28/10/2008, 10:57 PM
|
 | عضو تحرير مجلة الزعيم | | تاريخ التسجيل: 15/05/2008 المكان: وسط الحروف ...
مشاركات: 4,740
| |
|
قصة الوالده مع غنمها ( الله يحفظها و يحفظ والديكم اجمعين ) و الأستفاده منها ,,,,
بسم الله الرحمن الرحيم
أخواني الموضوع مبين من عنوانه
بحكم ان اصلنا بدو فالوالده الله يحفظها و يطول بعمرها كانت هي و اهلها اجدادي
ساكنين في بر يعني بدو يحلون و يرحلون بغنمهم وابلهم و بيوت شعرهم
المهم الوالده قد قصت لي قصه حصلت لها و هي في عمر 8 او 9 سنين
تقول طالت اعماركم انه و هي بهالعمر و في وقت شتا
تقول رحت ابرعى غنمي و تقول اني متعوده اروح ابعد عن اهلي الله تعالى آمني و مأمني
تقول و انا ارعى غنمي و الشمس طالعه و فوقنا شوي إلا يوم اظلم الجو علي
تقول استغربت الجو صحو رفعت راسي بشوف شالسالفه إلا سحابة صغيره
يا دوب مغطيه قرص الشمس تقول ناظرت للسحابه مثل اللي مستصغر الامر
تقول اشرت بأصبعي عليها و قلت ( هه .. هذي ) يعني هذي اللي عتمت الجو كذا
يعني مستصغرتها ( بحكم انها صغيره ما تحسب حساب هالحكي )
المهم تقول و الله ما مداني نزلت راسي إلا و الله يوم البرد كبر قبضة يدي
ضرب فيني انا واغنمي .. اروح منا اروح مناك انهبلت ابتخبى لا يفقع راسي
تقول و الله ما دريت إلا غنمي اندست الواحده في ظهر الثانيه و تليمن على بعض
إلا و الله اجي و اندعس تحت غنمي لين ربي كشفها
و الحمد لله مرت على خير
المهم
هذي سالفة الوالده الله يحفظها و يحفظ لكم والديكم اجمعين
هنا بنلقى فائده اللي هي ( إن الله على كل شيء قدير ) و ( و لا تحقرن صغيرة ً إن الجبال من الحصى )
في ناس الله يصلحهم يستهينون بقدرة الله و يستهينون بصغائر الامور
و يستخفون بها حتى ألاحظ بسوالفنا احنا البنات
كثير تصير هالامور
أنت أو أنت ِ
أيش ممكن تكون ردة فعلك تجاه هالنوعيه من الأشخاص
على فكره تراني احب طبوع البداوه عشان كذا حاطه الصور 
|
الوضع المتطور
