلة في الأحوال المنصوص عليها في الفقرات( ب، ج، د، هـ ) من المادة (الثانية) من هذا النظام.
ب - كل من دون بغير حق على علاماته أو أوراقه التجارية بياناً يؤدي إلى الاعتقاد بحصول تسجيلها.
وبغض النظر عن اني هلالي فأنا اقوم بعملي بس سبحان الله من يوم شفت شعار الهلال فز قلبي الصراحه وقلت جابك الله على الرغم من انه كان مسوي حركه في الكراتين اللي كانت فيها البضاعه والحركه هي انه يخلي جوانب الكرتون مع جميع جهاته فنايل عاديه ساده يعني مافيها شي لكن مجرد ماشلت الفنايل العاديه لقيت فنايل الهلال تحتها على طول
طبعا النظام عندنا يمنع دخول اي ادوات رياضيه او غيرها تحمل شعارات الانديه السعوديه ويوجد خطاب رسمي بخصوص الشي هذا الا في حاله واحده هو احظار خطاب معتمد من ادارة النادي تسمح له بادخال هذه الادوات او غيرها الى السعوديه والتاجر طبعا ماعنده اي خطاب ولا اي شي يعني بالعربي مجرد انه يوصل الكميه للتجار الصغار عشان يبيعونهن والخاسر الاكبر هو الهلال لانه تم تسويق شعاره دون علمه
انا متأكد ان البعض راح يقول ليش مامشيتها لانه سعر الفنيله الاصليه غاليه وانا اتفق معكم ان الفنيله الاصليه غاليه وخاصة اللي عنده اطفال كثر بس مهما كان حبي للهلال مايخلين اني اظره واساعد على سرقة شعاره
* الحمدلله حاليا الحرص اكثر لانه يهمني كثيرا مصلحة الهلال وماهي المره الاولى اللي نشوف فيه مثل هذا التهريب للملابس ومثل ماهو واجبي اني امنع دخولها ومثل ماهو واجب مكافحة الغش التجاري ملاحقة المحلات اللي تبيعها ايضا كجمهور هلالي من واجبنا حماية نادينا
* الكميه هذي مسكتها قبل كم يوم وتقريبا بحدود 5000 فانيله و1000 شنطه
* طبعا حسب النظام اذا كانت المره الاولى تعاد البضاعه الى مصدرها واخذ تعهد بعدم تكرارها ويمنع دخولها السعوديه اما المره الثانيه تصادر بضاعته مع غرامه ماليه
* اكثر مالفت انتبهاي ان المقاسات الموجوده هي تقريبا من عمر 5 سنوات الى 15 سنه يعني مركزين على فئة صغار السن لعلمهم الكبير انهم هم الاكثر استخداما لها
* والان اترككم مع بعض الصور للفنايل
صورة الطقم الهلالي الجديد ويظهرجودة الشكل الخارجي للفانيله حتى شكل الخط مقارب جدا للاصليه
وهذي صوره للفانيله من الامام
صوره للفانيله من الخلف
صوره للحقيبه الصغيره وتحمل الشعار القديم
 |
الوضع العادي
