بسم الله على رقبتكم ياشباب - نادي الهلال السعودي - شبكة الزعيم

نجمة الصبـاح · #1 15/05/2002, 03:58 PM

مواقف الترقيم المشكله إللي يعاني منها الشعب العربي في الترقيم

مشكله ولكن كل بلد ولها أسلوبها و من مواقف الترقيم إللي سمعت عنها التاليه :

هذا واحد صديقي أيام المدرسه أخينا بالله شاف وحده مصرقعه

(مرجوجه) ودها تترقم

فالأخ ما ردها وراحلها و حط الرقم في الكيس

إللي هي شايلته لكن .... بس طح الرقم في الكيس شاف إيدها سوده !!

مع إحترامي الشديد طبعا ,, ناظر فيها و هي تضحكله جاقالها هييي

وش بيتس تضحكين تراني أمزح و بس راح البيت البنت ماصدقت خبر كلمته

و فهمته من هي على بالها الولد في كلمته يمزح جا قالها لو سمحتي

تراني واحد متزوج و عندي عيال و مع السلامه توووتوووتوتووووت قفل

في وجهها

.. الموقف صحيح مضحك لكن هذا مهوب أسلوب حرام يحبط البنت و من الممكن يسببلها عقد

هذا اثنين من العيال الله يستر عليهم ذاك اليوم أنواع اللي يبون بنات المهم الأخوان قاعدين يدورون .. وما لقوا شي جوا وراحوا (للعزيزيه )

والله ويلقون ذيك اللي تبيع طراطيع ما صدّقوا خبر جاء واحد ويفك معهها والله ويقعد نص ساعه يلاحقها ويبي يعطيها الرقم بالاخير

أشوا فهمت وراحت بعيد عن أمها اللي باسطه بالطراطيع ويروح ويعطيها الرقم اللطيف في الأمر أنها دقّت بس ما عمره رد عليها .. لووووول

هذا واحد ثاني من العيال صدز ما يدري وش الترقيم المهم يلاحق وحده ويرز لها المعروض .. البنت مسيكينه على نياتها تناظروه تقولوه وش تبي يقولها دقّي الحين ويأشر لها للمعروض البنت مسيكينه أخذت الرقم وتتصل عليه .. يوم رد قال لها أهلييييييييين .. قالت نعم وش تبي ؟ لووووول

.. قال الحين من اللي متصّل على الثاني قالت أنت حاطن رقمك وتقولي إتصلي ... مسيكينه ما طاحت الا بذا عاد

وهذا واحد الله يستر عليه الأخ وسيم و أي بنت تتمنى تخاويه راح

في أحد الأماكن بسيارته إللي سعرها فوق ال200 ألف ريال ووقف جنب

بنات قاعدين يمشو و رز معرضه إلا و البنات فاقعين ضحك عليه قولو

لييييه ؟؟؟ الأخ حطن المعروض بالمقلوب

.. الحمدلله و الشكر

وواحدن ثاني كان معي بالمدرسه وهو خااااااااااام تعرف على وحده عن

طريق النت و تطورت العلاقه لتليفون و حركات المهم قالتله مره إذا

ودك تقابلني في المكان الفلاني و الساعه الفلانيه بشرط قالها إشرطي

و أمرك على عيني و راسي قالتله أبيك تجيني حالق الشنب لأني أقرف

منه

و أخينا ماصدق على أقرب حلااااق و المهم راح للديت لكن طلع

وهمي ... خفت بوه ياحرااام

و على طاري البنات المصايب سمعت عن وحده في المدينه المنوره تخش

بالكلام عادي و تطلب ديت لكن بدل ماتجي ترسل الهيئه

!!! لاحول ولا قوة إلا بالله

في عندنا شباب في الجامعه زهقانين ودهم بأكشن جو وش سوو الأول لبس

عبايه و الثاني سوى نفسه هندي و عاد راحو الخبر يعذبو الشباب

لاااا

و إللي من جد يضحك إنهم إتفقو مع واحد ثالث إنه يصور بكميرة فيديو

وياااااعيني على المواكب إللي صارت الشباب يلاحقونهم مايدرو إنهم مغفلين (ورااااااا)؟

وهذا واحد راح السوق و شافله بنوته حليييو ماخلاها في حالها

غازلها و لكن أخوها طلع معاها و ياريته بس أخو أوووووف مصارع طول

بعرض وكل عضله تقول أنا فالأخ أكل طق غير طبيعي و الشغله وصلت

للشرطه و بس جاأبوه ياريته طقه لأ قاله أحسن تستاهل أكثر من كذا

ياكلب إحراااااج والله إحراج .... وكل ما يسأله أحد إيش صار لعينك

(أصلها أنتفخت من بكس يحبه قلبكم ) يقول لالا هذا واحد شاتها و أنا

ألعب كوره

مره و أنا ماشي في الراشد كانت ماشيه وحده قدامي الأخت أخلاقها في

خشمها .. المشكله إني أبي أعدي و هي محجره علي و هي ماتدري المهم

جا واحد جداوي و حشر نفسه و عداها من اليمين المهم طبعا البنت شكت

في نفسها و طالعت فيه بنظرة حقد لئيمه و قالت وجع !!! ما كملت

كلمتها إلا وهو راد عليها وجع في قلبك ياكلبه !!!

أنا صراحه مامسكت

نفسي من الضحك

و أخس موقف صار لواحد صديقي في الراشد زفت .... كل إللي صار إنه

راح لوحده بإحترام و قالها ممكن تاخذين الرقم ؟؟ و الغجريه إيش سوت

؟؟؟؟ صرخت بأعلى صوت خلت الناس في الدور إللي هم فيه ( الأول) و الثاني و الثالث يطالعو .. خويي تشنج فتره وركض بكل ماأعطاه الله

من قوه لبره المجمع

... و إلى الآن ماأتذكر إنه رقم مره ثانيه و في

النهايه عرفتو ليش أنا ما أداني الراشد ؟؟!!

و أنصح الشباب بترك هذي العاده المذله للواحد و متى يجي اليوم

إللي ترتاح البنت فيه ,,؟؟... صحيح في بنات يستانسون إنهم يترقمو

لكن مو كلهم و إن شاء الله ما أكون زعلت أحد

منقووووووووول

..