|
سيارة مسرعة تصطدم بمحلات ومجموعة سيارات ( إضافة مقاطع فيديو ) قلنالكم .. ياجماعة لاتسرعون ...... وش طايرين عليه ؟؟ عموما الخبر توه حار .. وحرته خلتني انزل هالخبر .. لأني شاهدت بنفسي أحد المصابين وهو على الأرض .. وقمنا بمتابعته حتى حضرت سيارة الإسعاف مشكورة رغم التأخير والإتصالات المتكررة مني .. ومن العشرات غيري المنظر مزعج .. شاب في زهرة شبابة يرتجف من الألم ؟؟ او من البرد ؟؟ لأنه على رصيف الشارع ؟؟ لانعلم سبب رجفته ... هناك من يلقنه الشهادة .. ومن يغطيه ..ومن يحاول المساعدة كنت داخل إحدى مقاهي الأنترنت في الرياض وفي شارع هارون الرشيد تحديداً حضرت للمقهى لمقابلة صديقي هناك وهو صاحب المقهي وتسليمة ورقة قد أوصاني عليها ... عشر دقايق وإلا أسمع صوت ( تفحيط ) عموما لااجزم انه تفحيط .. قد يكون عدم سيطرة .. او ضرب كفر عليه .. بعدها سمعنا صوت وكأنه إنفجار ..:bigeek: طلعنا مسرعين .. ونلقى سيارة جمس فيها ثلاث شباب .. واحد نزل على الأرض ومنسدح والكل يحاول إنقاذه .. بعد الإتصال على المرور والإسعاف .. والتطمن على المصابين .. إلتفت وإلا سيارتي من هالخمس سيارات اللى تضررت ..! والحمدالله على كل حال .. ااه لو السرعة رجلاً لقتلته .. :upset: المقطع الأول المقطع الثالث والحمد الله على سلامة الجميع ... المجتمع السعودي مازال بخير من تكاتف رغم المنظر والحادث إلا ان الكل يحاول فعل أي شي ... حتى من تضررت سياراتهم ويعلم الله انها تضررت بشده وسترون باعيونكم المقاطع والصور .. إلا انهم حمدوا ربهم على كل حال وحمدوا الله كثيراً على سلامة السائق ومن معه .. اخوكم الصغير ابو طلال s13s |
السلام عليكم .. صباح الخير أبو طلال الله يعوضك بـ سيارتك ودام هي بالحديد تهوون الي قاهرني ان بعض الشباب مايمبسط الا وهو مسرع مدري ليه هو يستمتع او انه يبي ياصل بسرعه المشكله انك بتوصل قبل بـ 5 دقايق او 10 دقايق مافيه فرق يعني وتعرض نفسك للخطر وغيرك وتخسر نفسك وتخسر غيرك نفس الي صاار معك الله يعوضك أخوي أبو طلال :) |
لا حول و لا قوة إلا بالله يا اخوي هذول بالعربي مرجج تنصحه ما ينتصح و ليته ينتصح بعد هاللي صار و الله العظيم من يجي مطر ما تسمع إلا صوت الإسعافات الحمد لله على سلامتك و في الحديد و لا في العبيد و إن شاء الله المصابين يقومون بالسلامه و الله يعوض اصحاب السيارات اللي تدمرت |
.. الحمد لله على سلامة الجميع ورده ياروح مابعدك روح ليش السرعه !! الله يهدي شبابنا كل شئ عندهم سريع سريع حتى السواقه لانصحته يعاند ويسرع زياده مايدري انه هو المتضرر شكراً اخوي ابوطلال وفي انتظار الصور ورده .. |
الحمدلله على السلامه ودام انها في الحديد فتهون الله يهدي شباب المسلمين . |
×× لاحول ولاقوة الا بالله :( , الله يهيدهم امييين ورده معوَض خير يا أبا طلال ورده ’,‘ والله يقومهم بالسلامهـ ويهديهمورده ×× :cool: |
ألف سلامة عالجميع الله يعوضك أخوي ويقوم المصاب بالسلامة آميـــــــــــــــــــن |
الحمد لله على كل بالحديد ولا بك يا ابو طل والله يعوضك يا رب والله يشفي الشاب المصاب |
الحمد لله ع سلامتك أخووووووووي أبوطلال ... والله يعوضكـــــــ خير في سيارتكـــــــــ ... دمت بـــــــــــود .. |
الله يستر علينا وعلى جميع المسلمين والحمد لله على سلامتكـ, أبو طلال |
لا حول ولا قوة إلا بالله :( الله يشفي المصاب .. ويقومة بالسلامة ويطمن أهله عليه .. الله يعوضك خير .. و الحمد لله إنها بالسيارة .. الحمد لله على سلامة الجميع ورده |
الحمد لله على السلامة أخوي أبوطلال والله يعوضك ويعوض جميع من تضرر والله يشفي المصاب |
هلا وغلا ابوطلو..:smilie47: الحمدلله على سلامتك..والله يشفي المصابين يارب ويعوضكم خير جميع الحمدلله على كل حال سلاااااااااااااااااااااااااااااااااام |
لاحول ولاقوة إلا بالله :( الحمدلله ع سلامتك ياأبو طلال ورده .. وفي الحديد ولا فيك .. انشالله يقومون بالسلامه ويشفيهم ربي :yes: .. والله يحفظ شبابنا ويهديهم يااارب .. |
الحمد لله ع سلامت الجميع .. ! و لا عمرك تعيد اسلوب التشويق ذا :D ... ننتظر المقاطع ., مع اني استنكر اللي يصور ناس تحتضر او اقل او اكثر |
| الوقت المعتمد في المنتدى بتوقيت جرينتش +3.
الوقت الان » 05:26 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd