نادي الهلال السعودي - شبكة الزعيم - الموقع الرسمي

السلام عليكم ورحمه الله وبركاته

حبيت أجيب لكم قصيده جديده للشاعر نايف القصيري (أبن عمي )

ويهمني ردودكم وأرائكم في هذه القصيده
ولأن أترككم مع هذه القصيده أمل أن تحوز على رضاكم

:::::::::::::::::::::::::::::::::::::::::::::::::::::::::::::::::
دكتور لاتكشف ترى القلب مرضان @@@ لاتحسب انك يوم تكشف تداويه
والمعذره كاني على الطب غلطان @@@ بس البنادم عارف (ن) ويش خافيه
أنا أعرفه قلبي من العشق مليان @@@ والقلب رايح وين ودك تلاقيه
لاتقولي راضي ولا تقول زعلان@@@ وأنته تعرف الحب وتعرف بلاويه
قلبي غدا بالحب والحب سلطان @@@ أمسى على قلبي وشيد مبانيه
من فتنت(ن) مرت على جيب نيسان @@@جيب(ن) جديد(ن)محلي الله مواريه
ثم وقفت مابين سوق (ن) ودكان @@@مع سايق(ن) ماغير تومي علابيه
ونزلت على السوق المسمى على شان @@@ تفتن مشاعر كل من هو مشى فيه
تمشي ومشيتها تقول مشي سكران@@@نوب(ن)تميل خسرهاونوب تثنيه
وأقول في نفسي وانا حيل حيران@@@سبحان منهو بالمحاسن محليه
وقربت منها وقلت يا هيه يافلان @@@أرحم عبادالله ويش اللي تسويه
قالت كذا طبعي عسى ماأنت عشقان @@@ قلت الهوى صوب ولا أخطت مراميه
قالت على مهلك ترى ماأنت كسبان @@@لا تحسب(ن) الحب تقدر تقاويه
وأعرف ترى للحب قصه وعنوان @@@درب(ن) صعيب(ن)يتعب اللي يماشيه
لاتحسبنه هرج ينطق على اللسان @@@نوب(ن) تسولف به ونوب(ن)تخفيه
وأقفيت لاكاسب ولأنيب خسران @@@من خوف لا تكثر علي المشاريه
وأصبحت يادكتور بالقلب بلشان @@@ ماأدري ويش اللي في حياتي مسويه
والا أنت يادكتورمن غير حقران @@@ ماأنته مشافي عبد مالله مشافيه
لكن لي رب(ن)صمد فرد رحمان @@@ يجلى هموم العبد لقام يرجيه
يالله طلبتك تستر السر ليابان @@@