وصفولـي ملعـب الملـز .. - نادي الهلال السعودي - شبكة الزعيم

زعيـم أسيـآ · #1 26/11/2008, 06:47 AM

السلام عليكـم و رحمة الله ..

يا شباب ليت واحد يوصف لنا استاد الامير فيصـل بالملـز ..

لاني ناوي احضر المباراة اليوم بالملـز و ماادله زين لان مارحلتله الا مرتين

مره يوم الهلال و الاتحاد 4 - 2 , يوم يجندل دفاعهم سامي

و مره يوم الهلال و الوحده قبل موسمين و تعادلو 0 - 0

لاني دايم احضر بس المباريات اللي بالاستاد

تكفون وصفولي اسهل طريق ..

لاني اذكر ان له عدة طرق , تقدر تطلع له من طريق الخرج , و عن طريق مخرج الوشم , و عن طريق البطحاء

فتكفون وصفولي اسهل وصف , مع العلم اني ساكن بالبديعـه

و رجائي الخاص من المشرفين عدم حذف الموضوع او نقله , لان هالموضوع بيفيد كثير من المشجعيـن

الجابر القادم · #2 26/11/2008, 06:57 AM

هلا هلا ..

أحسن لك امسك الدايري .. وانت جاي من مخرج 13 إلى 14 عدي قدااااام .. بيجيك لفة دوار على اليمين .. بعد مخرج 14 تقريبا بـ 500 متر .. تروح مع هالدوار .. تمشي معاه قدام على الخط العام مو الخدمة .. ثم تمشي 5 كيلو تقريبا ثمن بيجيك دوار الملز تروح معه يسار على طريق الإحساء .. تبتل معه قداااااااااااااااااام لثلاث إشارات عقبها تلقا ( الشربكة والتفحيط لعيون الهلال عن الإستاد )

وأي شي يا زعيم موجودين إحنا ..

مسكين يامعاندالزعيم · #3 26/11/2008, 07:04 AM

اخوي تعرف كوبري الخليج......مو كبري الخوجلي لايختلط ليك الامرخخخخخخخخخخخخخخخخخخ
المهلم اذا تعرفه شوف اول مايجيك الكوبري بنصه تقريبا يجيك مخرج صلاح الدين الايوبي انزل معه
ومع الاشاره اطلع يمين وأمش سيده تعد ثلاث اشارات وراح تشوف بعدها الملز مقابلك

اتمنى اكون افدتك

عاشق هلاله · #4 26/11/2008, 07:04 AM

تبيـنـي آوصف لك مـآـعب تبوك

hilali qasemi · #5 26/11/2008, 07:19 AM

اسهل توصيف عندي وانا ابو هندي

امسك الدائري وعدي مخرج 14 واطلع مع 15 وخلاص الملعب سيدا طبعا يجيك 3 او 4 اشارات تعدها لما يجيك الملعب على يمينك

ترحال الهلال · #6 26/11/2008, 07:28 AM

كفوا ووفوا الشباب
مشاء الله عليك من الرس واحلا توصيف
يالبى القصيم واهلها

القـ المجروح ـلب · #7 26/11/2008, 07:35 AM

الله يعطيكم العافية شباب

نبدأ بالتوصيف بس لاتضيع

اللي يبي يجي مع الدائري الشرقي مخرج 15 واتجـــاهـ غرب إلين تحصل الملعب على يمينك.

اللي يبي يجي من طريق الملك فهد مخرج شارع الوشم واتجــاهـ شــرق إلين يجي الملعب في وجهكـ

القادم من طريق خريص من اتجــاهـ الغرب تطلع مع مخرج ( صلاح الدين ) ويمين إلين تحصل الملعب على يساركـ ... بالنسبة للقادم من اتجــاهـ الشرق تطلع مع مخرج شارع الأحسـاء بعد كوبري النهضـة ويجيك دوار تطلع يسـار وسيدة إلين يجي الملعب في وجهكـ.

القادم من الجنوب عن طريق الصناعية القديمة سيدة إلين تحصل الملعب في وجهـك.

بالنسبة للي يجي مع الدائري الشرقي أفضل مخرج هو 15 وأخفها زحام.

اللي يبي يجي من الشمـــال عن طريق الملك عبدالعزيز مالك إلا تمسـك الخط سيدة إلين دوار القاعدة وتمسك بعدها طريق صلاح الدين.

<---- مايشتغل في المرور على فكــــرة

القـ المجروح ـلب · #8 26/11/2008, 07:39 AM

إقتباس

الرسالة الأصلية كتبت بواسطة زعيـم أسيـآ


	فتكفون وصفولي اسهل وصف , مع العلم اني ساكن بالبديعـه

توني انتبهـ إنك ساكن بالبديعة ...

إذا كنت بتجي من طريق المدينة .... انزل إلين اشارة سووق مكــة ... ثم انزل علىطريق الملك فهد اتجــاهـ شمال إلين تووصل مخرج طريق الوشم ... اطلع يمين وأبد سيد تحصل لوحات مكتوبة عليها شارع الجامعـة ... تعـــال معها ... تجيك ثلاث إشارات بعدها الملعب في وجهــك.

إذا كنت بتجي مع الدائري الجنوب نفس الخطوات السابقة بس تطلع مع مخرج طريق الملك فهد قبل عتيقة..

زعــيــ511ــم · #9 26/11/2008, 07:45 AM

احسن توصيف توصيف العضو القلب المجروووح أحس انه بالمرور أو سواق تاكسي

وتكفوووون نبي الحظووور اليوووم وانا ان شاء الله اول الحاظرين لمسانده الزعيييم

تحيااااتي لكم

زعيـم أسيـآ · #10 26/11/2008, 07:49 AM

مشكورين و الله انكم ماقصرتو

الجابر القادم / هلالي قصيمي / القلب المجروح / مسكين يا معانـد الزعيم

الظاهر اني ابجي مع مخرج 15 لانه على كلامك اسهل و اخف زحمة

او مخرج الوشم ..

إقتباس


	<---- مايشتغل في المرور على فكــــرة

عاد الله الله بالحضور

هلالي من كل دمي · #11 26/11/2008, 07:50 AM

وش رايكم نوصف له طريق حرض ___ الخرج ...
ياخوي ساكن في البديعة ولا تدل الملز أفى والله عليك .....
بس انا اشوف دام انك في البديعة في الاسهل لك من طريق الملك فهد الين يجيك مخرج الوشم اخذ معاه يمين وخلك عليه الين يجي لك طريق الجامعة اقضب طريق الجامعة وبعدين بتحصل التائب قدااااااااااااامك ...

أبو شيرين2008 · #12 26/11/2008, 07:52 AM

آنشــآلله تبيــضووون الوجـه يــآجمهــوور الريــآض مثل عوآيدكم...

ترحال الهلال · #13 26/11/2008, 07:52 AM

بس لازم تتصل على ابو شراره عشان يعلمك حركة السير
لان بيصير كثافه في الطريق الكل موتجه للملز

الهلالي الآسيوي · #14 26/11/2008, 08:16 AM

مــــن ســـــــــأل مـــــــــــــــا ضـــــــــــــــــاع

om_qahtani · #15 26/11/2008, 08:37 AM

امسك يابوي شارع الستين وامغط ولا يردك الا الملعب