السلام عليكم .. تحية حارررررررة
 

السلام عليكم ورحمة الله وبركاته ..

كيف حالكم وش أخباركم ....مشتاقين لكم ايها الزعماء

يسرني ويشرفني أن اسطر هذه المشاركة المتواضعة تأكيداً لحرصي على التواصل معكم رغم الظروف التي امر بها حاليا والتي تمنعني من المشاركة .

مشاركتي عبارة عن بعض المواقف التي تواجه اي شخص راجع من عمله وخاصة خلال هذه الايام الرائعة التي تحمل في نسيمها سموما وحرارة تلفح الوجوه

- الزمان : بعد الساعة 2 ظهرا
- المكان : طريق خريص في الرياض على سبيل المثال لا الحصر
- الوسيلة : اي موتر حتى لو دبابة

المشهد الأول :
(توقيع الانصراف )

وقعت عند المدير انصراف .

المدير :
اسمع بكرا لاتنسى تتابع المعاملة اللي بالادارة الفلانية .
ولاتنسى تتصل على البنك علشان يرسلون لنا صورة من الشيك .

أنت :
سم ان شاء الله ==> تقولها وأنت ودك تلفع المدير :upset: :upset:

تطلع من عند المدير وأنت شايل هم الزحمة والحر والسيارة اللي موقفها بعين الشمس .
ـــــــــــــــــــــــــــــــــ
المشهد الثاني :
( عند السيارة الملتهبة )

تحط يدك على عروة باب السيارة آآآآآآآآآآآوتش :dead: :dead:

تحلف من حرارة عروة السيارة أنك تسوي شاهي ونسيت تمسك البريق بالبيز .:D :D

تفتح السيارة بعد جهد جهيد ومعركة حامية مع العروة وأحمد ربك أنك تلبس شماغ لانه هو اللي انقذك من هالموقف فتحول الشماغ الى بيز .

ـــــــــــــــــــــــــــــــــ
المشهد الثالث :
( داخل السيارة )

تشغل السيارة ..
امبير الحرارة على النص على طول مافيه مجاملات ولا مقدمات .

تعشق الموتر وتوكل على الله بعد ماشغلت المكيف على اعلى شيء
ولسان حال المكيف يقول : مالك أمل بالهواء البارد الا عقب ساعتين .:( :(

المشهد الرابع :
( سعسكة باالسكك والحواري )

تحاول تبعد عن الزحمة بأي طريقه === ايه هين

تدور طريق مختصر علشان الاشارة اللي قدامك تذكرك بالنفرة من عرفات .

تحوس بالحواري والسكك وآخر شيء مالك الاخشمك ولو هو اعوج ترجع للإشارة وأنت رجال .

ـــــــــــــــــــــــــــــــ
المشهد الخامس :
( في طريق خريص )

تحاول تشق طريقك بكل يسر وسلاسة ==> ايه هين :( :(

توبييس البنات يحدك==> واتحداك تقول شيء ;) ;)

أجنبي برضه يحدك ==> مايغثك الا أردى حلالك :upset: :upset:

سيارة موديل صفر قدامك يفرمل فجأة وأنت ماانتبهت ==> طبيعي مايشتغلن اللمبات :(

سيارة ونيت مكتوب عليها جلي بلاط ==> هو وقت جلي بلاط الحين :upset: :upset:

بزر معه كامري مظلل ثلجي ومطول الأغاني ويزورق بين السيارات ولو تقوله شيء قالك وقف تبي تضارب ==> هالحين انا منضرب من الحر ناقص انضرب من بزر :(

وايت يخر مويه تنبسط تقول ياسلام هذا الاشياء اللي تفتح النفس ==> وإذا سقطت عليه لقيت انه وايت مجاري الله يعزكم :( :(



انتهى ........


على العموم هذي المشاركة اللي حبيت اطرحها لاني توي جاي من العمل ..

ارجو اني ماضيقت صدوركم
واللي ضايق صدره يحاول يتعود على ضيقة الصدر لانه صعبة يستاسع صدرك وأنت طالع من الدوام وخاصة بالصيف .


تحياتي القلبية الحارة كحرارة تانكي مجدوع بحراج ابن قاسم :D :D


اخوكم الملتهب / جمجوم بيك

ياهلا ويامسهلا بجمجوم بيك،،

من زمان ماشفناك ،،

ان شا الله المانع خير ،،

صراحه امتعتنا بطلتك علينا 0

هلا وغلا ببو خالد ;)

ياخي لواننا دارين كان ولعنا بسيارتك:D :D

بس ونا اخوك الحر حر جهنم ( دايم تقوله الوالده الله يحفضها ) ;)

بس تعال وش تقصد الا تذكرنا :sad: مابغينا نخلص :no:

<====== جاه تبلد من شوارعكم :dead:

تحياتي وياولد السيتي والميتي ;) ;)

ههههههههه

حسبي الله عليك ياجمجوم ماعقلت الى يومك هههههههه :D

هلا والله ومرحبا بعد هالغيبة الطويلة :):)

علىفكرة أعطيك لنك لمجموعات كأس العالم ولا هونت ؟ :bluesky:

مراحب أستاذ جمجمة , قائد الفايلق المنشق...!!

والله يعين على حر الرياض وزحمته...!!

بس الزحمه أمرها هين كلها اسبوعين بالكثير وهي زايله..!!

البلاء الحر اللي فيك فيك لو وش سويت..!!

والله يكون بالعون...!!


* فاقدين مواضيعك وأخر أحداث السرقات...!!

====> قديم من زمان عن المنتدى ..!!

تقبل تحياتي..

هـــــــــــــــــلا وغــــــــــــــــــــلا وليد باشا :D

وينك ياشييييييخ والله مشتاقين لك ..:):) أبشرك في حرب الأيام ذي ضد البارق ( خويك ) وربعة ;):D:D

أي والله حياك وبياك :):) ياليت ما تطول علينا :)

ويا زين ذالحر ياشيخ إذا كان بيجيب لنا جمجوم بيك :)..


والله يعينك في شغلتك .. ويوفقك ويباركلك ;):)


تحيات أبعثها من قلبي الأزرق ;) لجمجوم بيك رئيس منظمة الجماجم ;)


ســــلامي ..:) لك يالغالــــي ..:)

منهو ذا..:confused: :confused:

لحظة خلوني أفرك عيوني عشان اشوفه زين..:sleep: :sleep:

:bigeek: :bigeek: ... إلا هو..

هذا الإمبراطور جمجوم بيك..:)

يالله حيه.. وحي سوالفة اللي تربد التسبد..:)

يالله انك تحييه تحية حارة كحرارة تاني في حراج ابن قاسم..:D:D

على طاري الحراج شكل سوقه ماشي هالأيام..;)

التوفيق اخوي .. ولا عاد تقطع بنا..:):)


يا أحلى واحد له عضلات..:D:D:D



تحياتي لك،،،

أخوك / البـــــارق:)

ياحي الله ابو خالد على قولة سهل

هذي والله الساعه المباركه اللي شفنا مشاركتك فيها :D :D

والحمد لله على سلامتك يا قليبي

بالنسبه لـ

هذي انا معك ووالله انك صادق

تصدق يا جمجمه اني اذا شفتهم ما اصقط عليهم مع ان التوبيس يمشي 30 بس ولو ما اصقط داري انه العصر بالكثير وانا هناك :D :D :D

علشان كذا محترم نفسي :D

< ========= ضعيف وكلنا ضعوف عند الله :)

وتسلم لي على هالطله الحلوه :sleep: :D

موجه حب معطره بأحلى تحيه ....

حبيبي قلبى جمجمه اسفرت وانورت ...:;) ;) ;)

يااهلا والله بها الطله ... اشتقنا لعيونك والله ... عذبنا فرقاك يالغالى .... خاف الله فينا خاف الله ...D :D :D

حياك الله اخوى جمجمه الهلال ...:) :) :)

سمعنى تحيه كبيره لجمجمه الهلال ياااااقــــــــــــدع ...:eek: :eek: :eek:

هلا وغلا ابو خالد

حي الله جمجوم باشاه;)
زمان عنكم يالغالي

هاه وش جايب لنا اليوم

هههههههههههههههاي شديد ,,, وش ذا المدير



هههههههههههه ياقلبي
وش اللي جايبه معك:upset: :upset: :upset:

هلا بطيب الغالي عزيز و شوفتك منوه

هلا و مرحبا بجمجوم باشا بيك فريق ركن طيار دكتور متقاعد....الخ

وينك وين الغيبات عسى ما شر ياخي نورت المنتدى

وين القهوة و البخور ياولد عمك عندنا..........
يا خي مشتاقين

و قسم بلله اني كنت ابحط موضوع في المنتدى اسأل فيه عنك
وين رحت وين جيت وش سويت تكفى لا تقاطعنا انت و قلمك الرهيب

ترى مشتاقين لك حيل و ورنا مواضيعك الجاية تكفى

هلا بالجمجوميه واهلها:D :D

راجع لك يابعدي :Dبسبب ازمة رفع الضغط والاختبارات :D

جاء جاء جاء جمجوم جمجوم :D :D

والله ياخوي رجعتكم من الدوام ماتسوى عند رجعتنا :cry: من الجامعه :cry: :cry:
ينفجر راسك من بربره هالدكاتره وتصير مندي من حمسه الشمس :bigeek: :cry:

الله يعدي هالايام على خير ونتخرج ونرتاح من الهم والغم ونصكها نومه الى ثنتين الظهر تحت هالمكيف والبراد يالله لك الجنه :dead: :D ;)

أخـــــــــــــوك
نواف السديري :)

أوه أوه أوه
يؤ يؤ يؤ يؤ :D

[gl]جمجوم بيييييييك هونيه[/gl] :D

[shdw]ياهلااااااااا ويامرحباااااااااا ويامسهلاااااااااااااا [/shdw]
نرحب فيك مرة ثانية:D

والحمد لله على سلامتك وعساك على القوة


وموضوعك شيييييييي عن الصيفيه:D

مطلعها من قللللللب:D >>معاني وذايق لووووووول

الله يسهل عليك ورووووووق:D

كفخه علة وجهه وسدحه بالأرض يعني ويشو تضارب مزعه
بعقالك:D

وسلاموووووون جمجوم بيك

الله يرجك

الناس تطوروا ....سيارات جديده فيها تقنيات عاليه تمنع الحراره