أول مرة احس بمعاناة وغبنة جماهير النصر ...! أمام كوريا ( طفح الكيل ) - نادي الهلال السعودي - شبكة الزعيم

_Az_ · #1 20/11/2008, 08:37 AM

استغرب انكم زعلانين من الهزيمة ... لانها طبيعية .. وهذا مستوى الكورة السعودية ..!

كوريا واليابان وغيرهم ... تعدونا بمراحل ... وحنا مكانك سر من بعد وفاة فيصل بن فهد .. ولا نضحك على بعض او نخترع اعذار مالها اساس لتبرير الهزيمة ..

اساس الهزيمة هو تطور الكورة في كل العالم ... الا الكرة السعودية لها 10 سنوات و لا تغيير شي ( يعني شوفو مباراةللمنتخب عام 99 ... وشوفو مباراة للمنتخب عام 2008 .. صدقوني ماراح تلقون اي فرق باستثناء تغيير وجيه اللاعيبه ..)

وعلى فكرة ناصر الجوهر ماله ذنب ولا تحملونه فوق طاقته .. لان الجود من الماجود .. ( باستثناء عدم ضم نور ) والي يتحمل الذنب هو الي اختار جوهر ..

لكن هذا ما يعني ان الجوهر مدرب فلتة زمانه ..لا والله بدري عليك ياجوهر تضحك علينا بكم كلمة وتقول تراني اشتغل واكرف .. كلنا عارفين ان ماعندك احد ...

وخلوني ارجع بكم لـ2005 ايام كالديرون يوم لعبنا قدام كوريا وفزنا .. 2-0

ولاحظو الفرق الكبـــــــــــير بين المدرب السعودي والاجنبي في العقلية والتفكير

اول شي كالديرون اختار ملعب الشرقية امام كوريا فقط .. على الرغم من ان جميع مباريات المنتخب الاخرى في ذيك الفترة كانت على استاد الملك بالرياض ...!

طيب تدرون ليش ...؟

بسبب مساحة الملعب

لانه عارف امكانيات الكوريين .. المحترفين في اوروبا .. وعارف انهم متعودين على الملاعب الدولية الكبيرة وانه لو جابهم بالرياض في ملعب كبير راح يلعبون فيه شرق غرب ..

زي ماصار في الجوهر المسكين اليوم

شفتو كيف كالديرون احترم نفسه واحترم الخصم ...! ولعب على مستواه

..!

ثاني شي الجوهر قال اني بهاجم من البداية ونسي ان ترى ماحد عندك احد وان الكورة عندنا ( كورة ايام زمان ) .. ولا احترم الخصم .. واكلها على راسه

المشكلة ان المباراة بدأت بهجمه وحده وبعدها ضاع الفريق

لكن كالديرون وش سوى ؟؟؟ عام 2005 ؟؟؟ تذكرون ولا اذكركم ؟؟

قفل الملعب وقفل المساحات .. وخلى الكوريين يمسكون الكورة واستنزفهم لياقيا .. عكس الي سواه ابو جوهر اليوم استنزفنا حنا لياقيا

ويييييين يابو الشباب

...

واخيرا وليس آخراً ..

لا تنجرفون ولا تصدقون ان التحكيم هو السبب ... المنتخب لو فيه خير كان حسم المبارة من الشوط الاول

او على الاقل مسك الكورة وقدم مستوى ... لكن الي شفناه ان الكوريين هم المسيطرين من قبل الطرد ياحبيبي

يعني لا نضحك على بعض

لكن هذا عذر البليد ...ولكم عبرة بجمهور النصر.. لهم 10 سنوات ماجابو بطولة ومستواهم يفشل .. ودايم يقولون ان التحكيم هو السبب وكنا نضحك عليهم .. لاننا عارفين ان مستواهم الله بالخير وان الي يتكلم بالتحكيم اكثر من مرة هو عبارة عن شخص مفلس وكسول .. ومايبي يتعب نفسه ويخطط .. بس يبي يترزز ..

صح ولا انا غلطان ؟؟

التحكيم يمكن يضيع مباراة او مباريتين لكن مايضيع 10 سنوات بدون ولا بطولة

معقوله 10 سنوات .. كل المباريات الي يخسرونها من التحكيم ...

وحال النصر في الدوري سابقا من تخبطات و محسوبيات على حساب مصالح شخصية هو حال المنتخب حاليا على المستوى الدولي (( كربون ))

والجماهير السعودية اليوم حالها كحال جمهور النصر من سنواااات كلها مقهورة ومغبونة .. لاننا عارفين انه بالامكان اكثر من ما كان ..!

وطفح الكيل عندما ..يصرح مسؤول .. بان التحكيم هو السبب .. ليمتص غضب الجماهير .. ويشغلهم عن سبات اتحاد الكرة الطووووويل .. والنوم في العسل ..

وفي الختام ادعوا معي بالرحمة على الامير فيصل بن فهد

ومن بعده نقول

على الكورة السعودية السلام

و

سلام

ملكي هلالي سعودي · #2 20/11/2008, 09:10 AM

الحكم سبب رئيسي في خسارتنا
وبتشوف بكره الفيفا يقبل احتجاجنا على ابن حمام وشلته
الله ينصرك ياسلطان بن فهد

مهند خالد · #3 20/11/2008, 09:27 AM

الله يعين ويساعد على فك ادارة المنتخب

دعواتكم

آمين

الروح الرياضيه.... تجبرني أقول::: مبروك للمنتخب السعودي

David Beckham_15 · #4 20/11/2008, 09:33 AM

صدقت في انه الفكر يختلف والله يذكر ايامك ياكالديرون والجوهر بجد ماخذ اكبر من حجمه

هاذا لو رحنا لكأس العالم مثلا تعتقدون الجوهر بيوكل منتخبنا عيش لاااااااا معصي

FINAL10 · #5 20/11/2008, 09:54 AM

إقتباس

الرسالة الأصلية كتبت بواسطة _Az_


	اول شي كالديرون اختار ملعب الشرقية امام كوريا فقط .. على الرغم من ان جميع مباريات المنتخب الاخرى في ذيك الفترة كانت على استاد الملك بالرياض ...! طيب تدرون ليش ...؟ بسبب مساحة الملعب لانه عارف امكانيات الكوريين .. المحترفين في اوروبا .. وعارف انهم متعودين على الملاعب الدولية الكبيرة وانه لو جابهم بالرياض في ملعب كبير راح يلعبون فيه شرق غرب .. زي ماصار في الجوهر المسكين اليوم شفتو كيف كالديرون احترم نفسه واحترم الخصم ...! ولعب على مستواه ..!

ياشيخ باللعيبه هذولآ لو تحطهم بملعب نجران ما سوو شي خلها على ربكـ

al z3eem_هلالي · #6 20/11/2008, 09:59 AM

الحكم سبب رئيسي في خسارتنا
وبتشوف بكره الفيفا يقبل احتجاجنا على ابن حمام وشلته
الله ينصرك ياسلطان بن فهد

أحلـى هلاليه · #7 20/11/2008, 10:00 AM

لاتعبون نفسكم ولاتحللون يبي لنا مدرب صح

هلالي بلوي · #8 20/11/2008, 10:50 AM

لاتعبون نفسكم ولاتحللون يبي لنا مدرب صح

ســلــومــي · #9 20/11/2008, 10:52 AM

المنتخب سيء جدا جدا وفقير فنيا

والحكم ليس عذر ياسلطان وافهم يافهيم

!! عاشق 20 !! · #10 20/11/2008, 01:36 PM

اهنيك على الموضوع وخصوصا اللعب في المنطقة الشرقية
كنت ناوي اقولها ولكن سبقتني
كلامك صحيح و 100%

وآه ياكايرون بس ..!

man909 · #11 20/11/2008, 02:31 PM

اهنيك على الموضوع وخصوصا اللعب في المنطقة الشرقية
كنت ناوي اقولها ولكن سبقتني
كلامك صحيح و 100%

_Az_ · #12 20/11/2008, 10:26 PM

اشكر مرور وتعليقات الجميع ...

لكن مع احترامي للي الى الآن يقول الحكم سبب رئيسي وينتظر الاحتجاج ... انتو تزيدون الطين بلة .. وتخلون المسؤوليين يكملون نومهم بالعسل .. وتغالطون الواقع والحقيقه والي هي

الاهمال والتسيب وسوء التخطيط ... من اتحاد الكرة ...

مما تسبب في فقدان هيبة كلمة (( المنتخب السعودي )) حتى على المستوى الخليجي ياناس صرنا نحسب حساب للامارات ...! والله دنيا دوارة

طيب تخبرون بعد مباراة انجلترا الودية ؟؟ سلطان وش طلع قال في اوربت بعد التعادل ..؟ ولا ماتذكرون ..ّ؟

قال انه سوف ننافس على دور الـ8 في كأس العالم 2010

خخخخخخخخخخخخ

طبعا هذيك الايام فيصل بن فهد كان عايش .. طبعا هذا شي مو غريب ولا هو بعيد عن عقلية وطموع فيصل .. ولكن قضاء الله وقدره فوق كل شي

سلام

زعيم..والله زعيم · #13 20/11/2008, 10:53 PM

يا اخي الجوهر مبدع

لا تحط اللوم عليه

وبعدين كالديرون بغض النظر عن اختياره لملعب الشرقية

صحيح انه تصرف سليم منه

لكن شف اللعيبة اللي معه وقتها

خلنا واقعيين

عزيز وكريري في قمة مستواهم وقتها

ياسر في قمة مستواه وقتها وكلنا نذكر وش سوا يومها

مناف ابو شقير كان مبدع اضافة للدفاع بقيادة المنتشري

والله فرق يا اخوي فرق عن الحين

امس لولا الله ثم وليد عبدالله واسامة هوساوي قسم بالله نتيجة تاريخية

الحمد لله على كل حال

وقالها حبيب قلبي ابو بندر (الشلهوب):

الحمد لله ان الهزيمة جاءت مبكرة عشان نتدارك وضعنا

الله يعين ويوفق الاخضر

تحياتي

(%هلالي ودمي حالي%) · #14 20/11/2008, 11:07 PM

المنتخب سيء جدا جدا وفقير فنيا

والحكم ليس عذر ياسلطان وافهم يافهيم

علاء30 · #15 20/11/2008, 11:10 PM

ماقصرت
يعطيك العافية
لااتحرمنا من يديدك