|
يا جماهيـــر لو اردنـا المستحيـل لن يردنا عنه شي ، حتى المستحيـــل وبالدليل وبالصــور .... الحين مهو اشتراك قناة الزعيم 40 ريال شهري طيب نشوفه كم باليوم 40 \ 30 = 1,33 ريال وربع ...!! باليوم يعني ببلاش صراحه . النقطه الثانيه الي يقول ناس تقدر وناس ماتقدر إلخ ..سبحان الله طيب الي مايقدر هذا كيف كان يشوف المباريات اول ، على القناة الرياضيه صح ، طيب اوكي يستمر على القناة الرياضية ، ويوفر ريال وربع للبيبسي . تدرون وش امشكلة : اول شي انا تعجبني حركات الجماهير لما يزعلون من شي مثل احتجاجهم على المبالغه في سعر القنوات . بس انا الي اتمنى يكون فيه موضوعين او ثلاث بس وتكون مرتبه ترتيب مضبوط واحتجاج على اصول ... مهو سب وشتم وكلام فاضي . لو كان كلام مرتب وفي موضوع وموضعين بس ويتفاعلون الأعضاء مع الموضوعين بتكون النتيجة اكبر واقوى ، يعني على الأقل لما الفراج ولا صحفيين ولا احد يدخل المنتدى ويلقى اعتراض بأسلوب راقي وحضاري اكيد إذا كان صحفي بينقل الخبر وإذا كان من مسؤلي ارتي بتأثرون . الوليد ماقصر كتب موضوع حلو وشوفوا كيف جاب نتيجه بسرعه لما صرح الفراج انه بينزلون طريقة اشتراك جديده . لو من اول لو كتبنا ثلاث مواضيع او ثنين مثل مواضيع الوليد ... وبأي موضوع وبأي اعتراض راح ينفذ الي نبيه . حتى لو نبي نغير رئيس رعاية الشباب الأمير سلطان ونحط مكانه الدغيثر ، بنقدر . |
و الله من جد كل ما جاء واحد في راسه فكره حطها في المنتدى لا اسلووب و لاشئ تحياتي |
ولله كلامك شبه منطقي حتى لو نبي نغير رئيس رعاية الشباب الأمير سلطان ونحط مكانه الدغيثر ، بنقدر . حلوه هذه |
من قال انها ب40 ريال احسب معها باقة قنوات العارتي كم تطلع ؟؟؟؟؟؟ على فكره ماتنزل قناة الزعيم الا مع وجود الباقه يعني ليست مستقله |
نزيه المشاعر افرض انك تبي تشتري سيارتي ، وهي كامر موديل 2002 مثلاً قلتلك انا ابيعها بـ 100 الف ريال ، بتقول غاليه ، بقولك بين المشتري والبايع يفتح الله يعني انت مانت مجبور تشتريها ، ومهو من حقك انك تحددلي السعر الي ابيعها فيه وتجبرني ابيعها بالسعر الي يرضيك . عرض وطلب .... لكن انا رجعت اعقب بوضح مثال الحين صار . شوف تعقيب الكاتب الكبير الروقي على عضو فتح موضوع ، وانا ابصم بالعشره لو ان الكاتب توقع ان الروقي بيقراه بالسرعه هذي وبيعقب عليه كان كتبه بطريقه مختلفه كثيراً . الي ابي اوصل له ، أن المنتدى هذا متابع ومن مختلف الطبقات ومن مختلف المناصب ... ياليت نستفيد من هذي النقطه . جماهير الهلال فقط هي الجماهير الوحيده فقط الي تملك صوت ... والله ان جماهير الفرق الآخرى ورؤسائها ( خصوصاً الي دقو على ابو ظبي يطلبون منهم عدم الأتفات لغضب جمهور الهلال ) والله يحسدونا . صوت الجماهير الهلال بالمنتدى هذا فقط . لازم يكون الطرح واعي جداً . اي شخص من الأعضاء مهما كان اسمه ، لو كان عنده نقطه او طرح عقلاني او اعتراض او قضيه ، بيلقى اهتمام وصدى كبير ... بس للأسف دائماً يخوننا الأسلوب وطريقة الطرح . |
إيييييييييييييييييييييييه طيب طيب ..!! |
ياخوي شوف الجزيزة الرياضية تعرض الدور الاسباني والدور الايطالي وكاس اوربا ب 120 ريال بس يعني في اليوم 0.33 وفي الشهر 10 ريال |
طيب الدليل بالصور وينه ؟؟؟؟؟؟؟؟؟؟؟؟؟؟؟؟؟؟؟؟؟؟؟ |
مع احترامي لك ياغالي ... لي وجهة نظر اخرى .. مقاربه لوجهة نظرك في من زاويه ثانيه واتمنى الدخول على الرابط .. http://vb.alhilal.com/t663176.html |
إقتباس:
يعني إذا تبيها لازم تشترك في باقة ART |
حبيت اشكرك على موضوعك ولكن اتوقع ان المسأله ماوضحت لك تمام ! بخصوص اشتراك قناة الزعيم الشي الثاني ودي اعقب على اخر جمله قلتها وهي : إقتباس:
معليش اخوي , هنا بنوقف !! لان مافيه احد بيقدر يغير رئيس بهذا المنصب من الجمهور .. وصعبه او بالأحرى مستحييييل !! مو بس على الهلال ! على كل الجماهير السعوديه ! وانت عارف الاسباب ..! |
والله مشكله اذا كان تفكيرنا بمثل هكذا تفكير...,,, يا خوي احسب وياها الباقه كامله..,,, |
| الوقت المعتمد في المنتدى بتوقيت جرينتش +3.
الوقت الان » 04:44 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd