|
دلوخ الصباح (هل انت منهم ) مساكم الله بالخير يا الاجواد وش الاخبار عساكم طيبين اليوم الصبح طرى على بالى موضوع وانا اسمع الرادو وبصراحه ضحكت :d:d:d حتى اللى حولى يقولون وش هالمهبول والسبب ياجماعه اللى اسمعه من كثير من الدلوخ اللى يصبحون على اخوياهم والبنات اللى يصبحون على صاحباتهم بالرادو والمشكله التكلفه لاتقل عن 5 ريالات :bigeek: طيب يا دلوخ لو تتصل جوال احسن لك وتصبح الين تدوخs13s واللى يتميلح يقول انا زعلان امس ارسلت ولا قريتو رسالتى يعنى كل هذى ثواره العالم تنهبك وانت مسوى زعلان عشان ما قالو اسمك الله يحلل البزران اقول والبنات عاد والله من الدلاخه المغلفه بالملح:clapping: والدبشه اللى يصبح على زوجته ياخوى توك طالع من البيت وشايف كشتها قدامك على بالك قيس يا د ل خ 666 وكله كوم واللى يطلب اغنيه ويكرر الرساله طيب يالوح رح اشتر الشريط او اسى دى ارخص لك يا حاتم الدلوخs60s او يجيك واحد يصبح على ربعه بالشغل طيب ما قلنا شئ بس يا تفخ :upset: بعد شوى تبى تشوفهم يعنى تعتقد انهم ولهانين عليك انا احلف انك اذا دخلت عليهم يقولون جاء ثقيل الدم ما احب اطول بس نصيحه احفظو فلوسك لاتطفرون والسبه اهدائات ما لامها داعى وتقبلو تحياتى |
هههههههههههههههههههههههههههههه قسم بالله عالم ما ادري وش تحس به .. !! |
ههههههههههههههههههههههههههههه الحمد لله ماكنت منهم لكن يمكن بطلب من الشخص المصبح عليه أكيد فاهمني:d مكره هو ولييس ببطل .. |
الظاهر انهم واجد عشان كذا القراء واجد والرد شوى افا بس ما هقيتها منكم يا دلوخ الصباح |
والله انك صادق المشكله يوم العيد يقول احب اهني الوالد والوالده واقولهم كل عام وانتم بخير طيب توك طالع من البيت يعني حب راسهم وقلهم كل عام وانتم بخير الين تمل للاسف الحين الناس صارو يحبون الفشخره ويروح عند اخوياه شفتو طلعت رسالت على الرادو الحمدلله على العافيه |
هذا فيم لو كانوا فاتحين الراديو ناس كثير ما تفتحه يعني فوق هالخسارة ما يسمعونه أو يمكن يتصل على اللي أهدى لهم يقول اسمعوا الإهداء وطالت الخسارة صدق أصحاب العقول في راحه بالحب والإشراق |
هذولي عيال نعمـه يعني فلووسهم واجـد والله لايغير علينا نعمتــه |
يالمنفهق .......... ترى أهديت لك امس أغنية لعبدالله الصريخ بمناسبة إكتشاف علاج للصلع ( اوباجي ) مرسلين لي رسالة .. والراس بخمسة .... مع التخفيظ بالفين وخمس ؟؟ وش رايك نتقاط بالفلوس ونص زراعة لي ونص لك .. انا مابي إلا الصناديح يطلع فيها شعر .. على طاري الصناديح ... ماتلاحظ ان بعض البنات بالإذاعة تكلم وهي ( منسدحة ) او توها قايمه طبعاً هي مسوي هالحركات ( يعنني ) الأنوثة لاعبتن فيني .. والدلع كاسيها من رأسها لأخمص قدميها ... وهالعادة مستفحلة حتى بالمنتديات والدردشه تسمي نفسها ( دلع ) وهي وجهها تقول كيبروود مدعوس ومكبوب عليه حليب مكثف هع هع هع عاد بيني وبينك ودي اكلمهم بس عجزت امسك الخط ... فاتت علي فرصة الإنظام لمجوعة ( دلوخ الصباح ) تحية لك يامعلم |
وبعضهم يتصل او يرسل رساله ويطلب الأغُنية الفلانيه .. طيب تطلب الأغنيه ويعرضوها لك على حسب طلبك ونفترض 50 الف واحد بيسمع الراديو معناها 50 الف سيئه تُسجل عليك وهكذا .. إقتباس:
افضل من انك ترسل رساله اصبح على فلان او امسي على علتان .. كل الأمور هاذي راح نُسأل عنها ,, يالله أُلطف بحالنا .. |
كل يوم صباح بالنسبه لي يبدأ بالسب واللعن :surprised: أكون مروق ، وأفتح على الإذاعة إلا وش تلقى عبدالعزيز القحطاني ، والمذيعة اللي معه ( ما أعرف وش إسمها ) لكنها قمه ( المصاله ) أقل ما يقال وقت ما تسمع صوتها ( واتسبديه ) :surprised: دائما أستفتح بالرائد ( أبوشرارة ) ويوميا يعيد نفس التقرير ( لدرجه إنك تحس إنه يصور 30 صوره بالشهر ) وبنفس أماكن ( الكثافه العاليه على ميدان ....) على قولته سؤالي يا رائد الغفله ( من عرفتك وأنت تعيد نفس التقرير وتزيد عليه بالحوادث اللي تصير ) متى تشوف لك حل بمشكله الكثافه !!! نجي بعدها على الأغاني : لعنبوا بليسكم الواحد توه صاحي بيسمع أغاني تصدع الراس !!! هنا يقفل مزاجي وأطفي الراديو. أطلع من الدوام أفتح على الإذاعة وخذ لك إهداءات خالد يقول لزوجته أحبك !!! :surprised: مصعب يتمنى لفهد حياه سعيده !!! :surprised: طيب يا مغفل أنت وإياه ، ليه ما ترسل لزوجتك أو لصديقك رساله على جواله !! يعني طلع إسمك بالإذاعه بتشتهر !!! يا زين جده بس 3 إذاعات أمريكية ، وإذا أتصل واحد يتملح سفل فيه المذيع :d أما بالرياض فإذاعه mbc-fm أعتبرها ( غصب fm ) :surprised: |
صبآح الشرقية غير .. على إن برضوا صبآح الريآض حلو لكن كموآضيع صبآح الشرقية يحمس تشغل الرآدو عشآنه وع العموم أخوي الكل حر بتصرفه ولك كآمل الحرية فيها .. وعلى الرسآلة أنا أحس إنها أطعم من إنك ترسلها له مدري ليش >>> هذا النك ما عمره أرسل للمعلومية ... وعلى دلوخ الصبآح نلتفي .!! |
fff والله صادق ما ندرى وش يحسون هالدلوخ ارسن فينقر ولو اخوى ترى تدخل ضمن المجموعه مهما تقول ههههههههههه والله صادق توه طالع ويهنئ الدلخ رائدة الزعيم احلى كلمة اصحاب العقول براحه M.ALSHALHOB واذا صارو عيال نعمه يفسقون والله حرام ابو طـــــلال وانا اهديك اغنية يوم فكيت القلم ارتعش كفى وطاح وسلم على تمر الاخلاص عاشق الموهوب 10 جزاك الله الف خير اخوى والله صادق مواصل من عام 1413هـ اجل الحرارة H عندك يا بطل والله ما الومك اقول يازين عرعر حوار عقلاني والله ردك يحسس الواحد انك حول الربع |
موضوع جميل بصراحة لكن البعض يرى انه شكلهلا غير لمن تطلع مع الرادي واللي يحليها اذا بالصدفه الطرف الثاني فاتح الراديو على العموم انا زيك ما احب اتصل او ارسل لاني اعتبرها فعلا دلاخه وشكرا مره اخرى على الموضوع الجميل |
هههههههههههههههههههههههههههههه قسم بالله عالم ما ادري وش تحس به .. !! |
هلا اخوي المنفهق والله اول نفس الحاله اقول ليش يرسلون وتكاليف بس بالتالي له تأثير :d يعني تتخيل لو احد اهدالك وانت بالسياره بالله وش راح تكون ردة فعلك :d احس فرق بين ما انه يهديلك ولا يكلمك !!! :naughty: وتراي ماقد كلمت ولا ارسلت الحمدلله :d :) يالغالي ممكن هذا تمشيها بس اللي منقهر منه التصويت على افضل اغنيه :) تخيل ثلاث ساعات متواصله وانواع الاتصالات والرقم 700 يعني بكم الدقيقه :d طيب صوت للفنان والاغنيه الفلانيه شراح تستفيد !! مره قاعد اسمع المسجات والمداخلات عاد فيه واحد اسمه ........ كل شوي مرسل يصوت لنوال الكويتيه .. الرساله اقل شئ بثلاث ريال :surprised: مدري وش فيه عليه :d عاااااااااااااالم فاضيه والله !! المنفهق شكراً لك :) برايفت مواصل :D اما ردك في الصميم وابوشراره دايم مداخلاته زحمه بالدائري ولا بطريق الملك فهد من عرفتنا للطرق هذي وهي زحمه يعني قلنا غيره تكفى :D |
| الوقت المعتمد في المنتدى بتوقيت جرينتش +3.
الوقت الان » 10:18 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd