|
شوفوا لنا حل مع هالمدرسين ؟؟؟ السلام عليكم ورحمة الله وبركاته أنا قضيتي اليوم عن أذى المدرسين للطلاب قبل يومين جاني أخوي عبدالرحمن من المدرسة ويبكي بكاء شديد وش فيك يا عبود ؟؟؟ قال ضربني المدرس بالعقال على ظهري لاحظوا إن أخوي يدرس أول متوسط يعني عمره 13 سنة فكيت عن ظهرة ويا ليتني ما فتحت وشفت ظهره فيه خط من أسفل الكتف إلى حد أسفل الظهر وفيها ألوان بعد (( أحمر على وردي على أخضر )) قلت له ليش ضربك ؟؟ قال لأني قلت له بأسمع يا أستاذ القرآن من دون ما أستأذن !!! بعدين قام ووقفني وضربني على ظهري بالعقال قلت بس كذا ؟؟ قال لا كمان قال لاحظوا وش قال : (( أنت جيت تتعلم وتدرس ما جيت تتمنذل يا نذل )) بعدين يقول قفلت المصحف وبكيت قدام زملائي وما رضيت أتبع قال لي تبع ما سمعت كلامه جالس أبكي قام وضربني بالعقال على فخذي مرة ثانية ورواني الضربة زي أختها رحت له اليوم الثاني ولعنت أبو المدرسة الين جاني المدرس اللي كانوا مخبينة في غرفة المدرسين وتمشكلت أنا وياه لحد مدة اليد وما يحتاج ذكر التفاصيل(( طاخ طيخ بوم طج )) وطلعت أخوي من المدرسة وهزئت المدرس قدام الطلاب المشكلة يا أخوان إنه كبير في سنه ويدرس دين أبي أشوف وش الحل معاه أخاف أخلي أخوي عندهم بيلعبون فيه وأخاف أنقله من المدرسة ما أحد يقبله لأنها راحت نص السنة تكفون أبيكم تساعدوني في هالمشكلة العويصة وياليت اللي يعرف أحد في الوزارة يوصل له هالمشكلة أكون ممتن له ولكم خالص حبي ســـلـــمـــلـــم |
طيب وده مدرسة اهليه لين يقضي الفصل .. المدارس الاهليه اكيد بيقبلونه , و اذا كنتم ما تقدرون لا تخيل ذا المدرس يدرس اخوك ,, -------- |
هلا اخوي قاضي انا ولد خالتك افتح الماسنجر ابيك :d والله شوف هالأيام ما عاد عند قلوب المدرسين رحمه الا من رحم الله :yes: الحل اتوقع : تروح عند المدير وتكلمه ويمكن [ يخصم من راتبه او غرامه او شي زي كذا ] او تروح تتفاهم معاهولكن اذا وصلت لحد مده اليد عاد ذيك الساعه شوف التصرف الي يعجبك .. او تقول : [ حسبي الله على من ظرب اخوي ] وشكرا ورده |
هلا اخوي .. حياك ربي .. تبي الحل اللي تأخذ حقك وترتاح .. انت ماقصرت يوم رحت للمدرسه طبعا .. لكن اقسم بالله رح للإداره .. اقصد ادارة التعليم للمحافظه اللي انت ساكنها .. وقبل ماتروح جب لك تقرير طبي والا شئ ان اخوك تعرض للضرب .. لكن .. اذا كان اثار الضرب موجوده فهذا بيفيدك اكثر ويكون خير دليل .. وصدقني لو تروح .. من بكره المدرس منقول لجازان والا خرير والا ديره من الديار البعيده عنه .. وبالتوفيق يالغالي .. والله يعين عل المدرسين |
أنا رحت للمدير وقلت له لو إنه ولدك اللي أنضرب بالعقال ما ترضاها تدرون وش قال (( قال إذا كان إن الأستاذ ....... هو اللي ضربه فلن أتلفظ بأي كلمة لأنه ما يضرب إلا على حق )) بغيت أقول له كذاب لو ولدك إنضرب بالعقال كان قومت الدنيا وقعدتها |
إقتباس:
والله لو اني بدلك كان قلتها في وجهه وان شاء الله ينقلونه بالدرب او جازان او صامطه عشان يعرف ان اولاد الناس مو حيوانات عشان يضربهم |
إقتباس:
هههههههههههه الله يرجك المدير مافي يده اي شئ يقدر يضر فيه المدرس .. |
عادي خله بالمدرسة ، وأي مطرّس ؛ وليسمح لي المعلمين الأفاضل على هاللفظ ، لانه بالفعل قلة هم الي يستحقون أن يطلق عليهم "معلم ومدرس ومربي أجيال" .. نعود لمحور حديثنا ، أي مطرس يحاول التطاول على اخوك سو معه مثل ما سويت على الي يقولون عنه مدرس دين ، والدين منه براء . |
إقتباس:
سلوك المعلم ما كان سلوك تربوي , أيضاً سلوكك لم يخدم أخيك و لا من ممكن يتعرض لنفس موقفه إقتباس:
|
إقتباس:
شكلك مدرسه :d من رأيي لو انك اشتكيت عليه افضل من انك تمد يدك :) عشان تاخذ حقك بدون اذائه وياخذ عقوبته هالي منيب قايله :razz: وبعدين قبل لاتسحب ملفه رح لاي مدرسه اهليه ووضح لهم الحاله .!! واذا وافقو اسحب ملفه ووده للمدرسه سهله ! |
لا انت لا تخليه بهالمدرسه ابد لان المدرس بيحقد عليه .. وده مدرسه اهليه واذا خلصت السنه دور له مدرسه ثاانيه |
إقتباس:
أنا (( وأعوذ بالله من كلمة أنا )) حاولت التفاهم مع المدرس بالأخلاق وقلت له ترى هذا ما هو أسلوب اللي تسويه قام يتنفخ ويقول أنت الغلطان وما عرفت تربي أخوكوتلفظ على الولد بألفاظ أنا ذكرتها في الموضوع وحاولت أهدي الوضع لقيت حتى المدير واقف مع المدرس على الغلط ما لقيت نفسي إلا أنا ماد يدي عليه وهذا كل اللي صار |
الله يوفق آخوك آن شآء الله .. :) آخوي الضرب ممنُوع من قِبل وزآرة التربية و التعليم .. :) و لو تروح تشتكي على هـ المُدرس لـ وزآرة التربيه و التعلم آفضل لك .. و اذا بتقول ما تقدر توصلهم او زي كذآ فـ هذآ حقك و يجب ان تسعى له .. :) و أنـا أشوف إنك تنقل ولدك لـ مدرسة أهلية ان كـانت ظروفك تسمح لك ,, و اذا كنت ما تقدر تنقله خله على نفس المدرسة و قله أي شئ يبدر من أي مُدرس يبلغك و إن شآء الله ما يصير إلا الخير .. :) وردهs45s |
http://www.alriyadh.com/2008/11/08/img/911118.jpg ذكّرني فيه الموضوع :) عموماً أخي لو حاولت تضبط نفسك كان ممكن تتخذ الإجراء الأجدى بحق المعلم بالتوفيق لأخيك . |
الحل بلغ ادارة التربية والتعليم والله يفقعون وجهه:D واذا كانت الاثار موجوده ممكن توصل الحكاية للفصل حتى اما عن انك تهاوشت معه هذي حاجه تلقائية اصلا لو انا كنت مو بس تهاوشت معه :) المهم اخوك لا تجية عقده نفسيه :( |
| الوقت المعتمد في المنتدى بتوقيت جرينتش +3.
الوقت الان » 04:32 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd