!! عندما يحترف الميكانيكي ... مهنة الحلاقه !! - نادي الهلال السعودي - شبكة الزعيم

الهلالي 11 · #1 28/10/2008, 11:38 AM

السلام عليكم ورحمة الله وبركاته

ودي اقول صباح الخير بس المشكله طلاب المدارس ما يجون الا بعد الظهر ويصير وقت صباح الخير خلاص راح وانتهى

<== يبي يعلمكم انه كبير

هالموضوع على الطاير ... بسيط جدا ... فكره سريعه شطفت المخيخ الايمن ... وبناء على وعد قطعته مع احدهم بانزال موضوع ... قلت بس يا ولد نزل هالموضوع وفك عمرك منه ومن نشبته

موضوعي اليوم هو شي رافع ضغطي بصراحه

لي فتره بديت الاحظ الكثير من الاعبين قاصين شعورهم ومسوين لوكات جديده

والمشكله اني اشوف انهم اول كانو احلى بكثير

وفيه البعض منهم ما زال نوعا ما مقبول شكله ... يعني قصته الجديده ملائمة لطبيعة وجهه

طبعا عشان لا احد يدف ويقول وش تبي باشكالهم اهم شي الاخلاق

... اقولهم هي مجرد فضفضه ... اوصلكم فيها انه من خلال هاللي شفته ... فيه ناس صارو حلاقين ... وهم بالاصل سباكين ومن هالطقه

يعني من اليوم ورايح انتبهو وتابعو حلاقينكم

... اختارو الحلاق المناسب

لان دام الظاهره هذي انتشرت باوروبا ... اكيد رح توصلنا

واهم شي تكونو مستانسين وانتو تحلقون ما لها داعي تصير مشاكل ويصير الحلاق يغلط عليك بالتركي هو وخويه وانت ما تدري

بسم الله على طول اترككم مع بعض العينات

( 1 ) ... ليونيل ميسي ... ( 1 )

قبل

شوفو وش حلاته وكل انواع البراءه بوجهه

لكن للاسف انه الظاهر حلاقه سافر وتعامل مع واحد ثاني ... وصدقوني ان الثاني كان يركب اعلانات بالشوارع

نترككم مع اللوك الجديد

مالت على اللي حلق لك والا انت كويس

من شكله واضح انه يلعب ومركز اذنه مع اللي حوله يبي يسمع اذا احد بيذب عليه وعلى شكله

يله مو مشكله اللي بعده

( 2 ) .. كرستيانو ولد رونالدو .. ( 2 )

تحس انه هيبه شوي

ومع الكابتنيه اوف شي خيال

وتحس انه قوي يعني له شخصيه

بس ماش الحلاق التركي حقه رفع السعر وما رضى يدفع له يقوله تلعب على مين ماني مخفه عندك

وراح عناد له للهندي اللي جنبه وشوفو شكله شلون طلع

لا ويبغى يصرف النيو لوك يعني انه مسوي حركه مدري شلون مسوي لفه وحركات

( 3 ) ... سيرجيو راموس ... ( 3 )

كان انيقا

ما زال لديه شيء من اناقته يعني هالاعب ممكن نسلك له شوي انه نوعا ما ما تغير شكله كثير عن اول

مدري هذي صوره له بلوكه الجديد

لا تعليق

( 4 ) ... جوتي ... ( 4 )

هذي صورته ايام الجاهليه

الحين خلاص انه كبر وعقل وام العيال قالت له انت الحين كبرت لازم تسوي شعرك بطريقه تليق مع عمرك خلك راكد شوي

هو سمع هالكلام من هنا وتحمس وشغل السياره وللحلاق

لقاه مسكر وقال ماني راجع وانا متحمس الحين لازم احلق ما لها داعي ارجع لام العيال وانا بنفس شكلي اللي طلعت فيه

وقف عند حلاق اي كلام وليته ما وقف

هذي نتيجة اللي يتهور

( 5 ) ... واين روني ... ( 5 )

هالاعب ما ادري والله ما ودي اعلق عليه واطول الموضوع

لكن الشي الوحيد اللي يشفع له انه من يوم سوى اللوك الجديد وهو مستلج مستويات بنت كلب واهداف بالجمله

لكن اعتقد سبب هالنيو لوك هو ان الحلاق ما معه صرف واقنعه انه يحلق له بالفلوس اللي معه بالماكينة على الصفر ويريح راسه

ارخص يعني

خلاص خلصت

ما حبيت اطول ... وهذولي اللي ببالي حاليا لو فيه احد زياده تكرمو علينا فيه

تجنبا للمشاكل اللي كثرانه هاليومين واللي سببها ان فيه ناس ما يعرفون شلون يعبرون عن مشاعرهم وارائهم تجاه اي موضوع او رد

... حاب اقول هالموضوع للفرفشه والفرفشه فقط

يعني على قولتهم ... ابتسم .. فالماء امانه

الموضوع هذا لي عموله عليه من احد شركات الشامبو

لكن بالاصل هو برعاية :

فيفادول بالاجنحه

... شعارنا خلي الصداع على جنب ... واستمتع بالطيران والتحليق

سي يو

ورده

filippo inzaghi · #2 28/10/2008, 11:46 AM

ههههههههههههه

والله أبداع.. وحلوة فكرة الموضوع,,, وتنسيقة..

وأحلى لوك.. هو لوك ليونيل مسيي ..طبعاٌ سابقـاٌ..

الله شكر لك ع الطرح الرائع

مخاوي الزعامه · #3 28/10/2008, 11:46 AM

واااااااااااااااااااااااااااااو والله نـــــــــايس >> اول مره يرد الثاني

بداية ياهلا والله بالهلالي 11 والله اني احبك انت ومواضيعك يالوح >> خربها

وعندك وحد تنـــــــــــــيه

هذا المايسترو حق المدفعجية فـــــــــــــابري

هذي على ايام الدشـــــــــارة

عاشق الميلانيتو · #4 28/10/2008, 12:24 PM

موضوع رائع جدا وفي نفس الوقت ممتع كل الشكر لك اخوي .

هذا نموذج اخر أتمنى أن ينال اعجابكم :

هذا كاكا باللوك المعروف عنه في ايطاليا وبصراحه شكله هنا رووووعه

هذا عقب ماراح لالمانيا ماعرف يتكلم مع حلاقينهم الا ويشوف ذاك الهندي اللي ياشر كنه حلاقين الحرم

مادرى انه بيحوس ام شعره .

اتمنى انه نال اعجابكم وشكرا .

L E A D E R _ 9 · #5 28/10/2008, 12:33 PM

موضوع حلو ومدري ليه يلعبون باشكالهم والله انهم كويسين وبعدين مايصيرون كويسين

مثلا مورينهو شوف كيف كان

والحين شوف كيف صار زي الاهبل

موضوع حلو تسلم عليه .
عوافي

سليمان اخو منصور · #6 28/10/2008, 12:43 PM

الله يقطع ابو ذي السوليييف هههههههههههههههههههههههههههههههههههههههههههه

El merengue · #7 28/10/2008, 12:46 PM

يعطيك العافيه ع الموضوع الحلو

انا عندي مثالين قاهريني

ما ادري وش يحسونبه اذا حلقوا

الاول هو شنايدر

شف وش حلاته بهالصوره
انيق مثل لعبه

والحين مسكت معه على الصفر

والثاني كانافارو

ياقمالوا ياقمالوا

يخلي المهاجم يخق اذا خش عليه

والحين لاتعليق !!

رونالدو-7 · #8 28/10/2008, 12:47 PM

الهلالي 11

خخخخخخ

الله يـ ع ـطيك الـ ع ـافيه .

على الـفرفشــه.

][دمــتــم بخيـــــر][

مدري.. · #9 28/10/2008, 12:49 PM

أول شي يـعطيك آلعـآفيه يآ أحـسن وآحـد بآلنـآس على الموضوع المنتـآز<<

في نـآس لمى تحلق على آلصفر وتصير روسهم تلمع مع كبوس الملعب يكون شكلهم مقبول نوعا ً مــآ .. ويكون شكله وهو محلق على الصفر احسن من هو مطول شعـره ..

أكيـد عرفتوا مين أقـصد ..

رونــــآلدو .. يآ زينه زينآه وهو يدربي قرعتـه ..

أول مآ إنتقل للميـلآن ضحك عليه بيرلسكوني وقآله لا تقص شعرك أبو الشبآب مآ صـدق على الله كأنه ينتظر أحد يقوله هالشي ..

<< قــسم بآلله بيرلسكوني ملـكـع لكآعـه مو طبيعيه

..

وش تبي أنت وشوشتــكـ ..

أحس جآتوزو ودهـ يذب على شوشته << استريح يآ أنآ

الغرناطي · #10 28/10/2008, 01:12 PM

موضوع جديــد من ناحية الفكرة ..
مشكور عبد الرحمن
لي بااك

--------

باااك << حياااك

الاعب الكبيـــر ( de rossi )

قبل

و

بعد

و أفضـل لاعب مر ع الدنيا ( توتي )

قبل

,

بعد

siv44 · #11 28/10/2008, 01:47 PM

يعطيك العافة اخوي الهلالي

قصم انه حركة

DLPERO2003 · #12 28/10/2008, 11:00 PM

السلام ....... على حسب علمي ..<<<حلووة صح انه بالصيف يطولون شعورهم واذا جاء الشتاء يقصونها عااد ليش مادري

يمكن لانه البرد يخرب الشعر

هذا الكلام على ذمة واحد يدرس باسبانيا ,,,

وشكرا

::totti:: · #13 29/10/2008, 12:06 AM

هههههههههههههههههه

ياخي يا الدحمي انت فله

<-- ذب الميانه هههههه

ياخي نسيت الخال اديبايور خلق الله حسن

مدري منهو الي قاله انت اذا حلقت بتفكك بنات لندن

وحلق وياليته ماحلق ههههه

راسه طلع كنها حبه خال ههههه

الى متسابق جديد وصوره جديده

<- دخل جو هههههه

لويس غارسيا لاعب برشلونه وليفربول واتلتيكو حاليا

والله بالشعر احلى بكثير

وايضا ابو جزيره

كمبياسو

مير الي قلتهم حلقوا وخلوا شوي شعر هذا ماعنده حل وسط

يعطيك الف عافية واسف على الايطالي

تقبل مني خالص الشكر

يوسف الثنيان 15 ... · #14 29/10/2008, 10:18 AM

مشكور على الموضوع الفرفشي

يا الهلالي 11

نسيت ابرا

و بعد كريسبو

تحياتي

ღ MiLaN4eVeR ღ · #15 29/10/2008, 10:55 AM

يعطيك العافية و الله على الموضوع المميز و اللي يبعد عنا روتين المواضيع

المشابهة صراحة فيه بعض اللاعبين خربوا شعورهم بدرجة تدعوا إلا أنك

تسبه و تلعن أبو خامسه مثل " ميسي " الفأر البريء اللي خرب براءته المميزة

بقصة شعره الغبية و يا ليتها تخفيف بسيط لا تخليف مكثف بقوة يعني أنا أشوف أنه أغبى

واحد في موضوعك

و حبيت أضيف لك لاعب محبوب جدا من جماهير المانيو وهو الكابيتانو الرائع " فيرديناند "

قبل

بد

صراحة نظام الأسلاك كان ماشي عليه بقوة و كان مميز فيه و يضيفله هيبة و شخصية

لكن حب التدلخ

خلاه يقطع جميع الأسلاك اللي في راسه فصل الله مخه

وصار شكله اسوء من الماضي و إلا وش رايكم ؟

ورده

ღ دمتم بــــــ خ ــــــير ღ