وعليكم السلام ورحمة الله وبركاته

هلا أخوي ازرق+ابيض=عشق الهلال

إقتباس وعلى فكرره ترا محسوبكم محمل الماده لانه متهاوش مع الدكتور والسبب اني ناقشته بمسأله وطلعت انا الصح وهو الخطأ وبعدها حقد ورسبني والمكله باقي على النجاح درجه يعني..........؟

شر البلية ما يضحك
بعض الدكاترة مغرورين للأسف
كان عندي مدرس رسم هندسي في أحد الدروس شفته غلط في الرسم قمت علمته الصح
لكن الحبيب مصمم على رايه
وأنا أدري إن هو مقتنع بخطأه لكنه يكابر
وتناقشت معاه حول الخمس دقايق وما فيه فايدة
المهم سكت عنه
ويوم جا الإختبار النهائي حليت مضبوط وأول ما خلصت الرسم سلمت الورقه
وأنا طالع ناداني قالي شوف هنا ويوريني خطأ في الرسم بابتسامة على وجهة
مع العلم إني أنا الوحيد إللي ناداه وعلمه الأخطاء باقي الطلاب ما قالهم شي
والله حسيته يتشمت فيني

وفيه قصص عن الدكاترة سمعت عنها من مدرسيني
واحد من المدرسين يقول كان عندهم دكتور منحرف جيبله صور ينجحك
ودكتور يحط الدرجات من راسه بدون ما يصحح الأوراق تلاقي إللي حل زين ياخذ درجة شينة وإللي ما حل ياخذ درجة عالية

دكاترة الجامعات في كل مكان في العالم غريبين


يعطيك العافية ورده

هلا والله || والله انت اللي لك وحشة

أخبارك وشلونك

---

اما المصارية لو تهديه قلم رصاص ابو ريال ينجحك

طفراانين ياولد | حتى اذا جاء يصحح يقول من معه قلم احمر وهو معه أصلا

الله يعينهم الغربة شينه هع هع |

إقتباس ودكتور يحط الدرجات من راسه بدون ما يصحح الأوراق تلاقي إللي حل زين ياخذ درجة شينة وإللي ما حل ياخذ درجة عالية

يؤ يؤ يؤ والله الكلام ذا سامعه انا , يحط الدرجات ع حسب الاسم

يعني يجيك طالب اسمه | فياض يعطيه درجه كاملة

يجيك واحد أسمة مطلق يجيب فية العيد وهكذا

فمان الله ولاتقاطع يبو

صحيح بعضهم بدون ذمة لكن الطالب يقدر يتفادى هالشي معهم
كثير منهم يرضيهم الحضور الذهني و التفاعل بالمحاضرات حتى لو مو فاهم ! و ما يهتمون كثير بتحصيلك ع الورق

إقتباس ودكتور يحط الدرجات من راسه بدون ما يصحح الأوراق تلاقي إللي حل زين ياخذ درجة شينة وإللي ما حل ياخذ درجة عالية

فعلاً تصير , باختبار سلمت الورقة بيضاء بس اسمي و سطرين و الحمد لله عدّيتها

إقتباس الرسالة الأصلية كتبت بواسطة السمسار الهلالــي اما المصارية لو تهديه قلم رصاص ابو ريال ينجحك

ههههههههههههههههههههههههههههههههه

ياحبيلك اقول

يارجال مهازل في مهازل بس خلها على ربك !!


نصيحه مني الدكاتره خلك صنم عنده لان البعض يبزع ويشارك ومن حسن نيه وتصير على راسه

خلك صنم .. اذا سالك ولزم عليك انك تشارك ذيك الساعه فكر انت تشارك ولا لا

الله يوفقك يالغالي .. وعوداً حميداً

ممكن تشبك مصري او اردني عربي بشكل عام ..
أما اذا كان بريطاني ما أعتقد تقدر ,, يعني يعطيك حقك ..
أما من ناحيتي يدرسنا مدرس اردني لغة انجليزيه ..
وربي شرحه ما تفهم شي واختبارنا وجبنـا العيد ..
هذا وش الحل معاه لا شرح و لاغيره ..

تبون نصيحتي يا شباب < تكفى يا أبو النصايح ..
لا تلتفتون ل هالكلام حسن تعاملك مع المدرسين و ذاكر أول بأول وان شاء الله تنجح ..

لنبحث عن الاسباب ..

من المعروف تدني رواتب الاساتذهـ الجامعيين في جامعتنا ..

لكن هذا لا يبرر فعلته

أسأل الله ان يظبط المسائل

إقتباس الرسالة الأصلية كتبت بواسطة بريماكس نصيحه مني الدكاتره خلك صنم عنده لان البعض يبزع ويشارك ومن حسن نيه وتصير على راسه خلك صنم .. اذا سالك ولزم عليك انك تشارك ذيك الساعه فكر انت تشارك ولا لا الله يوفقك يالغالي .. وعوداً حميداً

والله انك صادق


على قولة خويتي سكتم بكتم

نبي نسال شي نسال بعض مانسالهم

قانون جديد يفرضه الدكتور علينا من ناحية طريقة اختباراته او اسئلته وهو قايلنا من قبل شي ثاني احنا على طول سمعنا واطعنا

الله يصبرنا بس

إقتباس الرسالة الأصلية كتبت بواسطة أحلاهم واتحداهم والله انك صادق على قولة خويتي سكتم بكتم نبي نسال شي نسال بعض مانسالهم قانون جديد يفرضه الدكتور علينا من ناحية طريقة اختباراته او اسئلته وهو قايلنا من قبل شي ثاني احنا على طول سمعنا واطعنا الله يصبرنا بس

خخخخخخ اجل سكتم بكتم
سلميلي على خويتس
لقد انه منذو قليل واذا بس انتهي من محاضره الدكتور الموقر بعنف دكتور الرياضيات وكانت في فقره مافهمتها عاد على طول سألت نيوتن الي لمي الا واذا بالدكتور يخزن ويقول وشعندك<<<<الدكتور حاطه براسه

قلتله اسأله سؤال تبع الماده
قال ونا دكتور اسم ووووو الخ (يبربر)+سجل علي ملاحظه+ابشتكي علي باتسر عند العميد

وعليكم السلام ورحمه

اخوي هذا الشي معروف من زمان

عطه هديه سوا له خدمه ابشر بعزك وبالدرجات الهاي

مااقول الا الله يعين

سمعت قصص كثيره عن الجامعه والدكاتره

بقول لكم عن خويي دكتوره وش يسوي
((يقول ان الدكتور لا صحح يا خذ كل الاوراق يجمعهم يعني ويرميهم فوق الي مقلوبه ناجح والي معتدله راسب او العكس))

وخويي الثاني
((انه يجمع الوراق وينادي شغالته (الخدامه) ويعطيه يقوله رسبي الي تبينه ونجحي الي تبينه))

والله ما ادري هذا الي سمعته منهم والله انه ضلم كبير والله ما بيسامحه (ويا كبرها عند الله)

ولك مني تحيه