|
حوار رومانسي بالمسن بين ( شاعر الحب وبنت نجد ) لااا يفوتك الحب الصادق . بسم الله الرحمن الرحيم السلام عليكم ورحمة الله وبركاته ::: مباركة عليكم العشر ( ولا تنسون سنة التكبير ) أنقل لكم الموضوع هذا ،،، عبارة عن محاكاة لمحادثة بين شاب وفتاة في المسن ( ويقاس عليها جميع برامج المحادثة بالشبكة العنكبوتية ) الحوار بين ( شاعر الحب ،،، و ،،، بنت نجد ) . شاعر الحب / هلا والله بنت نجد !!شخبارك إن شاء الله بخير ؟ بنت نجد / هلا فيك شاعر الحب انا تمااااااااامو . شاعر الحب / البارح وينك ماحصلتك في المسن ؟ كنت مشتااااق لك !!! بنت نجد / كنا أنا واهلي سهرانين بالاستراحة ( تكذب كانت مع أمها في المستوصف أخوها الصغير يطرش وعليه حرارة وحالته صعبة ) . شاعر الحب / اهااا فعلا الجو اليومين هذي رهيب (اخس يابجاد يعنني رومانسي )!! بنت نجد / ترى للحين ماتعرفت على اسمك ؟ شاعر الحب /خخخخخخخخخخخخ يهمك تعرفين ياعيوني ؟ بنت نجد / أكيد حياتي لو مو هامني ماسألت ؟ شاعر الحب / أنا اسمي ماجد !!! (يخسى ويعقب اسمه بجاد ) . بنت نجد / يهبل اسمك بالمره حلو !! شاعر الحب / وأنتي حياتي ممكن اعرف اسمك ؟ بنت نجد / ممممممممممم مابي أقول (تبيه يترجاها ) . شاعر الحب / تكفين حياتي عمري قولي اسمك ؟ بنت نجد / اسمي الجوهرة !!(ياكبرها عند ربي يامويضي !!) شاعر الحب / حياتي عن إذنك دقيقة وراجع لك ! (ماء خزانهم العلوي فايض وراح يطفي الدينمو العوامة خربانة ) بنت نجد / اوكي خذ راحتك . شاعر الحب / آسف على التأخير كان معي مكالمة دولية !! (نعن ابو شكله ما أكذبه ) . بنت نجد / اها أكيد واحد من خوياك خارج المملكة !!! شاعر الحب / لاحياتي الوالد كان يكلمني من باريس !!(حسبنا الله على شيطانه ابوه نايم السطح مايحب المكيف ) بنت نجد / ماقلت لي أي مرحلة دراسية ؟ شاعر الحب / بالجامعة حياتي (يخسى جندي بالدفاع المدني ) . بنت نجد / تحب الشعر ؟ شاعر الحب / أكيد حياتي أنا دايم أنظم قصايد خاصة الغزل ( عساك تعرف تهرج تبي تكتب قصيد بعد !!! ) بنت نجد / حياتي وش طموحك في الحياة ؟ بجاد / صدقيني أنا عندي طموح كثير بس ما أفكر فيه الا بعد تخرجي من الجامعة !! ( نعنبو شيطانه صار له خمس سنين يفحط وهو جندي !! وقال إيش ؟ قال جامعة ! ) * * * وهكذا تستمر المحادثات عبر المسن حتى تنتهي بمأساة عظيمة للفتاة ،،، إما بحصول الشاب على مراده ،،، أو على الأقل صورة لكشرتها ،،،،،، ومن بعدها : يبدأ الابتزاز للفتاة كل هذا تحت غطاء الحب الوردي ووعود الزواج الكاذبة !!! . *** سنة تكاد تنسى في هذه الأيام المباركة ( سنة التكبير ) : الله أكبر الله أكبر لا إله إلا الله والله أكبر الله أكبر ولله الحمد . <!-- / message --> |
جزاك الله الف خيــــر .. الله يعطيك العافية ويوفقك ويرزقك ويثيبك .. شكراً لك أخي الكريم ... |
لاحول ولاقوة الا بـالله . . . ياخوي والله مدري متى بيعلقون الشباب .. وصدقوني ان اللي يفكر في المثلين اللي تحت .. راح يفهم اشياء كثيره .. || كما تدين تُدان || || و الجزاء من جنس العمل || لاهنت اخ ــوي :) |
إقتباس:
اجل طلع اسمي حلوة وانا مدري !! شكرا خيووو |
إقتباس:
يعطيك العاافيه اخوووي وجزااك الله الف خير والله انك صاادق |
إقتباس:
الله يسلمك أخوي R.o.N.a.L.D.o.9 على المرور الرائع ، والله يتقبل دعاءك . والشكر لك على تشريفك لي . |
هههههههههه حلووه المحادثه :) الله يستر على بنات المسلمين يارب :) |
ححححححلوة اخوي والله يعطيك العافية بس ليش ماكملت القصة للاخر بصراحه كانت شيقه واحلا منها توضيح الصراحه باسلوبك المضحك وابيك توعدنا بقصة تكون كاملة المره الجاية ok |
إقتباس:
أخي : R.A.U.L مشاركتك تغني عن آلاف المواضيع لاعدمتك ، ولا عدمت إطلالتك البهية ، ومشاركتك الرائعة . |
إقتباس:
ههههههههههههههههه اماا هذي قويهـ كل واااحد يكذب على الثااااااااااااني عوافي على الطرح‘‘ |
| الوقت المعتمد في المنتدى بتوقيت جرينتش +3.
الوقت الان » 01:40 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd