|
قصة الوالده مع غنمها ( الله يحفظها و يحفظ والديكم اجمعين ) و الأستفاده منها ,,,, بسم الله الرحمن الرحيم http://www.al-wed.com/pic-vb/8.gif http://www.mesopotamia4374.com/adad7...n/image002.jpg http://www.alnadawi.com/albums/album11/aik.jpg http://www.alarabiya.net/files/image...1606_46743.jpg أخواني الموضوع مبين من عنوانه بحكم ان اصلنا بدو فالوالده الله يحفظها و يطول بعمرها كانت هي و اهلها اجدادي ساكنين في بر يعني بدو يحلون و يرحلون بغنمهم وابلهم و بيوت شعرهم المهم الوالده قد قصت لي قصه حصلت لها و هي في عمر 8 او 9 سنين تقول طالت اعماركم انه و هي بهالعمر و في وقت شتا تقول رحت ابرعى غنمي و تقول اني متعوده اروح ابعد عن اهلي الله تعالى آمني و مأمني تقول و انا ارعى غنمي و الشمس طالعه و فوقنا شوي إلا يوم اظلم الجو علي تقول استغربت الجو صحو رفعت راسي بشوف شالسالفه إلا سحابة صغيره يا دوب مغطيه قرص الشمس تقول ناظرت للسحابه مثل اللي مستصغر الامر تقول اشرت بأصبعي عليها و قلت ( هه .. هذي ) يعني هذي اللي عتمت الجو كذا يعني مستصغرتها ( بحكم انها صغيره ما تحسب حساب هالحكي ) المهم تقول و الله ما مداني نزلت راسي إلا و الله يوم البرد كبر قبضة يدي ضرب فيني انا واغنمي .. اروح منا اروح مناك انهبلت ابتخبى لا يفقع راسي تقول و الله ما دريت إلا غنمي اندست الواحده في ظهر الثانيه و تليمن على بعض إلا و الله اجي و اندعس تحت غنمي لين ربي كشفها و الحمد لله مرت على خير المهم هذي سالفة الوالده الله يحفظها و يحفظ لكم والديكم اجمعين هنا بنلقى فائده اللي هي ( إن الله على كل شيء قدير ) و ( و لا تحقرن صغيرة ً إن الجبال من الحصى ) في ناس الله يصلحهم يستهينون بقدرة الله و يستهينون بصغائر الامور و يستخفون بها حتى ألاحظ بسوالفنا احنا البنات كثير تصير هالامور أنت أو أنت ِ أيش ممكن تكون ردة فعلك تجاه هالنوعيه من الأشخاص على فكره تراني احب طبوع البداوه عشان كذا حاطه الصور :) |
هلا اختي :) الله يخلي لك اميمتك :smilie47: من ناحيه هالمواقف خصوصا بقدرات الله ماقد صارت لي ولا لاحد اعرفه :d بس اذكر مره كنت مع ولد خالتي بالسياره وقام يتطنز على واحد رقى فوق الرصيف يوم لف ..! :stoned: ويوم جا بيلف بعده رقى الرصيف واقوم افطس ضحك بشكل غير طبيعي :d موقف ماله دخل بس قلته كذا لاني تذكرته :razz: لاهنتي ورده |
زعيم تسلم الله يعطيك العافيه و من ناحية موقف خويك هذي يا كثرها الله يعطيك العافيه و يخلي لك من تحب شرفني مرورك طال عمرك |
..الله يخليلك امك ويرزقها برك .. والله في اشياء كثير بحياتنا نستحقرها لكن بعدين نكتشف اننا غلطانيين..، :yes: وما ادريليه طرت علي سالفه محمد اللي في مسلسل غبار الهجير يوم كانوا مستحقرينه ولا الله ثم هو كان ماتوا من العطش <<<< مالها دخل :d يعيطك العافيه على الموضوع الاكثر من رائع،، s60s تقبل مروري :smilie47:ورده |
الله يحفظ لك امك وامهاتنا ويرزقنا برهم موضوع جميل وفائدته كبيره شكرا لكي من الاعماق ودي |
اهلاً وسهلاً ،، الله يطول بعمر امك ويمتعها بالصحه والعافيه :) بكل صراحه يشدني انتباهي لمثل هذه القصص !! :stoned: خاصه عن البداوه وعن الماضي ويشدني اكثر لما يكون المتكلم هو من عاصر الحدث او ان الناقل هو من سمع عن الذي حصل له مباشره--> فلسفه :razz: بالرغم من قصر القصه الا انه جميله مفيده s60s والمفيد منها الا "نستصغر الاشياء" :stoned: اما عن ردة فعلي صرراحه ماعندي شئ او ماعندي ردة فعل للموقف هذا يعني "عاادي" :) وياليت ماتبخلين علينا تجيبين لنا قصص من الماضي وخاصه لما تكون منقوله مباشره من والدتك :yes: ذكرتين يوم الخميس ابروح اطق خيامي واقعد بالبر :smilie47:s60s بلااااااا مدينه بلا هم :clapping: الله يعطيك العافيه ،، |
سبحان الله قادر على كل شئ .. يعطيك العافية خيتوو ويحفظلك امك ان شاء الله الله يعطيها الصحه .. البقايا .. |
الله يحفظلك امك ويخليها لكـ لاعدمناكـ |
ســبحانهُ علـى كل شيءٍ قـدير . أطـال الله في عُمُرِ والدتـك وأمـدها بالصحة والعافية . |
الله يحفظ لك والدتك ويطول في عمرها ... ذكرتيني بموقف يوم اني بزر قبل حدود 15 سنة :d يوم جاء البرد المشهور على الرياض :smilie47: كنا بالشارع نلعب كورة :d في الحارة اللي جنبنا والا يجي البرد ونهج نجلس في المسجد :d لين خف البرد وصلينا المغرب وطلعنا ندف السيارات المتعطله :d:stoned: شكرا الوفا دين ورده |
الله يحفظ والدتك ويطول بعمرها .. عاد انا تعجبني السوالف القديمه إقتباس:
هذاك اليوم عيشت اهلي في قلق ماراح ينسونه طول العمر .. كنت ألعب كوره العصر في حاره جنب حارتنا أول مانزل البرد اللي يفجع اول مره في حياتي أشوفه .. دخلت أقرب بيت لواحد من خويانا اللي يلعبون معنا الين وقف البرد والمطر طلعنا نتمرطس في هالمويه ودوران في الشوارع ومارجعت البيت الا الساعه 9 أول مره اتأخر واهلي مايدرون ويني في هالأجواء اللي تخوف .. ما أخفيك سر تفقع وجهي ذاك اليوم لين حرمت أطلع من البيت :d |
مشكوره اختي على الموضوع والله يحفظ والديك ووالدينا جميعا بعض الناس يستغصر في اشياء لا يعلم عنها شي ويستهون بخلقه الله عز وجل اذكر قريت قصه بس ماني متاكد من صحتها المهم ان كان في بنت جالسه مع اهلها ومر من جنبها حشره صغيره قالت هذه وش فائدتها الله ليش خلقها وتقولها باستهبال وسخريه وبعدها بفتره مرضت وطلع عندها قرحه في المعده او حاجه زي كذا ولفت مستشفيات كثير قالو مالها حل هذه وجلست فتره طويله تحس بالم وبدون علاج لحد ماسخرها الله على دكتور قالها يبغالك ماء يخرج من الحشره نفسها اللي سخرت منها وبعدها باذن الله تتشافين وبالفعل سوت اللي الدكتور وراح المرض منها باذن الله والتزمت الفتاه واصبحت من الداعيات الى الله اسف على الاطاله بس حبيت اسوي اضافه على قصتك |
| الوقت المعتمد في المنتدى بتوقيت جرينتش +3.
الوقت الان » 04:53 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd