|
بدون تعصّب البحري الأجدر بالظهير الأيمن والصقري بالأيسر والوسط لأحمدالموسى وعبدالرحمن القحطاني والباقي أحتياط ..!! السلام عليكم ورحمة الله وبركاته : أستغرب الصراحة من قناعات الجوهر !! يعني فيه أسماء أثبتت وجودها بكأس آسيا 2007 والبعض منها أثبتت وجودها عندما تأهلنا وتصدرنا المجموعة بجدارة لكأس العالم 2006 .. مع ذلك الجوهر مدري كأنه يستغبي الشعب السعودي ويحاول اثبات أسماء جديدة أو مستهلكة ويسوي حقل تجارب !! ويبي يثبت أن اختيارات كالديرون وانجوس خطأ وهو الصواب !! ووضحت النتيحة بفشله الذريع والهزيمة من كوريا بعد أن عجزت عن هزيمتنا 17 سنة إلا بيد الجوهر !! لا أحد يقول ما له دخل !! أنا بركز على خمسة أسماء لو لعبت بهذه التصفيات وأمام كوريا لما ظهر المنتخب بالصورة الهزيلة وأتحدى أحد يقول أن اللي لعب فيهم الجوهر أفضل منهم !! الخمسة أسماء هم : البحري ( ظهير أيمن ) - الصقري ( ظهير أيسر ) - الجاسم ( محور متحرك ) - الموسى ( وسط أيمن ) - عبدالرحمن القحطاني ( وسط أيسر ) كل هذه الأسماء تستحق أساسية والمفترض تثبت عليها سنة سنتين مو كل شوي طالع بالمنتخب بتشكيلة !! يعني ماندري متى المنتخب يثبت على أسماء معينة !! والآن راح أذكر ميزة كل لاعب من اللي ذكرت : 1) أحمد البحري : هو المفترض أن يكون الأساسي بالظهير الأيمن لأنه يوازن بين الدفاع والهجوم ولا ننسى أنه كان من نجوم الأخضر بقيادة كالديرون حينما تأهلنا لكأس العالم 2006 وأبدع كأس آسيا 2007 والمفترض الأحتياط له حسن معاذ وشهيل .. لأن البحري يتفوق عليهم في البنية الجسمانية والأداء الدفاعي والعمل الجماعي TeamWorkوالأوفرات ( هذه نقطة مهمة ) وكلنا يتذكر أوفرات البحري المميزة منها هدفي ياسر ومالك في كأس آسيا ولا نجد هذه الميزة عند معاذ او شهيل او اسامة المولد !! ولو لاحظنا أنه كل نجاح للمنتخب يكون البحري موجود بالظهير الأيمن . 2) صالح الصقري : هو الأجدر في الوقت الحالي واللي يقول غير كذا متعصب !! الصراحة ظهير عصري يجمع بين الدفاع والهجوم وسريع وصاحب اوفرات على المقاس وتسديدات وهذا ماينقص المنتخب حاليا واللي يقولي عبدالغني أقوله ياحبيبي عبدالغني تنقصه السرعة والأوفرات !! المفترض يكون أساسي والأحتياطي له الزوري . 3) تيسير الجاسم : أفضل لاعب في المحور المتحرك الهجومي ويكون مع عزيز ثنائي قوي ويمتاز يالتسديد من خارج المنطقة والمهارة وهذا ماينقص أحمد عطيف . لذلك المفترض أساسي وأحمد عطيف أحتياطي . 4) أحمد الموسى : المفترض أساسي بالوسط الأيمن لاعب مهاري وكنتروله عالمي وأبدع في كأس آسيا المفترض أساسي ويكون أحتياطيا له الفريدي . 5) عبدالرحمن القحطاني : أفضل جناح أيسر بالسعودية مهاري وسريع ويجمع بين الدفاع والهجوم وصاحب بنية ممتازة وهذا مايتفوق فيه على الشلهوب المفترض أساسي وأحتياطيا له عبده عطيف . أما الشلهوب نازل مستواه وهؤلاء هم الأجدر وبدون تعصب . ** عندها تخيل تشكيلة الأخضر بهذه الأسماء حتما سيتغير الحال إلى الأفضل يعني تكون التشكيلة كالتالي : وليد ( المسيليم ) الصقري ( الزوري )............ المرشدي ( المنتشري ) ....... هوساوي ( المولد ) .... البحري ( معاذ ) ..... عــزيـــز ( كريري ) ............ .... الجاسم ( أ.عطيف )............ ع.القحطاني ( ع.عطيف ) ................................................ أ.الموسى ( الفريدي ) .............. مالك ( الشمراني ) ............................................. ................... ياســــر ( الحارثي - بشير ).................... المفترض لا تتغير هذه الأسماء أبدا حتى يكتسب المنتخب شخصية قوية ولا يكون فيه تغيير إلا عند الضرورة أو عند بروز لاعب بالدوري وتجريبه كورقة رابحة وليس أساسي !! ** ملاحظه صغيرة : لمن ينادون بمحمد نور تذكّر أننا تأهلنا لكأس العالم 2006 وتصدرنا المجموعة بدون نور :bigeek: وتأهلنا لنهائي كأس آسيا 2007 بدون نور أيضا :bigeek: .. لذلك لا ينقص المنتخب وجود نور بقدر ماينقصه حسن الأختيار بالأسماء وتوظيفها بالمكان المناسب والثبات عليها كما عملا كالديرون وأنجوس .. يعني رجع لي أسماء منتخب أنجوس مع دخول بعض الأسماء كالصقري والفريدي وبشير عندها أضمن لك التأهل والصدارة !!. |
صدقت والله لم تقل إلا الحق !! |
هههههههههه بدون تعصب ماتبي نور عشان تأهلنا بدونه لنهائي كاس اسيا وبعدين وش انا اجزم لو كان محمد نور معنا اخذنا الكأس لان العراق عندهم اجسام عكسنا ومحمد نور يتميز بجسمه طيب مانبي احمد الفريدي عشان تأهلنا لكاس العالم 2006 بدونه ..! ياخي خلك ذكي شوي وشلون ماتبي نور عشانك تأهلت بدونه يعني لو رئيس الهلال قال بنجيب كرستيانو نقول له لا اخذنا الدوري السنه اللي راحت بدون كرستيانو .. , وبعدين فيه ضروف يوم كاس اسيا احمد الموسى وعبدالرحمن القحطاني وتيسير الجاسم في مستواهم .. عكس الحين ,, |
إقتباس:
|
إقتباس:
بعدين لا تسوي فيها ذكي وتضرب لي مثال برونالدو والفريدي .. أنا ذكرت نور لأن الكل صجنا وازعجنا بنور وأنا حبيت أذكره بمنتخب أنجوس وكالديرون بدون نور ؟؟ بعدين لاتكذب على نفسك وتقول أنه فيه ظروف بكأس آسيا وكانو في مستواهم ؟؟ .. أي ظروف وأي مستوى والكل كان متشائم من الأسماء لأنها أسماء جديدة وكنا في الأجازة الصيفية والدوري منتهي ؟؟ بعدين ما فيه أي تناسق بين كلمة ( بلا تعصب ) ومحمد نور !! وش دخلها !! أنا أقصد بلا تعصب بالنسبة للأظهرة خصوصا أحمد البحري .. هو الأجدر . أنت تدري ليش كتبت ملاحظة صغيرة ؟؟ لأن فيه ناس عقولها صغيرة :razz: تعتقد أن نور يسوي كل شئ مع المنتخب!! وكأنه يوسف الثنيان !! ونسوا منتخب كالديرون ومنتخب أنجوس .. وترى لمعلوميتك لو نور لعب بكأس آسيا لما عرفنا اللاعب أحمد الموسى لأنه كان اسم جديد ولعب بالوسط الأيمن بديلا عن نور .. وبعدين لو نور موجود هل تضمن وصولنا للنهائي !! أنا حبيت أننا نتذكر الأسماء اللي مع كالديرون وأنجوس .. يعني بالعربي رجع لي منتخب أنجوس على الأقل وما نحتاج لهياط نور !! |
ماقلت شي وانا اخوك التوظيف مهم وكل كلمه كتبتها انا معك فيه الا في عدم ضم نور بس منتخب انجوس الحين اغلبهم نازل مستواهم من الاصابات ونور يوم كاس العالم كان مقدم مباريات ممتازه بس انتم مادري اش فيكم تسمونه لاعب نادي والله انا لااحب نور ولا اكره انما اعجبني اللاعب واتمنى ان يضهر للمنتخبات الاخرى امكانيات اللاعب السعودي احمد الموسى اللي تقول عنه افضل من نور في المنتخب بعد كاس اسيا اغلب الجمهور طالب بأبعاده نزل مستواه كثير يعني نور يكون مكانه افضل |
إقتباس:
ترى الفارق الزمني سنة واحدة بين الجوهر وانجوس يعني هل من المعقول : 1) اسامة المولد ( الأحتياطي بالأتحاد ) اللي مايعرف يرفع كورة صح أفضل من البحري ؟؟ :nono: 2) الزوري قليل الخبرة وعبدالغني عديم الفائدة !! أفضل من الصقري المبدع حاليا بالدوري السعودي وصاحب الأوفرات الخطيرة ولعلك تتذكر هدف العنبر على كوريا ترى اللي رافع له الصقري !! 3) أحمد عطيف لا أعلم لماذا يلعب أساسي ويترك الجاسم !!!!!! رغم الفارق الفني للجاسم !! 4) هل الشلهوب الأحتياطي في الهلال أفضل من عبدالرحمن القحطاني بالجهة اليسرى على المستوى الدفاعي والهجومي والفائدة الفنية للمنتخب ..؟؟ خلنا صريحين الشلهوب حاليا نازل مستواه ولا يستحق اساسي بالمنتخب .. وهل لو الشلهوب لعب بكأس اسيا بديلا عن القحطاني وصلنا النهائي ؟؟ عبدالرحمن القحطاني الأفضل حاليا . 5) أين نجم الوسط السعودي بكأس آسيا2007 أحمد الموسى !! كان يعتمد عليه أنجوس كلاعب أساسي بالوسط الأيمن والآن يغيّب تماما حتى بالأحتياط !! فلو اعتمد عليه كأساسي وكان احتياطيا له الفريدي لكان أفضل .. على الأقل بوجود هذه الأسماء سيتغير منتخبنا للأفضل . أتمنى الفكرة وصلت |
البحري والصقري انا معك اما بالنسبه لعبدالرحمن القحطاني وتيسير الجاسم واحمد الموسى 1- عبدالرحمن القحطاني مانزل مستواه بس اداء عبده عطيف والفريدي افضل منه حاليا 2- تيسير الجاسم ناازل مستواه والان كل مباراة يتحسن الان الافضل ان يكون احمد عطيف مكانه الا مايرجع مستواه 3- احمد الموسى مستواه رائع لكن ليس بمستواه يوم كاس اسيا بس نور تحسنت اخلاقه هو الاجدر ان يكون مكانه .. ^^ هذي وجهت نظري ولك وجهت نظرك |
إقتباس:
1- عبدالرحمن القحطاني يلعب كوسط أيسر وليس كوسط ايمن عندما قارنت بينه وبين عطيف والفريدي !! والشلهوب ليس أفضل من القحطاني حاليا بكل أمانة ..!! ويجب أن تعرف أن الفريدي وعبده عطيف بفرقهم يلعبون كوسط أيمن واختارهم الجوهر على هذا الأساس .. المفترض من الجوهر تثبيت القحطاني بالجهة اليسرى واحتياطيا له عطيف ويثبت الموسى بالجهة اليمني واحتياطيا له الفريدي . 2- لا اعتقد ان احمد عطيف اثبت نفسه بالمنتخب !! بالعكس كل الحمل بالمحور على عزيز !! ومطلوب عودة كريري جانب عزيز مع ان كريري لايجيد الادوار الهجومية لكن وجوده افضل من وجود عطيف .. والآن يوجد محاور هجومية وتجيد الأداء الهجومي أفضل من احمد عطيف ولكن !! 3- يوم حكمت على مستوى احمد الموسى متى اخر مباراة تابعتها لاحمد الموسى ؟ احمد لم يتراجع مستواه ولكن قناعات مدربين !! وصدقني لو رجع منتخب أنجوس لسنا بحاجة نور !! |
اخوي انت معك حق لكن لو تشوف هالاسماء الحين كلهم نازل مستواهم وبعدين فيه لاعبين على مايقولون فقاعة صابون مثل احمد الموسى اللي شفه الحين مايعرف يثبت كورة مع الوحدة وبالنسبة للصقري الحين انت تذكر كاس الخليج بالمارات ولا لأ والله مانكبنا الا هو هالمعوق |
إقتباس:
بعدين علشان خطأ واحد للصقري قلت عنه معاق !! ونسيت وش سوى الصقري مع المنتخب ومع فريقه !!! تكفيك الاوفرات اللي يسويها !! اجل معجبك عبدالغني ولا نلوم الزوري لانه جديد . بعدين بالله يعني معجبينك هذي الأسماء ( أسامة المولد الدب اللي يرفع بوز :bigeek: واحتياطي بالاتحاد !! - احمد عطيف يتقدم دايم على غير سنع ويوهق المسكين عزيز - الشلهوب اللي مستوااه فريزر !! واحتياطي بالهلال !! - عبده عطيف ماتعرف له مباراة توب ومباراة تحت لذلك بحاجة للتنويع بينه وبين احمد الموسى - الزوري توه جديد معذور وتشركه اساسي كذلك نفس الكلام ع هزازي !! ) يعني بالله هالأسماء هذي مو نازل مستواها واللي اكثرها اصلا احتياطيين بفرقهم فكيف يكونون اساسيين قدام منتخب قوي وسريع !! قارن هذي الأسماء والبديل عنها كيف يكون المنتخب كما يلي : اسامة المولد >>> البحري .... الزوري >>> الصقري ... تكر >>> اسامة المولد هذا مركزه الطبيعي جنب هوساوي ..... احمد عطيف >>> الجاسم على الأقل يشوووت واحنا كان ناقصنا واحد يشوت . الشلهوب :confusedw: >>> عبدالرحمن القحطاني افضل يوازن الدفاع والهجوم كذلك الشلهوب هذا الموسم هابط مستواه . هزازي - السلطان >>> صالح بشير داخل الصندوق - ناصر الشمراني على الأطراف ... شوف بعدها المنتخب كيف ؟؟ |
تشكيله رائعه ونتمنى عودة هؤلاء النجوم . . إقتباس:
احمد الموسى من افضل اصحاب الكنترولات في الممكله .. كور يصعب تثبيتها تجده يثبتها بسهوله .. وراجع مباريات الوحدة ..!! |
إقتباس:
|
الصقري مكتوب عليه تالف والبحري غير مفيد هو وجة اخر لاسامة المولد !!! حسن معاذ الاجدر او الدوخي احمد عطيف غير مؤهل للعب في المنتخب |
البحري مصاب عشان كذا ما ضموه على كلام الجوهر لكن حاليا هو الافضل في خانة الظهيرالايمن للمنتخب ويكون شهيل احتياطي له اما الجهة اليسرى فيه عبدالله الزوري وكامل الموسى وحسين وزيد المولد اما تيسير الجاسم فهو في محل احمد الموسى في الجهة اليمنى وكريري محور دفاعي مع عزيز والباقي مثل ما ذكرت |
| الوقت المعتمد في المنتدى بتوقيت جرينتش +3.
الوقت الان » 08:45 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd