تحية عطره لك يابو الشباب ولكن فيه حاجه تمنيت انك ابتعدت عنها شوي في ردك وهو ماجد عبدالله لانه لاعب غني عن التعريف واذكرك

بما قاله الخبير الكروي عبد المجيد شتالي ابان تحليله لمباراة المنتخب السعودي والهولندي قال وبالحرف الواحد ( كنا نسمع عن ماجد وانه افضل لاعب في آسيا ولكن لم نتوقع ماجد بهذا المستوى الرفيع وهو في نهاية حياته الرياضيه فكيف ماجد قبل عشر سنوات اعتقد بانه يستحق الاحترام ) هذا ماقاله الخبير عن اللاعب الكبير فكفانا تعصب

انا متأكد من انك ستقول هذا مندس ولكن لايهم فقول الحق لايغضب سوى المتعصبين واتمنى ان لاتكون منهم ..........

اما عن منتخب يقوده سامي فكلنا امل ان يشرفنا نجومنا الابطال بعيدا عن التعصب للاعب معين وبعيدا عن نظرية علي حمدان .

والله كلام معقووووول والى الامام ياسامي

قلنا اكثر من مرة لا تخلونهم يشتهرون على حسابنا و لا تذكرون الأسماء المغمورة

صدقت يا أبو الشباب
 

سامي كبير لأنه يلعب في نادي كبير،وهما الإثنان محاربان إعلامين والأول شوي أكثر .

الاخوان هلال الكويت(11) و المفهي تسلمونلي ..

------------------------------------

سليمااااااااان ..

أول شي مافيه انسان غني عن التعريف واذا كنت تجهل هالشي فهذه الكلمة لا تجوز شرعاً لأن الله هو الغني .. وهناك فتوى لابن عثيمين رحمه الله بتحريم إطلاق هذه الجملة على بشر .. ( هذا التعصب بعينه وعلمه ) ..

ثاني شي فعلاً كلمة الحق لا تغضب سوى المتعصبين .. والا ليش انت معصب وتبي تفرض علي الاعجاب بماجد بالقوة !! ياخي هذا رايي وانا حر فيه ( ناس غريبة عجيبة )

والشتالي له عيون ولنا عيون زيه .. هذا رايه وهو حر فيه .. هذا إذا كان قالها فعلاً ( والله مادري اول مرة اسمع انه قايلها ) ..

بعدين انا تكلمت بالارقام والتواريخ ما جبت شي من عندي ( يعني مافيه مجال تعارض فيه كلامي ) ..

تنكر ان ماجد فشل في تسجيل أي هدف حاسم ساعد المنتخب في الصعود للنهائيات على مدى 12 عاما وفي ثلاث مشاركات ؟!! ..

تنكر ان المنتخب عمره ما تأهل للنهائيات أيام ماجد ولا عرف النهائيات الا بسامي وجيله ؟!! ( حتى في تصفيات 94 اللي يقولون شارك فيها ماجد .. مالعب ماجد فيها الا مباراة واحده وأصيب فيها قدام اليابان (( وهي الوحيدة للمنتخب اللي انتهت سلبية )) رحمة من ربك اللي اصيب ولا كان ما تأهلنا كالعادة !! ) ..
تنكر ان ماجد فشل في تسجيل أي هدف في النهائيات 94 ( إلا إذا كانت إعادته للكورة داخل شباك بلجيكا بعد هدف سعيد تعتبر هدف!!! )؟ ..

كل هذولي ما تقدر تعارضهم لأنها أرقام وتاريخ ميب سواليف شتالي ولا غيره ..

أنا كلامي اللي قلته عن ماجد كالتالي وحاول تفتح عيونك وتقراه زين :
قلت في كأس العالم وحط تحتها مليون خط .. وما تكلمت عن هدفه على الصين ولا نيبال ولا الروضة ..

على العموم وفر ردك لموضوع قادم بكشف فيه تاريخ الاسطوانة ماجد ( موب وقته الحين ماني فاضيله ) ووقتها جب عدتك وعتادك وعطنا رايك ..

كأس العالم بقيادة سامي شي ثاني بالارقام والتاريخ وليس برأي فلان وعلان ( خل عنك التعصب )

وتحياتي لك سواء كنت مندس أو طاير بالعجَة ..

------------------------------

الزعيم الأبن ..

صحيح لكن فيه فرق بين شهرة ..... وتشهير .. وتسلملي

----------------------------

al_mo7al2002

تسلملي يالغالي ..

علي قعرة
يبي الشهرة على حساب الهلال ونجومة .
وصراحة كاتب بليد جداًَ واسلوبة شوارعي.

يعطيك العافيه
:D :D :D ;) :D :D :D

اول حاجه جزاك الله خير على المعلومة في كلمة غني عن التعريف

ثاني شي قبل ماتتكلم بالدين وكأنك عالم زمانك ماشاءالله عليك علم نفسك انه من الخطأ التنابز بالالقاب والا كلمة (المحنط ) حلال( الله يستر عليك) ولا ننسى عنوان موضوعك ...

ثالث شي اتمنى ان لانحور الكلام فكلامي عن ماجد ليس فرض عليك ان تعجب به بقدر ماهو ايضاح لحقائق قد تكون غائبة عنك( اقول قد)
واعتقد انني لم اكفر عندما اقول كلمة حق في لاعب قدم الكثير للكرة السعودية ,, واتمنى ان لا يغضبك تشريفه للكرة السعودية ,,,,

رابع شيء ياحليلك وانت تستهين بكلمة خبير مثل الشتالي سامي نفسه يقول استفيد من آراءه .....
وإذا كنت لاتقل عن الشتالي في شيء ( على حدقولك ) فلماذا لم نراك تحلل ولو مباراة حواري .
اما عن تكذيبك لي بطريقة غير مباشرة فلا املك سوى الشفقة على انسان لم يتعدى تفكيره نظرية ( ان لم تكن معي فأنت ضدي )

واتمنى ان تكون ملم ولو بشيء بسيط في كيفية النقاش الذي يأخذ بالرأي والرأي الآخر ....

وأخيرا اتمنى اتمنى ان تكون اكثر حضارية في نقاشك فعصر الفكر المنغلق والفكر الاسمنتي قد ولى ولم يبقى من انصار هذا الفكر الحجري سوى فئة قليلة ندعوا الله لها بالتقدم والرقي ......

سبحان الذي صخر الاعلام لليمنه

الراحل...الى الأبداع

قعرة :D :D :D
تسلملي ..

--------------------

بو عابد

تسلملي ..

-----------------
سليمااااااااان

اول حاجة آمين واياك ..

بعدين أبي أناقش بعض كلامك اولا تقول :
وين الحقائق اللي أوضحتها ما اشوف حقائق اشوف صفصفة كلام بلا حقيقة واحدة ..

وإذا تبي الحقائق على قولتك هذي الحقيقة :
تاريخ مشاركات ماجد مع المنتخب في تصفيات كأس العالم :

• في التصفيات النهائية لكأس العالم عام81 : خرج المنتخب بالمركز الأخير بنقطة يتيمة
• تصفيات كأس العالم ((( الأولية ))) عام85 : الذهاب أمام الإمارات في الرياض تعادل سلبي وهدف لصالح النعيمة ملغي بسبب احتكاك ماجد بالحارس البعيد كل البعد عن الكرة !! والإياب في أبوظبي خسرها المنتخب بهدف وطرد ماجد فيها بالكرت الأحمر وخرجنا من أول طقَة ( بالعربي ماوصلنا للنهائيات ) ووقتها كانت الامارات من الفرق الضعيفة وخرجت بالمركز الأخير في التصفيات النهائية !!
• تصفيات كأس العالم عام 90 : خرج المنتخب من التصفيات بنتائج متواضعة ولم يتأهل ولم يسجل ماجد أيضاً ولا هدف ( كالعادة )
• تصفيات كأس العالم 94 في قطر : لم يشارك ماجد إلا في المباراة الأولى ( وهي المباراة الوحيدة للمنتخب التي لم يسجل فيها أي هدف )

لا حقيقة شرف الكرة السعودية !!!!
وللمرَة الألف اقول انا اتكلم عن أداء ماجد في تصفيات ونهائيات كأس العالم لأن حمدان يتكلم عن ماجد في كاس العالم ويقارنه بسامي في كاس العالم ( اقولها بالعامية يمكن تفهم ) ..

ثانياً تقول :
انت تألف من عندك ؟!! كلامي ما فيه استهانة .. وينها طلَعها لنا يابو المفهومية !!
بعدين انا قايل اني ما أقل عن الشتالي في شيء ؟!! ما قلت لك تألف ؟!!
هذا كلامي :
تنكر اني لي عيون زي ماله عيون ؟!!!!!
بعدين انت تعرفني علشان تدري هو انا احلل مباريات ولا لا ؟!! :D

أما قولتك إن لم تكن معي فأنت ضدي وشعورك بالشفقة اوانك تتمنى اكون ملم باسلوب الحوار ( لا انتظرك تعلمني ) و الفكر المنغلق والفكر الاسمنتي والفكر الحجري فهذي كلمات معلَبة وحركات قديمة يستخدمها راعين البربرة اذا حسَو انهم ماعندهم شي يقولونه ما تمشي علي ( العب غيرها ) ..

وبعدين انا رجعت لمواضيعك المعدودة وشكَيت تماماً انك غير هلالي ( مندسَ على قولتك .. صحيح كاد المريب أن يقول خذوني ) ..
وهذي الادلة للي يقرأون الرد :

1 - في موضوع الزعيم العالمي ( لقاء صحفي مثير بين غبار الرياض والرمز النصراوي الشهير)
كان الموضوع ظريف وممتع وكل الردود كانت تثني على الكاتب المتألق وتشاركه التعليق ما عدا ردك البارد وهو : ياشباب ودنا نقرأ مواضيع مفيدة وليست مواضيع مستهلكة ..

2 - في موضوع أبو محمد الهلالي: ( ماجد عبد الله يشخص إخفاقاتنا في الخليج )
كان ردك غير متوقَع من هلالي كالعادة خصوصاً وأن ماجد كان يتكلم عن سامي وعن المنتخب الحالي بطريقة غير لائقة وخصوصاً وكلام كاتب الموضوع لم يكن عن مستوى ماجد .. وهذا ردك : المشكلة انك تعرضت لاسطورة الكرة السعودية وبذلك يكون تفسيرك لكلامه غير منطقي ,,,,,,,,,,,,,

3 - في موضوع ديوان السبيل( الحمد الله وله الشكر ماطر ما راح يلعب في الهلال ) قفزت تدافع باستماته وتمدَح في ماطر ولا أطلق نصراوي وهذا ردَك : والله ماطر لاعب وحاليا هو افضل لاعب خليجي بمركزه بدون منافس .. لاعب اشاد به نقاد على مستوى عال من الفكر الكروي ومنهم الشتالي ( مادري وش سالفتك انت والشتالي :D وتقول ليش تكذَبني !! ) ..

4 - رجعت رديت بنفس الموضوع السابق عن ماطر وهذا ردك : اذا ابراهيم مونجم اجل منو النجم اخوي ( والله النصراوي المستميت ) ..

5 - في موضوع الطائر الأزرق ( هذي جديده ياناصر .... الحارثي مكان خليل!!!!! ) كان ردَك المتشنَج نشازاً بين كل الردود الأخرى وهذا ردك : المفروض يضم كل لاعبي الهلال عشان نقول الجوهر مدرب عالمي ولا عليه كلام ياناس والله عيب انسوا ولو لحظه النصر والهلال ترى بينا جماهير عربيه تتابع مايكتبه جمهور الاخضر

6 - في موضوع فهد الخليوي ( منتخب خمسة أندية فقط + نفاق إعلامي + نفاق وطني + إسراف مالي = منتخب سياحي ) الذي يسمي فيه المنتخب بالمستخف ويصف لاعبيه بالمعاقين ويتهم الاعلاميين المرافقين للمنتخب بأنهم يسيحون في الرذيلة .. كان ردَك : اخ فهد مشكلتك انك كتبت وجهة نظر حره وقد لاتعلم أن حرية الطرح مرفوضة تماما من قبل بعض الاعضاء الذين ابتلينا بهم ..
وين كلامك ( ترى بينا جماهير عربيه تتابع مايكتبه جمهور الاخضر ) !!!؟

هذي أكثر من نصف مواضيعك كلها تحوم وتدور حول الدفاع عن النثر ولاعبيه وتهلل لمن ينتقص الهلاليين والمنتخب الحالي ( اللي أهم لاعبيه من الهلال ) يعني مندس ولا لا ( حتى كلمة مندس من مصطلحات النصراويين جايبها معك ) .. أعتقد واضح ان وضعك مريب ..
فإذا كنت منتب هلالي اقول لك :
عيب عليك عييييييييييب ..
اسلوبك هذا وضيع ويدل على سلوك منحط وغير سوي ومخادع ..
أنا عن نفسي مستحيل اسجل في منتدى النصر مثلاً علشان ادافع عن الهلال بحجَة اني نصراوي محايد .. مستحيل ارضى لنفسي هالوضع الشَاذ ..

وأيضاً أعتقد محد يلومني لو شكَيت انك أنت صاحب الرد التالي بإسم ثاني هو silvister خصوصاً انه أول مواضيعه وخصوصاً انَه رد واطي ونصراوي قحَ في منتدى هلالي وخاص بجماهير الهلال .. وإذا كان هذا صحيح فهذي زيادة بالوضاعة وقلَة الحياء وانعدام المروءة ..

مشكور اخوي وماقصرت


وسامي لاعب كبير رغم انف حمدان واشكاله