|
مسكين هذا الهريفي [ الشرهه على اللي استضافه ] !!!!!!!!!! كل اناء بما فيه ينضح !!! مسكين هذا الهريفي [ الشرهه على اللي استضافه ] والمصيبه الكبرى انه اختير للتحليل الرياضي في القناه الرياضيه السعوديه !! كل الرياضه استضاف طارق التويجري وخلف ملفي وحمد الصنيع وفيصل ابوثنين والدغيثر مع الهريفي البرنامج كان لمناقشه اوضاع الدوري السعودي والاخ يتكلم في اجازه كوزمين ؟ يقول ليش كوزمين اخذ اجازتنين !! [ طيب وش دخلك ] والمشكله انه يكذب ويصدق كذبته !! مداخله عادل البطيئ اوضحت ان المدرب لم يأخذ الا اجازه واحده وعندها انكتكم الهريفي :stoned: وحاول يغير الموضوع الى ان المدرب كوزمين هاجم الاتحاد السعودي بسب تقديم مباراه الوحده [ وهو يكذب ] فالمدرب صرح تصريح مختصر وقال عندما سئل عن تقديمها :لاتعليق وانا متعود على هذه الاحداث في الدوري السعودي !! فالهريفي متضايق من نجاحات كوزمين مع الهلال ويحاول تحريض الاتحاد السعودي عليه لعلهم يطردونه!! صدقوني لسنا ضد الهريفي لانه نصراوي !! لا بالعكس هناك الكثير من النصراويين محترمين على رأسهم محيسن الجمعان وصالح المطلق وغيرهم نحترمهم لانهم يحترمون انفسهم ... اما هذا النرجسي المدعو بالهريفي فهو لا يحترم نفسه ولا يستحق ان نحترمه !! الدغيثر مثلا هو نصراوي لكن محترم ومؤدب وصريح وفرق بينه وبين الهريفي كفرق السماء عن الارض !! ياهريفي ارجع لقناتك LBC فهي مناسبه لك شكل ومضمونا !! ياهرفي ارجع لقناتك LBC فهي بحاجتك لتقدم برنامج ستار اكاديمي !! ياهريفي برنامج [ هزي يانواعم ] محتاجينك ترقصهم كما رقصت الاتحاد السعودي اليوم في البرنامج !! اوضح عبدالرحمن بن مساعد في مداخلته التلفونيه للبرنامج ان المدرب وضع برنامجه على اساس ان الفريق سيلعب مباراته بعد شهر وبناء على ذلك تم منح اللاعبين اجازه 3 ايام والمدرب غادر في اجازه لمده 5 ايام وفجأه يتغير الجدول ويصبح هناك مباراه خلال اسبوع وعلي ان تجهز فريقك !!!!!! :bigeek: لذلك الجهاز الفني والاداري تضايق لان الاعداد تغير 180 درجه واللاعبين فقدو جزء كبير من لياقتهم !! والاخ الهريفي يقول انه من خلال نظرته فنيه فالامر عادي فلن يؤثر ذلك على الفريق فالمده كافيه لتجهيز الفريق !! وهذه هي نظره مدرب فريق الخطوط السعوديه ... فكما هو معلوم ان الهريفي هو مدرب فريق كره القدم في الخطوط السعودي !! وانا اقول لو كنت مكان الملحم لنقلتك الى وظيفه حمالي شنط في المطار !! فارق كبير بين الهريفي وبين كل الموجودين في البرنامج !! لا من حيث الثقافه ولا من حيث الاسلوب ولا من حيث الفكر !! الهريفي يقول انه يعرف لاعبين في النصر يدخنون بين الشوطين !! والدغيثر رد عليه / قال يمكن هذا صار في وقتكم اما الان فمستحيل يصير هذا الشيئ !! الله يرحم عبدالرحمن بن سعود ... ماعرف قدرك الا هو وعشان كذا طردك من النادي !! سؤال لمدير القناه الاستاذ عادل عصام الدين : على اي اساس تم جلب الهريفي للاستديو التحليلي ؟ هل نسينا تشكيكه في قائد منتخب ياسر القحطاني عندما خرج مصاب في مباراة اوزبكستان في طشقنط والتى خسرها المنتخب بثلاثيه نظيفه . عنما خرج ياسر مصاب في الشوط الاول فقال الهريفي ان ياسر ادعاء الاصابه ليكون جاهز في مباراه الهلال والنصر !!! هل نسينا هجومه المسعور على المنتخب في كل مباراه يخسرها ويختفي في حاله تحقيق الانتصارات !! الله اكبر يالهريفي !! قبل كم شهر كنت تحلل المباريات من ملحق البلطان والان تحلل في القناه السعوديه !! اخيرا في استديو البرنامج كان هناك [ ذباب ] واضح يدور على رأس الهريفي !!! وعندها عرفت ان فكره معفن !!! |
شـكرا لك ، و شـكرا لابو فيصل على رده و إسكاته له ، و الشرهة ليست عليه .. بل على من استضافه ..! |
صراحه واتمنى من كل واحد عاقل يقراء اللي ابي اكتبه الهريفي كما قلت يا عزيزي ماحنا ضده .. وليس اكبر همنا الهريفي لانه مايعني اي شي فـ الوقت الحالي .. شخص يحب الكلام الفارغ ويحب{ يجلب حوله المتعصبين وصغار السن باسلوبه وبطريقة تفكيره العقيمه ,, فكل عاقل اتمنى منه مايهتم للهريفي .. يعني اذا تبي تاخذ كلام .. اخذه من ماجد عبد الله صح انه شوية ميول لناديه بس عادي هذي ميول ..مثل ما كل لاعب له ميوله وخذ من محيسن ,, ويوسف خميس ,, وسعد ,,ولا يهون باقي المحترمين..ناس تحترم منافسها وناس تتكلم بالمنطق .. اوما اللي يخرج عن المآلوف للفت الانتباهـ هذا اللي تجاهله عشان مايحصل مبتغاهـ صحيح ان فهد الهريفي نجم فـ الملعب بس ماودك يتكلم .. لانه بكذا قاعد يسئ لنفسه ومايمثل نادي النصر بطرحه الفاشل والغريب |
اخيرا في استديو البرنامج كان هناك [ ذباب ] واضح يدور على رأس الهريفي !!! وعندها عرفت ان فكره غير جيد !!! هههههههههههههههههههههههههه |
إنســـــــــــــــــــــــــــــــان مــــــــــــــــــــريض نفـــــــــــــسي |
الهريفي عقله فارغ انسااان حاقد حتى على بعض لاعبي ناديه اذا مؤوسس النصر طرده من النادي فلا نستغرب منه اي شي...!!!! ابو فيصل والبطي وابو ثنين حجروا له وسكتوه وهذي عادة الهلاليين اذا اجتمعوا مع نصراويين لان الهلاليين يستندون الى المنطق والعقل والنصراويين الى العاطفة الحقد..!! مرضى وليس على المريض حرج...!! |
إقتباس:
هههههههههه كلمه تختصر كل الي قبلها |
الهريفي يتكلم وعلى باله إنه افضل محلل بالشرق الاوسط .. ومايدري ان فكره خالي ولاعنده نظره تحليليه ..كل آراءه تأتي من حقد وكراهيه للهلال ولاعبيه وبعض لاعبي واداريي النصر .. هذا هو أسلوبه من عرفته ... يعني لاتشرهون عليه .. |
إقتباس:
وانا اتمنى من كل واحد نصراوي اذا يحب يكتب في منتدى الزعيم انه يكون عقلاني بطرحه ويحترم الجميع اجل تنصحنا ناخذ الكلام السنع من ماجد وسعد ؟ ماجد اللي ناقصه وهو يحلل يجيب علم للنصر تبينا نسمع له..؟ هزلت والله |
ياعزيزي المحايد ردك عجيب إقتباس:
مثل ما سامي انتقد اخلااق سعد .. بشكل جميل فرحب به العقلاء النصراويين واي نصراوي ينتقد شي بالهلال بشكل جميل فمرحبا به مثل ماتكلم ماجد مره عن اخلاق الفريدي وانه ياليت يضبط اعصابه شوي .. وكان كلام جميل وكان ناصح فيه للفريدي .. يعني لا يكون التعصب اعمآك وانا اتكلم مع الناس اللي تفهم واذا انت مافهمتني ترى ماراح اضطر اشرح لك اي شي اكتبه وبالنسبه للكلام اللي قلته عن ماجد صح انه فيه تعصب ووده يفوز فريقه .. وهذا من حقه اذا هو يتكلم عن حاله فريقه للمباره الا اذا تعدى ع الفريق الثاني وقلل من نجاحه |
الهريفي يقول الي يقولة.. بسلامتة.. يعني اذا قال شي بيأثر ع الكيان الهلالي ..!! طبعــاٌ لا.. |
صدقت والله لكن يبطي لا هو ولا عشره من اشكاله يأثرون على زعيمنا لهم البربرهـ والكلام اللي على غير سنع ولزعيمنا النتائج اللي ترفع ضغطهمـ.. |
إقتباس:
ادعوا لهذا الخريفي بالشفاء فهو بالتأكيد مريض |
يسلموووووووووووو خيووووووووووووووووو مااتركت لنااا شي الهريفي الله يكرمكم يحس بالنقص ويبغى يعووض النقص بشتمه الداائم للهلال |
إقتباس:
مع احترامي لك واضح انك نصراوي والدليل التركيز والدفاع عن ماجد عبدالله واللي يبي يعرف النصراوي مايعرفه بالدفاع عن الهريفي لانه مكروه ولا عن اي لاعب نصراوي بل يعرفه عن طريق دفاعه عن اكبر متعصب ولاعب اعطي اكبر من حجمه هاجد عبدالله |
| الوقت المعتمد في المنتدى بتوقيت جرينتش +3.
الوقت الان » 10:53 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd