|
موقف محرج اول ماتصلي بالناس... السلام عليكم ورحمه الله وبركاته...:) مشاهدينا الكرام من الوطن العربي الكبير هذا محدثكم عبدالله مبارك الحربي.<<شعنده:d شباب اكيد اي واحد اول مره يصلي بجماعه بالمسجد تصير مواقف محرجه ومظحكه..الا تصير مسرحيات..:d طبعاً نص السورة اللي تقراها ما يسمعونها اللي خلفك ما يسمعون إلا صوت الركب تطقطق ببعضها :d فا ياليت كل واحد يقولنا موقف حصل له..:razz: واللي ماصارله ...يقول اي موقف صار قدامه... والسلام عليكم ورحمه الله وبركاته... |
عندنا إمام الله يهديه ماتمر صلاه والا ويغلط فيها وصرنا مبرمجين على سبحان الله واذا مرة صلاه وماغلط فيها كل واحد يكلم اللي جنبه بعد الصلاه ويقول وش عنده الامام ماغلط اليوم الزبده انا تبرمجت على سبحان الله وفي مرة من المرارير صليت بجماعه وكنا صلاة العشاء وبدال مااقوم للركعه الرابعه جلست للتشهد على بالي المغرب فقالوا اللي وراي سبحان الله وقمت انا اقول معهم سبحان الله و اخووي وراي ماقدر يكمل الصلاه من الضحك |
هذي صارت معي ... مره كنت انا واخوي ومعنا ولد اخو ولد اختي الصغار في مكه لاداء العمره ودخلنا الحرم بعد انتهاء صلاة العشاء وقال اخوي ام فينا لصلاة العشاء رغم انه اكبر مني وتوكلت على الله واميت فيهم وكانوا ثلاثه فقط بديت وقريت الحمد يوم قلت ولا الظالين واسمع الي وراي يقولون امين بس كنهم اكثر وكملت وجت الركعه الثانيه واقول ولا الظالين واسمع الي هزوا الحرم امين وقامت ركبي تتصافق واقراء سوره صغيره عشان ما اغلط وانا ساجد رجولي قامت ترتفع من نفسها بدون ما احس واكمل وانا ادعي ان الله يوفقني حتى اخلص واسلم ويوم التفت الا واشوف صفوف وراي وتتصلب رقبتي ... واناظر في اخوي وهو مغطي ثمه بيده وعيونه غايصه من الضحك بس الحمد لله اميت بمصلين وفي الحرم ... طبعا هذا من حوالي سبع سنوات |
طيب والي يوم انه صغير كان سلتوح صايع ، كان يتأخر عن الجماعة عشان يصلي بالجماعة الثانية :d:d !! واحياناً اخوي اكبر مني يستلكع ويتاخر عشان هو يصير الامام :d !! الله يغفر لنا :d .. /، بس بصراحة ما اذكر موقف محرج لاني مترعرع على الامامة :razz: .. أذكـــر سالفة يذكرها لنا واحد .. يقول اثنين دخلوا المسجد متأخرين عن الجماعة ، وصاروا يتعازمون من الي يصيرامام ، صار واحد منهم الامام وكبر .. شوي الا يجي واحد يقدمه ، صلى فيهم وخلص الركعة الاولى وكان الصوت واطي "اثنين بس" ، الركعة الثانية يقرا الفاتحة ولا امم وراه يقولون آمين :| !! عاد هذا من النوع المنتهي ، لكنه اهون من خويه :d المهم والله ويركع ثم يسجد ، والناس تحتري الامام يرفع من السجود ولامجيب ،، وينتظرون .. ومافيه احد .. ويجي واحد ويقومهم ، يا جماعة مابه امام :d:d !! اثره فرك وخلاهم مفهين :razz: |
يا زعماء الموضوع يختص بركن عظيم و عمود الاسلام وهو الصلاه.. ارجوا ان نخرج من هذا الموضوع حتى لا نقع بالسخريه والاستهزاء |
يا زعماء الموضوع يختص بركن عظيم و عمود الاسلام وهو الصلاه.. ارجوا ان نخرج من هذا الموضوع حتى لا نقع بالسخريه والاستهزاء |
هههههههههه << يضحك قبل مايقول القصه :d فيه مره في صلاة الجمعه وكان ولد أخوي معاي وكان يصلي في الصف ألي أمامنا واحد مصري صعيدي ولابس ثوب وااااااااااااسع :surprised: وسجدنا ولما رفعنا من السجود ولد أخوي تأخرولما قام ثوب الصعيدي واسع ودخل راسه في الثوب والولد يصيح والمصري يسحب في الجلابيه وأموووووووت من الضحك :d :d :d :d<< حتى تم أنقاذه من الكهف ألي كان فيه :d |
استغفر الله بس من جد مواقف تصير غصب عنك والله يجزاكم خير على اقامة الصلاه جماعه |
هههههههههههههههههههههههههههههههههههههههههه والله عليكم مواقف من جد تضحك خاصة أخووووونا شهاااب 11 الموهيييييييييييييييييييييييييييم انا مرة قدمووووني في المسجد هنا في ألمانيا بحكم انني احفظهم لكتاب الله ولكنها كانت المرة الأولى فتوكلت على الله وقلت في نفسي امسك نفسك يا ولد ولا تفشلنا قدام الربع (((ـــــــــــ يكلم نفسه الموهيييييييييييييييييم بدأت في أول ركعة وقرأت الفاتحة ولكن وللأسف خانني تنفســـــــــــــــــــــي ولم استطع ان اكمل من الخووووووووووووف ولكن بقدرة قادر كملت الفاتحة والناس بعدي آآآآآآآآآآآمين حوالي 120 رجل وفي الدور اللي فوق حريم كمان ((ـــــــــــــــ كيف عرفت ؟؟؟ عند الخرووووج وجدتهم طالعين الموهم دورت في راسي أقصر سورة في القرآن وقرأت الإخلاص و التين والحمد لله مضت على خير ولكن ولله الحمد تعودت بعدها حتى صرت اماما لهم في التراويح في رمضان أخووووكم المغترب المرعب |
ههههههههه والله ياعنديلكم قصه صارت معنا بالشرقيه.......... طبعا حنا مسافرين للشرقيييه طبعا شباااااااااب وجاااء وقت صلاه المغرب قدمنا وااااحد من الشباااب يصليبنا وتروح الركعة الاولى والولد ماشي صح والركعة الثانية وابو الشباااب قاااام للركعة الثااالثة نسى التشهد ونقوله سبحان الله ابو الشبااااب كان بامكانه انه يرجع يجلس للتشهد لانه ماااوقف وقوووف كامل للركعه الثالثه الا والله يكمل للركعه الثالثه قمنا وراااه ماباليد حيللله هو امامنا المهم سجد سجووود السهوووو..... واول ماسلم قلناله وراه ماجلست للتشهد ؟؟؟؟ توقعوووو وش كااان جوااااابه!!!!!! ((((((كلمت الرجاااااااال وحده)))))))) ساااااااامع بالرجوووووله |
والله انكم توحف :D .. بصراحه مااذكر مواقف , لكن كان الشباب لاجينا نصلي .. مايصلي الا انا :D مدري ليش يقولون انت المطوع بتاعنا :D .. بس والله يانا اهتم بتحسين الصوت ولا ادري عن الصلاه رياء والعياذ بالله :D .. بس الحمدالله الحين تبت :) ..::D .. الله يعطيك العافيه ياساره :) |
والله ودي اتكلم بس الموضوع حساس شوي وتقبل مروري |
والله المواقف كثيره لكن اتذكر اني يوم من الايام رحت اصلي الجمعه ومعي ولد عمي الصغير المهم ركعنا وبعد الوقوف من الركوع اللي قدامي في الصف قمط على الثوب المهم ويجيك ولد عمي الصغير ويروح لمن وصل عند الرجال ويطلع الثوب عاد تعال دورني وقتها وربي بس خلصت الصلاة ونا اللي اضحك اليييين ما اوجعني بطني الله يغفر لنا بس وموقف ثاني ايام زمان وحنا بزران انا واخواني احنا ثلاثه الله يحفظنا قولو امين المهم انا كنا بالسوق وتاخرنا عن الصلاه مع الجماعه المهم رحنا بعد ما كملوا الناس الصلاة من زمان للمسجد وصلينا ثلاثتنا جنب بعض والامام اخوي الكبير طبعا المهم يوم سجدنا الا واخوي الكبير يكلم اخوي اللي اكبر مني في السجود يقول له اذا سالك ابويه وين صليتم نقوله في مسجد ابو بكر ويقوم اخوي اللي اكبر مني بدوره يحاكيني يقول اللي قاله اخوي الكبير وكملنا الصلاه ولا كان شي صار هههههههههههههههههههههههههههههههههههههههههههههههههههههههههه |
هذي قصة صارت لما كان عمي (( الله يرحمه :( امام )) كان كثير ينسى في الصلاة مره يفوت ركعه كامله و مره يفوت سجده و مرات يسلم بالتشهد الاول :D الموهيم ذاك اليوم في التشهد الاول من صلاة العشاء سلم كالعاده وردينا قلنا سبحان الله :d و قام يكمل الصلاة وفي الاخير المفروض يسجد سجود السهو لكنه ماصدق خبر على طول بعد التشهد سلم ردينا قلنا سبحان الله طبعا عمي انخبص لما قلنا سبحان الله المره الاولى قام يكمل ركعتين اما سبحان الله الثانيه مافهم وش نبغى منه قام التفت علينا وقال (( ليــــــــــــــــــــــــــــــــــــــش :razz: )) الله يغفر له ويرحمه شكرا عالموضوع والله يرزقنا الخشوع في الصلاه ... امـــــــين |
انطونيو أجل اهل الحي مبرمجين على سبحان الله موقف حلو لكن نتمنى اننا ماننشغل او نستهزئ بأئمتنا |
| الوقت المعتمد في المنتدى بتوقيت جرينتش +3.
الوقت الان » 06:45 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd