|
غثيتونا بالمثالياااات ... تكفوووووون رجعو الدوخي ..!! السلام عليكم صبحكم الله ومساكم بالخير والمسرات انا مدري وش هالحمله من المعارضين لعودة الدوخي .. يا أخواني لما راح الإتحاد من حقه يامن مستقبله .. لحد يجي يتفلسف يقول وين الوفاء والولاء هذا عصر المادة ... بغض النظر عن حبنا قبل للدوخي وكونه انتقل للمنافس التقليدي لنا .. لكن الدوخي طبق الاحتراف بحذافيره ومن حقه هالشيء ... حتى لو كان يقول غلطة حياته انه انتقل انا هلالي ولو العب للهلال ويجيني عرض من نادي منافس ... يا يرفعون النادي عرضهم لي يا اروح .. وهالشيء حق لي .. الحين الدوخي فرصة للهلال انه ياخذه وربي ما تعوض .. الجميع شاف ابداعه قدام مانشستر ... والله ان الدوخي لاعب مؤثر ولاعب يمسك خانته ... لاعب نجم بمعنى الكلمه ... تكفووون يا رجال الزعيم .. من يوم رحل الدوخي وجهة اليمين مسرح تجارب ... ولم يشغله الى الان الا اشباه لاعبين ... مع احترامي لهم الهلال بحاجة للدوخي ... تكفووووووووووووووون رجعوه هذا عصر الاحتراف وهذي فرصتنا نرجع ولدنا ... اتمنى من اللي يعارضون عودة احمد يطالعون للجهة اليمين من يوم انتقل ويقلون وش راح يحصل لو رجع الان الجهة اليمين .. ما رفعت منه ولو كورة عرضية زي الناس من سنين :upset: بالتوفيق للهلال .. ودمتم بخير |
تكفون انسوا الدوخي واعطوا سلطان البيشي ربع فرصه وبس وحطوا محمد الجيزاني بالاحتياط عشان يستفيد من سامي وكفى!! s13s |
إقتباس:
ما شفت ظهير ايمن يستاهل هاللقب لعب فالهلال من رحل الدوخي .. اتمنى احد يطلع لو ربع الدوخي كان اليمين في أمان .. شكرا لمرورك الكريم ورده |
عنـدك لاعبين لـيـة ماتعطيـهم فرصـة وتخلي الدوخي عنك عندك سلطان البيشي عطه فرصة والله يبدع وينسيك الدوخــي بعـديـن الدوخـي مآضي ليه نرجع نتكلم فيه تقبـل مروري |
والله يالغالي حتى أنا أوافقك الرأي في عودة الدوخي وبقوة للهلال . فهو لاعب غير مع الهلال صراحة بعكس الاتحاد الذي لم يقدم معه أي مستوى يذكر عن الاعب وعندما لعب مع الزعيم ضد مانشيستر خلال شوط واحد قدم الكثير مالم يقدمه مع الاتحاد انحن نحتاج لاعبين خبرة في البطولة الاسيوية بالذات وابص بالعشرة إن الدوخي على الأقل راح يخدم الزعيم لمدة ثلاث سنوات بالتوفيق للدوخي .والي يطالبون بالبيشي والجيزاني اؤيدهم الراي بس الدوخي في الفترة هذه أفضل كلاعب خبرة . وشكراً يالغالي يعطيك العافية .. |
إقتباس:
هذا الكلام والا بلاااااااش ... وسلطان البيشي واللعيبة الصغار اتمنى ياخذون فرصتهم في كاس الامير فيصل ... مشكور على مرورك |
أخي لاتذهب بعيداً... عليك بمتابعة الدوخي في الدوري القطري ومع ناديه قطر وستعرف عن أي لاعب تتحدث .. وبحكم متابعتي للدوري القطري وللدوخي تحديداً فأؤكد لك أن الدوخي الذي تعرفه قبل ثلاث أو خمس سنوات لم يعد كذلك ... لقد أصبح بطيء الحركة منعدم التركيز ومن السهل المرور والتخلص منه.. حديثي هنا ليس حديث عاطفة أو تشفي ولكنه حديث فني بحت فاللاعب أصبح عبئاً على هذه الخانه وحتىلو قارنت مستواه بنامي "صاحب المستوى العادي" فنامي يتفوق عليه بمراحل وحتى "بالأوفرات" والتي تقولون أن نامي لا يجيدها فنامي يتفوق بها على الدوخي في وضعه الراهن.. هذا هو الحديث العقلاني إن أردت ..:yes: أما إذا أردت الحديث العاطفي والممتليء بالشجون فمن ناحيتي لاأحب رؤيته يمثل الزعيم مرة أخرى.. :nono: لك الود |
بعقلانيه؟؟ لاعب كبير في السن لو رجع للهلال كم سنه بيمسك الخانه؟ سنه؟ سنتين؟ انا ما اشوف الفائده من رجعته اجل الافضل الاستثمار في اللعيبه الصغار لانهم هم المستقبل وشكراً |
تراكم أشغلتونا الدوخي والدوخي والدوخي ..!! وكأن الهلال مايلعب زين إلا بالدوخي !! تدري كم عمر الدوخي !! بعدين أنت شفت مستواه مع الأتحاد !! كان نقطة ضعف ودايم الأهداف تجي من عنده !! ودائما يطرد !! الدوخي خلاص راح زمانه مو مثل أول والعمر له دور والمعروف أنه أي ظهير ( خاصة بالسعودية ! ) لابد عمره يكون صغير حتى يأدي على أكمل وجه .. أقسم بالله هالأيام شاهدت بالصدفة في قناة الكأس الدوخي مع قطر القطري وتسبب بولوج هدف على فريقه بسبب تقدمه الزائد وترك مساحة خلفها الهجمة أتت من جهته وهو جالس يتفرج !! عندها عرفت ليه الأتحاد أعاره لقطر القطري !! أقول اللاعبين الشباب الثلاثي محمد نامي والبيشي والجيزاني فيهم الخير والبركة ... وإذا تبي أسماء جاهزة وعلى مستوى عال بالظهير الأيمن ( حمدالعيسى ( لانعلم أين هو ! ) + حسن معاذ + أحمد البحري + عبدالمطلب الطريدي ) .. اما غيره فلا ؟؟ |
لما نقول ما نبي الدوخي ، مو لانه راح للاتحاد من وجهة نظري أعارض عودته لاني غير مقتنع فيه الحين و نامي مهو أحسن ظهير في المملكة ، و لكنه مهو الأسوأ بالإضافه فيه لاعبين نتمنى ياخذون فرصتهم |
ترانا بحاجته فالاسيوية وسيندم الهلال على عدم ضمه ... والدوري القطري ليس حكم على مستوى اللاعب كلنا رأينا كماتشو البرازيلي ..!! |
أنا مع رجعة الدوخي للهلال وخلونا من الكلام الفاضي ،،،، |
بغض النظر عن المستوى الفني السيء الذي يقدمه الدوخي حاليا في قطر والذي برأيي انه لن يضف شيئا جديدا بل على العكس ولكن يجب ان لانلوم من عارض انتقال الدوخي فانتقال الدوخي كان في فترة تشهد صراعا هلاليا اتحاديا على جميع المستويات وجاء الانتقال ليشكل ضربة قوية للهلال وخصوا الجمهور ولاننسى ان التوقيع كان قبل مبارة الاتحاد في نصف النهائي اضف الى ذلك الطريقة التي انتقل بها الى الاتحاد بعد ان كان يصرح ويطمئن الجمهور بانه ابن النادي وسيبقى وفيا للهلال ناهيك عن تخاذله في آخر مباراة لعبها أمام الاتحاد فمن خذل الجمهور وتلاعب بمشاعرهم لا يستحق ان يرتدي شعار الهلال مرة اخرى |
إقتباس:
ياخي الرجال كبر ويالله يالله يركض تبينا نجيبه يلعب مع هالآسيويين الصواريخ؟ انت تقول اتركوا عنكم المثاليه وانا اقول لك اترك عنك العاطفه |
| الوقت المعتمد في المنتدى بتوقيت جرينتش +3.
الوقت الان » 10:34 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd