مهزله في السعوديه اسمها مزايين ...!!!أوقفوها قبل أن يحل غضب الله ... السلام عليكم ،، وأنا أقلب بريموت التلفزيون توقفت عند قناة الساحه لأرى إحدى الفنون الشعبيه لأي من مناطق المملكه ،ولكن تفاجأت بالقناه وهي تعرض مزايين الغنم ؟؟؟ يطلع الخروف على منصه متوسطة الإرتفاع ثم يبدأ الحراج عليه أحدها وصل إلى 88.000 الف ريال ؟؟؟ والأخر 65.000ريال ؟؟ وثالث 54.000 ريال ؟؟ يعني بعد مزايين الأبل تأتي مزايين الغنم؟؟ ومستقبلاً ستأتي مزايين الدجاج (( ولاتستغربون إن حصل هذا )) طبعاً لم أكمل البرنامج لأني والله أحسست بأن هذه الأمور ستغضب الله عز وجل لأنها من التبذير والترف الذي نهانا الله عنه بقوله سبحانه (( إن المبذرين كانوا إخوان الشياطين )). كم من أسره فقير ومحتاجه تشاهد هذا المنظر ؟؟ وكم من دعوه ستدعي هذه الأسر الفقيره على من هؤلاء الأشخاص ؟؟ اليس هذا من كفر النعمه ؟؟ أخيراً أتمنى من الكل أن يقرأ الموضوع بحس إسلامي وليس بحس العصبيه القبليه .. أتمنى أن نساهم جميعاً في وقف هذا الأمور ونستبدلها بمرامج تحث على التبرعات للفقراء داخل المملكه(( لأن الاقربون أولى بالمعروف )) تحياتي للجميع ،،،،،،،،، |
جزاك الله خير على الموضوع الهادف واللي يضيق الصدر ان وضع المواطن كل ماله يرجع للخلف وهذه الفئة يتفاخرون باللي عندهم من انعام |
ياااااااشيخ تخلفففففففففففففففففف |
غباء وقمة الغباء , الحمد الله على نعمة العقل , |
ورب البيت انك صادق بكل كلمه هالأشكال المتخلفه هذي هي اللي راح تودينا بستين داهيه ناس فاضيه ومريضه ومتخلفه وكفوهم هالبهايم يتنافسون فيها لأنها شرواهم أجل خروف ب88ألف ريال!!!!!!! وبعير فوق العشرة مليون!!!!!!!!! وعوائل مو لاقيه تآكل ولا تسدد ايجار بيت وحالتهم حاله وهالجحلط مسوين مسابقة ملكة جمال البهايم وبكرة ستار أكاديمي البقر وبعده مزايين الكلاب وهذا المرض هو من أكبر المسببات للعصبيه القبليه وتلقى قبايل يسبون ويغلطون على بعض والسبب (حيوان) (اللهم لاتؤاخذنا بما فعل السفهاء منا) |
. . لاحول ولا قوة الا بالله قسم بالله ،, شئ يجيب المرض .، وهي من علامات يوم القيامة : ( وحنا مازلنا متخلفين المشكلة من ربعنا البدوان قسم بالله يآ ان فيهم هياط ,، والله اني اعرف واحد متحظر وولد قبايل وعنده شركة من ايام ابوه الله يرحمه .. ورآح الخبل يبي يسوي بدوي ,، وقام يشتري له حلال وقعد يشغل نفسه فيهم .. الإبل يمكن تنبلع أما توصل للغنم :d و 88 ألف ريال ,، هذا خروف يغطي على لكزس .. :d .. الشكوى لله مدري متى يبون يحسون بالنعمة ولا أحد يشعر بالنعمة الا اذا فقدها :smilie47: |
إقتباس:
اللي منظم المهرجان من ربعك الحضر مو البدوان على قولتك:surprised: والنعمه ما سبب زوالها الا انت واشكالك من اللي قلوبهم مليان حقد على القبايل والبدو وخلك في البقر واترك البدو في حالهم:yes: |
إقتباس:
.. أقسم بالله تخلف إلى أبعد الحدووود .. والله هالدنيا فانيه .. وفيه ناس محتاجين هالفلوس أكثر منّا .. واللــه يغفر لنــا بس .. |
888888888 اعتقد انك تشوف رد الاخ اللي فوق يعني تبيني اسكت؟؟ |
^ ^ ^ ^ رد الأخ اللي فوقك عين الصواااب .. بدل ما يشكرون الله ع النعمه يشترون خروووف بـ 100 الف :D .. والله يا خوفي إن ربي يخسف بنا عشان هالبدوٍ .. الله يستر .. والله يغفر لنا .. |
^ ^ قدام ما ورانا شيء :d أجل حرب الله يصلحك :d طيب سؤال :surprised: الخروف اللي يشترونه بـ 100 الف وش يسون فيه :stoned: يآكونه يعني ولا وش قصتهم :d البعاريين يمكن تمشي أما خواريف قوية شوي :surprised: |
إقتباس:
واعتقد ان عنده حقد على البدو خارج موضوع النقاش واستغل الموضوع حتى ينتقد البدو والحضر مثلهم مثل البدو يسرفون في اموالهم في اوجه غير مشروعه مثل المزايين وقنوات التلفزيون واشياء كثيره وياليت لو بغينا ننتقد ننتقد الفعل نفسه ولا ننتقد قبائل باكملها بسبب فعل اشخاص |
بعض الناس ردودهم تقطر سواد وحسد ينتظرون ادنى فرصه يطلعون مافي قلوبهم من نتن قال وشو يبكون على الثمانين الف الي ضاعت على خروف طيب ويينهم عن الملايين الي ترسل للبنان وباكستان وتبني مدن في الأردن ؟! فقرائنا ماهم أحق بها ؟ ، مع ان الخروف الي شراه صاحبه يمكن يرجعله بنفع ويكون حاسب حسابه انه بيعوضه دبل عن الي دفعه في كم سنه بس الي يروح للبنان والأردن هذا وش بنجني منه ؟! والملايين الي تصرف في احتفالات اليوم الوطني والعيد ووو لو نعدد لين بكرة ماخلصنا مالقوا الا هالمسيكينين المجتمعين ببيعونلهم كم خروف يتهجمون عليهم ويتهمونهم بالتبذير والغباء والتخلف ؟! رجال كبار يجي سفيه يطقطق على النت وينعتهم بالتخلف ؟! صدق اهل العقول في راحه |
بصرآحه انا اول مرة اسمه بهذي الظآهرهـ ..! مزآآيين الغنم ..! صرآحه اول مرة اسمع فيهآ .. عموما الله يعطيك العافيه على الموضوع .. وبإذن الله تختفي هذي الظآهرهـ ..! |
الي معاه ارش ومحيرو يشتري حمام ويطيرو الله لا يغضب علينا بس :( . . . بنت عبدالعزيز |
الوقت المعتمد في المنتدى بتوقيت جرينتش +3.
الوقت الان » 04:47 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd