من واقع تجربه شخصيه اقول اني اشتركت في ART لشخص قريب لي مع العلم اني شخصيا مااشتركت والحمدالله على هالشي ومع العلم ايضا اني حاولت اقنعه انه مايشترك لكنه رفض ومعه بعض الحق لان هالباكستاني حدنا على هالشي للاسف ..

المهم ان اشتراك خويي كان في 13 مايو ( يعني من 9 ايام ) ويومها قالوا لنا ان الاشتراك راح يتم تفعيله خلال يوم يعني تجي من بكره وتستلم بطاقتك وتلقى اشتراكك مفتوح وجاهز .. ومن بكرا جينا للمحل وبالفعل حط البطاقه في الجهاز وورانا القنوات بعد مافكت الشفره وكل شي كان تمام ..

لكن اللي حصل انه يوم راح للبيت ماشغل البطاقه الا بعد يومين والمفاجأه انها مااشتغلت .. ويوم رحنا لهم قالو انه فيه ضغط على الاشتراكات وان عدد اللي ينتظرون ادخال بيانات بطاقاتهم فوق 40,000 !!؟؟

بغض النظر عن الاسلوب الوقح لجذب المشتركين وايهامهم ان البطاقه مفتوحه وهذا اللي حصل مع الكثيرين من اللي قابلناهم في المحل اقول بغض النظر عن هالشي .. ابي اعرف وشلون ياخذون اشتراكات الى يومنا هذا وهم مافتحوا اشتراكات ناس لهم الان 9 ايام مشتركين ومافتحت اشتراكاتهم الى اليوم !!؟؟

فنصيحتي للي يبغى يشترك يسأل الزباين اللي في المحل اللي بيشترك عنده وبيشوف ان هالكلام صحيح ... واللي بيشترك اليوم والا بكرا ماراح يشوف الا اخر عشر مباريات في كاس العالم لان البطوله باقي عليها 10 ايام بس وفيه ناس مشتركين لهم عشر ايام ومابعد فعل اشتراكهم فما بالكم باللي بيشترك الان !!؟

عموما هذا اللي حبيت اقوله عشان مااحد يتوهق ويشترك ويخسر فلوسه بدون مايشوف شي .. وللاسف ان مافيه حل الا المقاهي والا بعض القنوات الاوربيه مثل ZDF الالمانيه اللي راح تنقل بعض المباريات وعلى المفتوحه مع غيرها من القنوات الاوربيه اللي من الممكن كسر شفرتها بالاضافه الى السبع مباريات اللي بينقلها تلفزيونا المخيس ... والله لا يجزاء اللي كان السبب خير ولا يوفقه لادنيا ولا اخره ...

مشكور لا كن لن ولن ولن ولن الف مليون لن اشارك 00

أخي العزيز اوين

أنا أشتراكي في الـ art أنتهى من ثلاثه أشهر تقريباً ولم أجدد
لكن بعد أن تأكدت أن كأس العالم لن يُنقل ألا على الأوائل جددت الأشتراك مكرهاً وذهبت لــ ( دله البركه ) في طريق الملك فهد وأخذت بطاقه ذكيه جديده :sad: وهي تشتغل معي من أفضل مايمكن

أعتقد والله العالم أن الأحياء تتدخل في الموضوع أو أن الصحن (الدش) لم يثبت بشكل جيد أوالبائع في محل الألكترونيات له يّد خفيه لأنه وبحسب ماسمعت يوجد بطاقات ذكيه (مسجله) للأوائل في السوق السوداء

أخــــــــــــــــــــوك
نواف السديري

بارك الله فيك أخوي أوين..

المقاطعه هي السلاح الوحيد لكسر إحتكار هذا الرجل

لن اشترك مستحيل ويستحيل اسمع مداخلات تسب لاعبين الهلال أو قناة تشتم بالهلال وأدفع لهم فلوس يا ناس المباريات الصبح وتمتع بالمباريات المسجله ليلا مع ناس يفهمون كورة

حنا استأجرنا غرفه في احد المقاهي ب 600 ريال بالشهر

ولا حنا مشتركين مع هالبكستاني

الله يعطيكم العافيه ياشباب ويقويكم ويصبرنا وياكم على مصالة واستغلال هالباكستاني ...

اخوي نواف السديري .. بالنسبه لك متى اشتركت ؟ لانه يمكن تكون اشتركت مبكر شوي قبل مايزيد الضغط على الباكستاني الله لا يربحه ..

وبعدين من ناحية الاحياء مااعتقد لها دخل لاني مشترك عند محل في السليمانيه يعني ماهنا بعد بالحيل عنك وبالنسبه للدش وتثبيته فانا عامل حسابي واخذت البطاقه لاكثر من محل وخليتهم يتأكدون اذا كانت مفتوحه الشفره والا لا وكلهم قالوا انها مافتحت اما العامل في المحل فهو مندوب سعودي ومعطيني جواله واسمه كامل وموقّع معه عقد رسمي على اوراق شبكة الاوائل .. واللي مبين والعلم عند الله ان ماله علاقه بالمشكله ... ولو كان له علاقه فنرجع ونقول ان الباكستاني وشبكته هم اساس المشكله لانهم معينينه ومعطينه الصلاحيه يوقع عقود مع الزباين باسم الشركه ...

وعلى كل حال انا ماكتبت هالموضوع الا علشان مايمر احد باللي مريت فيه انا وغيري من اللي نصب عليهم الباكستاني العفن .. والله من وراء القصد .

اعوذ بالله منهم

اشتركت امس عاد الله يهديك توك تقول لنا

<====== مافيه واحد مبسوط اكثر منه بيشوف كأس العالم بلاش وغصب عن خشم الباكستاني



سلاااااااام

يالربع كاس العالم بنشوفة ان شا اللة0000 ماحدنا على المر الا الي امر منة

والله انا بالنسبه لي ماهمي الا مباريات المنتخب مالي شغل بالباقي اشوفها مسجله عادي .....

انا مشترك من فترة طويلة art كل القنوات الرياضية
لازم ان تخلي جهازك جهازك شغال وبه الكرت لمدة خمس ساعات حتى يرسلوا لك التردد او اشارة البث....

تحياتي

والله ياخوي اني كنت ناوي اروح اشترك اليوم وبعد هالكلام ابفكر رأيك اطنش بس ونصبر على المر ...... تحياتي لك

مارايح انا اشترك في art مهما كلف الامر

لو ماشوف المباريااااات كله علي شان هالباكستاااااااني المعفن

هذا يالربع ليس احتكار وانما ( احتقاااااااار للشبااااااااااب السعودي

فجميع قنوات الخليج بتنقلها علي الارضياااااات ماعدا تلفزيوننا ؟؟؟

ورايح اقولكم شي ( في بطولة القارات الا خيره والتي احتكرها الزفت

الظفدع صالح كامل ) شاهدت جميع المباريات علي القنوات الا روبيه

وعلي الهواء مباشره ورايح تشاهدون كاس العالم علي القنوات الا روبيه ان شاء الله فهذا كاس عاااااااالم ياشباب لا تتبعون هذا المحتقر لكم

قاطعواا ال art قاطعواااا ال art قاطعوااااااا ال art
قاطعواا ال art قاطعواااا ال art قاطعوااااا ال art
قاطعواا ال art قاطعواااا ال art قاطعوااااا ال art