جتني العين , - نادي الهلال السعودي - شبكة الزعيم

وليد القحطاني · #1 23/11/2008, 09:43 PM

السلام عليكم

اصابتني العين وانا ما اقول شهيد

اليوم في بعد خروجي من الجامعة جاني اثنين من اخوياي
واحد اعرفه والثاني ما اعرفه المهم خويي
قال لي مبروك ويعطيك خيرها ويكفيك شرها
الثاني راح عند الأصطب يناظر فيه ولا قال مبروك ولا شئ

المهم انا مشيت وحكيت في شاحنة قدامي

والحكة في الاصطب وفي نفس المكان اللي كان فيه واقف

والله ثم والله اني بعدها ما عرفت اسوق
ورحت المطعم اتعشاء وطاح البيبسي في الارض
ويوم رجعت البيت ماعرفت اسوق ,,
ودرجت حرارتي ارتفعت

والله العظيم هذا اللي صار

دعواتكم لي جزاكم الله خير

أول العنقود · #2 23/11/2008, 09:50 PM

ما تشوف شر يا وليد و الله يبعد عنك عيال الحرام !!

العين حق و حصن نفسك و أنا اخوك

Z3EEM . FC · #3 23/11/2008, 09:51 PM

سورة الإخلاص وفاتحة الكتاب وآية الكرسي ، ومن التعوذات :
- أعوذ بكلمات الله التامة من كل شيطان وهامة ، ومن كل عين لامة .
- أعوذ بكلمات الله التامات من شر ما خلق .
- أعوذ بكلمات الله التامة من غضبه وعقابه ومن شر عباده ومن همزات الشياطين وأن يحضرون .
وقوله تعالى : ( حَسبِىَ اللهُ لاَ إله إِلاَّ هُوَ عَلَيهِ تَوَكَّلتُ وَهُوَ رَبُّ العَرشِ العَظِيمِ ) .
ونحو ذلك من الأدعية الشرعية ..
وفي حال وقوعها تستعمل العلاجات الشرعية وهي :
القراءة والرقية :
فقد قال النبي (صلى الله عليه وسلم): " لا رقية إلا من عين أو حمة " وقد كان جبريل يرقي النبي (صلى الله عليه وسلم) باسم الله أرقيك من كل شئ يؤذيك من شر كل نفس أو عين حاسد ، الله يشفيك ، باسم الله أرقيك " .
الاستغسال :
وإن عرف العائن شرع استغساله بأن يغسل وجهه وكفيه في إناء ثم يغتسل به المعين ، لقول النبي (صلى الله عليه وسلم) في حق العائن : " وإذا استغسلتم فاغسلوا "

ولاتنسى اخوي اخذ الاثر فهو مهم

كلم خويك وقله تعال انت وخويك الي معك عازمكم عند الكورنيش

وجب معك القهوه والفناجيل وتمر واذا خلص خذ كل شيء واغتسل

انا مجرب هالطريقه ومن بعدها لاجاني لاضيق تنفس ولا كتمه ولا شيء ولله الحمد

اتمنى لك الشفاء العاجل اخوي

تانجو هلالي · #4 23/11/2008, 09:52 PM

الله يعافيك
إن شاء الله
عسى مهيب السيارة الجديدة

أقرأ المعوذات على نفسك كل يوم وإن شاء الله ماتشوف إلا الخير

وجــدان · #5 23/11/2008, 09:54 PM

,’

لاحول ولاقوة الا بالله
لأنك خفت من العين بالحيييل صابتك
الله يهديك ورى ماحصنت نفسك

مابوه الا حل واحد
جب الرجال اللي انت شاك بوه وخذ من سوره
اذا انك تقدر واذا ماتقدر الله يعينك

الله يبعد عنك اهل العيون الحاره
وماتشوف شر ان شاء الله

,’

zezo الهلالي · #6 23/11/2008, 09:59 PM

أولا الله يكفيك شر العين وحسبي الله على كل عيان متعمد ...

ثانيا احمد ربك جت في السيارة أنا جتني عين ما صار بيني أنا والموت إلا شعرة...

لكن الحمد لله على كل حال ...

وليد القحطاني · #7 23/11/2008, 10:04 PM

النوم جاني

ارجووكم وش اسوي ؟

ترى خلاااص كرهت الدنيا

J o S e · #8 23/11/2008, 10:09 PM

هلا و غلا حبيبي وليد

الله يشفيك و يعافيك .. طهور إن شاء الله

اقر سورة البقرة و إن شاء الله بترتاح .. كثر من قراءة القرآن أزين لك

و بالنسبة لسيارتك الجديدة .. مع اني ما شفتها لكن الله يعطيك خيرها و يكفيك شرها

ورده

س ا م 6 · #9 23/11/2008, 10:11 PM

شدعوهـ .. !!

وليد لاتفكر ولا توسوس واجد ..

و الحل عندك في البيت و في حارتكم

خذ امك " الله يخليها لك " و ركبها معك و خل تقرا على السيارهـ ..

ولا ررح عند امام مسجد حارتكم و خله يقرا عليك و على السياره ..

اسمع ..

ترـآ ماجاك ها الشي الا انك تفكر فيه دايم ..

صدقني لو تشيل فكرة الحسد عن بالك .. بـ ترتاح ..

انا آكرهـ شي عندي اني اجلس جنب سيارتي .. لان بأجلس اوسوس ..

اخوك .. عزووز

وليد القحطاني · #10 23/11/2008, 10:13 PM

جزاكم الله خير جميعاً

إقتباس

الرسالة الأصلية كتبت بواسطة س ا م 6


	شدعوهـ .. !! وليد لاتفكر ولا توسوس واجد .. و الحل عندك في البيت و في حارتكم خذ امك " الله يخليها لك " و ركبها معك و خل تقرا على السيارهـ .. ولا ررح عند امام مسجد حارتكم و خله يقرا عليك و على السياره .. اسمع .. ترـآ ماجاك ها الشي الا انك تفكر فيه دايم .. صدقني لو تشيل فكرة الحسد عن بالك .. بـ ترتاح .. اخوك .. عزووز

يالغالي عزوز
انا ماوسوست الله يجزاك خير

الحكة اللي جت في السيارة جت كذا ؟
والحرارة اللي فيني جت كذا ؟
والخمول اللي جاني كذا ؟

واعتذر لك في المسن

انا تعبااااااااااااااان

الســفيرة · #11 23/11/2008, 10:25 PM

وليد ماتشوف شر اخوي

خذ من اثره قد ماتقدر حاول ولاتنسى تحصن نفسك كليوم

اجر وعافية اخوي

شبوط · #12 23/11/2008, 10:26 PM

لاحول ولاقوة بالله

المهم خويك اللي تعرفه

قابله لين تروح الجامعة

وقاله وين اللي معاك

نطقه غصبن عنه

قل ماشاء الله

تصدق جاني اكتئاب

ياوليد المشكله السيارة

مالها اسبوع الله يعينك بالتوفيق

Msh3al_37 · #13 23/11/2008, 10:27 PM

وانا اخوك اقرا المعوذات وحصن نفسك بالأذكار وخوي خويك هذا اعزمه وخذ منه اي شي مثل ماقال بعض الأعضاء

وليد القحطاني · #14 23/11/2008, 10:29 PM

فهموووووووووني
كيف اخذ منه شئ

♥ N E V E S ♥ · #15 23/11/2008, 10:31 PM

الله ياخذ ذا الاشكال..........!!

لكن الله يصبرك وانا اخوك وعليك بالاذكار والمعوذات...