|
بعد تألق الوباري . . وبعد هاتريك ][ ريان بلال ][ هل سنراهـ في قائمة الأخضر بسم الله الرحمن الرحيم من خلال تصفحي لمواضيع منتدى المنتخب السعودي وقرائتي لبعض من ردود الأعضاء وجدت بعض النقد على استدعاء الحارس الشاب كميل الوباري الحارس اللي يشارك احتياطيا في فريقه ولكن كونه بديل للحارس محمد الخوجلي هذا الامر لم يمنع المدرب الوطني ناصر الجوهر من ضمه للمنتخب الاول ومن خلال مباراة الحزم والنصر اثبت هذا الحارس الشاب انه عند حسن ظن الجوهر وانه يملك امكانيات عالية حتى مع صغر سنه وقلة خبرته خاصة انه تصدى لهجمات خطرة في هذه المباراة التي يشارك فيها اساسيا لأول مرة في الدوري و رغم انه يشارك للوهلة الأولى هذا الموسم الا ان ذلك لم يمنعه من التألق وحماية العرين الاصفر من الهجوم الحزماوي +++ محور آخر +++ ريان بلال اثبت انه مهاجم من طراز الكبار وانه خليفة لماجد عبدالله وها هو يشارك اساسي أيضا ويكسب ثقة المدرب رادان الذي لم يقتنع به كلاعب اساسي في المباريات الماضية لكن رغم ذلك يسجل هاتريك ( 3 اهداف ) في مباراة واحدهـ ورغم عدم تواجد التون صانع العاب الفريق الا اننا نجده يحرز 3 اهداف ويتألق كمهاجم ثاني بجوار سعد الحارثي و هنا نتسآئل . . ؟؟ لاعب بحجم ريان بلال . . لاعب حساسيته للمرمى شديدة جدا ويمتلك جسم مثالي وسرعة بديهة لماذا لا يكون من ضمن قائة الصقور الخضر ؟؟؟ طبعا سيختلف معي البعض فالمنتخب يعج بالنجوم والمهاجمين لكنني ارى ان تواجد ريان بلال ولو احتياطي سيضيف للمنتخب شيء جديد خاصة ان اللاعب صغير في السن ولم يتجاوز 21 من عمرهـ هذي وجهة نظر ليست الا وان كنت نصراوي فهذا لا يمنع ان اضع رأيي هنا ولست كما يظن البعض اقف وقفة عاطفيه للاعب نصراوي من اجل انضمامه للمنتخب الاول انا لا اكتب هذا الموضوع لأنه لاعب نصراوي لكني انظر نظرة فنية للاعب اعجبتني امكانياته وارى تواجده بالمنتخب مطلب يجب اخذ الاعتبار فيه ودمتم بود |
شف الهدف وشلون جاء عليه وبعدها تعال تكلم |
مباراه وحده في الموسم ماتحكم على لاعب وعلى طول يروح للمنتخب !! |
الآ أبسألك .. تدل طريق الدآئري ؟ |
الله يخلف عليك من مباراة وحده تحكم على الاعب وقدام من؟؟؟؟ |
مباره وحده على طول المنتخب اقول ريح بس بلا ريان بلا خرابيط حتى لو طلع المنتخب بيقعد مهب في المدرجات الفندق عند ياسر - مالك << اساسيين احتياط سعد - السلطان << احتياط الاحتياط الشمراني |
طـيـر يا عمي من امامهـ لعب ضد الهلال ولا الاتحاد ولا اقولك ضد ريال مدريد احسن وتحكم على لاعب من اول مباراهـ |
إقتباس:
انا ما حكمت عليه من مباراة وحدهـ لكن من مشاهدتي للاعب في الموسم الماضي خاصه في بطولة الامير فيصل اعجبتني امكانياته وبالعكس ريان بمتلك كل المقومات للانضمام للمنتخب ومافيها شي وكميل الوباري بغض النظر عن الهدف اللي تسبب فيه قدم مباراة رائعة تحياتي للجميع |
يا أخي الغالي صدقني من أول مباراة للمهاجم ريان بلال مع النصر راهنت عليه وقلت لو كان هناك من يسمى خليفة لماجد عبدالله في النصر فهو المهاجم القادم ريان بلال ريان بلال يملك بنية جسمية رائعة وسريع ويملك رجل قوية وتركيزها عالي وتمركزة جيد جداً وأيضاً ليس من اللاعبين الأنانيين فهو بحق مهاجم ممتاز ولكن أعتقد ضمه للمنتخب الأن أعتقد ليس في صالحه فهو يحتاج لوقت أيضاً فريان بلال من وجهة نظري الخاصة أفضل صفقة أتمها النصر خلال الخمس سنوات الماضية ويمكن أكثر من ذلك أما كميل الوباري فهوا جيد ولكن أيضاً يحتاج لمباريات أكثر ليثبت قوته وبالتوفيق لهذين النجمين |
بــ صراحة اللاعب الي يستحق المنتخب من النصر : http://www.alyaum.com/images/11/11961/367874_1.jpg إبراهيم شراحيلي الظهير الايمن وأستغرب وجوده على مقاعد البدلاء لـ المتواضع في الظهير الايمن أحمد البحري والمميز في قلب الدفاع و الحارثي ريان بلال والموينع والوباري من النصر و الغنام وخيرات والصويلح من الهلال و نايف هزازي وسلطان النمري من الاتحاد و أميدو والمحياني واحمد الموسى وماجد الهزاني من الوحدة و عبدالله حيدر من نجران و ماجد المولد وعبدالاله الهوساوي من الرائد و حسن الراهب وتركي الثقفي ومعتز الموسى من الاهلي و فهد ابو جابر و بعض الاسماء الاحتياطيه من المنتخب الاساسي أتمنى ان يشاركوا في كأس الخليج |
اقول الوباري داج وربي دآج حارس طوله اقل من 180 لا تعترف فيه ان شاء الله يرجع لنا مبروك زايد ويحرس العرين بكاس العالم 2006 اخذ مبروك زايد افضل عشر حراس |
اجل على كذا محمد نامي يستاهل المنتخب مو بدع قداما لحززززم لكن لانها ليست مقياس الوباري وظيفته عند الجوهر يجيب كور للحراس :D وريان بلال ممكن يكون كويس بس موب لاعب منتخب ممكن يفيدك بمباراه قويه مع منتخب ند مشكلتنا عاطفييين بقوة اي لاعب من مباراهـ وخلاص نقول انه للمنتخب اجل على كذا كل اسبوع يبيلنا تشكيله |
اقول بس اذا كان ريان زين اجل مين اللي مهوب زين |
اقول متاكد ياخوي انك تتكلم عن ريان بلال والوباري اخاف غطان في الاسماء :d واحد جاين فيه هدف مايدخل بحارس جيبوتي والثاني اهدافه دايم اقرب للصدفه خخخخ(اتمنىوانا اختك تتقبل رايي بصدر رحب ) |
إقتباس:
تحكم على طول الحارس.. كاسياس حارس ريال مدريد.. جوليو سيزار :smilie47: حارس الانتر.. من أفضل الحراس مع العلم انهم قصار.. |
ريان بلال لاعب رائع وسيكون له شأن كبير إن شاء الله النصر لا يريد أن يفعل بريان ما يفعله بأي مهاجم جديد حيث يشبهونه بماجد عبد الله تعلم النصر كثيرا من هذا الدرس نواف بن فيصل وناصر الجوهر يعلمون امكانيات ريان لكن لا يريدون ضمه للمنتخب حتى يعطي أكثر حتى لا يغتر بنفسه بطولة كأس فيصل العام الماضي كان لها نجمان ريان وعبد العزيز الدوسري لماذا ضموا عبد العزيز الدوسري لمعسكر المنتخب وريان لا عند بدء التصفيات ابعدوه عن المنتخب فقط من أجل محاولة تدمير موهبته قد لا ترضى بما أقول ولكنها الحقيقة |
الموضوع يعبر عن راي واجد ان كاتب الموضوع يبحث عن نقاش عقلاني وردود واقعيه لا طفوليه بس للاسف اجد خربشات اطفال وللاسف تستظل بكيان الهلال لاحول الله |
إقتباس:
ليتك قلت بعض الردود لأنه فيه ردود عقلانية ردت هنا فليتك لم تعمم بقولك أجد خربشات أطفال مع احترامنا لكل وجهة نظر مهما كانت وهناك تعقيب على أخر كلمة كتبتها وهي ( لا حول الله ) أنت بقولك هذا تنفي الحول لله فلابد أن تكملها وتقول ( لا حول ولا قوة إلا بالله ) و وفقنا الله واياك وجميع المسلمين لما يُحب ويرضى تقبل تقديري واحترامي لك وللجميع |
ماعاد الا هي صوير وعوير يجون للمنتخب ... ياليتهم يضمونهم ويرجعون لعيبتنا بس |
كميل الوباري حارس عماره مو حارس فريق |
ماودك الجوهر يستدعي ردان يدرب بداله ولا اقول لك يستدعي طلال الرشيد يسوق الباص بالمنتخب ولا اقول لك يستدعي الوليد بن بدر يخليه المتحدث الرسمي بأسم المنتخب ولا اقول لك اسمع العلم خله يستدعي التون ويلبسه شماغ ويخليه يلعب على اساس انه سعودي ولا اقول لك لو يستدعي حقوي يقود الرابطه في المباريات ولا اقول لك يستدعي ماجد عبد الله بعد ما اعتزل ويلعبه اساسي مع الحارثي ولا اقول لك يستدعي مصطفى ادريس بدع في مبارات النصر والنجمه عام 1415 ولا اقول لك وش رايك تقضب الباب لان النصر مافيه لاعب يستحق انه يلعب في المنتخب لو جينا للجد بس المجامله والواسطات تلعب دورها ولو فيه مدرب كان له الحق في اختيار اللاعبين وبدون تدخل من احد كان والله العظيم ما يختار ولا لاعب من النصر |
اجل الوباري في المنتخب اتمنى تعيد المباراة وتشوف كيف يصد الكور ههههههههههه قال الوباري |
والله أن ريان أفضل من صالح بشير ومن الشمراني لاعب صغير في السن ومستوياته رائعه ومهاجم صريح بكل ماتعنيه الكلمه واكيد بيطوره المنتخب وبيجي اليوم اللي بيكون الأعتماد عليه في هذه الخانه يفترض انضمامه والوباري ممتاز ووجوده شي جيـد اشكرك |
الا على فكره ريان بلال ...سعودي:surprised:<<<ترى من جد يتكلم:d |
الوباري لاعب طائرة ولا حارس قدم قمة الظلم انك تشوفه بالمنتخب وهو ما يستحق اولمبي لكن الدنيا ارزاق لكن مانقول الا ( صبرا صبيرا ) اما ريان لاعب بس يبيله وقت |
إقتباس:
:clapping::clapping::clapping::clapping: وبعدين ايش اخبار قسم المنتخب الي حذفوه من منتداهم؟؟؟؟؟؟:d والله حاله:d |
الآ أبسألك .. تدل طريق الدآئري ؟ |
الوباري حارس لم اشاهده لذلك لن احكم عليه بس ريان بلال قناص درجة أولى و قدمه مركزة وقوية على المرمى ،، وضحكني تعبير اختي اللي علقت قبلي وقالت عنه اهدافه زي الصدف ! ضحكت لاننا مو متعودين على اللاعبين اللي يسجلون من انصاف فرص زي ريان بلال لذلك قالت عن اهدافه صدف والحقيقة العكس فهو لاعب قناص وحساس عالمرمى وخطيييير ونحن نفتقر لهذه النوعية من اللاعبين ، يعني مهاجمينا لازم يضيعون 4 فرص محققة عشان يجيب لك قول واحد وهذا استنزاف لطاقة الفريق وارهاق لخط الوسط بينما اللي يجب قولين من ثلاث فرص هذا يا حظ الفريق اللي يلعب له هالمهاجم لانه بيفوزهم وهم مرتاحين ..! اتمنى استدعاء ريان بلال ولكن بعد ان يثبت نفسه بقوة بالنصر يعني لازم يحجز له خانة اساسية بالنصر وهو قادر متى ما اراد حتى على الاطاحة بزميله سعد الحارثي واللعب اساسي بداله ليش لا وهو يسجل كل مباراة يلعبها عكس سعد العالة اللي بالطقاق يسجل وريان اليوم يقولون جايب هاتريك لذلك يجب على رادان من الآن الاعتماد عليه بدل سعد والممثل الكبير الشهراني وسيشكل خط هجوم لوحده ... بعدها يمكن للجوهر ان يطمئن باختياره له ... وسلامي .. |
والله ريان لاعب كبير هداف رائع يستحق المنتخب صراحه احسن من غيره مثل (نايف هزازي) |
اقول سقها انت وموضوعك اللي مثل وجهك انت بس سمعت المعلق النصراوي عبدالله الحربي يقول الكلام ذا وصدقته |
إنت تطالب بالحارس الطبااااااااااااااااااااااخ الوباري والأحق خارج القائمة أحق من الأساسين وهم الدعيع والمسيليم أحسن من مبروك النكبة ووليد الثقيل ومنصور المصاب |
إقتباس:
...قسم باللهــ...ان الوباري حارس متمكن بعدين لاتحكم من الهدف اللي دخل مع احترامي الشديد ما يحكم على الحارس من هدف واحد ولاتنسى اهداف كثير خلصها... بمبارات الحزم... قسم بالله انه تحفة هالحارس من وجهت نظري انه يجي ترتيبه بعد الدعيع و وليد والنجعي... يكون هو الحارس الرابع... هو افضل من مبروك والنتيف وخوجلي والمسيليم...وغيرهم... |
اقول يمدحون صالح بشير .!! والله انه فنان .. بس مظلوم والله .!! |
هو صح لاعب ( يجي منه ) بس ماعتقد يستاهل المنتخب لانه فيه اللي افضل منه بكثير وبالنسبة لمباراة الحزم الله يعافي كاجو ماقصر |
ترى يمكن يضمون الصقور يفتح شوارع |
ريان بلال لاعب ممتاز وتمنيت الهلال يتعاقد معه لاكنه راح للنصر ويبغاله وقت عشان يروح المنتخب لأنه توه راجع من اصابه اما الوباري حارس له مستقبل واتمنى يكون اساسي في النصر عشان يقدر ينظم للمنتخب |
حااااااارس جيييييد لاكن المنتخب لايحتااااااااجه |
إقتباس:
وبعد تقول في كأس فيصل ياشيخ اتق الله من متى كأس فيصل فيه لاعبين كلهم ماهم كبار يعني ماعنده سالفه وحكمت عليه بمباراة الحزم معليش ياعليانو ما اقدر اكبر هذا اللاعب من ما يملك من امكانات وبعد تقوول خليفة ماجد آآآآآآآآآخ ماجد وين وهو وين تقبل مروري ولا تزعل مني كلنا بصوت واحد من يستحق ان يكون بالمنتخب فليفرض نفسه بالمنتخب وليس بناديك مثال نور18 |
إقتباس:
اخوي انا معك وبالعكس ما زعلت منك وردك عسل بس انت تقول ان ريان لاعب نادي فقط و اهدافه من اجتهادات الحارثي والتون طيب اخوي الحين ليه هم حاطين صانعين العاب الا علشان يسلم المهاجم كور والمهاجم بدوره يسجل اهداف وترى مو كل المهاجمين زي بعض انتبه منهم من يسجل منهم من يضيع ومنهم ما عنده ما عند جدتي ويجلي ويضيع مجهودات الفريق ومنهم عنده حساسية شديدة للمرمى ويرفع من خطر الهجمه لنسبة 99% ويسجل اهداف ما تتوقعها وهذا اللي اتكلم عنه وبعدين اللاعب ما اخذ فرصته كاملة مع الفريق الأول واذا انت تعتبر بطولة الأمير فيصل فاشلة ولا تطلع نجوم ؟؟ فأنا اقول كيف جا عبدالعزيز الدوسري وصار نجم ومع المنتخب الاول واذا بتحاسب المهاجم وتقيم امكانياته على انه يستلم الكور من صانع الالعاب باردة مبردة على طبق من ذهب علشان يسجل فأنت غلطان كذا نقول ياسر القحطاني وترا مو هذا تقليل في ياسر اللي اعتبره افضل مهاجم سعودي حاليا ما هو مهاجم لأن كل اهدافه من مجهودات طارق التايب لكن اذا اخذنا باعتبار ان اهداف المهاجمين بمجهود لاعبين الوسط وصانعين اللعب بتضيع الحسابات واذا بتقارن لعب ريان بلال مع النصر . . قبل لا يروح المنتخب فأنت غلطان ايضا سعد الحارثي عمرنا شفناه بدع مع النصر ؟؟؟ بعكس اذا صار مع المنتخب يكون نجم خل نعترف ان نادي النصر ما يطلع نجوووم وان الاعلام يطلعهم فقط وتأكد من كلامي وتذكر ان ريان بيكون نجم الكرة السعودية واذا حنا سميناه خليفة لماجد هو مجرد تسمية لا تودي ولا تجيب ولا يقارن بماجد عبدالله اصلا يعني لو نقول ميسي خليفة مارادونا يبطي . . صحيح والله ميسي ما يملك نص امكانيات مارادونا ايام الثمانينات |
يمـكن اخالفـكم شــوي ولكـن انا اشـوف ريان بلال افضل من الحــارثي والنــمري الاول مغرور والثاني ماقدم مايشفعلــه واللي قاهرني اكــثر ليش الصـويلح ما أنظم للمـنـتــخـب!!!!!!!!!!!!! |
مباراه وحده في الموسم ماتحكم على لاعب وعلى طول يروح للمنتخب !! |
يابن الحالال ياخي لاعبين النصر ما دخلوا عشان يفوز النصر في البطوله الخليجيه الله يامنك والدليل انه ماخذ اغلب لاعبين الاهلي حتى المصابين لاكن النصر مساكين كلهم مصابين إلى الحارس |
اللي ممكن يقضي على لاعب صغير مثل ريان بلال هو تشبيهه بماجد عبدالله وبالنسبة لضم ريان للمنتخب أشوف أن لازم يلعب موسم كامل على الأقل ( مع أنهم ضموا لاعبين ما لعبوا إلا مباريات قليلة ) ريان ممكن أن يكون موهوب ,, ولكن ضمه للمنتخب وهو ما لعب إلا مباراة ممكن يقضي عليه ,, لأن الأنظار ستكون مركزة عليه بحكم أنه جديد ,, ولو أضاع أي فرصة سيتم إبعاده المهاجمين اللي ثبتوا نفسهم في المنتخب أثبتوا نفسهم مع ناديهم قبل المنتخب ولذلك أنا ضد ضم ريان في الوقت الحالي ملاحظة = ربما هناك لاعبين أفضل من بعض الموجودين في المنتخب ولكن ذنبهم أنهم لا يلعبون لأندية كبيرة وصالح بشير خير مثال |
خلاص نقيل الجوهر وتصير المدرب يا كارلوس البرتوا قال ريان وكميل قال |
| الوقت المعتمد في المنتدى بتوقيت جرينتش +3.
الوقت الان » 03:39 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd