قـــصيـــدة رائــعــة للكيان الهـــلالي% ((في حب الزعيم)) % - نادي الهلال السعودي - شبكة الزعيم

أحبك ماتكفيني(14) · #1 02/11/2008, 09:12 AM

:

تحية طيبة للجميع وهذه قصيدة مهداه( لمحبين وعشاق الكيان الهلالي ونادي القرن والزعيم الاسيوي ).

******************************************

في حب الزعيم مشت وراه رجال@تعاهدت بالدم والروح لزعيمنا بنفديها
رجال لو وطت الأرض تهتز الجبال@لاجل الزعيم اللي مد يدينه لاياديها
لوعزموا على امر مايزلزلهم زلزال@دام بينهم قايدجيش المسيرة وراعيها
ابو فيصل يالي بذكر اسمه يطيب الفال@وتزدان ربوع الزعامة وتنير اراضيها
ابو فيصل فخر كل الغوالي فخر الاجيال@رمز الكرم والشهامة باسمه ابديها
ابتدى في حب الزعيم بألف موال@واكتب حروف من غلاه وارجع امحيها
واكتبها الف مرة وماتنمحي من البال@لان الزعامة اسطورة مااناسيها
حروفي اعطرها بالمسك وياهودلال@وارصعها بالماس وحبي الي يحليها
ماهي مجرد حروف تنحكي وتنقال@حروفي علوم لابعد أهل الارض اوديها
نعلم الجاهل لاجل يعلم معاه جهال@حتى يعرف ساس الزعامة ورواسيها
وللي مايعرف الزعامة نعلمه بالحال@ونعطيه درس بالعلوم الي مايداريها
أنا هلالي بالدم ومن أعظم الاسلال@ابن الفخر كله زعيم الارض بنواحيها
أنا الي توافق اقوالي خير الافعال@ محد يدري بافعالي مثل ما انا اداريها
كل كلمة بقصيدي لها بعالمي مثقال@ولو كل القصايد قبالها بالميزان ماتعاليها
اسوق الخيل بالليل وأنا لها خيال@يهابني الليث الشديد ودروبي مايواطيها
مافي زعيم بحضرتي ترى كلهم عذال@من قهرهم تنحنيلي القمم يوم اناديها
لا مانشيستر ولا فالنسيا ولاالعذال@كلهم قطاوة باناملي أنا اداريها
أسامي مالها قيمة ولاوزن ولا مثقال@انا بيدي احفر قبرها وبالثرى اواريها
سلو كل البطولات من لها خير حمال@يقلن الزعيم الاسيوي أروع من يجنيها
انا للبطولات والقمم لي وانا لها دلال@ من وراي الكل بالارض وانا ارقى لعواليها
ماعندي تخاذل ولاكسل ولا اهمال@صروح المجد بالعزيمة والعمل ابنيها
اعلى واعتلي فوق وفوق كل التلال@اطالع السما بعيوني وغيري مب قادريناديها
اركب السحب واعاصيري على الكل تنهال@إن مادمرت امم عن وجه الارض تمحيها
شهدلي الكون بالزعامة بدون جدال@وكتبت شمس المجرة قصايد انا الي احليها
من تحدى عرش الزعامة والله اذله إذلال@واحسب حياته لحظه كيف يفكر يعديها
اعلمه لي بغى يجارني إنه مايساوي ريال@حتى يعرف حدوده وعمره مايعديها
ترى ياعالم زعيمنا كل طيب ودلال@لكن فعايله عجيبة تأخذنا وتودينا
من سحره كل الي يحبونه جاهم خبال@وصاروا مجانين بحبه ونسيو قوافينا
دور من هالبشر هيهات تلقى عقال@نستوي مخابيل كل مايحقق أمانينا
حتى دور المخابيل صار عليها إقبال@مرضنا واحد اسمه الزعامة وبلاويها
حبي للزعيم يدفعني اني احمل الاثقال@لاجل حروف الزعامة بيدي اعليها
لاجل اسم يستحق الخير احمل الاحمال@حتى اقدم لعيون الزعامة مايراضيها
روحي دمي عيوني لاجله على الموت تنهال@وين مايسير البطل وراه وراه اوصيها
لان الجميل رده وصعب ويمكن محال@لكن الواجب يحتميني ابد ما اقصر فيها
لاجل الزعيم الي كسر الصعب والمحال@وعلم دروس العزيمة للي مايسويها
لاجل الهلال الي صنع الواقع من الخيال@وشيد مملكة الزعامة وعلا فيها
لو عاداني الكل وصفدوا بيدي الاغلال@اتم على الوعد ووعودي انا ما اخليها
فخري بالزعامة فخر فاق انواع الخيال@لي بكل موطيءقدم اثار اباهيها
اصيح بالعالي انا هلالي مثل ماصاح بلال@وعزتي كلها من الزعامة ومعانيها
محد يقول عني شاعر كذاب ولامحتال@ترى الزعامة عمر ابياتي ماتوفيها
لوتركت للقلم والورق بكل لحظه مجال@يكتبن في حب الهلال وعشاقه أجمل معانيها
لو كانت المراتب تنقاس بروس الاموال@طغت على الوفا بنوك البشر ومصاريها
لكن وفا امتنا قصة بكل العالم تنقال@تضرب اروع صنوف الانتماء ومعانيها
ترى الزعيم الهلالي لوحده معجزة بالحال@والهلال وعشاقه اسطورة الكل يحيها
حبهم بقلبي وردة ريحها عزة واجلال@وغلاهم من كبره معانيه صعب احكيها
ولي معاهم حكاية بكل وقت تنقال@كرامة وعز وشهامة وطيبهم يحليها
من عروس المصايف للهلال ومن جبل الجبال@حفيت الحب حفرت بصخره امانينا
بعد كل ما اودعكم ودموعي لكم تنهال@ارد للزعامة ومن حبي ارجع ارويها
انا قصتي قصة عاشق تعود يقهر العذال@ومايروم احد يخونه اوعزته يوطيها
دام ادري انكم معاي ياخير الرجال@اغمض عيني ودروبي بريحكم امشيها

*********************************************
امل ان تنال اعجابكم .

الوزن هذا وزن جديد انا اخترعته..وهو بحر الشاورما..ههه
امزح معكم..الوزن اكيد مو وزن شاعر متقن..لكنني في البدايات....
واتمنى ان ياتي اليوم الي اكتب فيه قصيدة حقيقيه..ههه
وكالعادة لايثرى الموضوع غير ردودكم الطيبة وأنا جاهز لتلقي النقد الاذع الساخن الحارق المدمر

كل أنواع النقد.

وبالتوفيق للجميع ..

تحياتي ......... ((الطويرقي ))