أنا أقول، وانت وش تقول ؟؟؟!!!
 

أنا أقول يبو يعقوب ترى الهلال محتاج لك وااااجد، لا تخلينا يالدكتور، ماعندنا بالهلال غير يوسف واحد يا رافع الكاس... ودنا تبقى في الهلال على الأقل سنتين، من يدري يمكن تدخل موسوعة جينيس برفع الكؤوس إنشاءالله ... و انت وش تقول؟؟

أنا أقول يا نواف التمياط حنا معاك ونبي نشجعك وين ما تروح، انشالله تروح لجوانتيمالا، بس أهم شيء تكون راضي ولا تزعل على علينا، ترى الهلاليين يحبونك عشان كذا زعلوا يوم دروا انك بتروح عنهم... وانت وش تقول ؟؟

أنا أقول يا سامي حرام عليك اللي قاعد تسويه، يعني كان لازم تقوم و تسحِّب باليامي و المولد هالتسحيبة في مباراة نهائية ؟؟؟؟!! تراك فشلتهم و جننتهم الله يهديك ;) :D .. وانت وش تقول؟؟

أنا أقول يا دعيع ترى ما ينقص الشياطين الحمر (مانشستر) إلا حارس زي الناس (حارسهم بارثيز هو اللي ضيعهم) ... أنا متأكد انشاءالله لو يدرون عنك مانشستر ان ياخذونك ... و لو انه يعز علينا واااجد لو بتنقل، لكن إذا كان الانتقال لنادي كبير فعزاؤنا يبقى موجود :) ،،،، وانت وش تقووول؟؟

أنا أقول يا شلهوب ترى الجاي انشاءالله أكثر من اللي رايح، و توك في عز الشباب شد حيلك، نبيك تصير أحسن من مارادونا... بس يمكن لازم تشيل أثقال عشان تطلع لك عضلات :bigeek: ... و انت وش تقول ؟؟

أنا أقول إن سعود بن تركي بشكل عام ما قصر و الله يعافيه على اللي سواه مع الهلال، خصوصا ان مافيه أحد عنده استعداد يتسلم زمام الرئاسة بداله!! و أستغرب من البعض اللي يبون بندر بن محمد يصير رئيس مع انه ما رشح نفسه، بل اعتذر عن الرئاسة !! و الحين بندر قاعد يدعم الهلال مو مقصر، يعني الحين عندنا ثنين بارزين بالدعم (سعود + بندر)، لكن إذا راح سعود وصار بندر رئيس بيصير عندنا (بندر + ؟؟؟؟).... و انت وش تقول ؟؟؟؟؟؟؟؟؟؟؟؟

أنا أقول إننا نتكلم واجد عن الألمانيين و الكاميرونيين، لكن نادرا ماسمعت أحد يتكلم عن الإيرلنديين؟؟؟!!! يا جماعة تروا هذولا جلوف خطيرين، و يكفيهم روي كين .. (حلو السجع !! :D)... و انتي وش تقوووولين؟؟! :D

أنا أقول إنه من أكبر الظلم أن نقارن بين مشاركتنا في كأس العالم 98 وبين المشاركة القادمة في 2002، و السبب إن المنتخب في 98 كان يعاني من مشاكل إدارية عنصرية لا يعلم بها إلا الله، تخيلوا إن احتياط المنتخب كان هو أساسي الفريق !! و أبرز الاحتياطين كانوا أيام عزهم (يوسف الثنيان -- فهد المهلل -- نواف التمياط -- أحمد الدوخي -- أظن ماطر اللي تنقل بين الأساس و الاحتياط) بينما الأساسيين هم (خالد مسعد -- حمزة صالح -- شلية -- سعيد العويران )... شكرا يا عيد... و تلوموننا يوم نخسر بـ 4 !! و بهدف !! و لم يتغير الحال الا بعد اعفاء المدرب و احمد عيد، أما الآن فانشاءالله ان الجهاز الفني و الإداري و بالرغم من ميولهم المعادي للهلال إلا أنهم واعين ويقدمون مصلحة المنتخب على مصلحة ناديهم :) ... وانت وش تقول؟؟؟؟

أنا أقول اضغط الزر اللي تحت !
<FORM><INPUT TYPE="button" VALUE="اضغط" onClick='alert("وانت وش تقول؟؟؟ ")'> </FORM>

لووول شكلي أزعجتكم، يالله باي :)

اقول كلامك كله مضبوط و الله يعطيك العافية على الموضوع الزين بالصبحية

كلامك صح و الله يعطيك العافية

انا اقول كلامك عين العقل

ان اقول لعبدالله الجمعان لاتخلي ولا فاول الا تشوته وانشاء الله تنافس
كارلوس وتقهره.....وانت وش تقول

الإخوة غير ربحي و فيجو، مشكوووورين :) ... الجنرال فيصل، لووول أنا أشهد إن روبرتو كارلوس راح وطي !!

الهلال بأمس الحاجة لكل فنان امثال ابو يعقوب