|
نــقاش ][][][ التعليـــم في السعوديـــة بيـن [ الفشل [ والنجاح السلام عليكم ورحمة الله وبركاتهـ اهلا بكل اعضاء وزوار المجلس العام من زمان وخاطري اكتب موضوع لكن كنت ابحث عن فكرهـ ) الكـلـ ( يشارك فيها من واقع التجربه.... وبما اني طالب جامعي ارى ان اكثر او كل الطلاب يعانون من الدراسه يعني تلقا اي طالب اذا جاء يوم الجمعـه ضايق ويقول الله يعين على بكرهـ,.,., هل الطالب مسلوب الحق او بمعنى اخر اخر اهتمامت الدكاترهـ؟؟ بعض الدكاتره الصراح اخ لكـ ^ او المدرسيــن ^ والمقصد من الموضوع لمذا التعليم ^ فاشـــل ^ في جعل الطالب يهتم او يحب الدراسه والسبب ان مافيه تطوير يعني من اول مادخلت المدارس المبنى تقليدي جدا يعني المبنى واحد الي بالثنوي او الابتدائي او المتوسط لا اريـــد التعمــق في الموضوع فاتركـ التعليــق لكم والنقاشـ فكتبت الموضوع ابي افتح النقاش بــــ 1- ماذا ينقص التعليم في السعودية؟ 2- هل التعليـــم متـــطور؟ |
هو فاشل من ناحية مافي تطور في المناهج اغلب التخصصات اللي عندنا احفظ وتعال مافي شي يخليك تشغل مخك تخترع تسوي انغرس فينا ذاكر عشان تنجح وتعدي مو عشان العلم واللي مايستمتع بدراسه الله يعينه حاول انت تخليهامسليه وستمتع فيها لانك دارس دارس ..~عبرت موضوعك بهدوء |
1- ماذا ينقص التعليم في السعودية؟ ينقصـهـ التغيــر في المنـاهـج أيضـا تغير الاسلـوب التربوي في المـدارس يعنـي الحيـن نشـوف المـدرسين صـاروا يخـافون من الطـلاب قـاموا يسـايرونهـم عـلشان يفتكـون من شـرهـم ،،، غيـر كذا اغـلب الطلبه السعـوديين مأخذين العـلم تسليـه وتضيع وقت بس .. 2- هل التعليـــم متـــطور؟ لاااا ... يعطيك العـافيه أخـوي .. |
والله التعليم عندنا من جمب القدهـ درست 12 سنه ويم دخلت المرحله الجامعية .. يكرم الحمار :( |
مع الاحترام للجميع لو تملك اقوى المناهج وافضلها وافضل المباني واجملها لو كل فصل في مبنى مستقل ماهي هنا المشكله المشكله في الوسيله الي توصل هذاا العلم لطالب!! |
للاسف التعليم مناهج من عام الف واربعاميه وخشبه مافي تطور واهم شي عند الطلاب احفظ واختبر وبعد الاختبار ديليت بسرعه البرق يعني يدرس الواحد عشان يختبر وينجح مو عشان يستفيد والطامه الكبرى ان الكلام هذا من المدرسين مدخلين الفكره عند الطلاب انك تدرس عشان تنجح مو عشان تستفيد من دراستك والكلام هذا ينطبق على 95% من طلاب السعوديه وانا من ضمنهم طبعا :naughty: نتمنى يكون فيه تطور في التعليم وننتقل الى التعليم الالكتروني ونترك طرق التعليم القديمه فصل وحصه وشرح بدون فائده |
مشكورين على مروركم لكن لاحظوا كل اخوانكم وحتا في انفسكم قبل مادخل المدرسه تكون متحمس لدراسه لكن بعد ماتدرس تكرها ( والسبب عندكم ) وكما قال اخونا هلالي توب تلقا بعض الدكاتره او المدرسين يستحقر الطالب يعني تفهم ماتفهم ماعليه منك اهم شي يخلص الماده تشكراااتـ |
شوف هو من ناحية فاشل هو فعلا فاشل اولا صاير مدرسه مهب للعلم لا زي ماتقول نضام من ساعه كذه الا كذه الحصه 45 دقيه الفسحه 20-30 جدول حصص مدري كيف سايره الشغله مهب دراسه لا روتين مافيه اي شي يدعو للعلم نجي نسئل المدرس ما فهمت هذي يقول خلاص مهب جايه في الاختبار تقعد ثلاث حصص فوق الكرسي زهق كتابه ودفاتر وشل كتب قوم الصبح تعال الضهر الصراحه في المدرسه اشياء كثيييييييييره ناقصه وهذا ليس كل ماعندي بل عندي الكثير الكثير ولاكني مستعجل شوي ولك مني اجمل تحيه |
.. وعليكم السلام ورحمة الله ..} اي والله فاشل لأبعد الحدود وليتهم خلوه على فشله الا زادو الطين بلّه يوم طوروه !! الجامعه اللي انا ادرس فيها عندنا سنه تحضيريه والله ياهي قلق من كل النواحي من ناحية اوقات الدوامات مروراً بالمقررات الدراسيه انتهاءاً بالأنظمه المتعسفه ضدنا نحن معشر الطالبات !! ياعالم اطلع للدوام الساعه ثمان الصبح ماأرجع البيت الا 5 ونص بعد العصر يعني اول مااوصل اصلي المغرب !! :bigeek: والله لو اني ابكتشف كوكب جديد .. ابوي يقول نامي بالجامعه وشوله جايه اللحين :d ليتهم ماتطورو كذا .. واذا نبي التطور الصدقي ماهو في زيادة عدد الساعات الدراسيه !! عدلوا المقررات وجيبو دكاتره مثل الناس بعدين طالبونا بالمعدّل .. لا والحفله انهم يبون منـّا براءة اختراع نهاية العام :d .. |
بداية أشكرك أخي الكريم على طرحك الموفق و الجميل ... أخي عندما ننظر الى التعليم في بلدنا الغالي يجب علينا ان ننظر للموضوع بكامله من إيجابياته و سلبياته ... صراحة أخي الفاضل هذا موضوع شائك و التعليم عندنا ممثلا في وزارتي المعارف و التعليم العالي تحكمه (( البيروقراطية)) كأغلب وزارات بلدنا الغالي ... فليس هناك من تخطيط واضح للمناهج ولا لقدرات المعلمين على ايصال المعلومة للطلاب ... لن أقول أنها وزارات فاسدة و لكن يجب القول أن المحسوبية متغلغلة حتى النخاع في معظم هياكلها ... جميعنا مررنا بالسلم التعليمي ورأينا من هو معلم بكل ما تحمله الكلمة من معاني و رأينا من من لا يعرف كوعه من كعب قدمه ... و لكن لا ننكر أن الطلاب يتحملون جزأً كبيراً من المسؤولية ... فأنا كطالب سابق كنت ممن يتفنن في تعذيب المدرس ... و لكن هذا يرجع الى من كرهني في التعليم برمته ... لقد مررت بتجربة سيئة عندما كنت طفلاً صغيراً بسبب معلم يفتقد الى الحس التربوي ... و من ناحية تطوير التعليم عندنا يجب أن يبدأ التطوير في حاجتين مهمتين : أولاهما : المناهج الدراسية .. و ثانيهما : أعداد المعلمين إعداداً تربوياً مفيداً ليسهل عليهم التعامل مع الطلاب بمختلف الأعمار و يسهل على الطلاب التعامل معهم ... هذا و جهة نظري المتواضعة أحببت أن أشارككم بها ... تقبل مروري أخي الكريم أسعد الله أيامك بالخير و المسرات ... وردهورده |
تسلمون لكن لمذا لم يتطور؟ اذا هذا السبب قد يكون متقبلا لنا لكن الادهى منه وامر ان الاداره لاتدري عن مناهجها ومقرراتها يعني الكل يعرف ان التعليم عندنا مافيهع تطور ( فاشل ) مقارنه < بكل > دول العالم وانا اعني كل العرب وغيرهم,,, لكن اسمعت لو ناديت حيا لكن لاحياة لمن تنادي |
| الوقت المعتمد في المنتدى بتوقيت جرينتش +3.
الوقت الان » 05:23 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd