إقتباس الرسالة الأصلية كتبت بواسطة بتيل وأخرتها مرة كنت بمكتبة جرير وكنت اتصفح كتاب لتعلم اللغة اليابانيه

وهذي بعد من آثار الأزمة
ولا من متى السعووودي يتعلم ياباااااني
(بتيل )

مشكووووووووور ابو طلااااال

:

اقول ابوطلال دامك رجال متزوج ولك خبره في المصاريف !!
ابو راتب 5 آلاف يخارج معه يتزوج ؟ يعني يقدر على مصاريف بيت وإيجار ومايتبعها من أستغلال؟
والله الظاهر اذا تخرجت من الجامعه ماراح يوصل راتبي الخمسه

ياليتني أول عيال ابوي كان يمديني الحين ظابط بشهاده الثانويه

أصبت عين الحقيقة يا أبو طلال

ولابد أن يكون هذا ديدن الجميع الغني والفقير القادر وغير القادر
ليس بخلاُ لكن شكراُ لنعمة قد تزول في غمض العيون.

ابو طلال الله مير يحيك

والله كل الى صاير لنا من غلا هالنعمة وربي انه ذنب

لان اول ناكل ونرمي ولا نقول الحمدلله والشكر

اول تحصل نصف الزباله وانتم بكرامه رز ولحم

الله المستعان

ياناس اشكرو النعمه الى انتم فيها

وربي غيركم ماحصلها

وفيه حديث لرسول عليه افضل الصلاة واتم التسليم

ماني حافظه بس من معناه

من حصل قوت يومه كانما حصل ع الدنيا كلها


الحمدلله والشكر ياررب


الله يطول بعمرك ويحسن عملك

مشكور ابو طلال


فعلاً... الكل لاحظ ان غالبية الشعب اتجه للشقق بالتمليك مثل الاخوان المصريين اللي نشوفهم بالافلام و المسلسلات


الكل لاحظ ان الناس صاروا يدورون بكل السوق بحثاً عن المحل الاقل سعراً... قبل خذ من اول محل قدامك مايهم السعر

ابو طلال والله ان الدعوه مزحلطه

ياخي خلنا من كيلو اللحمه انا مايقهرني الا السكن يعني معقوله الي يملك سكن ملك

في السعوديه 20% بس يعني 80% ساكنين بـ شقق والغريب انهم اول ماكانو يسمحون

بالادواار بالبيت فقط دورين يعني وش المشكله الواحد اذا حط بيته 4 ادوار وسكن

فيه هو و3 من اولاده او 4 مادري الدعوه حسد او عنااد كل شي سعره يزيد وللأسف

مافيه رواتب مثل الناس طلاب يتخرجون من الجامعه يتوظفون بـ شركه بـ 3000 الاف

طالب يتخرج من الجامعه يدرس بمدرسه اهليه بـ 2000 ريال الفين تفتح بيت ؟

يقولون البنات السعوديات بيصيرن دبات ليه لان اغلبهن ساكنات بشقق صغيره

مايمديها تتحرك فيها والبنت السعوديه ماتنزل تشتري الاغراض من البقاله يعني

اغلب وقتها بـ الشقه قاعده وتاكل ليه ماتسمن

ينطيك العافيه ابو طلال مثل هالمواضيع احس اني افضفض فيها

إقتباس الرسالة الأصلية كتبت بواسطة لولي الهلالية السلام عليكم ورحمة الله وبركاته.. كلام صح ابو طلال هم يقولون مثل ما جا التطور والغنى بطفرة بيرجع الفقر بطفرة ومن غير محد يحس .. لكن قبل كان الانسان ما يهمه الا نفسه وبس واذا استكثر قارن الولد نفسه بولد جيرانهم يايمه ليه ولد ابو صالح عليه ثوب احسن من ثوبي الآن المشكله ان انت تضطر تقارن نفسك بالدول المجاوة لا اعني بمن بجهة الغرب بل بالخليج بس مع العلم ان اقتصادنا متطور اكثر منهم .. وما يخفى علينا مثل هالامور وهنا المشكله احنا اقتصادنا اكبر ومع كذا شبابنا يعاني اكثر .. لو الزمن اللي قبل زمن الفقر يرجع بكل شي اذن لا مشكله لكن مع الاسباب اللي ذكرت لك وفي زمن ناظروني وش قد حطيت ناظروني بكم لبست صعب التكيف بالمرة .. وبالنهايه هو واقع علينا ما لنا منه مفر .. والذكي اللي يقنع نفسه انه استفاد شكراً لك ابو طلال لاهنت اخوي ..

اسمع ياشنب

انا كنت اروح للعثيم قبل كم سنه واقعد اضحك اذا شفت الاجانب صافّين طابور قدام اللي يوزن الخضار والفواكه

كل واحد معه كيسه فيها ست خيارات وكيسه فيها خمس طماطات وكيسه فيها ثلاث ليمونات

واذا قال له البائع ان كيس الطماط بعد الوزن بثلاثه ريال ونص.. فتح الكيس وطلّع طماطه

وانا كنت اتفرج واضحك.. وادف العربيه المليانه بصندوق خيار وصندوق طماط وصندوق ليمون وخيشة (قرع)

لكن الحين

يوم صار صندوق الخيار بسبع طعش (بعد ماكان بسبعه)

وصندوق الطماط بثمان طعش (بعد ماكان بثمانيه)

وصندوق الليمون بعشرين (بعد ماكان بعشره)

صرت ازاحم الاجانب واكياسي بيدي..

والله يرحم ايام الصناديق


ابوطلال يامنسم... تقبل مروري