- ابزر ما حدث فـ مباراة الهلال والحزم - بســم الله الرحمـــــــــــن الرحيـــــــــم صبــاح مساء ، الخير [ كلـــــن على وقته ] المهم ، الــف مبرووك فوز الــهــلال ، وان شاء الله من انتصار الى انتصار ، حبيت ابيــن لــكم وش صار بـ الملعب البارح ، لاني حاضر المباراه :d وحبيت ابيــن لكم الموضوع على شـــــكل نقاط . - شريت التــذكره اول ما طلعت من المدرسه على طووول وكاان فيــه زحمــه على التذااكر بس الحمــدلله حصلت التذكره . - جيــت لـ الملعب الساعه الرابعـه عصرا بالضبط ، وكان فيـــه زحمــه الله لا يوريــكم ، - مسكنا سرنا انا وخوياي الي معــي ودخلنا لـ المدرج حوالي الساعه 6 ومن اول ما دخلنا الملعب حضرت رابــطت الهلال الكريمه واغاني طق وفلـــه ، بس والله العظيم شـي اثلــج صدور كل الي فـ المعلب ، لما اذن المغرب الكل ووقف عن الاغاني ، وبــدو الناس يصلوون جماعات فـ نفس المدرجات جماعات جزااهم الله الف خير ، وبعـد الصلاه بـ ربع ساعه ، رجعت الرابــط بـ الاهازيج الجميله ، والجمهور كان متقاعـــل ، ونزل الدعيع والشمري لـ ارضيه الملعــب وسط تصفيــق حار ، الدعيع نزل لـ التمارين قبل اذا العشاء بـ 5 دقايق ، ولما اذن العشاء ، الدعيع يـشير الى المجهور الكريم بـ ايقاف الاغاني والاهـازيج بسـبب الاذان جزاك الله الف خير يا دعيـــع ، وبعـدها نزل الاعبيــن لـ الملعب { التسخين} ، وسط تصفيق حااار جدا من الجماهير وبعد التسخين { وسط صياحات الجماهير الهـلاليــه وتصفيق حاار } ومن اجمل الاهازيج يالله يا ياسر يا يا شلهوب يالله يا ويلي يا يا دعيع وكل لاعب بـ اسمه ، حتى كوزمين بعـد :d وبعدهــا خرج الاعبيـن ثم لبسو ونزلو ، لـ الملعب الساعه { 7.40 } ومعهــم لافته جميله جدا جدا جدا { حقت الشهداء والله نسيت وش مكتوب فيها :upset: } ومـع بدايه المباراه ، وركله جزاء الحزم انفعل الجمهوور الهلالي ، واحسن ما اعجبني فـ الجهمور والرابـطه { ان ما اثر عليهم هدف الحزم } ومازالوو يغنون وينطربوون ، وكان هناك تفاعل شــديد مع كل كوره استلمها { ويلي } واتا الهــدف الهلال وتصفيق حار من الجمهــور وتشـجيع ولا ارووع ، انتهى الشوط الاول وجاء الشوط الثاني والجمهور ما شاء الله الواحد تقول مركب مكينه ديزل { ما احــَد يفصل } :d ما شاء الله عليهم . ولحضه تسجيل ياسر الهــدف فررحه عارمه من الجمهور الكريم ، واحد وراي الله يصلــحه لابس شماغ واعقال وكان جالس يوم ياسر سجل الهدف نقز وطار عقاله :d والجمهور يواصل غنااءه وتصفيــقه حتى انتهت المباراه ، افضــل ما اعجبني فـ المباراه ، ادارت الملعب كل نص ساعه { يذكرون نتيجه المباريات الاخرى } وان شاء اني ما طوولت عليــكم ، وعلـــى دروب الزعـــــــامه نلتــــقي ، |
ماشاء الله تفصيل ممل وانا مثلك كنت في المبارة غايب عن المرسه لعييون الزعيم |
تسلم .. وهذا جمهور القصيم .. :) تحية طيبة |
من شرحك احس اني كنت في الملعب مشكور |
الله يعطيك العافيه وجمهور الهلال خاصه برا الرياض طول المباراه تشجيع |
الله يعطيك العافيه وجمهور الهلال خاصه برا الرياض طول المباراه تشجيع ... |
الوقت المعتمد في المنتدى بتوقيت جرينتش +3.
الوقت الان » 03:37 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd