السلام عليكم ورحمة الله وبركاته

اول شي هارد لك لجميع السعوديين والخليجيين المتابعين لمنتخبنا !!

وماننسى المستوى المتردي للمنتخبات الخليجيه في التصفيات الاسيويه المؤهله لكأس العالم

نجي للمضمون :

لاحظنا امس التخبط الكبير في صفوف المنتخب ... لدرجة اني شكيت في مراكز اللاعبين !!

اجل فيصل السلطان .... مهاجم صريح .... يجنّح ؟؟

بغض النظر عن اللي صار امس ... لانه ماشالله ... الاعضاء ماخلوا احد الا وشرشحوا فيه

انا واحد من اللي سبّوا الحكم الين اذنوا ... بس قريت رد لواحد من الاعضاء يقول فيه

مو حنا اللي التحكيم يكون سبب هزيمتنا !!

زي كلمة ناصر الاحمد ( اللي ماياكل بيده مايشبع )

مو حنا اللي تخدمنا نتائج المنتخبات الثانيه يالجوهر !!

لو تقيسون ياجماعه وتقارنون منتخبنا بمنتخبات اسيا كلها !!!

بتلقون لاعبين بمهارات اللي عندنا بالله ؟

حنا نملك افضل اللاعبين في اسيا

بس وين اللي يوظفهم صح ؟؟

جب لي منتخب في اسيا ... عندهم مهاجم زي ياسر القحطاني ... ومالك !!

جب لي منتخب في اسيا عندهم صانع العاب مثل نور ؟؟

جب لي منتخب في اسيا عندهم حارس مثل وليد عبدالله وبنفس عمره ... لانه ممكن يخدم السعوديه 10 سنوات قدام !!

ماراح تلقى ... وان لقيت .. ماتلقاهم مجتمعين ... ممكن تلقى مهاجم في كوريا .. وحارس في ايران و و و و !!!

لقينا واحد وظف لاعبين منتخبنا صح ويقدر يستغل امكاناتهم ... راحوا شالوه !!

يعني معليش ... حتى لو محنا محترفين بالكوره بس ترى نميز !!

بالله عليكم احط الهزازي والا السلطان .. واترك مالك بالدكه ؟؟

مايقدر يقول مالك ماهو جاهز ... بالعكس .. مالك جاهز والدليل في المباراه الوديه الاخيره هو صرّح بنفسه ( الجوهر) وقال مالك في كامل الاستعداد... بس راح نخليه للمباراه الجايه !!

سعود كريري ... لاعب خبره ... وحط تحت خبره مليون و12 الف خط

احط احمد عطيف مكانه ؟؟

احمد عطيف فنان ماعليه كلام

بس في البطوله ذي ندوّر الخبره ياادمي ... ماندور الوجوه الشابه !!

ياخي رح شف منتخبات اوروبا

لاعبين في اعمار الـ 30 للحين يلعبون بطولة كاس العالم

واذا جت بطولة امم اوروبا ... لعبوا اللاعبين اللي لهم مستقبل

كريري ... ونور مو كويسين للدرجه ذي مثلا ًً ؟؟

والا على كلامك طريقة لعبهم تختلف عن عقليتك يانيوتن الجوهر !!

يعني الحين انت طريقة عبده عطيف تعجبك ؟؟

بالله ياجماعه ... عبده عطيف مركزه في الشباب زي مركزه في المنتخب ؟؟

فيصل السلطان ... مركزه في الشباب زي المنتخب ؟؟

اسامه المولد مركزه في الاتحاد زي المنتخب ؟؟

الفريدي .. مركزه في الهلال زي المنتخب

تصدقون امس ماعرفت مركز الفريدي ؟؟ وربي اتكلم جد

اشوفه قدام قوس الـ 18 في منطقتنا !! دفاع مثلا ً؟؟

وسط ايسر اشوف السلطان هناك !!

وين مكان الفريدي ... مدري للحين

انا قلتها قبل شوي لواحد من اخوياي

ممكن نتأهل لـ كاس العالم وناخذ المركز الاول في مجموعتنا

بس !!! :

نور يجي للمنتخب لانه وبكل امانه ... وسطنا جدا ميت

رجعة ابوسعيد مع مالك في المقدمه

استبدال تكر بـ ماجد العمري والا القاضي والا المرشدي

رجعة الشهيل

كريري مكان عطيف

والاهم من ذا كله !!!!

مدرب فاهم ويكون عارف لـ لاعبين السعوديه لانه مافيه وقت نعلم المدرب الجديد من هم لاعبينا

واكيد العين بتكون على كوزمن والا كالديرون

وانا ارشح كالديرون والله مو علشان الهلال محتاج كوزمن

كوزمن خططه افضل من كالديرون ... بس فيه شي يقهرني وممكن ( الا اكيد ) انه يجيب العيد في المنتخب

تغيرات كوزمن جدا تعبانه وتحس انه اول مره يدرب الفريق حتى اوقات التغيرات جدا تعبانه

حتى انتوا يالاتحاديين ... احكموا على مدرب يشيل ياسر والصويلح وينزل العنبر والسلطان !!

ينزل مدري وش اسمه الدوسري اللي في النص ويترك عبدالعزيز الدوسري الافضل منه

وماننسى مباراة الهلال يوم يشيل الاظهره وينزل مهاجمين

فترة 3 شهور مدري 4 للمباراه الجايه كفايه وبزياده لترتيب المنتخب مع مدرب يعرف اللاعبين كويس

والرجاء كل الرجاء من كبار الرئاسه العامه لرعاية الشباب

شوية هواء ياناس ... خلوا المدرب يختار على راحته

يعني مدرب منتخب ايرلندا يوم شاف المتخب بدون نور ... يوم لعبنا معهم مباراه مدري وديه ... المهم

شاف انه نور مو موجود فـ خاف

قال انا دربت في السعوديه واشوف نور افضل الموجودين ... فـ بما انه نور مو موجود ... معناته اللاعبين اللي يلعبون الحين افضل من نور !!

بلاك والله ماتدري وش الدجه اللي عندنا

ومدرب نادي الاهلي مدري الزمالك يوم لعبوا مع الاتحاد

قال لـ ........... ( شخص مهم في الاتحاد السعودي ) ليه نور مايلعب في المنتخب وهو يأدي بالشكل المخيف ذا !!!

عطفا على اداء منتخبنا امام منتخب مصر في البطوله العربيه

تحياتي للجميع .... واعذروني .. مجرد فضفضه كلام واتمنى ارى التعليقات على الدلو اللي دليت به