سوق الجمله ( عجوز تسرقني عيني عينك ) - نادي الهلال السعودي - شبكة الزعيم

T U R K I _ 15 · #1 28/11/2008, 07:52 PM

سلام سلام سلام تحيه الاسلام الوه الوه الوه شراب برتقان ...

اخباركم واخباركن ..<<<< نتكلم بالعربيه لانه بيخربها بالموضوع

والله من زمااااان ودي اكتب موضوع بس كل ما جيت اطل فالمجلس العام اشوف يا ماجد مقبل منزل موضوع او ابو طلال <<<<< احس انهم توأم مدري ليه

ما شاء الله عليكم

<<< كل واحد له نص

قلت اخاف انزل هالموضوع وياخذ شعبيه ويروح موضوع ابو طلال فالصفحه الاخيره وبعدها ما تشوفون يوزري الا تحت الجسر المعلق موقف

مالكم بالطويله <<<<< كل هالحتسي ومالكم بالطويله

المهم .. الحمد لله كل فتره يعني كل اسبوعين اتقضى لهلي ( مساعده مني لابوي لتغطيه مصروف البيت ) مع ان راتب الوالد يكفي بس عن قوله اني ولد صالح

وازين من اشتري فيها اشياء ما تستاهل اني اشتريها <<<<<<< كل ما دخل محل شراء هههههههه لو محل نساء وولاده

زي ما قلت كل اسبوعين وانا اشتري مقاضي البيت .. وتقريبا من 6 شهور او اكثر وانا اذا رحت اتقضى من سوق الجمله بمخرج ( 14 )

والله ما عندي محل لا تحسبوونه دعايه ههههههههه بس سوق الجمله جنبه سوق خضار وفواكهه اتقضى سريع سريع زي ما يقولون ..

المهم خلال هالاشهر كل ما رحت اشوف وحده لابسه عبايه

كل ما شافتني جت عندي الله يرحم والديك تكفى ما بقى الا تحب رجولي ( على فكره هالحرمه مهب سعوديه ..) واعطيها مما اعطاني الله ( والله مهب رياء ولا سمعه )

..

اخر مره رحت قبل يومين تقريبا وكالعاده شفتها

وجت عندي الله يرزقك ووبدت تدعي قلت زين خذي وفجأه قالت ما ابي فلوس

قلت اجل وش تبين

قالت ابي حفايظ لولدي وحليب

قلت طيب هذي فلوس اشتري اللي تبين والباقي احفظيه عندك .. قالت ما تكفي

قلت عما وش تبين اجل .. قالت ابي حليب كبير نيدو وحفايظ كبيره بامبرز

ايووووووووه انا وقتها جتني حاله يسمونها ولا اقول ما يحتاج <<<<<<< توهق ما يدري وش الحاله

قلت بنفسي ما شريت لاخواني حليب نيدو تبيني اشتري لك ولا وحجم كبير

والله ان تبطييييييييين

وبعدها كل واحد يناظر الثاني انا ودي اضحك واصيح بنفس الوقت <<<<< هذي الحاله اللي جتني

وهي قاعده تدعي مدري وش تقول وفجأه سمعتها تقول

الله يزوجك امك ..

ويحفظها لكم .. يؤؤؤؤؤؤؤؤ قلت نعم ..!؟

قعدت تضحك لان عيونها راحت اختفت من الضحك

والله اني رحت اتكي عند المحاسب وجلست اخذ الاله الحاسبه <<<<< مالها دخل بس من زود اني ابي افهم الدعاء الي قالته .. الله يزوجك امك

جت وعاده الدعاء مره ثانيه ولا استطعت اني افهم خخخخخخخخخ والحل

والحمد لله ان الله رزقني بواحد ذكي خخخخخخخ قال قصدها ان الله يزوجك ؛وامك الله يحفظها لك ههههههههه قلت اهاااااااا طيب المفروض تحط فاصله منقوطه بين الجملتين خخخخخخخخ

وتحمد ربي عالنعمه اللي انا فيها وهي نعمه الفهم والعقل

وشريت الاغراض ورحت للسياره واشوفها وراي .. قلت للعامل اللي شايل الاغراض البنت هذي وشي قال هذي حرمه نصاب كبير

قلت اهاه ... وجت ما بقى الا وتركب معي

قلت انفهتزي

يعني انقلعي

..

ويوم رحت لسوق الخضار والفواكهه
تابعتني والعيون مشبهرات .. تركض بسرعه ورافعه العباءه
قلت وش تبيغين قالت لك وصات ... لمتابع القصيده انظر صــ 17 <<<< وش تذكركم

قلت وش تبين بعد تفاح حجم كبير ولا ترنج حجم صغير <<<< ليمون

قلت الله يرضى عليك قلت يلعن ... لا تخافون قلت ابليس خخخخخخخخ
ما معي شي

طفرت

مشيت ولا شريت الاغراض

شغتل واخذت كم لفه وراحت وشريت الحمد لله هههههههههه

والله اني هالببنت مسببه لي ازمه نفسيه ههههههههههه وش الحل تكفون وكيف اعاملها

على فكره هالبنت يا كثر ما اشوفها فالسوق بمسجد في كل مكان شكيت بنفسي قلت هذي شكل هالبنت امي موصيتها علي ههههههههههههه

الخلاصه

كيف اتعامل معها .. مع اني حبيب اي واحد اشوفه يدعي لامي والله اذوب ..على طول اعطيه لو كان معي مليون ..

كيف الطريقه تكفوووووووون

..؟

على فكره انا قاصد احط الموضوع مخفي اخاف تجي وراي وتشوف كلامي

اسف عالاطاله

اخوكم الصغير <<<<<<< ما يقلد ابو طلال

الا ما تلاحظون كل من كتب موضوع قال اخوكم الصغير طيب منهو الكبير هنا

اخوكم الكبير

انا

<<<< والله من الغرور

اسف مره اخرى عاالاطاله

اقول توهقت يوم حطيت مخفي بقرا الموضوع ما قدرت ههههههههه حسيت ان الملعب طافي والوجيه تسنها ولعااات

اخوكم الصغير تركي حاليا ابو ناصر مستقبلا الزاحف سابقا هههههههههه

سلااااااااااااااااااااام