السلام عليكم ورحمه الله وبركاته

مبروك الثلاث نقاط امام النصر والحزم وان شاء الله الفريق يواصل المسيرة نحو اللقب الصعب

/

هجومنا عقيم ..!!؟


/

نعم هجوم الهلال عقيم تهديفيا حال غياب ياسر وحال حضوره احيانا ، فالعناصر المتواجده في الدكه وفي الكشوفات الهلالية لاتستحق الصبر او حتى تعليق الآمال عليها بان تحمل لواء الهجوم الهلالي في السنين القادمه مع ياسر القحطاني ( المهاجم الغير هداف )
، بتكلم عن كل اللاعبين الموجودين في الهجوم الهلالي


احمد الصويلح / عمره 23 سنه جسمه حليو ، لكن مع كامل الاحترام والتقدير له ليس المهاجم الهداف القادر على اقتناص الفرص السهلة وصنع الفرص الصعبه ، حتى انه لم يعد يقدم ماكان يقدمه من قتالية وتحركات في الملعب ، اللاعب اصيب اصابة قوية اعتقد انها ستؤثر عليه مستقبلا
الهلال ماقصر معاه عالجه وداواه في اكبر المستفشيات في ايطاليا حتى الآن اللاعب لم يقدم مايشفع له ولا اضن انه سيقدم في الفترة القادمه حتى وان سجل هدفين في هذا الموسم فمع احترامي له ماهو احمد الصويلح الي ضهر مع اول مواسم باكيتا وثانيها


محمد العنبر / في نفس عمر الصويلح تقريبا لكن له سنتين بعيد عن اجواء المباريات والسمه التهديفيه التي اكتسبها من بطولتين لكاس الامير فيصل ، بالاضافة لاهمال اللاعب لنفسه في التدريبات وعدم حماسه ورغبته في تطوير نفسه ( وانا متأكد من هالكلام ) اللاعب مافيه ميزات كثيرة سوا الضربات الراسية التي يتقنها زميلة المدافع المرشدي افضل منه ، تحركاته بطئة ومافيه اي ميزة سوا التمركز احيانا واحيان اخرى لا اعلق آمال كبيرة على هذا اللاعب ابدا .


سلطان السعود / هو اصغر من سابقيه ويحتاج لفرصه اكثر حتى نحكم عليه بشكل كامل ، وان كنت لا ارى فيه ميزات او بوادر نجم قادم فالاحتياط والرديف يستحقانه .


ماذا يحتاج الهلال ؟!.

برايي المتواضع فالهلال بحاجه للاعب هداف من طراز اول ، لايهمني ان كان يمتلك مهاراة فردية عاليه فالمهارات والتحركات متوفرة في ياسر بالاضافة لويلهمسون ، الهلال بحاجه للاعب داخل الصندوق ويعرف جيدا طريق المرمى ، اذا ما اغلفنا ان ياسر القحطاني يجيد التحرك خارج منقطه الجزاء بالاضافة لان ياسر يضيع احيانا فرص سهلة وهنا احب ان انوه ان ياسر ليس من نوعية اللاعبين الذين لايشبعون من الاهداف في المباراة الواحده فهدف واحد يكفيه

وجود لاعب هداف سيحل كثيرا من ضاهرة اضاعه الفرص السهلة الكثيرة والتي يوفرها خط الوسط الهلالي للمهاجمين بل ايضا سيريح الهلال امام الفرق الصغيرة والتي يعجز الهلال ان يدك شباكها بالرباعيات والخماسيات في ضل غياب الهداف .


** خيار اللاعب المحلي هو الافضل برايي لان المحترفين الحاليين اتمنى استمرارهم .

** وجود مهاجم هداف سيغني الهلال عن اجتهادات الفريدي الذي كثيرا ماينفرد بالمرمى ويضيع بكل برود

** الكلثم في عودته للهلال سيكون افضل بديل لياسر القحطاني وليس البديل الهداف

** الخراشي بعد ان شاهده الجميع في مباريات الاهلي لاارى له مكان في الكشوفات الهلالية .

** نقدي للاعبين الهلالين في الموضوع لايعني ان ننسف بهم في قوائم التنسيق لكي لا يفهم موضوعي بالشكل الخاطء ، لكن لايضاح ان الهلال بحاجه لمهاجم افضل منهم .

** جلب مهاجم محلي اسهل من جلب ضهير ايمن يابو مساعد


سلام

فيدكس اتفق واختلف معك بس لاعبينا محتاجين وقت وصبر من الجمهور وهم ان شاء الله يرضون طموحك وطموح كل الهلاليين
وتسلم على الموضوع الرائع
اخوك ابو نايف راعي المازدا ههههههههههههههههههههه

هلا والله ابونايف

بصراحه اعتقد كل اللاعبين الحاليين منحوا الفرصه

والهلال حاليا وهالموسم بالذات بحاجه لمهاجم اكثر من اي موسم لاعتبارات عدة

والفرصه صعبه نعطيها لمهاجمين في منافسات حساسه بعد !!

شرفتني يالغالي

هجومنا يحتاج وقت ...

الصويلح راجع من اصابه وكذلك القحطاني

العنبر اوت ولا يهون السعود



السعود وش لاقين فيه

الاهلي توهقوا بالخراشي خخخخخخخخخ الله لا يرجعه للنادي عطوه النصر صدقه

مع احترامي لك لكن أخالفك

إذا كان الصويلح بعيد عن التهديف

توه وراجع من اصابه ومعه ثلاث أهداف حاليآ والهداف معه اربع اهداف

سلطان السعود وسلمان مؤشر اصبر عليهم

العنبر ممكن اجي معك لكن ما اقدر احكم عليه لاني ماعطيته فرصه كامله

ياناس طلبناكم تكفووووووووووووووون لاتحوسون لاعبيننا بتصريحاتكم وربي انهم يدخلون المنتدى

انا اعرف كذا واحد من الآعبين ومنهم نواف والشلهوب كلهم يدخلون

ليش حنا الي نعيق لاعبيننا من التطور كل يوم والثاني نشوف
تصريح بالمنتدى من جماهيرنا ضد الآعبين وبالأخير نشوف ردودهم بالملعب

وأذكرك كل الي تكلمت عليهم وخصوصآ الصويلح وربي ان تصفق له يوم من الايام وتدعي الله بأنه صار هلالي

إقتباس الرسالة الأصلية كتبت بواسطة T U R K I _ 15 هجومنا يحتاج وقت ... الصويلح راجع من اصابه وكذلك القحطاني العنبر اوت ولا يهون السعود السعود وش لاقين فيه الاهلي توهقوا بالخراشي خخخخخخخخخ الله لا يرجعه للنادي عطوه النصر صدقه

وقت وقت وقت
الي يسمعكم يقول توهم مصعدين من درجة الشباب ؟!
وهم لهم اقل شي ثلاث سنوات في الفريق الاول

إقتباس الرسالة الأصلية كتبت بواسطة AL KING KHALED مع احترامي لك لكن أخالفك إذا كان الصويلح بعيد عن التهديف توه وراجع من اصابه ومعه ثلاث أهداف حاليآ والهداف معه اربع اهداف سلطان السعود وسلمان مؤشر اصبر عليهم العنبر ممكن اجي معك لكن ما اقدر احكم عليه لاني ماعطيته فرصه كامله ياناس طلبناكم تكفووووووووووووووون لاتحوسون لاعبيننا بتصريحاتكم وربي انهم يدخلون المنتدى انا اعرف كذا واحد من الآعبين ومنهم نواف والشلهوب كلهم يدخلون ليش حنا الي نعيق لاعبيننا من التطور كل يوم والثاني نشوف تصريح بالمنتدى من جماهيرنا ضد الآعبين وبالأخير نشوف ردودهم بالملعب وأذكرك كل الي تكلمت عليهم وخصوصآ الصويلح وربي ان تصفق له يوم من الايام وتدعي الله بأنه صار هلالي

هل اداء الصويلح قبل موسمين هو نفس ادائه حاليا ؟
وهل الصويلح قادر على دك دفاع الفرق الكبيرة لوحده وقيادة الهجوم الهلالي وصناعه الاهداف بنفسه .!

لا نجلس نرفع فيهم وهم لاعبين عاديين

الصويلح ينفع احتياط لكن ماتقدر تشد فيه الضهر مع احترامي له

اتمنى اكون غلطان

اخوي fedex-20 صحيح لهم اكثر من 3 مواسم في الهلال

بس الصويلح والقحطاني راجعين من اصابه طويله نوعا ما خاصتن الصويلح

والحمد لله انهم يلعبون 90 دقيقه بعد اصبر عليهم شوي ..

انا واتفق معك بان الصويلح مكانه احتياط ... يا كثر ما يضيع

من يوم عرفته وهو يضيع 10 فرص سهله يذكرني باللاعب الهولندي كلويفرت ولاعب البارسا سابقا

ياشين اللي يتابع ردودي

إقتباس ** الكلثم في عودته للهلال سيكون افضل بديل لياسر القحطاني وليس البديل الهداف

شكلك حاط الموضوع هذا عشان هذي النقطه ..

ياخي قل انك تبي الكلثم وخلاص طلعت عيوب الدنيا كلها في اللاعبين الكلثم لو فيه 1% منفعه كانه ما اعارووه للرائد

إقتباس الرجوع من الاصابة صار عذر لكل لاعب مايقدم مستوى اذا ما اكتلمت جاهزيتك لا تلعب وريحنا منك احسن

ترى كلامي المشفر مهب لك واحد يتابع ردودي يحتري زله مني

انا ما اقول عذر بس لازم نصبر ..

اذا كان مصاب لازم تلعبه على شوي شوي ..

اللاعبين اكتملت جاهزيتهم العلاجيه بس لياقييا واللياقه ما ترتفع الا بالمشاركه وحساسيه الكوره واللتحام برضه ما تجي الا بالمشاركه ..

على كلامك اي لاعب مصاب مهب لاعب ابدا ..

بصراحه هجومنا ضعيف بدون ياسر ...

كـــــــــــــــلام سليـــــــــــــــــــم

ياخوي هجومك
ثاني اقوى هجوم بعد الاتحاد .. يعني مو عقيم ولو كان عقيم مافزت بالمباريات السابقه
كلامك سليم بش واحد فقط
أن الهلال محتاج مهاجم صريح من أمثال .. ابو شروان وعماد متعب
فقط
الهلال محتاج زيادة قوة الهجوم

8
8

اتمنى انك قريت موضوعي كامل عشان تعرف القصد

قال ايش قال العنبر والسعود ياليتهم يقدمون بالامن العام ويريحونا منهم وطولهم راح يساعدهم

8
8
ماتوصل للتجريح الشخصي في لاعبيننا