|
زيادة مكافئات الطلاب بين الخيال والحقيقة !! السلام عليكم .. الحقيقة : أمر واقع على هذا الكون .. الخيال : أمر لا يمكن ان يقع أبدا .. المكافئة : مبلغ مالي يتقاضاه الطلاب للمعيشة أثناء دراسته الجامعية .. المبتعث خارجيا : هو طالب من هذه البلاد ذهب للدراسة خارج هذه البلاد .. المبتعث داخليا : هو طالب من هذه البلد ذهب للدراسة خارج مدينته داخل هذه البلاد .. ......................... سمعنا هذه الأيام الأخبار المتداولة عن زيادة مكافئات طلاب الجامعة وأنها مكرمة ملكية .. لكن .. صاحب ذالك نفي تام للزيادة وأنها لم تدخل موضوع الدراسة وإنما هي فقط مجرد أقتراح .. هذا ما حصل في الماضي القريب .. لكن كل المؤشرات هذه الأيام تقول أن هنالك زيادة قريبة للمكافئات .. وهذا حسب توقعي الشخصي .. لن أتكلم عن الغلاء في المعيشة وما يعانية الطالب الجامعي ((المبتعث داخليا )) ولن أتكلم عن أرتفاع أسعار الكتب والمجلدات .. لن أتكلم عن أرتفاع أسعار المواصلات وأسعار لقمة العيش والكسن.. كل هذه الأمور يتكلفها الطالب المغلوب على أمره .. إذا تخيل معي هل المكافئة تكفي لكل هذه الأمور !! إذا هناك سؤال يحيرني !! س/ هل هنالك فرق بين الطالب المبتعث داخليا و الطالب المبتعث خارجيا ؟؟ أجب على هذا السؤال أنت أخي الكريم .. ومن المؤشرات والعلامات الرئيسية في ذالك هي : * كرم أبو متعب حفظه الله .. *زيادة مكافئات الطلاب المبتعثين خارجيا .. *تكفل الوزارة برسوم نقل الطالبات الجامعيات ((النقل الجامعي )) وقدره 500 ريال .. هذا كله ما أتوقعه شخصيا وأتمناه .. وقفة .. أتنمى في حياتي ..... أن أرى الخيال يكون حقيقة فهل تتحقق أمنيتي في هذا الأمر ..... خاتمة .. لو تصل هذا المعانات إلى الملك اليوم يخرج لنا القرار غدا .. أخوكم / نــــــــــ ــــــــــ ــــــــــا صــــــــــ ـــــــــ ـــــــــر |
آقول ...........ردد ردد يآليل مآ آطولك |
المبتعث داخليا : هو طالب من هذه البلد ذهب للدراسة خارج مدينته داخل هذه البلاد .. ......................... والله يمكن أسعــار السكــن عندنــا أغلى من أسعار السكن بالخارج .. لن أتكلم عن الغلاء في المعيشة وما يعانية الطالب الجامعي ((المبتعث داخليا )) ولن أتكلم عن أرتفاع أسعار الكتب والمجلدات .. لن أتكلم عن أرتفاع أسعار المواصلات وأسعار لقمة العيش والكسن.. كل هذه الأمور يتكلفها الطالب المغلوب على أمره .. إذا تخيل معي هل المكافئة تكفي لكل هذه الأمور !! أنا ماراح أتكلم إلا عن السكن بس ماراح أتكلم عن الأشياء الي ذكرتها جميعا راح أتكلم عن السكن.. والله فيه طلاب ساكنين بغرفة بدون مكـــيف عندنا بالرياض (كيــف ينامون بالصيف في حر الرياض) ومستاجرين غرفه بـ1000 ريال والمكافئه 840 ريال تخيلون كيف راح يوفرون هل المبلغ .. وأزيدكم من الشعر بيــت المــكا فــأة تـأخرت بجامعه الملك سعودي شهرين مانزلت إلا قبل كم يوم وفيه طلاب أعرفهم أنطردوا من سكنهم بسبب تــأخر المــكـافأه أتمنــى ينظرون للطلاب الي بالداخل نظره انسانيه. س/ هل هنالك فرق بين الطالب المبتعث داخليا و الطالب المبتعث خارجيا ؟؟ نعــم فيه فرق كبير.. كثير من الطلاب الذين بالخارج أبائهم من العاملين في السفارات السعودية في الخارج ويسهل أن يوصلوا صوتهم للجهات المختصه.. أمــا الطلاب الذين بالداخل من فئة كيــف الحال ( يعني غلابـــه).[/quote] |
أقول .. كـــــــيـــــــف الـــحــــــال ؟؟! من جدكــ أنت ترجي منهم شي ؟؟! |
إذا كان المكافآت الحالية .. تدور وتلف .. ويالله تجي بعد شهر في بعض الجامعات .. تهقى بيزيدونها ؟؟ ما معنا إلا ننتظر .. :) |
اخوي الزيآدآت للمكآفآه للطلآب للمبتعثين خآرجآ فقط . وآلنآس ( الاشاعآت ) قالوا بآن المكآفآت جميعهآ ستزدآد وفي الحقيقه آلي سيزدآد المكآفآت للمبتعثين فقط . ولكن هل هم زادوهم ؟؟ هنآ آلسوٍآل |
وعليكم السلام ورحمة لله وبركاته . . هلا بك اخوي ناصر , طرح جميل , واختيار موفق للموضوع .. ارى انه مستحيل زياده المكافئه , لكن على اقل تقدير توفير الكتب والمستلزمات فقط لاغير, لانها تاخذ الشي الكثير من المكافئه , وبالاخص لغير القادرين على تلبية طلبات الاساتذه .. الف شكر لك , وتقبل احترامي , دمت بخير |
إقتباس:
شكرا أخي على تفاعلك مع الموضوع .. هذه المعانات ستكون أمر مستعصي .. حتى يكون أبناء أحد المسئولين .. مغتربا في بلادنا ويحس بهذه المشلكة .. شكرا على مرورك .. |
إقتباس:
من قال إن الطالب الي يدرس حالياً بالسعودية يعتبر مبتعث داخلي !! فيه طلبة مبتعثين داخلياً لكن مهوب كل الي يدرسون بالجامعة فئة قليلة مثل المبتعثين من جهه عملهم لمعهد الإدارة أو أحد الجامعات , أو يكون مقدمين طلب بعثة للوزراة و كان من حظهم إنها جت بأحد الجامعات المحلية أما الطالب الي يروح و يقدم أوراقة لجامعة معينة و يقبل فيها لا يعتبر مبتعث داخليا إقتباس:
أي غلا معيشة و الي يرحم و الديك صدقني كل الغلاء الي تشوفنه لو تقارنه بأحد دول أوربا تحس إنه رخيص أنا لو بشتري شاورما من مطعم تركي مثلا بيطلع علي الساندوتش فوق 40 ريال !! بين بالسعودية 3 ريال شفت الفرق لو تشتري من كافتريا الجامعة شيء تاكله بالإستراحة و هي تعتبر رخصية هنا أقل شيء يطلع لك ما يعادل 35 ريال حتى لو بتشتري من البقالة مواد تموينيه بيطلع عليك السعر أضعاف مضاعفة عن السعودية علبة الببسي حول الـ 10 ريال :d خبز التوست 15ريال الي نشتريها بالسعودية بريال و ريالين !! هذا غير البنزين الي يا صبر الأرض عليه و قارن المواد التموينيه الي تكسر الظهر و إيجار السكن , أنا درست بجامعة الملك سعود و كنت مستأجر شقة بـ 9 ألاف بالسنة يعني مبلغ معقول و مشارك مع واحد يعني يطلع علي 4500 ريال بالسنة بين قيمة إيجار الأستديو الي ساكن فيه هنا لحالها ألف يورو و هو أصغر من السعودية يعني أيجار سنة بالسعودية أقل من إيجار شهر في هولندا هذا غيرالفواتير الثانية ( نت , كهرب , مويه , جوال , تلفون ) إقتباس:
فرق السماء بالأرض و لا يمكن تقارن بينهم بأي وسيلة من الوسائل المعيشة أرخص , عندك أهلك تقدر تشوفهم بالأسبوع لو ما تدرس بنفس المدينة , و الي ساكن بالمدينة يجي البيت و يلقى له شيء ياكل مهوب يبداء يطبخ تخيل أحيانا أقعد أسبوعين رصيدي بالبنك أقل 50 يورو !! , و دايما تصير معي و أقلبها سندويتش جبن الي صار خير صديق لي في غربتي :d بين أنتم أقرب محل مندي و نص حبة دجاج و بيبسي بـ 10 << قيمة البيبسي لحالة :surprised: و أنا جربت الغربة خارج المدينة و خارج الدولة كنت بالسعودية الحمد لله ما عمري أحتجت أو أطفرت زي الوضع هنا , ما عمري تتراكم علي الفواتير بشكل خيالي و ضرائب , ما عمري أشتريت أكل بأسعار خيالية يعني لو تاكل بالمطاعم بيدينك و رجلينك بالسعودية ما تفرق واجد هنا تتعود أكل المطاعم ما ينتهي الأسبوع الأول بعد المكافأة إلا و أنت مطفر بسئلك سؤال و جاوبني عليه قد مره قعدت أسبوعين كاملين ما عندك الي يكفيك و لا تقدر تشتري حتى العصير و ما تشرب إلا من موية الحنفية !! و مهما صار ما تقارن بأي شكل من الأشكال بمعاناتنا نحن المغتربين الي يمكن هم تحت خط الفقر الحمد لله إن الزيادة جت تريحنا شوي و تخفف من الضغط الي دايما نسوية مع الأهل بكثرة التحويلات |
الصراحة شي يقهر .. كل الدول المجاورة لنا رواتبهم اعلى وعايشين حياة حلوة .. وانّا اذا طلبنا شي بسيط ويمشي الأمور قفلوها في وجيهنا .. آآآخ بس آآآآآآآآآخ .. الله يعين بس ..!! :(:( |
إقتباس:
|
أنا أشوف المكافآة الحين معقولة ,ولو فية زيادة أتمنى إنها ماتعدي 150 ريال, لان التجار يبي يطلعونها بالناقص . ييعني أنت طالب بالجامعة والدولة تصرف لك اللي يمشي وضعك وماهي ملزومة تصرف لك اللي يعيشك زي الموظف. وفيه ملاحظة بالنسبة للكتب , أنا من يوم دخلت الجامعة ماقد شريت كتاب , كل الكتب ناخذها من مستودع الكتب الجامعة مع العلم إن بعض الكتب غالية جدا . بينما طلاب الجامعات الثانية هم اللي يشترون الكتب , عارف فيه شي اسمه ميزانية ومخصصات وهالاشياء , بس وش معنى جامعتنا لها مخصصات كتب والجامعات الثانية لا , هل جامعتنا ماشية بالنظام والباقين لا ! ! ! |
بس احب اعقب على شي صغير جداً الناس بعض الأحيان يقولون ان السعوديه رخيصه وانك لو تطلع برا بتشوف الهوايل وان الدنيا غاليه فيه شي اسمه فرق سعر العمله هو الي يوزن هالأمور كلها عندهم بالنسبه لمستواهم المعيشي برا عاديه جداً وماعندهم غلاء اسعار زي ماحنا نتوقع اعطيكم مثال اسهل :: لو تطلع برا لماليزيا ولا اندونيسيا ولا سيريلانكا بتعيش ملك لو معك 1000 ريال :D بينما هم لو يجون بينهبلون يقولون السعوديه غاليه احس اني شطحت بعيد جدا لكن الي حبيت ابينه انه مافيه مقارنه بيننا وبين برا مجرد المبتعثين الي برا المفروض ياخذون زياده شوي كلن على حسب الديره الي عايش فيها والي في السعوديه بعد المفروض يزيدونهم نقطه اخيره بس قبل ما اترك المايك :D مصاريف الطالب الي يجي من خارج الرياض بتكون على الشكل التالي(سكن+بنزين سياره او قيمة الأجره + غسيل وكوي ملابس + فطور + غدا + عشاء + كتب وملازم + فاتورة جوال + قل مصاريف ترفيهيه (ولا ماله حق يتونس شوي :d) تقريبا هذا كل شي خلونا نكون واقعين 840 ماتسوي شي ابد ابد ابد |
معليش اخوي المبتعث داخليا على قولك ما يرف ربع الي يصرف المبتعث خارج المملكه اولا :: اسعار الاكل والسكن والبنزين ارخص بكثير جدا من الخارج الي خارج المملكه وخاصة بريطانيا يعانون من غلاء المعيشه بشكل غير طبيعي اسطورة القرن وضح لك انا معك ان المكافئات هنا في السعوديه لازم تزيد لكن لا تقارن بين العيشه في السعوديه والعيشه خارجها |
إقتباس:
حرام عليك الا مفروض تدبل |
| الوقت المعتمد في المنتدى بتوقيت جرينتش +3.
الوقت الان » 02:25 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd