سيارة مسرعة تصطدم بمحلات ومجموعة سياراة( سيارتي كانت معهن ) - صفحة رقم 3 - نادي الهلال السعودي - شبكة الزعيم

الســفيرة · #1 07/11/2008, 08:36 PM

الحمدلله على سلامتك ابو طلو وسلامة الكل والله يشفي المصابين

الحديد يتعوض بس العمر مايتعوض الله يعوض الجميع بالاحسن يارب

الله يهدي شبابنا يارب ويصلحهم

فتاه هلاليه · #2 07/11/2008, 08:51 PM

,.
/

السلام عليكم ورحمة الله وبركاته .

الله يقوم الجميع بالسلامه ورده
الله يعوضك خير يارب والحمد لله على سلامتك أخوي ورده

,.
,/

عاشق الموهوب 10 · #3 07/11/2008, 09:35 PM

ابوطلال ..
حمــداً لله على سلامتك .. ومدامها بالحديد تهون ..

إقتباس

الرسالة الأصلية كتبت بواسطة عاشق الموهوب 10


	السرعه .! الله يحفظنا بصراحه أنا أسرع بعض أحيان سواءً في سفر أو عندي ذهابي للجامعه < إذا كنت متأخر طبعاً لكن إن شاء الله أحاول أبطل عن قريب أدعولي .. ياما نشوف حوادث على الطرق تقول في نفسك مستحيل كان موجود شخص داخل السياره تقول ورقه وكرمشتها < مدري صح ولـ لا الله يحفظنا يارب من الحوادث ويحفظ جميع المسلمين ..

هذا رد لي بموضوع لوليد عن السرعه والتفحيط ..
السرعه .. الطريق إلى الموت !!
شكرا ابو طلال والحمد لله على السلامه مره ثانيه ..

asim 9 · #4 07/11/2008, 09:46 PM

لاحول ولاقوة إلا بالله

الحمدلله ع سلامتك ياأبو طلال ..

وفي الحديد ولا فيك ..

جرح يشكي · #5 07/11/2008, 10:17 PM

هلابك ابو طلال

الحمد لله على السلامه .. في الحديد ولا فيك

الله يعوضك خير .. وترا العوض ما منه خير.

S K Y · #6 08/11/2008, 09:43 AM

الله يجزاكم خير وسلامات للمصابين

والله وانا اخوك صرنا عادي مانتأثر من أخبار الحوادث من كثرتها
الواحد يشوف الحادث قدامه ولا يتعض صار عند أغلب الناس تبلد

والله يكفينا وإياكم شر الحوادث

بيرت بلس · #7 08/11/2008, 10:44 AM

الحمد لله على السلامة يابو طلال.
الله يعوض عليك أخي .
والله أنك لتتعجب حينما ترى قائدي السيارات في الرياض.
لك تحياتي ,,

şηάķέ вℓùέ · #8 08/11/2008, 10:49 AM

لا حول و لا قوة الا بالله

زعيمهم كلهم1 · #9 08/11/2008, 11:38 AM

الحمد لله على السلامه و المال يتعوض
و الله مشكله السرعه خصوصا اوقات المطر يمكن ما تقدر تتحكم في السياره
انت بس احمد ربك انك ما كنت داخل السياره وقت الحادث
الحمد لله على سلامه الجميع
تسلم اخوي أبو طلال
ودمت وتقبل مروري

واحدمن الناس15 · #10 08/11/2008, 01:43 PM

الحمدلله على السلامة

والله يعوضك خير

الله يهدي شباب المسلمين

ابو طـــــلال · #11 09/11/2008, 12:38 AM

مرحبتين كبار .. شكرا للجميع هالشعور الأخوي الجميل .. والله يحفظكم جميعاً

المقاطع بضيفها الحين بعد ماتطمنا على المصابين والحمد الله طيبين .. والله يعين على المشاوير بين المرور والصناعية وهلم جرا ..

لاحظوا ان السيارات خمس .. والسادسه الجمس الأبيض اللى فقد السيطرة وصدم بقية اليسارات الواقفة ..

فيه هوندا من قوة الضربة نطت الرصيف وضربت بواجهة المحل الزجاجي وتهشم مع قزاز الموتر وحصول ضرر آخر غير الخلفية ..

وماكسيما بعد نطت فوق الرصيف وجاها ضرر كبير ..

باقي السيارات اللكزس .. الكورلا .. الفورد .. كلها تشتكي من الم في المعده ..

* الحادث بسبب السرعة العالية والتفحيط ...
* الخطاء على السائق وكلهم شباب صغار ...
* الله يعوضنا ويعوض أصحاب هالسيارات خير .. بالأخير لاشاف المخطي نفسه متعافي وماجاه شي .. بيقول أسطوانة المفحط المشروخة ( واحد حدني ) وحط رجلة

تحياتي لكم جميعا ..

المقطع الأول

المقطع الثاني ( مايل )

والمقطع الثالث

اتمنى من الجميع الركاده ... ترى العمر غالي وماتسوى فجعة اهلك عليك بعد حادث أليم تنجو من الموت بإعاقة .. أو أقل شي تنجو بحياتك وصحتك لكن تسدد من حر مال والدك او حتى من فلوسك .. تتعب .. واخرتها ودك تسحب جلنط تاخذ قرض بعدها يروح من عمرك سنين وانت ماتواسيت من الدين ...

فكر قبل لاتدوس بنزين ...

المصاب وهو ينزف ويرجع وماتدري هو يرجف من حر الموت وروحه تطلع وإلا من الوجع .. تخليك تفكر الف مرة قبل لاتتهور ..

اخوكم الصغير ابو طلال

البرنس2008 · #12 09/11/2008, 12:51 AM

الحدلله على سلامتك أبــو طلو

وماتشوف شر ...

تحياتي...

بقايا عطر ياســر.. · #13 10/11/2008, 01:37 PM

الحمدلله على سلامتك يابو طلال الحديد بداله حديد

مراوغ هلالي77 · #14 10/11/2008, 05:37 PM

الحمد لله على السلامة

وزي ما قالو الأخوان الحديد ولا في العبيد

عندي ملاحظة بسيطة / اهل الرياض عليهم سرعه مش صاحيييييييية من خلال زيارتي لها

والله يستر على الجميييييييييييع

أحلـى هلاليه · #15 10/11/2008, 10:01 PM

لا حول ولاقوة الا بالله
ماادري وش ماخذين من هالسرعه
والله تحصد ارواح
الله يحفظنا من كل شر ياربي