|
مواقف كوميدي دخلت فيه التوقيف بسم الله الرحمن الرحيم هذا الموقف قبل سنتين كنت قاعد عندك الباب ومعي اخوياي كيكه :d وجبنه :d ونا يسموني الشاب اللطيف <<< وش عنده :d وكنت اسولف ومسوي انا راعي المواقف الحلوه ومسوي ابو العريف عليهم بعدين طفشو مني وقالي جبنه انت نصاب انا عصبت عليه وخذيت النعال ونتم بكرامه ورجمتها عليه وهو ينزل راسه الي دورية ماره ومنزل الدريشه :d تخيلوا وش صار ؟ وتخش النعال وتصكه في جبهته وياريته جندي الضابط :d يعني راحت عليك يا حلو طبعا فقي وجيهنا وانجلدنا بخيزران وخينا التوقيف 24 ساعه :d بس تبقى ذكريات حلوة الي عنده موقف مع الدوريه ولا خش قسم يسدحلنا قصته |
زين اني موب بالضابط ولا كآن نزلت اوريك نجوم الظهر انت وجبنتك خخخخخخ :d :d أمــا انا بالنسبه لموآقفي ما اشوف اخس من انك تقطع اشآره وورآك مقدم :d ولا تكون دآعس وتتعدى التفتيش وانت ما تدري :d ولا الربع من ورآك :d تحيآآتي لك :smilie47: ... الا مآ سألتك وشو نوع الجبنه :d :d |
هلا وغلا نعنبوك مالقيتو ترجمون الا دوريه وبالغلط بعد :d بس ليه مافهمتوه انها بالغلط ولا كان يزبد لا يكون خال اذا خال اركب الدوريه وانت ساكت ولا ترا يمكن ياكلك :d قبل كم اسبوع طالبين من هرفي انا وواحد والساعه 3 بالغصب طلبنا :d لانهم يقولون خلاص بنسكر المهم خذينا الطلب ووقفنا بمكان ناكل مادرينا الا الدوريه الي ملبقه قدامنا هو قاعد يطالع وحنا نطالع :d بالاخير نزل ونزلنا قال لالا خلكم خلكم وجاء لين طل برويسه قال تاكلوون ياخي ارفعو اكلكم عشان اشوف :d قسم بالله يهالعسكري مخ :d يقول ارفعو اكلكم عشان ادري وش يدرينا عنك انت وخشتك :d |
هههههههههه حلوة يابو جبنة والله ياهو موقف ... تسلم على هالمواقف الحلوة ... |
إقتباس:
احس يوم نزل من السيارة غصيتوا:d... |
صارت لي سالفه مع تفتيش كنت اسوق سياره ومافيها فرامل وادخل شارع الا وفيه تفتيش حاولت اوقف للتفتيش ماوقفت السياره والعسكري فهم غلط وطلع سلاحه ويهاوش يقول وقف وانا اقول له مافي فرامل واخرتها لحقني بالدوريه ووقف قدامي وبعدها وقفت السياره وشلني على التوقيف يوم كامل بعدها طلعت وعلى الورشه رميت السياره ولا ركبتها ثاني مره |
ههههههههههههههههههههههه موقف توحفه :d. |
هههههههههههههههههههه والله يا عليكم مواقف .. خخخخخخخخخ |
هههههههههههههههههههههههه مشكور يا (كلنا زاحفين) على الموقف المهستر اسدح لنا موقف ثاني لاهنت |
هذا موقف ثاني صارلي بس قريب من كم شهر كنا مضيعين في احد الاحياء الي معروفه بمخدرات يعني كل الي يخشها دشير وحنا ندور في الحاره لقينا تفتيش وكان معي واحد من الشباب اذا ضحك ما يسكت عموما جاء عسكري قدمنا قال وقف وقف بصوت عالي وماسك الرشاش بيده والموتر فرامله لك عليها السياره تمشي خفيف وهو يلحقنا صراحه موقف يضحك احس اننا نصور فلم الى ورى فكها ضحك يوم نزلنا قدام الضابظ الضابط قاال محششين وكان في السياره ورى قيتار مسكه العسكري وقال معكم بيانو بعد :d يوم قالها انا انسدحت في الشارع ضحك فتشونا وحنا نضحك وفتشو السيارة وتحت المراتب والشنطة :d بعدينا قالوا امشو |
إقتباس:
كان عزمتوووووووة :d ....................................... |
إقتباس:
كان طلعت فتحت الباب ووقفت السياره برجلك :d |
والله هذا ياطويل العمر قد صارت لي ثلاث مواقف مرتين مع الشرطة ومرة مع المرور الولة اللي مع الشرطة كنت وعمري 15 تقريبا يعني قبل تقريبا 3 سنوات بالشرقية اتمشى مع عيال خالي برجولنا وانا من الهياط في لنبة خربانة ومنطولة عند الزبالة وانتو بكرامة واقوم انا من الغباء اشيلها واكسرها ثنتينهم بالشارع ومادريت ان الدورية وراي وتوني 15 سنة طاح قلبي برجولي يوم شفت العسكري يقولي تعال وكان خال وجثة رحت وطي بس صار يعرف اخو واحد من عيال خالي وقال لا عاد تتعودها خخخخخخ والموقف الثانية هذا ياطويل العمر بصف اول ثانوي اول ماعطاني ابوي السيارة طلعت من الثانوية وانا راجع البيت في عسكري واقف عند مدرسة بنات وجاي ياخذ بنته من المدرسة بسيارته المدنية ورجع شوي والا انا مار بالشارع واحك سيارته من ورا واجيك نازل عليها على انه هو الغلطان واقعد انافخ عليها وماركزت انه لابس لبس الدوام اللبس العسكري وماشفت اللبس اللي قد طارت الطيور بارزاقها وهو مخليني وجالس يدق على اخوياها ويقول تعالو في واحد صادمني وجالس ينفخ بس الحمد لله صادف ان ابوي ماااار بالشارع ومشى السالفة بعد ماتفاهم على الرجال وحب الخشوم هذا مشكلة اللي يكون غلطان ويصدم له احد وعلى باله الخطا من الثاني خصوص مع عسكري شايب نفسه بخشمه والموقف الثالث ايام الاختبارات جالس ادور على لثانوية مع خويي بالسيارة بين الفترتين وانا ادور جيت بلف من الشارع بروح يسار ومضيق اللفةيعني لاف خطا الا وذيك الدورية اللي لافة مع نفس اللفة ونظامي ومسرع شوي وانا مااشوفه عشان الجدار ويالله على اخر نفس وقفت سيارتي والدورية انا قلت اقل شي بيصكني بمخالفة بس الحمد لله قالي امش ولا عاد تعودتها خخخخخخخخخخ تقبل مروري |
إقتباس:
|
انا اذكر اثنين في السياره و كان مع واحد منهم قاروره شطه وكانوا يمشون في شارع عام .. وبعد ما طلعوا فوق الكوبري اخونا بالله رجم دوريه المرور اللي تحت في شارع الخدمه بالشطه !!! قصه حقيقه حصلت منذو مبطي |
قبل أربع أو خمس سنين كنت مع أخوي الله يرحمه في الهافمون وكان مع أخوياه وكلهم كانوا مطاوعة جلسنا في الهافمون إلى المغرب وبعدها مشينا للثقبة بنحضر محاظرة أظنها للشيخ إبراهيم الزيات وحنا في الطريق كان فيه استراحة لأمير :stoned: وكنا مسرعين في الجمس ويوم قربنا نشوف عسكري يأشر ويصارخ وقفوا وقفوا والعسكري ذا ما انتبهناله إلا يوم صرنا قريبين مرة منه وضرب السواق البريك بقوة والعسكري خاف ركض شوي بعيد وطلع مسدسه :d قام يصارخ ليش ما توقفون لو طلع الأمير وصدمتوه :razz: قال السواق ياخي الفرامل متعطله إذا مو مصدق تعال شوف العسكري خاف قال لا لا مراح أجي :d شوي ويطلع الأمير مع الموكب والعسكري راح يركض ركب الدورية ومشا وراهم :d |
مواقفكم في الصميم ههههههههههههههههههههه |
موآقفكم توحفهـ..ويآليت تكررونهآ..وتقولون لنآ وش صآر لكم..:d أمآ أنآ صآر لنآ موقف مع الشرطهـ العسكريه عند بوآبة وآحد من ذآ الإسكآنآت..:d طبعاً حنآ مو من سكآن الإسكآن..لكن نعرف نآس كثير فيه..واللي عند البوآبهـ عآرف تقريباً من اللي سآكنين فيه وإذآ بيدخلون مآيوقفهم..وهم أصلاً مآيهدون لأنهم متعودين عليهم أو السيآره فيهآ تصريح..وحنآ جآيين وخوينآ اللي يسوق مسوي فيهآ هيط..:d مآوقف والعسكري يأشر وهذآ مآوقف..وجه العسكري الرشآش بوجيهنآ..:d:d..وقآلو وقف بصوت قوي..وقفنآ ونزل الدريشه..وهآت لك سب من العسكري لخوينآ وقآله وقف وتعآل..وقفنآ نزل خوينآ للعسكر عند البوآبه..وبدل مآيآخذ الجوآل معه أخذ ريموت مسجل السيآره من الخوف.:d..وحنآ اللي نفطس عليه ضحك..ومن قوة الضحك سمعنآ العسكري ويحسبنآ نتمسخر فيه..:d..وزآد الطين بله..المهم..رآح لهم خوينآ وقعدوآ يهزأونه شوي..ودخلوه المكتب..وشوي وهو دآخل المكتب جت حرمه كبيره في السن ودخلت مع البوآبه والعسكر ينآدونهآ...ويآخآله وين رآيحه..! وهم مزلبه فيهم ولآ كأن أحد يكلمهآ..:d:d..ودخلت وشغلوآ الجيب ولحقوهآ..لكن هي مآفكرت فيهم..والعسكر كل وآحد يقول للثآني مآعلي منك أنت المسؤول قدآم المقدم لأنهآ دخلت من عندك والثآني يقول وش علي أنآ..وكل وآحد يذبهآ على الثآني..<---تورطوآ..:d..المهم..هم إنشغلوآ مع الحرمه..وقآلوآ لخوينآ إنقلع ولآ تتعودهآ وحنآ برآ نسمع...:d..ركبنآ السيآره وقآل لنآ خوينآ إنهم شآفوآ إسمي وقآلوآ فلآن يقرب لك يقول قلت اي..قآلوآ رح ولآ تتعودهآ..<---وحنآ سآمعينهم وهم يهزأونه دآخل..:d:d..بس مشينآهآ لهـ..:d عشآن كذآ أقولكم لآتمزحون مع الشرطهـ العسكريه..:d تحيآتي.. |
ههههههههههههههه والله فله اجل قام يصرفها قدامك |
اما عليكم مواااقف تحفه خخخخخخخخخخخخخخخخخخخخخخخخخ |
بالنسبه لي اتذكر موقف يوم كنت صغير كنت امشي بشارع فجأه وقفة دوريه هات بطاقتك عاد انا تو خط الشارب اخضر نفخت صدري وقلت له لا ليه اعطيك بدون سبب المهم يمين يسار ماعطيك <<مسكت معه عناد فجأة مر اخوي الكبير وجا قاله وشسالفه قاله ابد عربيات السوبر ماركت ياخذوها العيال ويلعبوا فيها ولايرجعونها فحبيت اشوف الهويه بس اخوك معند بالنهايه طلعت مو عندي خخخخخخخخخ --------------- الموقف الثاني والاقوى كنت رايح موصل احد الاخوان بالمطار بالرياض المهم نزلته وضطريت ارجع مره ثانيه لسبب ما ونا راجع مثل ماتعرفون مطار الرياض مرتفع لما تنزل الزوار وكنت مسرع شوي حبتين المهم كان فيه راعي دوريه فجاه قطع الشارع وشايفني من بعيد الا انه واصل الطريق ووقف نص الشارع ونا طاير وسحب ذاك البريك وانواع صوت التفحيط بغيت اشيله المهم هو قام يركض يبي يركب الدوريه وكانت بعيده عنه شوي قمت انا وصفط بسرعه بين السيارات متأثر بالافلام واخونا راعي الدوريه ركب الدوريه مسرع يدورني وراح في حال سبيله بعدها شغلت الموتر ورحت البيت الحمدالله الله ستر قبل كل شي ثاني شي لاحد يستهين بسيارات تمر بشارع وانت قريب منها توقف بنص الشارع ممكن ينحرف ممكن مايفهم بسواقه وممكن وممكن سبق وقبعني واحد بنفس الحركه وجلست اعاني بالم برجولي بس الحمدالله عدت على خير ومشكور اخوي |
اوووووه عندي مواقف كثييييييييره لكن هنا فيه معرفات تعرفني وما ابغى اطيح من عينهم :d:d:d:d:d ياحبي لهم بص:smilie47::smilie47::smilie47::smilie47: |
والله اتذكر موقف صارلي مره اول ما تعلمت السواقه ونا سارق سيارة اخوي ورحت للسوبر ماركت القريب المهم اني اول مره اطلع على شارع عام ورايح فيها انواع الخوف المهم الشارع اللي انا فيه خطين رايح جاي بس والدورية في الشارع الثاني يعني مو لمي بس ان خفت قمت وقفت على جنب المهم هو صادني ويروح ويداور ويرجع لي طالع فيه وقاللي معك اثبات قمت طلعت الكيس ووريته من الخوف واقولله اني بس رحت اشتري اغراض لاهلي المهم هو شافني ببكي قام قاللي يالله روح ولا عاد اشوفك |
ههههههههههههه انواع الخوف والله ذروق اخس يا الشجاع |
اتذكر موقف صار لواحد يقربلنا من بعيد المهم كان رايح مصر يكمل دراسته فهو من داعي المزح راح الدلخ سأل المضيفة عمرك شفتي قنبلة المضيفة قامت تصااارخ صراااخ وعلى طوووووووووووول نزلوا الطيارة وعلى اقرب توقيف هههههههههههههههههههه<<<خبلة تضحك |
اما موقف حارة الحشيش والله يانا فطست :D مواقفكم في رائعة الروعه < تجي ؟:D .. لاهنتم حبايبي ..... |
هههههههههههههههههههه والله يا عليكم مواقف .. خخخخخخخخخ |
الحمد الله على سلامتكم ومره ثانيه قول للجبنه لايشوت نعال |
وش هالنعلة اللى مركبة جنحان ... شكلك وازه باالنعله من قلب .. ومزحك ثقيل موقف حلو بس انتبه تتعود لها وزين اللى انتهت على جلد واربعه وعشرين ساعة .. مالبسكم قضية أكبر تسلم اخوي على هالموقف |
موضوع فله و المواقف كثيره لاكن بذكر و احد منها و حصلت بعد عيد الفطر اللى راح انا و احد من اخوياي طول الخط سوالف ما ندري الا قدامنا تفتيش المطار و خويي حايس ام راسه باشماغ و طالع الشعر متعدى رقبته و انا تكيتي تقول و احد خارج التغطيه:d لا حد يشك فيني التكيه بس ولا انا طبيعي الحمد لله:d المهم شافنا العسكري تغير و جهه على طول وقف و قف وقف كني اسمع صوته و يدخل راسه و يشم الموتر و يفتح الباب و يطلب الاثباتات عاد ثم قال عتيبي و دوسري و رايحين المطار وش عندكم لايكون بتكملون تصريف للمسافرين انا قمت اضحك من غير شعور و ينزلني و يقول شارب شي و ينفظ الموتر فوق تحت و قال وش رايكم في التحليل الحين و بكل ثقه قلت يالهـ ودي احلل على اشوف اكشف على نفسي ما قد حللت دم قال ياعتيبي متاكد اذا حللت بتطلع بثقه غير طبيعيه قلت متاكد مثل ما انا متاكد انك عسكري ثم قال حركو بس عدلو اشكالكم لان اشكالكم شبه على الشعور و التكيات الغبيه في الموتر و اسف على الاطــــالهـ |
| الوقت المعتمد في المنتدى بتوقيت جرينتش +3.
الوقت الان » 11:08 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd