عندما يفكر المرء في أمر هذه المسكنة والصيـاح .. !! وفي حقيقة هذا التباكي والنيـــاح .. !! والتي ملأت الدنيا ضجيجـا .. غطى على ضجيج شوارع القاهـرة .. وعلى صـخــب شارع البطحاء في يوم الجمعـة .. واستهلك دموعا أكثر من دموع أفلام ميتاب الهنديـة .. وظهورا بالإعلام والفضائيات أكثر من ظهـور الفريان أمام الكــاميرات .. وحملت تلك المقابلات تدليسا وتزييفا وش إنت يا إعلام العـــراق .. !!

المهم ... كل هذه المسرحيات والمسلسلات من أجل ماذا .. ؟؟ من أجل قرار وحيد فــريــد ( مختـــلــف عــلــيـه ) هم أنفسهم اختلفوا عليه في مباراة فيها 90 دقيقة .. ؟؟ هذه الصافرة عندهــم توازي (( جرائم )) موسم كامل على الهــلال .. وتغطي على تفرد النصر بالـدلال من الإتحاد السعودي .. تنكروا لصافرات ظالمة ( قبل ) و ( بعد ) تلك الكرة .. كإستحقاقية باسم اليامي لكرت أحمر وبطلان الركنية لوجود خطأ لصالح الهلال وهدف الإتحاد التسلل واحتساب تسلل باطل على الحمعان النفرد تماما في المرمى ..!!

إذا صافرات الحكام الظــالمة التي وقفت في وجه الهلال لا عد لها ولا حــصــر .. سواء دوريه أو خروج المغلوب ... وأناأعـلن من هـنا ، من شبكة الزعيم التحــدي الكــامل لأي شخـص يريــد المنــاظرة لإثبات غير ذلك .. ولتكن في المنتديات العامة إن أراد .. ؟؟ فأنا ولله الحـمـد أملك من الحـق ســنــدا ما جعلني أكتب بلغة الواثــق وبكـل قـــوة .. فمـخزون الهلاليـيـن من التظلـمات التحكيمية رقمه ماالله به عليم .. !! فاتركــوا غثــاءكم المسـتمر وبربرتكم الدائمة وليـنبري منكم من يملك الشجاعة ..!! أتـمنـى أن أجـد صــدى لتلك الدعــوة .. !!


إخــــــواني ... أحبـــائي ...


إن الأمــر أكـبر مما تتخيلوه .. فالإعـلام الإتحـادي المطعــم بالأبـواق النصـراوية عندما يجذب أنـظـار العامة ويجرها جـرا الى قضـايا ( وحيدية ) إنما يريــد أن ينهــش في الظـلام ما هو أكبر وأضخم .. يريد أن يهبش بالغنيمة الكبرى .. حتى تـمــر تدابيرهم ومخططاتهم المــكــتبـية من أمام الأعيــن المذرور عليها بغبار الكذب والمرشوشة بمسيلة الدموع القنابل الخداعية .. !! أنــظـروا الى التـالي من عيـنة الـواقع المـرير:


==> مشاركة النـصـر على حساب النجمة .
==> محاولة تمرير مشاركة الإتحاد على حساب الأهـلي .
==> محاولة تطنيش خطاب الإتحاد الاسيوي ودسه في المجهول لمشاركة النصر والإتحاد على حساب الهلال والأهلي .




من هـــنـــا نقــول أن :

صأفرة الحـكـم جــزء من مبــاراة .. !!

والمبـــارة جــــــزء في بـطـولة .. !!




لـكن ... !!



ما بالك بمن يــلـطــش بـطــولة كاملة مـــرة واحــــده ..!!






ويترك لك الحسرة والألم ... ويترك لك القـهـر والـنــــدم ... !!
قـائـــلا .. متـمــتمــا .. من الإنكــــــى .. من الأجــــرم ..

صــافـرة الحــــكـــم .. أم .. جــــرة الـقـــــــلـم ،،،









[c]أنــــا .. وصـديـقي ... وعــم صــديقي الديكتاتوري ..[/c]


كنا راكبين في سياره وحده نتمشى ... بغينا نتعـشـى ( حلوه السجع !! )... عم صديقي الدكتاتوري هو اللى بيده الطاره .. زغردت عصافير بطنه ...هآآآه شباب وش تبون نتعشى ... أنا على نياتي قلت وش رايكم ببـرقر كنج .. والا ماكدونلادز (( قبل المقاطعة طبعا )) أي شي المهم همبرقر ... صديقي : والله ماهيب شينه ... عمه الدكتاتوري .. ناويها كبسـه .. الرجال جوعان .. شوي وياكلنا ... قام يهمهم ويتمتم بينه وبين روحـه .. شكله قال وش لقفني اسألهم .. على باله يبي يطلع من الزنــقــه اللي هو فيها( مطنشا رأي الأغلبيه الجماهيرية ) وعلى أقرب مثلوثه .. قال شوفوا يا شباب .. انتم تبون همبرقر .. وانا ناوي اعفلها كبـسه .. حنا نبي نمسـك هالشــارع ... وأول مطعـم يمر على اليمين ( يقاله دقيق !!) نبي نسفط عنده وش رايكم ما هوب حــل ... قلنا توكل على الله .. طبعا صديقي طلع صوت ضحكة مكبوته( عارف السالفه ) .. ناظره عمه بعين ولاه خـامد .. مســينا في ذاك الشـارع وعينك ما تشوف .. هذا برقر كنج وذاك هرفي وهنياك ماكدونالدز وهارديز ومحلات مشاوي وعلى هالحـال .. وانا مغير كل ما مر واحد أنقـز وتوي بقـول مممطططععع والا الرجـال يدعس ويصـكلك المسـجل على آخـره .. يقاله خاش جـــو ..؟؟ وحـنا مغير ندربي بذا الشارع عيا يخلص ... وما درينا الا بذاك الجلنط اللي مخلي صديقي صالح يطب في حــضـن عـمه من قوته .. وش السالفة ..؟؟ ضرب كفر والا طلعلك احد يابو الشباب ... قال العم .. وش دعوووووه يعني .. ما تشوف هالمثلوثه قدامك .. قايلكم من أول .. لو انها جـت من انفسكم ماهيب أزين .. ؟؟ طبعا نزلت أنا وصديقي وحنا معبين براميــل من الضحك في بطونا .. !!




هـــذا المـوقف .. يذكرني تماما .. بالنصراويين والإتحاديين .. اللي ياخذون اللي يبونه من شريط المباراة .. ويطنشوووووون كل اللي يمرون عليه وما يجوزلهم ... ثم .. لا جــت اللي يـبون .. سحبوا جلنطاتهم وعطوك ذيك الزعقــه اللي أقوى من زعـقــة عــم صديقي .. وقالوا شــــفــت .. ؟؟

هم دايم يصرووون على هالكلام

بس الواقع يشير ان خلال هالموسم
لا يوجد من كان يستحق البطولة مثل الزعيم

فاذا خلوهم يبعبعون على كيفهم

وانت يا فاهم رائع اقل ما يمكن اقوله

======================================
أنصح أي واحد في العالم بتشجيع الهلال

مشكلتنا ان المجرم ماهوب واحد إنما عصابه وكل يوم يزيد

عدد المنضمين لها والله يستر من الجاي لأني اتوقعه اكثر

خصوصا إذا زادت سلطة الغالي ابن الغالي .

يعطيك العافيه اخوي " فاهم جداً " ..

على هذا الموضوع الرائع ...

وشكراً لك

الغالي فاهم جدا//

أولا: سلم لي على عم صديقك اللي كنه عبدالرحمن بن سعود مع الشهري, اللي مايخلي الرجال يقول اللي في خاطره الا وهذا طاير بالعجه ويدخله في مواضيع مالها علاقه بسؤال المتصل

يعني يدخلك في دهاليز لين تمل من الموضوع وتقول أنت صح ;) طبعا لأنك ودك تفتك من شره ويسكت

على العموم خل اللي يتكلم يتكلم لأنهم لن يصلوا لما وصل اليه حال الزعيم ولله الحمد والمنه, وأظن أن الإتحاد يجري عليه مايجري للنصر في هذه الأيام من إبتعاد عن المنصات وذلك بسبب أفعالهم التي لاترضي الله ولا رسوله, وهي عقوبه من الله سبحانه وتعالى وستستمر ماداموا على هذا النهج.

تقبل تحياتي

ياخوان كلامهم هذا يضحكون فيه على جماهيرهم و ليمتصوا غضبهم و يشتتون افكارهم
مشكوووووور اخوي الفاهم جدا

ثكلتك أمك على هذا الموضوع الرائع <=== بزعمه يمدحك يوم يقول ثكلتك أمك

نعم نعم ياغالي .....

جرة القلم بإمكانها أن تلغي أحلاما وواقعا وصافرة حكم !!!

أعاذنا الله من صافرات الحكام وجرات الأقلام ,,,,

سلمت يمينك ياغالي ,,,

العزيز فاهم جداً ،،،

أشكر لك هذه القطعة الأدبية ذات الأسلوب الراقي .

فاهم الكلام جدا..... ولكن هناك من يحتاج تفهيم خاص

هم من النوع الذي يضخم الامور

ولك في كوع كندي كيف برره الرمز؟؟؟؟؟؟؟؟؟

وعندهم ظلم الهلال حلال.......بل يجب ظلم الهلال


حتى يكون عدل من وجهه نظرهم

الله يعطيك العافية فاهم جدا
سجل عندك واحد متابع لـ مواضيعك من اليوم

شكـــرا للجميـع مداخلاتهم ...





بس ما أدري ياشباب ... موقف النصر والإتحاد .. يذكرني بالقولة التالية :


جـاء الحمار يطلـب قـرنيـن ... رجـع بـدون أذنــــــــيـــــــن ..

إقتباس المشاركة الأصلية كتبت بواسطة فاهم جدا جـاء الحمار يطلـب قـرنيـن ... رجـع بـدون أذنــــــــيـــــــن ..

ههههههههههههههههههههههه
ههههههههههههههه

قالوله ثور قال احلبوه (رئيس النثر والاتهاد)

يا سلام عليك يا فاهم جدا ...

والله مااستطيع إضافة أي شي غير رفع هذا الموضوع الرائع ( ليتندح ) في الصفحة الأولى لأنه صالح لكل زمان ومكان ..
@@@@@

لكن مرفه نفسك همبرجر ومشاوي وحركات !!!! بعيد عن سور الصين إذا بطر (( تميس وفول وشاهي منعنش )) !!!