|
إقتباس:
فقط فأنا معترض على أن ماجد لاعب عايدي مثله مثل الدحيدح وحسين هادي وحسين العلي قدم مستويات لفتره ويشكر عليها ، فالاعب الذي لابد أن يذكر عندما يسجل هدف لاعب بالمنتخب هو سامي الجابر لأنه أفضل من مثل المنتخب مو يذكرون لاعب عايدي لا يوجد له سجل . فكل الموضوع أن ماجد عبدالله له أعلام يطبل له حتى وهو معتزل هنا أعتراضي فقط ، وبالنسبه لمستوى ماجد فأنا لي عيون أعرف أن ماجد لاعب عايدي خدمه الأعلام وجماهير النصر مثل ما يحصل الآن مع الناطح . سعد الحارثي . |
اخوي...مع احترامي انت تقلل من لاعب انت ماتعرفه اصلا ً وتقلل من شأنه ظلماً... الاعلامي النصرواي...مالهم حيله الا البكاء على الاطلال يعني لو ماجد ما بدع كان محد يقعد يجيب اسمه ويتعذر فييه لان فعلا كان اسطور ويحق لهم يتباهون فييه وانا ابي افتخر فيه كلاعب سعودي واسطوررة ...لازم يا بندر تبحث عنه وتعرف وبعدين احكم ... وانا ما ادري ليش بعض الاخوان انجراف وقام يقول سامي ويعيدنا للموال اللي عمره ما راح ينتهي اليين يجي جيل جديد نقارن بينه ...والا الاتحف اللي يقول ياسر احسن برأسيات يا اخوان الاخ بندر محور حديثه عن ماجد ... |
بندر بقول لك شي ماجد عبدالله لاعب كبير ولو ماهو لاعب كبير كان ماشفت احد من الجماهير الهلالييه يقول ماجد لاعب كبير اخوي خل التعصب عنك ولانصير مثل النصراويه الي يشوفون لاعبين الانديه فاشلين ولاعبينهم اساطير بالنسبه لاهداف ماجد بالراس انا كرئي شخصي فيني في حياتي ماشفت راس مثل راس ماجد عبدالله له اهداف كثيره براسه وللمعلوميه اغلب اهداف ماجد براسه ولقب (الراس الذهبي)لكثره اهدافه براسه وهالقب ماجاء من فراغ لاتخلي التعصب يعميك ماجد كبير لاكن فيه من هو افضل منه الي هو سامي الجابر ومحمد الدعيع ومع احترامي لهم هم بعد في من هو افضل منهم الي هو الاسطوره والظاهره يوسف بن ناصر الثنيان لاعب انجازاته ليس كماجد ومحمد وسامي لاكن كسمتوا لاعب يتفوق عليهم جميعا مجتمعين عموما مابي ادخل بطريق ثاني ماجد نجم كبير وهذا رئيي ورايك احترمه |
إقتباس:
بعكس الهلال الي على مر اجياله لابد يطلع اسطوره مبارك العبد الكريم وبعده النعيمه وبعده الثنيان وسامي وبعده ياسر عشانك كذا صعب صعب نختار اسطورتنا للهلال اذكر موضوع بموقع النصر يستهزون فيه على الهلال ويقول بالعنوان (الهلاليين يختلفون على اسطورتهم) الموضوع كان اختلافات بالراي عن اسطوره الهلال لن كل الردود الي يقول الثنيان والي يقول الدعيع والي يقول سامي ضحكت وقلت هذي ميزه بالهلال لن الهلال ماعنده اسطوره لكثره الاساطير الي يلعبون فيه بس انا ملاحظ ان الثنيان بالمنتدى هذا مضلوم من الجماهير على اني اراه بنضري افضل لاعب انجبه الهلال |
بندر 99 ..لافض فوك بالفعل ماجد لاعب صنعه الاعلام لانختلف على نجوميته <<< ولكن لاتتعدى نجومية فقطططططط ..!! أتعلمون لماذا ؟؟ <<< لان الجار لم ينجب غيرهـ لهذا أصبح هو الماضي والحاضر والمستقبل بالنسبة لهم ..!!! لكن لغة الارقــــام هي الفيصـــل يامطبلين ماجد ...!!! |
إقتباس:
وكأن ما فيه بالبلد ألا هذا الاعب يسجل أهداف بالراس مع أنه معتزل له أكثر من عشر سنوات وهذا الشيء ما صار ألا من تأثير الأعلام وأصوات النشاز من المعلقين الي صوروا للعالم أن هذا الماجد ما فيه أحد مثله ويتهيأ للصغار في العمر ولا لحقوا على المدعو ماجد أنه طبعا هذا الاعب اللي ما فيه أحسن منه ، مع أنه مثل ما قلت أن سامي يتميزعن ماجد بأهمية أهدافه للمنتخب بعكس ماجد ومع كذا من النادر أن هؤلاء الأبوقه لايذكرونه . مع أعتراضي على أن ماجد لاعب كبير وياليت تحدد أن ماجد لاعب كبير في نادي النصر أيام ما كانت الملاعب طين ولا يوجد في السعوديه كرة قدم من الأساس . |
حبيبيـ خلينآ بعيد عنـ آلهلآلـ وآلنصر مآجد لآعبـ كبير وآلليـ ينكر جهودهـ جآحد للحقـ ........ فكر بعقلية شويـ ......... آتركـ آلتعصبـ ........ وفكر بجدية |
إقتباس:
اما بالنسبه لاي هدف يسجل بالراس يجي طاري ماجد شي طبيعي ياحبيب قلبي لان ماجد راسه مهوب طبيعي وعجيب شوفو بقول لك شي في هدف للثنيان على امريكيا هدف بالراس ماهو طبيعي اقدر اقول يبطي ماجد يجيبه ليش الاعلام والمعلقين ماقامو يتغنون بالثنيان لما اي لاعب سجل هدف بمباره وقالو يذكرنا بيوسف تدري ليش مايذكرون الثنيان لان الثنيان سجل هدف بالراس خرافي بس اهدافه بالراس قليله بعكس ماجد الي ااقدر اقول 50% اهدافه براسه فشي طبيعي لما يسجل اي لاعب هدف يقولون يذكرنا بماجد ارجو ان الفكره وصلت |
ليس لوحدة ماجد من يجيد الراس يوجد حمزة ادريس وحمزة وماجد عينان في راس باخلاقهم وروحهم العالية اما بخصوص المعلقين ذكرهم في كل هدف بالراس لماجد فهم يظلمون حمزة ايظن وزمن ماجد و حمزة انتهت صلاحيتة والاعبين الجدد يجدون كل شي في الكرة عكس ايام ماجد طقها والحقها ..... وفي زمنهم لم يحضر اي لاعب بفكر ولعب وفن ومهارات الا لاعبين اثنين فقط يــــــوســــف الثنيان و فـــهـــد الغشيان ثم ظهر لاعب كبير يلقب بجابر عثرات الهلال والمنتخب منتخبنا لم يتأهل مع ماجد و حمزة لكأس العالم الا بحضور سامي الجابر منتخبنا لم يحقق بطولة الخليج ايام ماجد وحمزة الا بحضور سامي الجابر اتت البطولة الخليجية .. يا معلقين ويا جماهير ويا متعصبين زمن ماجد انتهى وحضر زمن سامي واخر ايام يوسف الثنيان انتهى عصر سامي و جاء عصر ياسر القحطاني وانتهى زمن حمزة وجاء زمن نايف هزازي واسف على الأطالة |
إقتباس:
يعطيـــــــــك الف ألف عافيه هذا اللي أبوصله . |
احسن مهاجم مر على الكرة السعودية ماجد عبدالله احسن مدافع مر على الكرة السعودية صالح النعيمة احسن لاعب وسط مر على الكرة السعودية صالح خليفه احسن وسط مهاجم مر على الكرة السعودية يوسف الثنيان حبيى للهلال ماله مثيل لاكن يا أخ بندر 999 احقاقا للحق وبدون مجامله ماجد هو الافضل وغير كذا ماعندي شكلك بزر اخي الحبيب بندر 999 سؤال س في أي نادي لعب سعود الحماد؟ في الشباب أو الرياض جاوب تحياتي |
ياشباب ماجد عبد الله لاعب سعودي قبل ما يكون نصراوي ابعدو التعصب عنكم ولا تفشلون عند خلق الله لانه في ناس غير سعودين يخشون المنتدى وانا اقول هذا الكلام وانا والله هلالي بس ماجد عبد الله من افضل لاعبين الكره السعوديه وانا اتمنى ان نبعد التعصب في رياضتنا مهما كان ماجد عبد الله ممن خدمو المنتخب وشكرا |
راح يسال ابوه لا تزعل مني بالله كم عمرك |
بندر ياشاطر رح اشرب مويه وارقد بسرعه ,,, قبل لا احد يسمعك ماعاد الا انت تجي تقيم ماجد احمد عبدالله طير بسسسس انت والله فاضي |
إقتباس:
مساء الخير يالطيب !!! كم لك تتابع كوره بالله ؟؟ اللي مدرب منتخب انجلترا ... كتب عن راس ماحد بالصحف البريطانيه ... تجي انت وتقول ماله اهداف تذكر ؟؟ خذ لك لفه ع اليوتيوب .. وتعرف وشهو راس ماجد صدق اني هلالي لكن اللي ينكر ماجد هذا شخص ماله علاقه بالكره نهائيا واسمح لي على كلمتي |
| الوقت المعتمد في المنتدى بتوقيت جرينتش +3.
الوقت الان » 09:57 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd