|
سرعة وتفحيط , وبعدين !! السلام عليكم ورحمة الله وبركاته صباح الخير للجميع إذا كان صباحاًُ ومساء الخير إذا كان عصراً أو ليلاً :razz: قبل كل شئ انا طرت لي فكرة هالموضوع وانا كنت اشاهد مقاطع ع اليوتيوب وبالتحديد " حوداث التفحيط " , كفانا الله وياكم منها :yes: .. السرعة السرعة وما أدراك مالسرعة , كم من اطفال وعائلات ماتوا من أجل السرعة هل الموت أصبح لعبة عندنا !! :surprised: طيب مستعجل ؟ ياخي توصل سليم احسن لك ولا تموت لاسمح الله فكروا زين يا شباب الله يرضى عليكم , والله ثم والله انا ما اتكلم عبث انا اتكلم من واقع عايشته , ناس ماتوا بسبب السرعة . ناس يقربون لي , ناس من اصدقائي . الموت قضاء وقدر نعم , لكن هناك اسباب اخواني اخواتي . والله العظيم اذا كنت ماشي في شارع عام , تمر سيارة من جنبي وكانت مُسرعة الحق وراها واكلم صاحب السيارة ليش السرعة ؟ بعضهم يقول وشدخلك : وكان ردي لهم : لو جاك الموت وانت على السرعة كيف ستقابل ربك ! .. اكثرهم سكتوا ومشوا , والقليل يستهزؤن :surprised: راح اضع بين ايديكم صورة واتمنى تتأملون فيها كثيراً وتتأملون كم كان فيها من اطفال , وماذا كا ن يفكرون في المستقبل وضعتها في رابط لتجنب القلوب الضعيفة :yes: 7 7 الله يرحم من مات ويغفر لهم ويسكنهم فسيح جناته :( التفحيط الأنتحار ! الاب والام لايعلمون مايفعل الابناء من ورائهم ماذنب طفل يموت بسبب شاب متهور ..؟ ماذنب ام تنتظر ابنها بكل شوق وهاخبر موته يأتيها ( دعس على الطريق الفلاني ) عدم خوف من الله تعالى بأعتقادي حتى لو وضعت ساحات للمارسه هوايتهم < ونعم الهوايه !!!! لن يذهبوا اليها .. والحل الوحيد هو اتخاذ قرارات صارمه اتجاههم من قبل ادارة المرور ولايكتفى فقط بالسجن ..! وقد وصل صوت المجتمع وعبروا عن انزعاجهم الشديد من هذه الظاهره من خلال برنامج 99 الذي تبثه الرياضيه السعوديه .. s60s وحبيت اضع بين ايديكم مقطع فيديو تفحيط ونهايته اليييمة للقلوب الضعيفة يمنع الدخول :) س: ماذا تعتقد رغبة الشباب لممارسة التفحيط رغم موت الكثير من التفحيط ولم يتعضوا ؟ !! وفي النهاية لم اكون انوي كتابة هالموضوع إلا بعد مشاهدة عدة مقاطع عن الحوادث :yes: فمان الله ورده |
هلا وغلا وليد صباح الخيرات واليرات والله هالمشكله ماتنحل بـ موضوع او بحلقه او بحلقتين المشكله ان عندنا شباب مراهق وفاضي وماعنده شي يسويه وماعنده الا انه يلاحق ورى هالمواكب الي تفحط الي ابي اعرفه وش المتعه من انك تقعد تشوف واحد يفحط جد يعني فحط طيب وبعدين يمكن يكون فيه متعه للي يسوق ويسرع مع اني ماشوف فيه متعه لكن انت يالي تتجمهر وش المتعه فيه المشكله انك لين سألت الي يفحط وقعدت تحاول تقنعه قال ياخي هواية وهوايتي التفحيط ولما عرضو حلقه في 99 قالو انه يتم ترويج المخدرات ع المتجمهرين لدرجة ان العصابات تسرق السياره وتضبطها للمفحط المشهور وتسوي اعلانات ان في المكان الفلاني تفحيط عشان يتجمهرون العالم وتسهل عليهم عملية الترويج لكن وش نقول من أمن العقوبة اساء الأدب واحد يسرق سياره ويفحط وفي الاخير يسجن يوم ويطلع بكفالة !! اول شي انه سرق وفحط وتعدى ع الحق العام واسرع يعني سواء كذا جريمه لو عاقبوه على جريمه وحده وهي السرق كان قطعو يده صدقنني والله ماعاد يتجرى احد يسرق سياره لكن كلها سجن يوم واطلع وبعدها اشبع حاجاتي الجنسيه عادي اغلب الي يفحطون يفحطون اما عشان ورعان او عشان يروجون مخدرات قبل فتره سرق من بابنا سياره طبعاً بلغنا ولقوها بنفس اليوم دق علي قال تعال استلمها رحت استلمها في المكان الي حصلوها فيه قال يالله خذ سيارتك وتوكل على الله !! قلت طيب خذ البصمات يعني وش الي سويته قال والله هذا النظام احمد ربك لقيتها يعني جد تسيب غير طبيعي لكن وين الي يشووف ! اذا تبي الجد كل شي عندنا رايح فيها امس بعد الامطار الانفاق امتلت موويه مافيه تصريف مثل الناس دول فقيره عندهم تصريف مثل العالم ودوله تعتبر من اغناء الدول ماعندها تصريف وفوق هذا نتبرع لهم طيب حلو المشاكل بعدين تبرعو !! على العموم الله يعطيك العافيه وليد والمقطع والله مادخلته ماحب اشوف مقاطع زي كذا عندك مقاطع ثانيه ورنا :naughty::d |
هلا وليد مبدع كالعاده بالطرح ،، الله يكفينا واياكم الشر وجميع المسلمين .. المشكله كل يوم طالع ورع يفحط جديد .. حتى وهو يفحط تقول مافيها السياره احد من جد جسمه صغير :stoned: التفحيط الكل يعرف اضراره وكل شئ ولا اعتقد يخفي هالشئ على الجميع .. واسبابه كثيره منها الفراغ .. الشهره .. الترويج .. والباقي يكمل سالم :d إقتباس:
طيب رديت وبعدين ؟ جد غريبه اذا تبي تناظر لشئ مو مقتنع فيها تقول وبعدين طيب فيه غيرك يعتبره متعه .. وكلن له نظره .. انا اقول انه متعه بس بخطووره .. وخطوره هذي تحته الفين خط اجل لو على كلامك وش خلا المواكب ماله حد من كثره :yes: المفحط يعلم خطره بس فيها اشياء ثانيه تخليه ينساااه :yes: خاصه لما يلاقي تشجيع وتهيض من اللي معاه .. ماراح يفكر بوقته انه ممكن يصدم ويتوفي و و وو .. الخ مشكور وليدو ورده |
بصراحه وانا افحط احس بالمتعه ...........................>>> نصاب وليته اذا عشق ريوس مايصك الوايت حق جاره لو مره بس:d تبي الصراحه الدوريات ماش منها واكبر دليل خضوعهم للمفحطين في ابها على سبيل المثال بتخصيص المحالة مكانا رسمي للمفحطين .. بعض الأباء اللي يعطي ولده سيارة ولايدري وش يسوي فيها وفين يروح فيها زي ماصارت مع واحد اعرفه ابوه عطاه سيارة خوش سيارة وانمسك بقضية تهريب حشيش .. صدقني الفراغ ماهو كل شيء ولا هو سبب مقنع للسنتره باماكن التفحيط او للدوران بالسيارة والفحطه بالحواري ... الف شكر وتقبل مروري المتواضع |
هلا وليد ورده والله مشكله هالتفحيط من الضاهر العام الحجري والكل يتناقش فيهـآ ولاحصلنا له حل ..ياخي المشكله اللحين صار فيه منتديات خاص لهآ ..قسم بالله قمه التخلف الله يعافيهم ولايبتلينـآ .. لو انه دافع من عرق جبينه على هالسياره ماسوى اللي ينتسوى لكن وش نقول شباب طائش<صح يابو العيال:D يمكن غياب العقوبات الصارمه ساعد في انتشارهـآ ,,والله ياليت عقوبتها الجلد بالحي اللي ساكن فيه حتى يتأدب عوافي وليد .. إقتباس:
|
الله يحفظ الجميع وموضوعك مهم لكل شاب يسرع ويظن ان حياته وحياة الناس مو مهمه تذكر ان عندك ام ابو وحياة تنتظرك ليه تنهيها بثانيه ..~عبرت موضوعك بهدوء |
.. وعليكم السلام ورحمة الله وبركاته مساء الخير { ظهراً } :stoned: صدقت والله السرعه مشكله عند اغلبية الشباب وأولهم اخوي المشكله من تعلّم !! ماش اللي براسهم يسوونه محد يردهم !! بس جزاك الله خير على النصح فيه ناس فيها خير وتنتصح الله يكثر من امثالك ورده اذكر بشارع من شوارع حائل الرئيسيه حاطين عباره مكتووبه بخط كبير { ان تصل متأخراً خيرٌ من ان لا تصـل } :smilie47: بس والله من العناد لاطالعوا هالعباره يسرعون زياده ..! :bigeek: مايدرون انهم هم الخسرانين بالنهايه ياخي اذا انت ماتبي عمرك اهلك يبونك ..} اما بالنسبه للتفحيط :smilie47: فبيني وبينك وناسه :d بس كل شئ لازاد عن حده ماله داعي مثلاً خمسات عادي بس عشرات لأ :d انا عمي مدمن تفحيط .. تصدق يفحط واهله راكبين معه :stoned: بس الحمد لله تاب اللحين وترك هالحركات :yes: الله يعطيك العافيه وليد ورده حقيقه شدني اسلوبك في النصح موضوع متميز وطرح رائع .. دمت بخير .. |
مساء الخير .. هلا فيك وليد ورده .. إقتباس:
ياما نشوف حوادث على الطرق تقول في نفسك مستحيل كان موجود شخص داخل السياره تقول ورقه وكرمشتها < مدري صح ولـ لا :d الله يحفظنا يارب من الحوادث ويحفظ جميع المسلمين .. إقتباس:
هذا الحديث مختصر كلام كثير , من يمتلك الصحه و الفراغ الا الشباب طبعاً , انا بضيف المال لأنه الشخص اللي عنده مال بيشتري سياره وما بيحافظ عليها .. المسؤليه مشتركه أولاً الشاب المفحط هو المسوؤل لأنه إنسان بالغ مكلف ليس صغير ومن ثم دور الأب وحط تحته مئة خط لو كل ابو سئل عن ولده اول بأول يعرف وين رايح ومع مين كان أنحلت أمور كثيره ومن ثم يأتي دور المرور في الأنتشار في عند المدارس والأماكن التي يكثرُ فيها التفحيط وتشديد العقوبه على المفحطيين بالسجن و لا يكتفوا بالغرامه الماليه .. عجبني تشبيهك أخوي وليد .. التفحيط = الأنتحار وهو بالفعل الشخص يسرع يفحط ما يستطيع السيطره على السياره النتيجه أنقلاب أو عمود أو يزهق نفس بريئه .. الحمد لله أنا مالي ومال التفحيط وان شاء الله الجميع يعرف خطر ه ويتركه .. شكراً وليد .. تقبل مروري المتواضع .. أخوكـ : علي ,, |
كم مرة تكلمنا .. وقلنا .. وعصبنا .. وحرقنا دمنا .. على غير فايدة . يا ناس .. والله العظيم ان فيه ناس ما قد طب شارع تفحيط ولا قد ركب مع مفحط ولا يعرف من التفحيط الا اسمه ، لكنه يعــرف أن الشارع الفلاني شارع تفحيط . طيب اذا الجاهل بهالأمور يعرف شوارع التفحيط ، الدورية ما تعرف هالشوارع ؟ معقولة مافيه محاصرة ؟ مافيه عقوبات مشددة .. لكن وش نقول .. الله يصلح الحال . /، وليد s45s .. الله يعطـيك العافية ويكتب لك الأجر . |
http://www.assayyarat.com/myimages/Mar06/shammary_1.jpg لا حول وقوة الا بلله ما هذ يا بشر:bigeek: هذ مات بقوة بعد :upset: وتحياتي لكم :smilie47: |
إقتباس:
والدوريات ماتطب فية الا ناادر :D مودتي ورده :cool: |
مساء الخيرات مسألة التفحيط والسرعة اعتقد الكل ساهم بالتوعية ،، المدارس ووسائل الاعلام حتى مسلسل طاش تكلم فيهم:d ووالعقوبة مو دايم تكون رادع ،، لو بيمسكون كل من فحط واسرع عز الله امتلت السجون:d:d الحل الوحيد هي قناعه الشاب نفسه:yes: شبابنا ماشاء الله فيهم طاقات هائلة ومع الاسف مايهدرونها في الغالب الا باشياء تضرهم ماتنفعهم :( الله يهدي شبابنا وينفع فيهم الدين والوطن وليد موضوعك طالع من قلب يعطيك ربي الف عافية ويكفيك الشر:) |
الرد هذا بمناسبة فوز روما فقط :smilie47: لا أحد يسألني ليش رديت |
الله يجزاك خير وليد إقتباس:
إقتباس:
فضـاوه وحب استعراض لا اكثر ولا اقل :d |
موضوع التفحيط صار مثل موضوع قيادة المرأة :cool1: تعبنا واحنا نتكلم عنه s76s الحين يوسف اخوك ولا انت؟ :d أعترف أحسن لك <---؟؟ :d |
| الوقت المعتمد في المنتدى بتوقيت جرينتش +3.
الوقت الان » 09:54 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd