&& آخر الاخبار عن اسعار الاشتراك بقناة الزعيم &&
 

السلام عليكم ورحمة الله وبركاته

مبروك الفوز على الجار ... وان شاء الله تكون هذي االمباراة هي لكوبري لتحقق بطولة الدوري :d


بخصوص الاشتراك بقناة الزعيم فاخوكم تحمس للاشتراك بعد ما عرف انه المباراة الجايه حصرياً على قناة الزعيم

المهم مريت مكتب الاشتراكات وكانت الصدمة

الاشتراك بــ 450 لمدة ستة اشهر فقط :bigeek:

ومن ضمن شروط الاشتراك ان تشترك بالبوكية الرياضي كامل يعني ادفع 600 ريال للبوكيه كامل و 450 للزعيم :d:d مدري اضحك والا احزن والا وش اسوي ؟؟

انا ما تهمني الفلوس .... اللي يهمني في الموضوع هو الاستغفال ولوي الذراع

السعر المرتفع جدا جدا جدا ... ولو دفعه واحد غيره 10 ما يقدرون

ليه انجبر على الاشتراك بالبوكية الرياضي ؟

اللي كنا نعرفه اول انه قناة الزعيم ما راح تحتكر المبارايات وانما راح تتمير فقط بمعلق خاص وتحليل خاص لكن الحين من اول مباراة بدأ الاحتكار !!

سؤال صغير اتمنى الفراج يجاوب عليه
وش ذنب مثلاً جمهور الحزم يحرم من مشاهدة مباراة فريقة القادمة وهو مشترك بــ art ولكنه ما اشترك بالزعيم ؟؟؟

لآزم الادارة الهلالية تتدخل وتشوف حل

معلومات الاشتراك ما جبتها من راسي ... هذي من الموظف بمكتب الاشتراك

لا تعلييييييييييييق !!!!!!!!

والله اذا فعلا كذا الاشتراك

مايشدون من ريال واحد

الله يخلي المقاهي والملاعب ان شاء الله نحضرها

مايستاهل ادفع ريال واحد على قناة عنصرية عيني عينك نهب بالدراهم


يالبى قلبك يالجزيرة الرياضية

لاتعليــــــــــــــــــــــــق

الفايدة لهم اكثر من الزعيم
لو الـ900ريال مناصفة بين الزعيم وART
كان يمكن أشترك لكن على كذا ماني مشترك

الله يعين نفارق الزعيم مباراة ونشوفه مباراة

ان اشاء الله ما عاد اشوف ولا مبارة اذا كان هذا الاشتراك
الله لا يوفق art
النصابه
الله عليك يا الجزيرة الله عليك

دريم بوكس .

دريم بوكس انا كم مرة اقولكم دريم بوكس ..

والله هذا هو الحل مع العارتي ..

ولنعمل مفارقة بسيطة .

سعر الاشتراك على قولتك .

يعني بالكامل 1050 ريال لمدة 6 شهور .

سعر رسيفر الدريم بوكس مع الاشتراك لمدة 6 شهور 750 ريال . وسعر تجديد الاشتراك 200 ريال .

والدريم بوكس راح يفتح لك أي قناة مشفرة عارتي ، شوتايم ، الجزيرة ،اوربت .



لكن يتوجب عليك DSL سرعة 256 . على الأقل .

الآن انظروا إلى الفرق واحكموا .


وافهم يافهيم .


والله العارتي كسبوا اكبر ذنب بسبب المباريات الآن الكبير والصغير أكثرهم يروحون إلى المقاهي لمشاهدة المباريات .
وأكيد المقهى يمنعونه من الدخول إلا إذا طلب شيشة . يدخلونه .
وأكيد يبي يشوف الشيشة قدامه يقول خلني اجرب وراح يدمن عليها والسبب العارتي .
وانتم تعرفون حركات الشباب ..

صراحه غالي
ارجو من ابولما نقل طلبتنا للارتي لماذ لاتوضع قناة الزعيم في بطاقة لوحدها ولمدة سنه ماذا نريد ببقية القنوات نريد ان نشاهد الزعيم فقط

وااااااااااااااااااالله انك صاااااااااااااااااااااااااااااااااااااااااادق ومشكوووووووووووووووووور

لماذ لاتوضع قناة الزعيم في بطاقة لوحدها ولمدة سنه ماذا نريد ببقية القنوات نريد ان نشاهد الزعيم فقط

زعيم سكا كا تراك فضحة الشغله امس
اوقفو البث من الشركه بطلب من صالح كامل
لاكن بطريقه فنيه رجعته لاتنزل اسم الجهاز
حتى لايتمكنو من ايقافه

مبلغ كبير واستغفال لجمهور الهلال ومصخره صراحه
واكبر دليل شوفوا الجزيره تقدم الدوري الايطالي والاسباني وبطولة امم اوروبا بــ 150 ريال ((((لسنه كاملة )))