24/11/2008, 09:23 PM
|
| برشلوني مخضرم | | تاريخ التسجيل: 05/08/2004 المكان: somewhere I belong
مشاركات: 6,701
| |
شاهدت المباراه اعاده .. الصراحه الا يشوف تعليقات البعض يحس انه الفريق قدم عك كروي وبشكل بطولي وبويان جاب على الفريق هدف خيتافي .. وانه الفريق الا قدامنا يمكن كان ام صلال من كثر ماالأداء يفشل بويان قدم أسوأ مباراه له مع الفريق من اول ماظهر معاه .. يعني من العام الماضي الى يومنا .. هذي اول مباراه يلعبها بهالطريقه .. لكن مومعناتها اللاعب افضل له يدخل في الشوط الثاني .. ولا معناتها بزر ودلوع ومايستحق الفريق الأول .. ياما بويان لعب مباريات بطله وامام فرق اقوى من خيتافي .. ولنا مباراتي شالكه خير مثال .. ومباراة ليون .. وامام اسبانيول .. وغيرها من المباريات الا اثبت فيها نفسه بويان .. وسالفة انه خيتافي كان فريق اقوى من مستوى بويان اسمحو لي فيها .. ممكن نقول انه الفريق كان مستواه اعلى من مستوى لاعب في مباراه مثلا .. اذا استسلم للرقابه .. اذا شفناه موعارف يطلع يحصل كوره .. اذا شفناه بس ياخذ الكره تنقطع منه قبل لايفكر بالخطوه الثانيه .. اقول ممكن .. لكنها موقاعده .. السالفه وكل مافيها يومه سئ .. وهذا الشئ يحصل الى اي لاعب .. بلاش تقسو عليه .. حاله حال هليب اللي الى الآن ماتأقلم .. وفالديز برضو ماكان في يومه لكن عادي .. الا يهمني في المباراه تصرف الفريق وتعامله مع ظروف سير اللقاء .. وكيف تعامل مع غياب عناصر مهمه [ مثل ماركيز وميسي ] .. وارهاق اهم مفتاح لعب في الفريق وهو [ تشافي ] .. فيكتور مونيز مدرب جيد جدا .. ويعرف يحضر لمباريات الكبار .. وياما كانت له مباريات بطله ايام سرقسطه وايام ريكرياتيفو برضو .. والمباراه هذي اعتقد كانت امتحان صعب ولم تكن محطه سهله ابدا .. خيتافي قدموا مباراه كبيره ومنظمه من حيث الضغط على خطوطنا .. وهاالشئ صعب علينا مأمورية اللعب في الامتار الاخيره .. العاده الأنديه الا تضغط علينا في خط دفاعنا .. يضغطو برباعي او ثلاثي بس يكونو حول خط المحور .. لكن بالأمس خيتافي كان مثبت اثنين يضغطو على قلوب دفاع برشلونه وامام لاعب المحور الوحيد يايا توريه .. وهاالشئ كان يبطئ عملية اللعب وتحضير اي هجمه .. لأن دائما هجمتنا تبدأ من الدفاع .. هاالشئ يخلي تشافي يرجع دائما لأخذ الكره ويتخلى عن بعض مهامه الهجوميه .. وهاالشئ راح يأثر على الهجوم .. خصوصا في ظل عدم وجود لاعب في خط الهجوم يذهب للمرمى بشكل مباشر وسط تكتل الدفاع لخيتافي .. ايتو كان خروجه لاستلام الكره ضعيف .. ايتو من نوعية المهاجمين الا يتحركو ويبحثو عن الكره .. ومن القلائل الا يلمسو الكره في كل عملية تحضير للهجوم .. وهنا يكمن تميزه .. لكن بالأمس كان ضعيف من هالناحيه .. وبهالطريقه استسلم لاندفاع خيتافي البدني .. هاالشئ يرجع برضو للثلاثي [ كيتا - توريه - تشافي ] اللي مازالو بعيدين عن التفاهم الجماعي .. وهاالشئ يخليهم يرتجلو اكثر في بعض الأحيان .. ولو ان هالمباراه كانوا افضل بكثير من المباريات السابقه .. من الناحيه المنطقيه .. مااشوف بيب اخطأ ولاتفلسف .. عادي .. اذا مباراة خيتافي مااعطينا فيها فرصه للاعبين مثل [ هليب ] او [ بويان ] متى نعطيهم ؟ .. لازم هليب يشارك مع الفريق .. ولازم نحسب حساب مباراة التشامبيونز ليق .. ولازم نحسب حساب الشهر الجاي المزدحم .. مااعتقد هليب بتجربته الكبيره في الملاعب الأوروبيه محتاج يدخل في مباريات ضعيفه علشان تتسهل عليه الأمور .. السالفه وكل مافيها .. هليب ماتأقلم .. سواء لحاجز اللغه او لحاجز طريقة اللعب الجديده عليه .. بويان ماكان في يومه باختصار .. ولازم المدرب يجازف ويدخل لاعبين احتياطيين في مباريات مهمه مثل هذي علشان ياخذو ثقه في نفسهم .. والا بعدين بنلومه برضو ونقول مااعطاهم فرصه .. ونقول كيف يتأقلم اللاعب بدون ماندخله يلعب .. ميسي لاعب نوعيته نادره في العالم .. واكيد اي فريق بيتأثر بغيابه .. لأن مستحيل لاعب مثل ميسي يكون موجود في فريق ويكون لاعب هامشي مثلا .. لكن يحسب للفريق انه يقدر يبني هجمات بغيابه .. ويقدر يهدد .. سواء بكرات ثابته .. كرات عاليه .. كرات ارضيه .. المهم يكون عندك هويه في الملعب .. الشوط الأول مع اننا كنا نلعب بنقص لاعبين يعتبر . لكن خلقنا فرص .. في الشوط الثاني بعد التغييرات صار ضغط الفريق الهجومي اكبر .. وصار رتم اللعب اسرع بكثير .. وماكان ينقص الفريق الا التوفيق ويسجل هدف الفوز .. بيكي عدى التمريره الخاطئه الا انه قدم مباراه بطله ودائما يحسب الى بيكي انه مايتوتر في المرتدات وتضييقه للمساحات على المهاجم .. وانا اعتبر تعامله معاها مثالي جدا من ناحية الاساسيات الكرويه .. اخطأ في التمرير ؟ عادي من الا مايغلط يعني ؟ تحصل في احسن العائلات .. برشلونه تحسن في الشوط الثاني بشكل كبير .. لأن وجد الحلول في فتحه لعرض الملعب واستغلال الأطراف .. خصوصا بعد دخول [ بيدرو - هنري ] .. في الشوط الاول كنا نعاني من بطئ في نص الملعب خصوصا لارهاق تشافي بعض الشئ .. في الشوط الثاني شلنا هالسلبيه باللعب الطولي والمباشر والاستفاده من هنري خصوصا في هالكرات لما يدخل للعمق .. كيتا ايضا كان دخوله للعمق مهم جدا .. ومنها حققنا هدف التعادل .. كنا سيئين في بعض الحالات .. لما كنا نخسر الكره للارتباك وعدم التعامل بالهدوء المطلوب مع الهجمات .. بسبب عدم وجود انسجام بين بعض اللاعبين الا مالعبو مع بعض الا قليل جدا .. سليفينيو مااعطى حضور مهم في المباراه .. وعدى التسديده في الشوط الأول مااظن كان له اثر هجومي جيد .. برأي .. الفريق كان قوي ونوع في طريقة اللعب .. في الشوط الثاني كنا افضل بمراحل عن الشوط الأول .. لكن ماحققنا الفوز .. والفوز صعب يجي دائما .. وصعب يلعب الفريق برتم واحد دوري كامل .. بس الا يهمني روح الفريق ..شخصيته .. فرض اسلوبه والا مافرضه .. صنع فرص والا ماصنع .. في النهايه فيه ايجابيات في المباراه يعني .. الدليل على كلامي ان الفريق قدم مباراه كبيره .. ان الكامب نو صفق لهم وشجعهم بشكل جميل .. جماهير الكامب نو .. غجر .. ناس ماعندهم بابا ماما عاوز بنبوني .. جماهير مايرضيهم شئ .. واذا صفقوا معناتها في شئ شافوه يرضيهم .. على العموم .. الأفضل كانوا [ توريه يايا - الفيس ] .. توريه قدم افضل مباراه له هالموسم .. ختاما .. ممكن خيتافي يستحق التعادل .. لكن مومعناتها ماكنا نستاهل الفوز .. وكنا قريبين منه .. لكن هذي ارادة ربكم .. سي يو نكست ويك .. وبالتوفيق لجميع الأنديه
That moment, when you realize the inevitable beat up is about to happen The legacy that Xavi, Puyol and other veterans of this team will leave, Sergio will carry on. He will be responsible for integrating new players and will not even need to talk. Just watching his behaviour, everyone will see how things are done in this club PEP GUARDIOLA |