السلام عليكم ورحمة الله وبركاتة

أحبتي جماهير الهلال عامة وأعضاء الشبكة خاصة

الكرة فوز وخسارة ..

طيب

الى متى وأنتم على هالحال ..؟؟

اذا تعادل الهلال أو خسر شبيتوا على الأداره والمدرب واللاعبين

الدوري بأوله ياجماعة الخير

والمشكلة ببعض أعضاء الشبكة..!!

اللي يجي ويسدح له موضوع بتنسيق بعض اللاعبين

ثم يجيك واحد أطيب من الأول ويبي الغاء عقد ويلي

وبعدين ينقز لك واحد ويلوم جمهور الهلال بالحضور .. وتلقاه هو ماحضر

لا .. وتلقى واحد كاتب انا حضرت المباره وذبحن البرد وعندي دوام بكرا

مدري هو حب للهلال أو يبي يعلمنا أنه حضر عشان نعطية فلوس التذكرة

ويجيك واحد مطفي النور ويكبس للشبكة .. المدرب كوزمين هو السبب !!

مدري أنا هو كاتب الموضوع عشان شاف كوزمين بالمدرجات يحسبة متهاوش مع

الأداره.. أو عشان الطرد اللي خذاها مجاني .. أو أنه ماعندك أحد .



ياجماعه الخير

كثرة المواضيع صحيح تزيد المشاركات لكن تسوي زحمة بالشبكة.


الدوي في بداياته

بس تعادلنا مع الوحدة سويتي ضجة وزحمة الله يهديكم بس

حصد النقاط مطلوب والنقد مطلوب لكن ماهي بالطريقه هذه .

قدامنا مشوار طويل بالدوري والأسيويه


والله الله بتشجيع اللاعبين حتى لو خسرنا بالدوري

أنا متأكد أن اكبر همكم الأسيويه ماهو الدوري

شوي شوي على اللاعبين والأداره


اذا تبون الأسيويه والدوري بعد .

أرجوا عدم التجريح في مما كان في الكيان الهلالي


تحياتي لكم ..

ياعيني على الكلام السنع والناس السنعه

ياخوي

احنا مقهورين من مباراة امس وماقلنا الا الصدق

بصراحه الهلال مايطمن تدري كم بينه وبين الاتحاد ؟؟؟ 5 نقاط

يعني لازم نفوز بمباراتين وهم ينهزمون بمباراتين علشان نتعداهم

وبيننا وبين النصر فقط فارق الاهداف

وبيننا وبين الشباب نقطتين بس

يعني ترتيبنا يخووووووووووووووووووووووووووف

ولولا حبنا للهلال مازعلنا عليه

انا من وجهة نظري اقول انه ::

اكو لاعبين في الهلالا ممكن يبدعون مع انده ثانيه غير الهلال لانه الهلال فريق صعب ويحتاج لاعبين اقوى فنياً

وللعيبه هاذي من امثال العنبر والخراشي وسلطان السعود والمصيبه تكمن في انهم يحرموا شبابنا من الفرص

يعني مثلاً هداف دوري الشباب ولاعب امنتخبات السنيه الكلثم مالعب راس حربه في مكانه الطبيعي بسبب وجود العينات الل ذكرتهم

يعني المدرب ميلعبه في مركزه ويلعبه في مركز الوسط يتطلب منه الدفاع بنسبة فيفتي فيفتي مع مو الهجوم الا صناعة اللعب

يعني لاعب شاب كفء فنياً ويلعب في راس لحربه الدرب يحطه بمكان غير وبمهام غير ومايلعبه الا في دقائق معدوده .. بالله

كيف تبغوا هاذا اللاعب ينجم ويعطي مستواه الحقيقي كيف ..؟ والكلام ينطبق على سلمان مؤشر ..!!!!

وبعدين احنا بدوري نقاط وكل نقطه ممكن تكسبك الدوري او تفقدك اياه ومع خسارتنا من [نجران] وتعادلين ونحن ننتظر ثلاث مباريات من الوزن الثقيل مع الاتفاق والشباب والاتحاد على التوالي وفي وقت ضيق في الدوري منها ماهو في ارضنا ومنها ماهو خارج ارضنا

تتوقع بعد فقدنا للنقاط السهله اللي طافت انا راح نكسب النقاط الصعبه الجايه بنفس مستوانا امام الوحده ..؟! جاوب

هاذا اللي يحرق اعصابنا يالغلا ولا الدعوه مش سب وشتم يالغلا لا ماشتمنا بس نقدنا باسلوب معين وضع مزري

شكراجزيلا

كلام سليم ولكن هناك خلل وهو عدم وجود مهاجم يساند ياسر وإلى متى نصبر على

العنبر والسعود وحنا تونا طالعين من أزمة المفرج والعنقري .

ياعيني والله



ليت احد يسمع بس

كل موضوع مكرر مليون مره

ياسلااااااااااااااام على تنسيق الكلام يامبدع...

والله كلامك يفتح النفس


مشكوووووووووووووووووور وماقصرت,,

والله بطل ياكاتب الموضوع ..

ياخي المشكله الآن هو اذا تعادلنا او خسرنا قمــنا على لاعبينا والمدرب وقمــنا نلومهم .. بــدل مانلوم الاداره او المدرب او حتى اللاعبين .. علينا اننا ندور حلول واقتراحات تجعلنا - بإذن الله - منصورين بكل مباراه .. وانا اشووف ان اوول شي هو الحضووور .. يعني كيف تبي ثلاث نقاط وانت تتفرج من ورا الشاشه !!

والله ياعيال اتكلم جد يعني اللاعب نفسه يووم مايشووف جمهور راح يلعب ببرود .. وصدقوني لو اننا حاضرين امس بكثافه كان فــزنا وحتى لو تعادلنا راح يحسوون اللاعبين بأنهم مقصرين ذيك الساعه نجي ونلومهم .. اما نتفرج من ورا الشاشه ونقووول ليه مافازنا هذي ماتدخل المخ ..


للحين الدوري بأوله وانا متفائل خير .. ولكن الاهم (( كأس آآسيا )) وان شاء الله العيال مايقصروون ..


تحيتي .. ورده ..

يـــاشيخ ابداع في ابداع ياليت كل الجماهير مثلك...........تحياتــــي

الدوري في اوله ؟؟؟؟؟؟؟؟؟؟؟؟؟

هل تعلم ان الهلال لعب حوالي نصف مباريته في الدوري
الدور الاول ما بقى له الا كم جوله


النقد الهادف ليس ممنوع

وهذا هو الواجب على اعضائنا

اول شي اشكرك على الموضوع الرائع

ثانيا احب اقولك انه صحيح ان فيه بعض اللاعبين مايستاهلون وهذي اتفق مع اللي يقولونها

لكن تدري وش المشكلة فيه اذا جاب احد هاللاعبين هدف قالوا لالالالالالا هذا احسن لاعب في

الهلال انا هذا اللي يرفع ضغطي

على العموم مشكور وماقصرت

والله يوفق الزعيم في القادم